اسرنى صوته الكاتبة سماح ناجى
المحتويات
ايوه معايا بس هاسجلهم ليه وانا اللى بادرسهم للناس ..
زينه پصدمه نعم!!
فى إيه مستغربه ليه
يعنى إنت عايز تقولى إنك إنت الشيخ أبو البراء ..
ايوه أنا إنتى ماتعرفيش ولاإيه
لا ماكنتش اعرف ..
طيب اديكى عرفتى هاه تحبى تاخدى الدرس دلوقتى..
احمد كان شايف زينه وهى بتتكلم مع مدحت وحاسس إنها مرتاحه وحب يديها فرصه تتكلم معاه بس لما شاف ملامحها مستغربه يلا ياعمى ندخلهم اظن إتكلموا مع بعض..
دخلوا كلهم تانى قعدوا معاهم ..
مدحت زينه ماكانتش تعرف إنى اللى بأديهم الدرس فى المسجد ..
كلهم إستغربوا وهنا احمد فهم نظرتها اللى شافها وهو بره ..
احمد إزاى دا منا قولت قدامك إنتى وماما يوم مابلغتكم بطلب الدكتور ..
مدحت وعيلته إستاذنوا ومشيوا وهينتظروا الرد من احمد ..
احمد اخد اخته فى حضنه مرتاحه ياقلبى ..
الحمد لله أنا دلوقتى بس عرفت تفسير الحلم اللى بابا جالى فيه ..
الام حلم إيه دا
زينه حكتلهم الحلم ..
احمد ياحبيبى دايما حاسس بينا ولا لحظه واحده بعد عننا دايما جنبنا وبيطمنا ..
زينه بس انا قلقانه ..
احمد من إيه يابومه
زينه بصتله بشړ يعنى الشيخ دا مش هيبقى عنده كل حاجه حرام وماينفعش وقال الله وقال الرسول..
مامتها والله يابنتى أنا شايفه أمه واخته ناس عاديه ومتفاهمين ومايختلفوش عننا كتير ..
احمد وهو كمان أسلوبه مش متشدد أو دا اللى فهمته من كلامه والشويه اللى قعدتهم معاه ..
زينه إفتكرت إنها كانت سرحانه طب والله ماسمعتك وحدفته بالمخده قام هو كمان حدفها وفضلوا يجروا ورا بعض ومامتهم بصالهم بحب وحاسه بفرحة بنتها اللى باحاول تداريها ..
زينه ماجالهاش نوم فى الليله دى وإفتكرت كلامه وطريقته وقد إيه طلع مش بارد ولا مستفز زى ماكانت فاكره وكمان ربنا طبطب على قلبها لما إحساسها بالذنب إختفى إنها كانت معجبه بصوت الشيخ ودعت ربنا إن لو فعلا فيه الخير لها ربنا يتمم لهم على خير .
وفعلا العيلتين إتجمعوا وأبو مدحت قالهم إن طلباتهم كلها مجابه وماعندهومش مانع لأى حاجه وكمان شقته جاهزه من كله .
مدحت إستاذنهم إنهم يكتبوا الكتاب خلال اسبوع والفرح بعد شهر ..
زينه فى الاول كانت متضايقه من السربعه دى بس لما صفا قالتلها إن دا من حبه فيها وإنه عايزها تكون معاه فى اسرع وقت هديت شويه وإتفهمت موقفه ..
زينه خلاص وقفت شغل وكمان الجيم مابقتش تروح ودا لما مدحت قالها إنه مالوش لازمه وهى فعلا مش محتاجاه وبقت تروح على ميعاد الدرس وترجع تانى ..
جابوا الشبكه واللى زينه إختارتها رقيقه وبسيطه وعجبت كل الموجودين..
جا يوم كتب الكتاب وزينه كانت مخضوضه إيه السرعه دى إتقدملها وجاب عيلته وإتكلموا
متابعة القراءة
