ذئاب الجبل الجزء الثاني
البهايم والاراضي والغله وكل شي .مفيش حاجه معايتاجرشي فيها .
عزوز .
طيب يا خوي .متنساش اللي اتفقنا عليه من الصبح بدري عاوزك امعاي متنساش اني غريب اهنه .
واللي عيقسمه ربنا هيكون .
يرد عليه .
متقولش اكده يا عزوز ياخوى ماغريب الا الشيطان .
انت واد عمنا ومننا وعلينا .
وان مشالتكش الارض .
نشيلك فوق راسنا .
عزوز .
اهو ده العشم برضو يا واد عمي
الله يرصي عنيك
بالسلامه انت دلقيت .وبكره معادنا .
يرد .
بالسلامه .بالسلامه يا واد عمي .
.
.
المشهد .اسكندريه البدري .
البدري راكب القطر ومسافر لقنا
وبيفكر .
اااااه يادبوووور .
ايه اللي حوصل معاك انت كمان يا واد عمي
ايه اللي بيوحصل فيكي يا هواره
موهجه ومن بعد موهجه ياسين ودلقيت دبور
مكوتيش اكده ياهواره واصل
الله يرحمك يابوي
الله يرحمك ياشيخ بدار .
كوت شايل حمل تقيييل قوى .
حمل معتشلهوش الجبال
وعلوان .علوان ده اللي طلعلنا من تحت الارض .
علي ايامك يابوي مكنشي قادر ياخد امعاك حق ولا باطل
بس كان زى الديب .
عيستني الفرصه ويضرب ضړبته ويقلب علينا هواره .
وبعد موتك يابوي
بخبثه والاعيبه
قدر يبعدني عن طريقه ويتخلص مني ويحكم هو هواره بكيفه .
ومش بعيد كل المصاېب اللي حوصلت واللي هتوحصل دى تكون من تحت راسه
ايوه من تحت راسك يا علوان
بس اني مش عهملك ياعلوان
وعكشفك قدام هواره كلاتها .
راجعلك ياعلوان راجعلك
ويفوق البدري علي صوت جرس المحطه
ويبص البدري علي اليافطه مكتوبه عليها قنا
يقوم البدري ويمسك شنطته وينزل من القطر
ينزل قدام المحطه والعربيات منتظر الزباين قدام المحطه
السواقين يجرو علي البدري .
توصيله يابيه
ويروح البدري لواحد منهم ويطلب منه يوديه المركز المستشفي اللي فيها دبور .
.
.
المشهد اسكندريه .مكتب المقاولات.
.
حاتم قاعد علي المكتب وقدامه صلاح والمعلم حسني .
حاتم
ها يا معلم حسني طبعت دعوات الحفله ويطلع المعلم حسني شنطه فيها الدعوات ويقول
ايوه .اهه يادكتور حاتم
الدعوات كلاتها جاهزة اهه
شوف .طل اكده عليها
ويمسك حاتم الدعوات ويبص فيها ويبتسم .
جميل .تمام تمام .الله ينور عليك يا معلم حسني
ويبص لصلاح
وانت بقي يا باشمهندس صلاح هتوزع الدعوات دى بنفسك
ومتنساش
الدعوات دى هتروح لناس كبيره ومسئؤلين كبار في البلد
صلاح .
يعدل نضارته ونظرة غرور ضاحكه منه .
ايوة ايوة ياحاتم متقلقش
انا بعرف ازاي اتعامل مع الناس الكبيره .سيبهم .سيب الدعوات هنا وانا هتصرف .متقلقش
يبص حاتم لصلاح ويبتسم .
طيب ياسيدي .
ادى الدعوات معاك اهي
ويبص للمعلم حسني
وانت يا معلم حسني .هتخلص الترتيبات والذي منه مع الفندق اللي هيقوم بالحفلة وزى ما اتفقنا .
ماشي يا معلم حسني .
المعلم حسني .
ايوة .ايوة .
متقلقشي يادكتور حاتم .
عاوزك تطمن قوي قوي .
وتحط في بطنك بطيخه صيفى
.
المشهد قنا المستشفي
العربي قاعد قدام غرفة دبور .
البدري بيسال الاستقبال تحت علي الغرفه اللي فيها دبور ويطلع علي السلم
يروح البدري ناحية الغرفه ويلمح من بعيد العربي وهو قاعد
يدخل البدري علي العربي
البدري وهو بيقلع النضاره
السلامو عليكو يا عربي
العربي يبص ويتفاجئ بالبدري وميردش السلام .
العربي .
ايه اللي جابك يابدري .
موش قولنا خلاص تهملنا وملكشي صالح بينا .
البدري .
طب رد سلام ربنا يا عربي .
العربي .
وعليكم السلام ورحمة الله
عاوز ايه يابدري .
البدري .
فيه ايه يا عربي
جاي اطل علي واد عمك دبور
مش دى الاصول برضك
العربي
وانت تعرف الاصول يابدري
البدري
عربي حافظ علي حديتك ياعربي .
انت عارف البدري زين .متخليش العصبيه كلام علوان يعمو عنيك ياعربي
العربي
علوان وصالحه ايه علوان عاد باللي بيناتنا
البدري يقرب من العربي ويقوله .
صالحه يا عربي صالحه
انت خابر زين علوان والاعيبه عاوز الخلق كلها تاكل في بعضها لموصلحته .
انت نسيت اياك اللي كان عيعمله ايام الشيخ بدار الله يرحمه
انت ياعربي اللي مكوتشي عتطيق علوان يجي اليوم وتحط يدك بيده ياعربي .
العربي
كفاياك يابدري .الحديت ده ممنوش عازة بالأذن يابدري .ويمشي العربي من قدام البدري .
ويطلع دكتور من الغرفه اللي فيها دبور
البدري .سلامو عليكو يادكتور
الدكتور .يرد السلام .
ايوة يافندم اتفضل
البدرى .
انا كوت بس عايز اسألك عن الحاله اللي جوة طمني يا دكتور .
الدكتور .وحضرتك مين
البدري .
اني واد عمه يا دكتور
الدكتور
شوف مقدرشي اخبي عليك الحاله كانت خطيره جدا ونسبة نجاته كانت ضعيفه جدا .
كان فاق خلاص بس حصلتله نكسه تاني وعملناله عمليه وربنا يستر .
دعواتك
البدري .
متشكرين يادكتور .متشكربن
ويستأذن الدكتور ويمشي
.
المشهد .الاقصر .علوان
علوان لسه قاعد في الغرفه في الفندق وبيفكر .
قعدتك طولت اهنه ياعلوان .
والخلق اف هواره هيوعو انك مش موجود بيناتهم .
عيقولو ايه عاد
لازم تخلص الليله ياعلوان
مش مليح قعدتك اهنه دى
دبور مينفعشي يعيش اكتر من اكده .
طب كيف كيف عتعملها يا علوان كيف .
ايوة والله ولقيتها ياعلوان
جايلك جايلك يا دبور .
ويقوم علوان ويفتح باب الغرفه ويطلع ويقفله وراه .
والي لقاء في الحلقه القادمه ان شاء الله .
مع تحياتي
