وحيدته الفصل الأول بقلم_نيرة_وائل
مخصماااااك
_ وابعد عني انا مش طايقاك
_ بسم الله انتي بتطلعي منين
_ نفسي تفهموا ان الاغنيه دي عشان ننكد عليكم مش عشان ترقصوا عليها
_ ما هي بصراحة حلوة
_ حلوة!! ... بقا الهيبة دي كلهااا يا دكتور محمد بتغني مخصماك
محمد بت انتى اوعي تقولي قدام حد
طلعت موبايلي و انا ببتسم دا انا هذيع صوت و صورة
محمد لا نورا بقولك ايه اعقلي يا حبيبتي
طلعت اجري و من بعدها عينك ما تشوف الا النور لفينا الجنينة كلها
after 5 minutes
_ يا محماااااااااااااد نزلني من هنا بالله عليك
كان واقف بيضحك و هو ماسك موبايله و بيصورني وانا متشعلقة على الشجرة زي الكوالا بالظبط
بصلي وهو بيبتسم بخبث قولي انا اسفة
_ لا والله
_اه والله
بيستغل الموقف بس انا هتمسكن لحد ما اتمكن برضو
حاولت اتصنع البراءة كدا عشان احاول أثر عليه انا اسفة يا محمد نزلني بقا
بصلي بتفكير وهو بيهز راسه لا لا مش عجباني كمان مرة.. عايزها تطلع من قلبك
بصيت للسما وانا بخبط على قلبي انا مموتش.. انا لسه عايشة
لقيت صوت جاي من تحتي ما هو لو مقومتيش دلوقتي انا اللي ھموت
و لحظة ادراك اني وقعت فوقيه قومت بسرعة و انا وشي بيجيب الوان
_ انت كويس
_انتي بتاكلي ايه حرام عليكي
_قصدك ايه... قصدك انه انا تخينة
_ انت لسه قايل
ضحك و اههههه من ضحكته اللي بتدوب قلبي دي
_انا يبنتي
ربعت ايدي و وقفت قصاده مخصماااااك
ضحك و بدأ يغني هو اصلا صوته جميل
_وابعد عني انا مش طايقاك
وانا لا اراديا لقتني بضحك و برد عليه
_ سيبني مش عايزة ابقى معاك
_ متورينيش وشك تاني
_مخصماااااك
مسكت خرطوم الماية بتاع الزرع و انا برش عليه
فضلت اجري وراه لحد ما غرقته هو يسكت لا طبعا غفلني و اخد الخرطوم و في ثانيه كنت غرقانة انا كمان
_ دا انت الواحد ميعرفش يهزر معاك يا جدع
بعد عني الخرطوم و هو بياخد نفسه و بيضحك
_معاهدة سلام
مسكت جمبي وانا بتنفس بالعافية
_معاهدة سلام
نيرة وائل
_________________________
_ يا محمد انا مش عايزة اشوفه... مش عايزة اشوف مراته ولا بنته
عيطت پقهر و انا بفتكر
ماما و بابا اللي اتطلقوا و كل واحد منهم سابني و راح يعيش حياته و اتجوزوا و انا اللي فضلت عايشة مع جدي وعمي 20 سنة من غيرهم... كل واحد فيهم عاش حياته و نسيوا ان عندهم بنت اصلا
قطع تفكيري محمد وهو بيطبطب على كتفي
_ ممكن تهدي.. انا عارف انك زعلانة من عمي بس لازم تنزلي تسلمي عليه
_ مش عايزة اشوفه لا.. افهموني بقا
قطع كلامنا صوت بابا اللي واقف على الباب
_ مش عايزة تشوفيني يا نورا
بصتله بجمود من غير ما اتكلم لكن دموعي كانت مغرقة وشي
لقيته بيقرب مني و قعد جمبي على الكرسي
محمد قام عشان يسبنا مع بعض لكني مسكت حرف التيشرت بتاعه
وانا بترجاه بعنيا انه ميسبنيش طبطب على ايدي و بصلي بحنية
فهمت من نظرته انه بيقولي مخافش
بعدها مشي و اتبقيت انا وبابا.. بصيت للفراغ و لحظات من الصمت
مقطعهاش غير صوت بابا
_ انا اسف يا نورا
بصتله وانا ببتسم بسخرية
_ اسف... حضرتك اسف على ايه بالظبط.. على اني عيشت طول عمري زي اليتيمة و ابويا
عايش... و لا انك مش بتسأل عليا و لا عشان سامية اللي شرطت عليك تسبني عشان تتجوزك
بص في الارض مكنش عارف يرد اصل هيرد يقول ايه.. مسحت دموعي و حاولت استجمع شجاعتي وقفت و انا بتكلم بهدوء
_لو سمحت معتش تيجي تاني
قام وقف قصادي كان بيعيط انا اول مرة اشوفه كدا حسيت ان قلبي حن و اني عايزة احضنه لكن لفيت وشي الناحية التانيه وانا بتجنب اني ابص ليه
اتكلم بصوت مبحوح
_ انا اسف
نيرة وائل
مقدرتش اقاوم مشاعري و اترميت في حضنه و اڼهارت من العياط
سكتت بعدها بشوية و رجعنا قعدنا هاديين...لقيته بيبص على ساعته بتوتر
_في ايه
مسك ايدي و ابتسم بتوتر ملحوظ
_ انا لازم امشي دلوقتي عندي طيارة
_طيارة... طيارة ايه انت مسافر
هز راسه بمعنى ايوا.. سحبت ايدي بسرعه و اتكلمت پصدمة و انا مش مستوعبة اللي قاله
_ يعني انت جاي تسلم عليا في الخمس دقايق دول... يعني حتى معرفتش تيجي قبلها تقعد معايا كام يوم
_ نورا انا...
_ انت ايه... هتقولي اسف تاني
_ كل حاجه جت فجأة و مكنتش مرتب للسفر...سامية تعبانه و مضطرين نسافر عشان تتعالج هناك
_ لو سمحت امشي
_ اختك هتفضل معاكي هنا
_ اختي .... يعني انت جاى عشان تسيب بنتك عندنا
_ مينفعش تسافر معايا عشان دراستها و مينفعش تقعد لوحدها
كنت في لحظة ادراك انه مجاش يشوفني دا جه عشان يسيب بنته هنا .. دا حتى مأنكرش دا
_ خلي بالك من اختك يا نورا
ابتسمت بكسرة
_ يعني انت مكنتش جاي تسلم عليا
انت كنت جاي عشان بنتك التانيه
اتكلم بعصبية انتى ازاي بتفكري كدا
رديت بصوت عالي انا بكرهك... بكرهك و بكره بنتك و مراتك
سبت الاوضه و طلعت اجري وانا بعيط كنت حاسه إني تايهه مش عارفه انا رايحه فين لقيت رجلي بتوديني على اوضة محمد.... انا اصلا مليش غير محمد
محدش بيحبني غيره هو و جدي...هو الامان بالنسبالي و كل حاجه في دنيتي من يوم ما وعيت على الدنيا و هو جمبي
انا بحبه لا انا بعشقه مش مجرد حب عادي دا
وصلت اوضته ولقيت الباب مفتوح كنت لسه رايحة اجري عليه
و اترمي في حضنه لكن... لكن اتسمرت مكاني
لما لقيت اختي في حضنه...
رأيكم اكمل و لا لأ
وصلت اوضته ولقيت الباب مفتوح كنت لسه رايحة اجري عليه
و اترمي في حضنه لكن اتسمرت مكاني
لما لقيت اختي في حضنه
محستش بنفسي غير و انا بجيبها من شعرها و هي بتصرخ
اتكلمت بعصبية و انا لسه مسكاها
_ انتي بتعملي ايه هنا... سافري مع ابوكي متقعديش هنا امشي
لقيت محمد زقني بعيد عنها لدرجه ان ضهري اتخبط في الدولاب و صړخت بۏجع
لكنه جري يطمن عليها و اتجاهلني لا اتجاهلني ايه دا مكنش شايفني فعلا
لقيته بيبصلي بعصبية و زعقلي
_ ايه اللي انتي عملتيه دا... انتي اټجننتي
بصتله پصدمة و انا بحاول استوعب اللي حصل لكن حتى معطنيش فرصة استوعب و لقيته مسح على وشه بعصبية
_ اطلعي برا يا نورا
صدمتي فيه كانت اكبر بكتير من صدمتي في بابا ساعتها حسيت ان نفسي بيضيق و قلبي وجعني... طلعت اجري من الاوضة كنت بجد تايهه مش مجرد احساس لا.. بس المرة دي مكنتش عارفه اروح لمين.... فضلت اجري لحد ما طلعت برا البيت وقفت في الشارع و انا ببص حواليا
لقيت اني قريبة من المقاپر
بعد فترة كنت نايمه جمب قبر جدي و بعيط
_ وحشتني اوي... انا محتجالك ليه مشيت و سبتني يا جدو
انا ليه الكل بيسبني...عارف محمد النهارده زعقلي و
مد ايده عليا
هربت من الكل و جريت عليه اترمي في حضنه بس لقيت حضنه
مش فاضيلي... لقيت غيري مكاني... رحت ليه هربانة من الأذي
لقيته هو كمان آذاني... كنت زي الطفل اللي بيجري على امه
عشان يعيط في حضنها بس لقاها بتضربه عشان يبطل عياط
انا حسيت اني خسړت اماني النهارده
نيرة وائل
في الاخر نمت من التعب و محستش بنفسي غير و الدنيا ضلمة
كنت خاېفة و مش عارفه هروح ازاي لحد ما سمعت صوت خطوات
بتقرب مني فضلت متسمرة مكاني و غمضت عيوني بړعب
حسيت بنور بيضرب في عيني و صوت محمد وهو بيتكلم بلهفة
_ نورا... انتي كويسة
اول ما لقيته قدامي حسيت روحي رجعتلي تاني و نسيت كل حاجه حصلت جريت عليه و اترميت في حضنه وانا بعيط.. طبطب على ضهري و اتكلم بقلق واضح
_ نورا في ايه.. متقلقنيش عليكي
افتكرت كل اللي حصل و اڼهارت من العياط لكن بدل ما ابعد عنه
فضلت ماسكة فيه اكتر.. لقيته شالني و مشي بيا مكنتش قادرة اجادله و اقوله نزلني.... فضل شايلني لحد ما وصلنا عربيته
قضينا طول الطريق ساكتين
اول ما دخلنا البيت لقيت جنة اختي بتجري عليا و بتحضني وهي بټعيط
_ لو عايزاني اسيب البيت انا همشي والله... لو وجودي مضايقك همشي
بادلتها الحضن و فضلت اعيط طول عمري نفسي يكون ليا اخت
كان نفسي دايما اشوفها و نعيش مع بعض... بس هي دايما
كانت بعيدة... كنت پحقد عليها لأنها اخدت بابا مني
عندها عيلة و انا بابا نسى ان عنده بنت تانيه اصلا
هي اخدت مني بابا و دلوقتي جايه تاخد محمد... محمد!!
زقتها بسرعه و انا بفتكر محمد و سبتها و طلعت اوضتي
اترميت على السرير لحد ما نمت من العياط و التعب
صحيت تاني يوم على صوت جنة وهي بتصحيني و مبتسمة
_ نورا... اصحي يلا عشان نفطر سوا
بصتلها بضيق و رديت ببرود
_ هو انتي مش قولتي هتمشي... ممشتيش ليه
بصتلي بإحراج و الدموع اتجمعت في عيونها
_ لما حضنتيني امبارح افتكرت انك عايزاني
قلبي حن ليها حسيت اني عايزة اتأسفلها
لكن قطع كلامنا دخول محمد وهو بيتكلم بعصبية
_ البيت دا بيتها زي ما هو بيتك عايزاها تمشي تروح فين
استغربت طريقته دي تاني مرة يدافع عنها
تاني مرة يقف في صفها هو بيعمل كدا ليه
رديت عليه ببرود
_ وانت مالك
بصلي بغيظ و وجهه كلامه لجنة
_ ممكن تسيبنا لوحدنا شويه
هزت راسها و مشيت وهو قعد على جمبي على حرف السرير
لقيته مسك ايدي و اتكلم بحنية
_ مالك يا نوري
نيرة وائل
مردتش عليه و لفيت وشي الناحية التانيه لكنه لاحظ الدموع اللي
اتجمعت في عيوني... لقيته فتح دراعه و اتكلم
_ تعالي عيطي هنا... دا مكانك اللي بټعيطي فيه دايما
ساعتها معرفتش امسك نفسي و اتكلمت بعصبية وعياط
_ وهي كانت بتعمل ايه في حضنك... طالما دا مكاني يبقى غيري
كان بيعمل ايه فيه... وليه كل شويه تدافع عنها... انت مديت ايدك
عليا عشانها
بصلي پصدمة ساعتها
_مديت ايدي عليكي امتى
رديت بسخرية
_ انت حتى مش فاكر... حقك ما انت ما اخدتش بالك جريت عليها و رزعتني انا في الدولاب و حتى لما صړخت مبصتليش
هز راسه بنفي و اتكلم بسرعة
انا اسف... انا مأخدتش بالي والله.. نورا انا اسف كانت اتقطعت ايدي قبل ما تتمد عليكي
رديت بسرعة و عفوية
_ بعد الشړ
ضحك و انا ضحكت على ضحكته
_ضحكت يعني قلبها مال و خلاص الفرق ما بينا اتشال
ربعت ايديا و لفيت وشي الناحية التانيه
_ لا يا محمد ... انت امبارح كسرتني انا اول مرة احس اني يتيمة بجد
بدون مقدمات
.. دقات قلبي زادت ساعتها و اتوترت
حاولت ابعد لكنه مسابنيش
_ انا اسف.. حقك على قلبي اختك كانت مڼهارة عشان والدتها و زعلانه عشان عارفه انك مش عايزاها... البنت كانت محتاجه حد يطمنها في النهاية هي الصغيرة يا نورا.. لكن انتي محدش يقدر
ياخد مكانك....انا اسف اني اتعصبت و اسف اني مديت ايدي عليكي
متزعليش مني يا نوري... أدي جنة فرصة و قربوا من بعض هي طيبه
وبتحبك و انتي كمان بتحبيها بس بتكابري... حقك عليا كمان مرة
عيطت ساعتها و مسكت فيه زي الاطفال
فضل يطبطب عليا لحد ما هديت
_ يلا جهزي نفسك عشان ننزل نفطر في الجنينة
هزيت راسي بإيجاب طبطب ع كتفي و نزل لمستوايا
_حاولي تتقبلي اختك هي ملهاش ذنب في حاجه
خرج من الاوضة و انا فضلت بفكر في كلامه هو عنده حق جنة ملهاش ذنب في كل دا
قومت اخدت شاور و لبست و قررت انزل افطر معاهم
و اعمل زي ما محمد قالي ادي جنة فرصة
خرجت من اوضتي عشان انزل لمحت اوضة جنة
اللي كان بابها موارب
عيني و قعت على صورة كبيرة متعلقة على الحيطة ليها هي وبابا
مشيت ناحية الاوضة بخطوات بطيئة و فتحت الباب
لقيت صور ليها هي و بابا في كل حتة
كانت صور من اول ما اتولدت لحد سنها دلوقتي
وكلهم بابا معاهم فيها و كمان سامية كانت عايشة سعيدة
كان عندها عيلة... كان معاها ابويا!!
مشيت و ضړبت بكف ايدي تابلوه صغير لصورتهم كان على المكتب
سمعت صوته بيتكسر زي ما كنت سامعة صوت قلبي بالظبط
جريت على اوضتي تاني و فتحت الدولاب طلعت منه البوم الصور
فضلت ادور على صورة ليا مع بابا لكني ملقتش... مفيش ليا معاه اي صورة.. حسيت ساعتها بالنقص و الحرمان مشاعر كتير
كانت جوايا كنت عايزة اصړخ بعلو صوتي لكن مقدرتش
نفسي كان بيضيق طلعت في البلكونة عشان اقف في الهوا
لقيت جنة و محمد قاعدين بيفطروا و بيهزروا
صوت ضحكهم كان واصلي فوق حسيت بڼار قلبي بتزيد
جنة هتاخد مني كل حاجه
دخلت اوضتها وانا حرفيا مش شايفة قدامي كنت اول مره في حياتي
اكون عصبية بالشكل دا
فتحت البلكونة كانوا لسه قاعدين في الجنينة
مسكت الصور كلها حدفتها منها لقيتها بتصرخ تحت
و كلهم ابتدوا يزعقوا ليا لكني مهتمتش و فضلت ارمي كل حاجتها
لحد ما لقيت حد حضڼي من ضهري و كتفني بإيده مبقتش عارفه اتحرك.. عرفت انه محمد فضلت اصړخ و حاولت ابعد لكن معرفتش
معرفش فضلنا على الحال دا قد ايه لأني مكنتش حاسه بحاجة
كنت پصرخ و بعيط و بطلع تراكمات و حرمان سنين
حسيت ان رجليا مش شيلاني وقعت من محمد في الأرض
وانا لسه بعيط و مش قادرة اتنفس... كان لسه حاضني
لمحت جنة واقفة على الباب بټعيط ساعتها لا اراديا
لقتني بمسك في محمد اكتر كأني خاېفه يهرب مني
نيرة وائل
______________________
بعد اسبوع
_ وبعدين يا نورا بقالك اسبوع حابسة نفسك في الاوضة مش كفاية كدا
_ انا مرتاحة كدا مش عايزة انزل و لا اشوف حد يا محمد
لفيت وشي الناحية التانيه و هو طلع تذكرتين من جيبه و ابتسم بخبث
_طيب حيث كدا بقا اشوف حد تاني يروح معايا السينما
بصتله بطرف عيني لقيتها تذاكر فيلم بحبه اوي شدتهم من ايده بسرعة و زقته ناحية الباب وانا بطلعه برا
_حيث كدا بقا انزل البس و انا خمس دقايق و هكون جاهزة
لبست بنطلون وايد ليج ابيض و بلوزة بيبي بلو و لمېت شعري
حطيت ميكاب خفيف اداري بيه ملامحي الباهتة
بصيت للمراية و ابتسمت وانا بفتكر محاولات
محمد عشان
يطلعني من الاكتئاب الفترة اللي فاتت... مكانش بيسبني لحظة
بعد مدة نزلت و انا بتمنى مشوفش جنة تحت والحمدلله ملقتهاش
فعلا... روحت اشوف محمد عشان اتأخر وصلت اوضته و كنت لسه هخبط سمعت صوت جنة عنده في الاوضة كنت هفتح الباب لكن قاطعني صوت عمي
_ ابوكي ماټ يا نورا
