زوجتى خدامة
سكريبت زوجتي خدامه .....
_خدامة عايزني اتجوز خدامة يابابا!
_يايوسف افهم.. دا وعد وانا لازم انفذه البنت دي لازم تيجي تعيش معانا هنا
_ما تيجي بأي صفة اشبعنا اتجوزها يعني
_اهلها صعايدة..دماغهم قفل ومش هيفهموا كدا وبعدين دي خدمة هتردها ل الدادة خديجة الله يرحمها انك تحمي بنتها من عيلتها ومش معني ان امها كانت خدامة ان هي هتكون خدامة
_يوسف دا هيكون جواز صوري لا حد هيعرف بيه وولا هيطلع بيننا احنا التلاتة هتيجي تعيش هنا لفترة لحد ما اهلها ينسوها وطلقها بعدها وشوف حياتك وهي تشوف حياتها فكر.. مش هتخسر حاجة
_هتعامل معاها زي ما بعامل اي خدامة وولا كأني اعرفها ماشي
واتجوزها.. من غير ما يشوفها حتي حيث تم الامر عن طريق رفيع ابو يوسف اللي كان معاه توكيل من ابنه
بعد كام يوم.. وقفت عربية قدام البيت
_انزلي يانور يابنتي وادخلي جوه هتلاقي سهي في وشك هتعرفك مكانك.. انا مضطر امشي دلوقتي علشان ورايا شغل
_حاضر
دخلت البيت اللي كان بابه مفتوح وهي مستغربة كان كبير وقفت تبص في كل اتجاه ومعرفتش تروح فين
بس مفيش حد بيرد بصت علي اللي بينادي علي سهي الاسم اللي هي كمان عايزاه لقيت حد نازل من علي السلم اللي قدامها
كان يوسف.. اللي نزل وهو بيبص ل اللي قدامه بعيون متفحصة بيشوف بشرتها البيضاء اوي وعيونها الواسعة السودا وشعرها الطويل الاسود اللي يادوب مغطية طرحة مش مربوطة كويس علي راسها اصلا
وقف قدامها_ انتي مين
قال .. الخدامة الجديدة
بصت في الارض ومردتش كان بيبص عليها ومش عارف
_واقفة كدا لية ما تشوفي شغلك!
_بدور علي واحدة اسمها سهي مش لقياها
_هتلاقيها في المطبخ
_فينه
_تعالي معايا
اخدها ل المطبخ_ دا المطبخ
وشاور علي اوضة جنبه_ ودي اوضة الخدم اللي هتنامي فيها
كان مصر يعاملها المعاملة دي لعلها تطلب الطلاق والفرار في اسرع وقت
_حاضر
_يايوسف بية
وكان مصر يعرفها هو مين ويأكدلها علي المعلومة اللي اكيد عرفتها وانه هو فعلا جوزها.. علشان تعرف مقامها عنده كويس
_حاضر يايوسف بية
دخلت
المطبخ لقيت سهي قاعدة بتسمع اغاني وبتغسل الاطباق
_احم.. صباح الخير
_اي دا انتي مين
_انا نور.. الخدامة الجديدة
_خدامة لا انتي...
قالتها بأصرار فسكتت سهي
بدأت تعمل فنجان القهوة
_بتعملي اية
_قهوة ليوسف بية
_يوسف بية
رجعت تكمل اللي بتعمله وهي بتقول_ وياما هشوف العجب في البيت دا هو مش يوسف دا يبقي جوزها حتي مراته هيعاملها برفعة انف
دورت عليه كتير لحد ما لقيته في المكتب.. حطت القهوة قدامه ولسة هتمشي
_في حاجة اسمها اتفضل.. تخبطي قبل ما تدخلي ولا انتي متعرفيش اداب التعامل ولا اية
_اسفة
_انتي متعبة جدا بعدين اي حاجة خاصة بيا تعملها سهي وبس
شرب رشفة من القهوة_ الا القهوة.. اعمليها انتي
_حاضر
ومشيت.. ورجع هو يشرب القهوة بتلذذ غريب
_عجيب.. من زمان مشربتش قهوة بالجمال دا اخدت سر الصنعة من دادة خديجة باين
فات كام يوم ويوسف مش فاضي غير لتطفيش نور وتعصيبها اللي كانت بتستحمل كل اللي بيعمله بسكوت عجيب.. ورغم محاولا رفيع في انه يخلي يوسف يبطل تعامله الصعب دا معاها الا انه مقدرش عليه ويوسف بيتححج ببرود.. مستفز_ مراتي وانا حر
الباب خبط وفتحته ظهر قدامها واحد اول ما شافها صفر_ من امتي بيت يوسف بيدخله حد نضيف كدا!
لفت انتباهه شعرها اللي فالت كالعادة من الطرحة مد ايده_ شعرك دا حقيقي ولا بروكة
لكن قبل ما يمسكه.. ايد يوسف كانت سبقته بصلها_ ادخلي جوه
خاڤت من نظرته ومشيت فورا علي المطبخ
_جاي لية
_دي مقابلة تقابل بيها صاحب عمرك
_احنا مش قولنا هنتقابل برة
_الله.. قولت اجي اعدي عليك والحمدلله اني عديت مين اللي مشيت دي
_ملكش دعوة
_يوسف قول صح مين دي وقولي سكتها.. دا انا صاحبك برضوا
اتعصب_ امشي اطلع برة يامازن دلوقتي بدل ما اتهور
_شكلها تخصك ياجميل
وغمز ليه ومشي
دخل المطبخ..
_سهي اطلعي
طلعت سهي وهي بتبصلهم بتعجب وفضول بالكاد قدرت تتحكم فيه
اللي حصل برة دا ميتكررش تاني
_انا معملتش حاجة
_اياكي تفتحي الباب لحد بعد كدا.. دي مهمة سهي وبس ومتطلعيش لحد غريب سامعة
_حاضر
شعرك اللي فرحانة بيه دا ان مدخلش جوه الطرحة انا هقصولك يانور
_انا بحبه مفرود كدا
وانا مبحبوهش كدا
_ايي بتوجعني
_وهوجعك اكتر لو مسمعتيش كلامي
_انت ملكش
كلام عليا.. انا... ايي
ودنها_ لا ليا وليا فيكي اكتر من الكلام كمان انتي
انا مش مراتك.. انا خدامتك ولا نسيت
_الله! دي القطة طلعلها ضوافر وبقيت بتخربش اهي!
_انا مش ضعيفة زي ما انت فاكر ومش لانك أويني في بيتك ومتجوزني هتكسرني.. انا همشي من البيت دا ودلوقتي حالا كمان
وجت تمشي وقفها بأيديه اللي اتحطت قدامها_ لو فكرتي تعتبي باب البيت دا من غير اذني وموافقتي انا رجلك
_مش هتقدر
قالتها بتحدي..
رفع حاجبه_ دا احنا اتغيرنا خالص بقي فين كلمة اسفة وحاضر
_انا استحملتك علشان الجميل اللي عملته ليا وانك ساعدتني في الوقت الحرج اللي كنت فيه ولولا انك اتجوزتني في الوقت دا كان زماني متجوزة ابن عمي اللي عنده ٤٥ سنة لكن لو هندخل في سكة قلة القيمة فأنا مش هتسحمل اكتر من كدا
_هتعملي اية يعني
قالها بتحدي وسخرية_ هطلق منك وهمشي هشتغل في مكان تاني
_في القاهرة اللي متعرفيش فيها حاجة
_الف مين هيساعدني
_مقابل اية
قالها بعصبية..
بصت الناحية التانية_ مش كل الناس زيك في كتير ولاد حلال
_والله! طيب طلاق مش هطلق وانسي الكلمة دي لانها مش هتحصل غير بمزاجي انتي هنا علشان تعملي اللي انا عايزه وبس من غير اعتراض
_لامتي
_قولتلك لحد ما يجيلي مزاج اغير دا واسمعي.. طول ما في غريب في البيت دا تختفي خالص مش عايز بس المح طيفك لو لمحته مش هرحمك
وسابها ومشي
دمعت عيونها_ مستبد
طلعت صورة لمامتها وبصت فيها_ مش دا يوسف اللي حكتيلي عنه ياماما دا غير الصورة اللي رسمتها ليه دا غير فارس الاحلام اللي كنت بتخيله من كلامك
دخل لاوضته وقف قدام مرايته_ انا مالي متعصب لية ما تتنيل علي عينها تغور ولا تروح ! وبعدين مش دا اللي انا عايزه من الاول اصلا واللي بخططله من اول ما جت!
مش انا اللي عايزاها تطلب الطلاق واخلص منها
ولية اتعصبت من مازن! امم.. اتعصبت علشان هي مراتي.. مينفعش حد واسكت بس هو ميعرفش وانت مش عايز تعرفه بس دا ميعطهوش مبرر برضوا انه .. انا شكلي اټجننت
قالها وهو بيضرب المرايا وبيسيبها ويمشي..
فات كام
يوم.. كان في صالة البيت ومعاه مازن.. اللي عمال يبص يمين وشمال كأنه بيدور علي حد
_في اية يابني سرعتني عامل تلف زي الفرخة الدايخة كدا لية
_هي فين
_هي مين
اللي كان هنا المرة اللي فاتت
وقف
_الله في اية يابني
_اطلع برة
_انا عملت اية بس كل دا علشان خدامة ما انا طول عمري بطفش سهي وولا عمرك اتكلمت.. ولا البت عجباك
وغمز ليه بعنيه.. ضربه تاني_ لو ممشيتش من وشي دلوقتي هطلع روحك
لسة مكملش كلامه لقي مازن عيونه بتطلع قلوب وبيبص في ناحية ما.. بص علي اللي بيبص عليه لقي نور في وشه
اول ما شافت ملامح الڠضب عليه قالت بأرتباك_ انا اسفة لما سمعت صوت خبط فكرت في حاجة اتكسرت
ومشيت فورا
_ما تجوزهاني يايوسف
ودي كانت اخر كلمة يقولها المرحوم
راح المطبخ ملقهاش فيه دخل اوضتها فوقفت وهي بتبصله بزهول
_انا قولت اية
مردتش.. انا قولت اية
_مطلعش طول ما في حد غريب في البيت
_والكلام مبيتسمعش لية
_انا انا
_مش عايز تبرير الكلمة اللي اقولها تتنفذ سامعة
_حاضر
شاور علي ايدها_ مش لابسة دبلة لية
_مش انت اللي مش عايز حد يعرف
_مش عايز حد يعرف انك مراتي بس الكل لازم يعرف انك متجوزة..
_حاضر هبقي البسها من شبكة عمي رفيع
بصلها ل لحظات ومشي
قعدت وهي بټضرب كف علي كف_ !
تاني يوم..
كان نازل الشغل لقاها لابسة لبس خروج وبتجهز علشان تخرج
_انتي رايحة فين
_عندي مشوار مهم لازم اروحه
_مشوار اية! وبعدين انا مش قولت مفيش خروج غير بأذني
اتنهدت_ طيب ممكن اخرج
_اعرف رايحة فين الاول
_هشتري شوية حاجات ل المطبخ و..
سألها بنفاذ صبر_ اية
_هدور علي شغل
_طيب ادخلي اوضتك.. انا هخلي سهي تشتري حاجات المطبخ
_بس..
_قولت ادخلي اوضتك
_والشغل
_انسيه.. طول ما انتي علي ذمتي مصاريفك عليا سامعة
_مينفعش..
_لا ينفع.. اية اللي يمنعه اصلا
بص لساعته_ انا متأخر.. لازم امشي لما اجي ابقي نتكلم براحتنا لكن انسي حكاية الشغل دي
ومشي وسابها
_هتعملي اية
قالتها سهي من وراها اللي بقيت صديقتها وتعرف كل حاجة بتحصل معاها
قالت باصرار_ هروح المقابلة واللي يحصل يحصل.. وبعدين هو هيعرف منين
سهي بقلق_ نور.. يوسف بية لو عرف عيشتك
_ما هو كدا كدا .. انا همشي
ومشيت.. وسهي بتبص
علي مكانها بقلق.. خاصة وهي عارفة قد اية يوسف مبيحبش حد يكسر كلامه
دخلت اوضتها بعد ما رجعت من مقابلة الشغل لقيت يوسف قاعد قدامها علي كرسي وباين من قعدته انه مستنيها من زمان
من جواها لما شافته وشافت الهدوء المبالغ فيه اللي ظاهر عليه
_انا قولت اية
قال جملته انا اسفة كانت فرصة ومينفعش اضيعها
_انتي كسرتي كلامي
_انا مش زيك.. معنديش اي حاجة لو انت طلقتتي دلوقتي او طردتني مش هلاقي مكان يأويني ارجوك افهمني انا معاندتكش وخلاص
_انا قولتلك ان كل مصاريفك عليا
_وانا مفروض اصدقك فجأة تقولي انتي مراتي وفجأة تقولي انتي خدامتي فجأة تعامليني كويس ومرة واحدة تتغير انا مش عارفة اتعامل معاك ازاي
_خروجك من غير اذني مش هيعدي بالساهل
_اعمل اللي تعمله.. معدتش تفرق
_والله!
_يوسف انا تعبانة.. ارجوك قدر
_انا فاهم اللي بيحصلك ومقدر.. بس انا جوزك من حقي كلمتي تمشي عليكي
_حاضر.. هسمع كلامك لحد ما نطلق.. بس اسمحلي اشتغل لو وافقوا عليا
_استني نشوف هيحصل اية وابقي اقرر
وسابها ومشي..
علي العشا..
كان بياكل لوحده.. دخلت هي بالمية_ انا عارفة اني مينفعش اعملك حاجة بس سهي مش فاضية فأنا جبتلك مية
_اقعدي يانور
_ها
_اقعدي.. كلي معايا
_لا انا مش جعانة
_نور.. اقعدي لو سمحتي انا مش بحب اكل لوحدي
_بس..
_خلصي انا جوزك وبقولك اقعدي
قعدت وبدأت تلعب في الاكل بس مكانتش بتاكل
_انا جايبك علشان تلعبي بلاكل كلي وخلصي
_حاضر
بدأوا ياكلوا_ انتي وصلتي ل اية في التعليم ولا متعلمتيش اصلا
_انا خريجة كلية تجارة
_معقول! انا فكرت انك هتشتغلي في محل او حاجة من النوع دا
بصتله بنظرة مريرة_ مكنتش متوقعها دي صح
_احم.. مقصدش
_انا مكنتش هشتغل خدامة وولا كنت هخلي ماما تكمل كنت هبدأ اشتغل في المجال بتاعي وهخلي ماما ترتاح في البيت كفاية عليها كدا.. بس خربط كل خططي فجأة بعد ما كنا ساكنين في القاهرة بقي لازم اسكن في الصعيد وسط العيلة وبعدين لازم اتجوز حد منهم علشان يطمنوا عليا مكنش قدامي حل غير اطلب المساعدة من والدك وهو متأخرش..
كان بيسمع ليها باهتمام..
كملت_ وانت كمان متأخرتش رغم كل اللي بتعمله انا مش شايلة منك.. جاميلك بيغفرلك
بس اعتقد المشكلة دلوقتي اتحلت انا برأيي نطلق وكل واحد يروح لحاله زي ما كنت عايز انت من الاول.. عمي رفيع حكالي علي شروطك
_انا موافق.. بس عندي الاول شرط
_اية هو
_مش هتبقي خدامة من انهاردة و..
_واية
سألته بحدة
_هنتعامل فترة ك اصحاب.. واي حد يشوفنا هنقول اننا قرايب فترة بس.. اعاملك فيها ك يوسف وتعامليني ك نور.. علشان اعتذرك من خلالها عن معاملتي القديمة ليكي بعدها لو عايزة تطلقي.. هطلقك
_وانا موافقة..
فات كام يوم..
التعامل بينهم اتغير خالص بقيوا بيقعدوا سوا مع بعض كتير وبيوصلها الشغل اللي اتوافق عليها فيه كل يوم ويرجع ياخدها منه حواجز كتير اتكسرت من بينهم.. ظهرت شخصية يوسف الطيبة.. الحنينة اللي مامتها كانت بتحكيلها عنه
_تحبي نتغدي برة سوا
_ياريت
اخدها مطعم.. طلبوا اكل وقعدوا يتكلموا سوا
_الله! جو اية الصدفة الحلوة دي!
_ميار.. ازيك عاملة اية
اتضايقت نور بس حاولت متبينش دا
_بقيت كويسة بعد ما شوفتك فينك مختفي يعني بطلت تيجي النادي
_معلش مشغول شوية
_مين القمر دي
بصلها شوية من غير رد.. ونور بتبصله بزعل
قالت_ نور.. قريبته
كمل هو_ ومراتي
_واو انت اتجوزت.. بس حقيقي زوقك حلو اوي هسيبك انا بقي مع المزة دي
وغمزت ليه ومشيت
_لية قولتلها
_مش هخبي تاني انتي مراتي.. وعلي فكرة ما دمت قولت لميار كدا يبقي الخبر اتزاع واتغسل واتنشر في الصحف كمان
_بس انت مكنتش عايز كدا
_لو مكنتش عايز مكنتش قولتلها.. نور انا اسف علي كل اللي حصل انا غلطان وندمان علي كل اللي عملته انا اسف.. وارجوكي اعطي ل جوازنا.. انا اكتشفت اني بحبك.. اعطينا فرصة وصدقيني انا هعوضك
_انا..
_معقول لسة زعلانة مني انا عارف اني ۏجعتك كتير بس اعذريني انا فجاة لقيت نفسي مفروض اتجوز واحدة ولا اعرف عنها حتي اسمها
_انا عذراك.. احم انا كمان بحبك
_اية
_بحبك
_بتحبني.. قالت انها بتحبني ياجدعان
قال الجملة بصوت عالي فالكل انتبه
_يوسف الله!
_يلا
_يلا فين والاكل
_بلا اكل بلا بتاع.. احنا لازم نروح نحجز قاعة الفرح حالا دلوقتي
وعملها احلي فرح.. وقضوا اجمل شهر عسل.. ومعيشها ك اميرة بعد ما كانت مجرد خدامة.. اول ما قدرها وعرف قيمتها.. اتغيرت مكانتها في حياته..
كذلك انتي.. متسمحيش لحد
يعاملك ك خدامة.. يااميرة يابلاش
خلصت
