وما الحب غير تضحيات الكاتبة نادي حمدي

يعني أنت عايزة تفهميني إنك عايزاني أنزل دلوقتي وفي الساعة ديه
وإيه يعني
لا مفيهاش حاجة خالص أنا بس هنزل الفجر ادورلك على قنبلة بس مفيهاش كنافة والقشطة تكون كتيرة فيها والمانجا اكتر من كل حاجة.
حاسة إنك مش عاجبك!
هو ده كلام ياحياتي ده أنا هتمرمط عشان حملك ده ووحمك.
وفيها إيه يا أحمد مش ده ابنك معايا هو ابني لوحدي

لا مش لوحدك بس الرحمة أنا عندي شغل الصبح مش معقول كده ياساره.
هو فعلا مش معقول إلي بتعمله ده يا أحمد يعني إيه متجيبش ليا من الأول كل ده!
من قبل ما أعرف أنت عايزة إيه
آه طبعا إحنا بقالنا سنين مع بعض المفروض تكون حافظ أنا عايزة إيه من قبل ما أطلب.
الصبر من عندك يارب أنا خلاص جيبت أخري.
لاقاها بټعيط وهي وشها أحمر وبالذات مناخيرها إلي بتشبه الفراولة.
ليه ياسارة كده أنا عملت حاجة تزعلك
مش عايز تجيب ليا إلي نفسي فيه وبتتعصب علي.
ياحبيبتي الوقت مش سامح بكده طيب نامي وتاني يوم هنجيب كل حاجة عايزاها.
لا أنا عايزة دلوقتي.
اتفضلي اللبسي.
لبسوا وراحوا لمحلات كتير ومفيش ولا محل فاتح إلا محل واحد في وسط البلد ووقتها وقفت سارة بتتنطط من الفرحة وأحمد قلق عليها ففضل يهدي فيها عشان الحمل وغلط عليها الحركة الكتير.
أي حاجة تاني ياحرم أحمد بيه
لا مشكرين ياباشا.
مش عارف أنا اتجوزت ليه
أحمد! هو أنا لو مكنتش في حياتك كنت هتتجوز
آه جينا للنكد والاسئلة الغير منطقية.
قالها بصوت متسمعهوش سارة.
قولت حاجة ياحبيبي
لا ياحبيبتي أنا بس كنت بقول إني مكنتش هتجوز غير لما ألاقيك.
إجابة تاخد 10 من 10 عشان أنت بتفهم ياحبيبي.
الحمدلله نجحنا في الإمتحان.
بتحبني
محبتش حد قدك ياروحي هو أنا ليا مين غيرك يطلع عيني
مفيش غيري.
يبقى خلاص.
وهما ماشين للعربية ويركبوها عشان يروحوا البيت لقى العجلات بتاعه العربية اتكلب شت فضل يض رب برجله في العجل وهو متعصب وسارة واقفة خاي فة من ردة فعله.
ينفع ياهانم
أنا بقول نتمشي للبيت.
عايزاني اتمشي من وسط البلد لاكتوبر ياقادرة
أنا بقول أهرب أنا بقى.
كانت هتمشي بس مسكها أحمد وفضل شايلها وبيمشي بيها وهي ساكته.
إيه القطة اكلت لسانك
مينفعش معاكوا الهدوء والرقة أبدا لازم تطلعوا الشخص الب جح إلي جوايا يعني
قولي ولعلعي يام لسان طويل أطول من برج ايڤل.
أنا بقول إني انكد تسمحلي
لا مش وقته نأجلها لبكرا أنا عايز أنام عندي مأمورية بكرا مهمة وأنت مخلياني بدل ما أنام أفضل الف بيك في نصاص الليالي.
فدايا يامحاميحو.
أنا بقول ارميك في الحجز كام يوم كده عشان تعرفي أن الله حق.
أهون

---

عليك يامحاميحو
لا ياقلب محاميحو هو أنا أقدر!
أيوة كده ناس مبتجيش غير بالعين الحمرا.
وفي وسط كلامهم سمعوا صوت صړيخ وضړب.
إيه الأصوات ديه
مش عارف تعالي نشوف بس متعمليش حركة مت هورة من حركاتك.
هو أنا يطلع مني العي بة
هتقوليلي!
نزلها وفضلوا ماشيين على مكان الصوت لحد ما وصلوا للمكان إلي فيه الص ريخ لقوا واحد بيض رب ست وهي تص رخ ومفيش حد موجود في المكان لأن الوقت متأخر وكل إلي في الشارع عربيات ماشية سريع وبتحاول تدافع عن نفسها بس للأسف مش قادرة تتصرف لوحدها معاه.
أقف مكانك.
قبل ما يكمل الكلمة كانت سارة جريت للشخص ده وبتض رب فيه ولما كان رايح يمد ايده عليها وقف قصاده أحمد ومسك أيده وض ربه برأسه في مناخيره الراجل وقع على الأرض وهو بين الوعي واللاوعي.
هو ده إلي العيبة مش بتطلع منك ماشي ياسارة حسابنا في البيت أنت كويسة يا مدام
آه الحمدلله ربنا يعلي مراتبك انقذتني من المفتري ده.
إيه انقذتني ديه هو أنا مش انقذتك زيه ياست أنت
حط أحمد أيده على بوء سارة عشان تسكت.
أنا آسف يامدام بس هي بتحب تهزر كده دايما.
ولا يهمك ياحضرة.
مين الشخص ده وإيه إلي حصل
ده جوزي وبيض ربني عشان مش عايزة اديله فلوس شغلي عشان يجيب بيها السم الهاري إلي بيتعاطاه.
لازم تعملي فيه محضر وتتطلقي منه ده شخص لا يؤتمن.
مين يابيه إلي يقدر عليه غير ربنا أنا في المصېبة ديه بقالي سنين ومش عارفة أخرج منها.
طلع من جيبه المحفظة وخرج منها الكارت بتاعه واداه للسيدة.
أنا رئيس المباحث تقدري تيجي ليا بكرا في القسم وأنا هتصرف مع الموضوع ده.
ربنا يقومهالك بالسلامة يارب ويسعدك ويرزقكم الخير أنا مش عارفة أقولك إيه ياباشا والله.
متقوليش حاجة بس متسمحيش لنفسك إنها تتظ لم خليك دايما قوية في حقك وإنك متسكتيش على إلي بيحصلك مهما كان مين أو مهما حصل أنت تقدري فخليك فاكرة الكلام ده كويس.
كانت هتوطي على ايده تقبلها بس هو سحب أيده واستغفر ربنا.
لا متعمليش كده لسمح الله هستناك ياست...
عفاف ياباشا.
ياست عفاف.
حاضر ياباشا ماتيجوا اوصلكوا ياباشا
إزاي
بالمكروباص بتاعي ياباشا جيباه بالقسط عشان اشتغل عليه واربي العيال كنت جايباه لجوزي عشان يشتغل عليه بس للأسف هو ولا بتاع شغل ولا حتى راجل كويس فبقيت أنا إلي أشتغل عليه.
ربنا يرزقك ياست ياطيبة حاضر يلا بينا ياسارة.
افتكر وقتها إنه مشالش أيده من على بوءها فشال أيده وهي وشها أحمر من العصبية وفضلت تبص ليه بصة نبيلة عبيد في فيلم المرأة والساطور خاف من نظرتها وبعد خطوتين.
يلا بينا.
ركبوا المكروباص ووصلوا للبيت وأصر أحمد

---

أنها تاخد حق الأجرة للعربية كلها رغم إنهم اتنين بس.
مفيش لزوم ياباشا كفاية إلي عملتوا عشاني.
لا متقوليش كده ده أكل عيشك ربنا يرزقك.
يارب ياباشا.
نزلوا من المكروباص وطالعين البيت.
أحمد حب إنه يضايق سارة.
بس برافو عليها بجد إزاي وسط الظروف ديه كلها بتعمل كده وبتسوق وبتعمل كل ده وبتتحمل ض ربه ليها والإهانة ديه كلها
وإزاي يبقى رئيس المباحث وتتكلب ش عربيته بالسهولة ديه وفي كام دقيقة بس
وزي ما ضايقها ضايقته بس إلي حصل العكس وأحمد ضحك وقالها القانون قانون ويمشي على الكل مش بحب الخيار والفقوس والكلام ده خلينا نتعامل كأن مفيش حاجة اسمها وسايط أو مراكز.
بس الناس كلها بتعمل كده.
يبقى منبقاش زي الناس وخلينا غيرهم!
مقولتش ليا يعني أنت هتاكلني إيه لما نطلع الشقة
ياصبر أيوب! هو كمان عايزة تاكلي بعد القنبلة محدش بيقدر يعملها ديه!
هو أنت بتعد علي الأكل يا أحمد
مقدرش ياعيون أحمد بس لازم ننام عشان الشغل كفاية كده اقعدي وكلي وأنا هنام أنا عشان شغلي.
يبقى خلاص مش عايزة.
صعب عليه إنه تنام جعانة ففضل معاها لحد ما خلصت أكل وقام يلبس عشان شغله.
مش هتنام يا أحمد
نامي أنت وابنك ياختي أنا هروح لشغلي.
أنا بقول كده أحسن بردو.
وصل للقسم ولقى الست عفاف مستنياه قدام المكتب.
عسكري محمود! هو مين إلي قالها تفضل مستنيه قدام الباب كده
والله ياباشا قولتلها تمشي من هنا ومش رضيت وقالت إن حضرتك إلي قولت ليها فسيبتها لأجل سعادتك.
أنا بقول مين إلي خلاها تفضل مستنيه قدام المكتب ليه مدخلتهاش وشربتها حاجة هو ده كرم الضيافة ياعسكري
أنا آسف يافندم.
تعالي ياست عفاف.
دخلت وراه وهي بتدعيله بكل الخير والدعوات الجميلة من كتر فرحتها إنها لقت شخص زيه.
حل ليها المشكلة إلي هي فيها وبدأ إنه يشوف شغله بعد ما ست عفاف مشيت.
اتصلت عليه سارة من البيت فيديو.
إيه يامدام صحيتي فقولت تمارسي مهامك في إنك ترخمي علي في الشغل
أنا بردو كده يامحاميحو
لا ياقلب محاميحو بس الفكرة إني في شغل.
كنت عايزة أسألك عملت إيه مع الست بتاعه امبارح.
حليت ليها المشكلة الحمد لله.
تعرف يا أحمد أنا بحمد ربنا عليك وعلى كل حاجة بتعملها عشاني كل ما بشوف إلي بيحصل هنا وهنا بقول الحمدلله يارب إنك رزقتني بواحد قلبه قلب خساية.
يابتاعه القلب الخساية لو حد سمعها هياكلوني هنا وبالذات المج رمين.
بتكلم بجد أنت رزقي الحلو إلي ربنا ادهولي ربنا يحفظك ليا يارب ياحبيبي ويرزقني بولد شبهك يحبني ويحب مراته زي مانت بتحبني كده وبتخ اف علي.
سارة أنت سخنة ياحبيبتي! من امتى وأنت مسالمة كده
تصدق إن مينفعش معاك العقل والحكمة
عقل وحكمة ياقادرة الإتنين في جملة واحدة أنا بقول اخلع أنا كده عشان الموضوع وسع منك.
مناخدش منك كلمتين جد أبدا
بحبك.
وأنا بحبك أكتر.
لا أنا عايز بعد الكلمة إلي قولتها ديه حلة محشي.
أنا هقفل عشان فيه ناس عندها أحلام وردية مش هتتحقق.
حسبي الله في المفتري.
كمل وصلة الدعاء ديه عقبال ما اروح أكمل نوم ياسيادة رئيس المباحث.
قفلت الفيديو وفضل هو يبص لصورهم مع بعض على الفون ويبتسم وبيقول ياريت لو كان ليا قلبين كنت حبيتك بيهم الإتنين كفاية وجودك معايا في حياتي مخليني أحسن واحد في الدنيا الحياة مشاركة وجميلة لو فيها اتنين بيحبوا بعض والحب بيجي بعد مشاكل ومعافرة ومحاولات كتير وتضحيات أكتر الحب مش كلمة والسلام على قد ما هي أفعال أكتر والافعال ديه مش بتحصل غير من الشخص إلي بيحب بجد من كل قلبه بحبك ياسارة.
وما الحب غير تضحيات تفعل من قبل الطرفين لبعضهما البعض كي ينعمون في حياة مليئة بالحب والكثير من الأمان.
نادية_حمدي.
حواديت_نود.