وحيدته الفصل التاسع والعاشر بقلم_نيرة_وائل
وحيدته
النهارده خطوبة حبيب عمري على اختي
وقفت على باب القاعة و انا بقدم رجل وبأخر التانية
لحد ما اتشجعت اني ادخل اخيرا
مع كل خطوة كنت بتحركها ناحيتهم..كنت حاسه روحي بتتسحب مني
دخلت انا وخالد واحنا ماسكين ايد بعض و مشينا ناحيتهم
اول ما شافونا ملامحهم اتبدلت
_ الف مبروك
ردت جنة بتوتر
_الله يبارك فيكي
اما محمد كانت عينيه متعلقة على خالد لحد ما قرب منه سلم عليه
ساعتها محمد رجع لورا پخوف لكن دا موقفش خالد و همس جمب ودانه معرفش قاله ايه لكن كان باين على محمد القلق لدرجة انه قام وقف بعدها وهو بيفك الكرافت بتاعته
لقيت خالد مسك ايدي و رحنا قعدنا على ترابيزة لوحدنا
ابتسم
_ الف مبروك
_بس كدا... امال اتوتر ليه
هز اكتافه بلا مبالاة
_ مش عارف
قاطعنا صوت سامية اللي وقفت قدامنا
_ عقبالك يا نورا
مسك خالد ايدي وابتسم
_قريب جدا انشاء الله
ابتسمت بغيظ و مشيت و انا سحبت ايدي منه
_ مين دي
_ مرات ابويا
_ شكلها مش مريح
اتنهدت
فضلت متبعاهم لحد ما جه وقت تلبيس الدبل
حسيت ان قلبي بيتقطع خانتني دمعة وقتها لكن مسحتها بسرعة
مش عايزة اعيط قدامهم مش عايزة ابان ضعيفة تاني
قامو يرقصوا حسيت ان خلاص هنهار مش قادره اقعد اكتر من كدا لقيت خالد وقف قدامي و مد ليا ايديه
_ يلا نرقص
_ لا انا عايزة امشي
شدني وقفني
_ يلا بس
مشيت معاه ڠصب عني و هو اتعمد اننا نقف جمبهم بصيت لمحمد لقيته هو كمان بيبص لينا اتلاقت عنينا للحظات كانت نظرات كلها عتاب واسف
وهو ماسك فإيديه خاتم
_ نورا تقبلي تكملي حياتك معايا
الكل بدأ يسقف و انا واقفة مصډومة مش عارفة انطق ولا اتحرك
بصيت لمحمد لقيته متعصب و بيشاورلي براسه ب لأ
ساعتها معرفش ايه اللي حصل ليا و لقتني مديت ايديا لخالد
كل اللي في القاعة سقف لينا لكن محمد كانت نظراته غريبة مقدرتش افهمها و سامية كانت نظراتها كلها حقد و غيظ اما جنة كانت مبسوطة و بتسقف
كانت لسه جايه ناحيتي تحضني لكني نزلت بسرعة وقعدت على الترابيزة تاني و خالد جمبي
نيرة وائل
_ ايه اللي انت عملته دا
_ انت متخيل عمي ممكن يعمل ايه انا مش عارفه هو سكت كل دا ازاي أصلا
_ ما انا مستأذن من عمك اصلا
بصتله پصدمة
_ يعني انت متفق معاه
قاطعني صوت مسدچ على الموبايل من رقم غريب فتحتها
ولقيت اسكرينات و فويسات لجنة
وهي بتخون محمد و بتقول انها ارتبطت بيه عشان تضمن حقها في ورث ابوها
لقيت جمبي خالد جاتله نفس المسدچ وكل اللي في القاعة اصواتهم بقت عالية و ماسكين موبايلاتهم و بيبصوا على جنة ومحمد
وفي ثانية كل حاجة اتقلبت وعمي راح لجنة وضربها بالقلم
كنت لسه هجري عليها لكن خالد مسك ايدي
_ متتحركيش من مكانك
_بس....
_ اششش.. اتفرجي على حقك وهو بيرجعلك
كانت لحظة ادراك بالنسبالي انه فعلا حق كسرة قلبي بيرجعلي دلوقتي
بس انا مقدرتش اشمت فيهم ولا كنت متعاطفة معاهم برضو كان احساس غريب
لمحت محمد خارج من القاعة وعيونه كلها دموع كان جوايا
صوت بيقولي اجري عليه واسيه و صوت تاني بيقولي اتفرجي واتبسطي قطع تفكيري خالد كالعادة
_ يلا بينا
مسك ايدي و مشينا
قابلنا محمد في الكراچ واللي اول ما شافني في ايد خالد مسك ايدي بعصبية
_ انتي ماشية مع معين يا نورا
خالد زق ايديه بعيد و قربني ليه
_ ماشية مع خطيبها يا دكتور
لقيت محمد اتجاهل خالد وبصلي
_ انتي عارفة دا مين... عارفه بيقرب منك ليه
خالد شدني و ركبني العربية مسابش فرصة لمحمد يكمل كلامه او اني افهم قصده اي
_ انت تعرف محمد
_ اعرفه منين
_ متردش عليا السؤال بسؤال
_ معرفش حد يا نورا
_ امال هو قال كدا ليه
_ معرفش و مش عايز اعرف
سندت راسي على الشباك و انا بتنهد
_ بلاش تفكير كتير.. المفروض تكوني مبسوطه دلوقتي
_ هتصدقني لو قولتلك مش مبسوطة
_ دا ازاي
_ مش عارفه بس متعودتش اشمت في حد
ابتسم
_ انتي طيبة اوي يا
نورا
_________________________________
نيرة وائل
في اوضة محمد
كانت كل حاجه متكسرة و محدش قادر يقرب من اوضته
اخيرا محمد حس بالخېانة والغدر و كسرة القلب
قعد في الارض بتعب و هو ساند راسه بإيديه الاتنين لحد ما لمح صورة لرهف واقعه من الدولاب اللي كانت كل حاجه فيه على الارض
مسك الصورة و هو بيضحك
_ دا ذنبك يا رهف... انتقمتي مني صح كنت عارف اني هاخد حسابي بس متخيلتش انه هيبقى بالشكل دا... انا قلبي بيتقطع
الخېانة وحشة اوي يا رهف... انا خليتك تحسي بكدا ازاي... انا اذيتك كدا ازاي
بدأ يضرب في نفسه و هو بيعيط
_ انا ازاي ۏجعتك كدا... ازاي
قاطعه دخول جنة الاوضه اللي جريت عليه تمسك ايديه
زقها بعصبية و قام وقف
_ انتي بتعملي ايه هنا
_ محمد ارجوك اسمعنى .... كل دا كدب والله
_ صوركم سوا كدب.. الشات بتاعكم كدب.. تسجيلات المكالمات كدب
كل دا كدب
كان بيقول كلامه وهو بيقرب عليها لحد ما خبطت في الحيطة
_ ايوا... ايوا كدب انا محبتش غيرك انت اكيد مش هتصدق كل دا... انا جنة حبيبتك يا محمد
بيكمل كلامه و هو بيضحك بهيسترية
وفي الاخر طلعتي خاېنة
طلعتي بتضحكي عليا عشان الميراث.... انتى ازاي ژبالة كدا ازااااي
_ انت وقفت هنا ليه
_ هنروح الملاهي
_ خالد انا تعبانه بجد روحني
_ انتي مش كان نفسك تروحيها
_ و انت عرفت منين
غمزلي
_ العصفورة قالتلي
_ اممم العصفورة
هز راسه بإيجاب و نزل من العربية فتحلي الباب و مد ليا ايديه وهو بيضحك... نزلت معاه مش عارفه ليه لكن كان جوايا حاجه مبسوطة بوجوده و وقفته جمبي.. ظهرلي فجأة من اللامكان عشان ينقذني دايما.. مكنتش متخيلة اقولها بس انا بحس بالامان في وجوده
_ سرحانة في ايه
_ هاااا ولا حاجه
_ طيب اختاري لعبة
شاورت على بيت الړعب
_ احنا جاين نفرفش مش نتصرع بس ماشي
بعد فترة كنت مستخبية فيه و پصرخ و هو بيضحك عليا عادي
اين الشهامة انا لا اراها
_ انت بتضحك على ايه
_ عليكي
_ دا بدل ما تطمني
فجأة لقيته خبي راسه في الجاكت بتاعه بصتله لقيته بيضحك
_ حلو كدا
حاولت ابعد لكنه فضل ماسكني
_ خليكي باصة ليا كدا و انتي مش هتخافي
كانت اول مرة تكون ملامحه ظاهرة كدا بالنسبالي او يمكن اول مرة ادقق في ملامحه و الغريب اني بجد مرتاحة ليه و دي حاجه مش بتحصل كتير لاني من النوع اللى مش بيتأقلم مع الناس بسهوله و يرتاح ليهم لكن هو مختلف
_ عارف اني حلو بس كدا عيب
_ هو ايه اللي عيب
_ عنيكي اللي منزلتش من عليا دي
بعدت عنه بسرعة
ضحك جامد و عصبني المستفز دا
كنت لسه هتعارك معاه لكن لمحت عربية غزل بنات و جريت عليها
جه ورايا و هو لسه ضحك
_ بطل ضحك و اشتريلي منها يلا
_ حاسس اني خارج مع بنت اختي
جابلي واحدة و بدأت اكلها و هو منزلش عينه من عليا
قطعت حته بإيدي و مدتها ناحيته
_ خد عشان عينك عليها من ساعتها و بطني وجعتني
_ انا عيني كانت عليكي انتي
_ هااا
مسابش ليا فرصة للاندهاش ولقيته اكلها من ايدي او الحقيقة اكل ايدي معاها
_ ايه اللي انت عملته دا
ضحك و هو بيهز اكتافه و سبقني ومشي
_ تعالي نجرب اللعبة دي
_ الاحصنة اللي بتلف دي
هز راسه بابتسامة
_ يعني انت هتجربها معايا
زقني ناحيتها
_ ايوااااا... خلصي بقااا
ركبنا اللعبة سوا و كنت مستمتعة بكل لحظة معاه و بضحك من قلبي زي الاطفال و هو كمان كان زيي
اول مرة اشوفه كدا... اول مرة اشوف خالد الطفل
بعد وقت كنا اخيرا في البيت و قبل ما ادخل اوضتي وقفني صوته
_ تصبحي على خير
_ وانت من اهله
كان هيدخل اوضته لكن انا اللي وقفته المرة دي
_ شكرا يا خالد
ابتسملي وهز راسه
دخلت اوضتي و اترميت على السرير عيني وقعت على دبلة خالد اللي لبسهالي في الحفلة افتكرت الوقت اللي قضيناه سوا و افتكرت محمد
لكن كل دا كان للحظات لأني ڠرقت في النوم
صحيت تاني يوم العصر مش عارفه نمت كل دا ازاي بس لأول مرة من فترة احس اني صاحية كويسة
نزلت تحت ملقتش حد سمعت صوت جاي من اوضة المكتب
كأن حد بيتعارك كنت لسه هدخل بس اتسمرت مكاني من اللي سمعته
_انا مكنتش مصدق
نورا يومها و قلت اكيد كانت بتحلم خصوصا لما راجعت كاميرات المراقبة و ملقتش حاجه و في الآخر طلعت حاذف التسجيلات انت اټجننت يا خالد حاولت ټقتلها و فاكرني مش هعرف
يتبع
وحيدته
البارت_التاسع
نيرة_وائل
اكتبولي في الكومنتات توقعاتكم ايه للي جاي
شكرا لكل النااس اللي طلبت كملها وحيدته
كنت لسه هدخل بس اتسمرت مكاني من اللي سمعته
_انا مكنتش مصدق نورا يومها و قلت اكيد كانت بتحلم خصوصا لما راجعت كاميرات المراقبة و ملقتش حاجه و في الآخر طلعت حاذف التسجيلات انت اټجننت يا خالد حاولت ټقتلها و فاكرني مش هعرف
_ انا...
_ انت مريض نفسي من بعد مۏت اختك
كنت فاكرك اتعالجت.... انت مش قولتلي انك اتعالجت
مصدقتش اللي بسمعه و لا قادرة استوعب اللي بيحصل قدامي
فجأة باب المكتب اتفتح و كان خالد اول ما شوفته مشيت كذا خطوة لورا
_ نورا انتى هنا من امتى
قال كلامه وهو بيقرب مني لكن وقف لما صړخت فيه
_ ابعد.... ابعد عني
حاول يقرب تاني و ېلمس ايدي... كان جسمي كله بيرتعش
وللمرة التانية اتقلب الامان لخوف
_ ابعد ما تلمسنيش.... اوعى تقرب مني
_ طيب اهدي ارجوكي... اهدي يا نورا
_ انت مين.... انت... انت بتعمل كدا ليه
مادام پتكرهني كدا قربت مني ليه اصلا...انت ميييين
_ انا اسف.... ممكن نتكلم بس
انا مش هأذيكي مټخافيش مني
_ و هو انت لسه مأذتنيش.... انت كنت هتقتلني
_ نورا ارجوكي اهدي انتى فاهمه غلط
_ فاهمه ايه غلط انا سمعت كل حاجه بوداني.... انت ازاي قدرت تخدعني كدا... كملت بعياط انا كنت صدقتك
_ نورا...
مقدرتش اسمعه اكتر من كدا جريت على اوضتي و قفلت عليا
وانا خاېفة يمكن اول مرة اخاڤ بالطريقة دي
بجرب الخذلان للمرة التالتة بابا محمد خالد
كل الرجالة اللي في حياتي كسروني
خالد كان بالنسبالي المنقذ في الفترة الاخيرة.. ليه مواقف كتير معايا عمري ما هنساها كان بيهون عليا كتير... كفاية انه الوحيد اللي خلاني احس انه مرغوب فيا واني اتحب... حتى لو كان كداب بس حسيت معاه بحاجات حلوة اوي
قطع تفكيري صوته وهو بينط من البلكونه اول ما شوفته كنت هصرخ
لكنه حضڼي وهو بيرددانا اسف
حاولت ابعد لكن مسابنيش
_ انا مش عايزك تخافي مني... مش هستحمل اشوف في عيونك خوف مني متخلينيش اكرهه نفسي
محاولتش ابعد تاني بالعكس مسكت فيه اكتر معرفش ليه عملت كدا
بس كان جوايا حاجه عايزة تصدقه
_ انا اسف يا نورا.... انا بحبك
_ انت كداب
قلتها من وسط عياطي وانا لسه في حضنه
رفع راسي بإيديه عشان ابص ليه ساعتها لقيت عيونه مدمعة
_ انا مش هنكر اللي حصل بس عايزك تسمعي اسبابي... عايزك تساعديني... متسبنيش يا نورا
بعدت عنه وانا بمسح دموعي
_ لو سمحت اطلع برا
_نورا.....
_ اطلع يا خالد وجودك مخوفني
استسلم بسهولة وخرج كان في جوايا حاجة عايزة تقوله استنى سمعني اسبابك و في نفس الوقت مش طايقة وجوده بس برغم دا مكنتش خاېفة زي ما قولتله
انا لسه مش مستوعبة انه حاول يأذيني
نيرة وائل
______________________
_ ماما انا عايزة امشي من هنا خلينا نرجع بيتنا
_نرجع ايه انتي عارفه لو مشينا من هنا مش هنطول ورثنا من عمك
_ ورث ايه اللي بتتكلمي عنه دلوقتي بقولك محمد كان هيقتلني لولا عمي لحقني من ايده على اخر لحظة كان زماني مېتة
_ حلال فيكي اللي كان هيعمله محمد
_ماما أنتي بتقولي ايه
_ انتي طالعة خاېنة لمين يبت... انتي مش قولتي انك بتحبي محمد
_ انا محبتش محمد نفسه انا حبيت حبه ليا
كنت اول مره الاقي حد عايزني وبيحبني كدا... كان زي الخاتم في صوباعي
قاطع كلامها محمد اللي دخل وهو بيسقف
_ براڤو يا جنة.... عاش والله
_محمد..
_ هاااا.... ايه يا جنتي كملي عايزة تكملي الحكاية صح
يلا كملي ازاي كنتي بتخدعيني... كملي يلا سامع
_ محمد انت فهمت غلط ... كل ده كان قبل ما احبك بجد
قرب منها واتكلم وهو بيشد شعرها
_ اقسم بالله يا جنة لو رجعت و لقيتك في البيت هطلعك منه چثة النهاردة
___________________________
نيرة وائل
كنت قاعدة في الجنينة بليل بفكر في كل اللي حصل
عايزة اهرب واسيب كل دا وامشي بس حرفيا مش لاقيه مكان اروحله
هو الانسان بيروح فين لما يحس ان كل الاماكن مش سايعاه
سرحت ببالي ليوم ما حاولت اڼتحر في البحر وخالد انقذني
فضلت اسأل
نفسي ليه مسابنيش يومها اڠرق
على الاقل مكنتش حسيت بۏجع القلب دا كله
انقذني يومها عشان يكمل عليا بطريقته
بس السؤال اللي بجد انا ايه ذنبي في كل دا..!
_ نورا
الټفت لمصدر الصوت ولقيته محمد... دموعي نزلت ڠصب عني
_ انت بتعمل ايه هنا
_ جاي علشانك و عشان اصفي حساب قديم
_ و انا نازل اصفي الحساب
قالها خالد اللي كان واقف في البلكونه بصوت جهوري
_ ايه اللي بينك و بينه يا محمد... ايه الحساب اللي بينكم
_قولها يا دكتور... احكيلها ايه الحساب
كان صوت خالد اللي جه من ورايا و عنيه مش بتبشر بخير
_ هو في ايه....
مكملتش الجملة ولقيت خالد ضربه بالرجل.. صړخت وانا بجري على محمد اقومه لقيته بيبعدني و مستسلم لخالد و سايبه يضرب فيه
_ ضحكت على اختي... قولتلها انك بتحبها و خليتها تتعلق بيك
وفي الاخر خنتها و لبستها في العملية اللي جنة عملتها غلط
ډمرت مستقبلها واتشطبت من النقابة بسببك
اختي اڼتحرت بسببك
كان بيقول كلامه وهو بيضرب فيه بعدها قرب منه و مسكه من ياقة قميصه
_ عارف انها كانت مستعدة تسامحك بعد كل اللي عملته فيها... دي كانت بتدافع عنك لحد اخر لحظة و في الاخر سبتها... كسرتها و كملت حياتك عادي... هي ماټت وانت كملت حياتك وعايش
ضربه بالبوكس في وشه و طلع مسډس من جيبه و وجهه ناحيته
_ بس مش هتعيش اكتر من كدا
وقفت قدامه وانا بعيط
_ لا لا... لا يا خالد عشان خاطري ابوس ايدك سيبه
_ انا كنت عايش بټعذب... مكنتش مكمل حياتي طبيعي زي ما انت فاكر... كان طيفها دايما معايا من يوم اللي حصل وانا مش بنام
انا ظلمتها هي ونورا عشان جنة و في الآخر جنة خانتني
جنة اخدت حقهم مني
كمل كلامه وهو بيركع قدام خالد و بيعيط
انا جاي النهارده عشان اقولك اني اسف... جاي اطلب منك تسامحني
انا عارف ان ذنبي كبير اوي بس مش عارف اعمل ايه
اللي عملته في رهف مش هقدر اصلحه
نيرةوائل
محمد كان ندمان بجد... باين في عيونه الندم والقهر وقلة الحيلة
قلبي كان بيتقطع عليه بس في نفس الوقت مش قادرة اعمله حاجه
_ نورا سامحيني انتي كمان ..... انا عارف اني ظلمتك
كنتي نسخة رهف اللي دوست عليها للمرة التانية
انا عارف اني اناني .... بس تعالي معايا وانا هعوضك عن كل اللي حصل
هصلح كل اللي اقدر عليه...
قبل ما يكمل كلامه كان خالد بيضرب فيه مرة تانيه بس المرة ادخلت وبعدته عنه
_ سيبه انا مسامحاه.... ابعد عنه
_ سامحتيه بعد كل دا سامحتيه
هزيت راسي پخوف و انا بجري على محمد اللي واقع على الارض
سندته عليا و قومته
_ يلا بينا يا محمد
_ هتيجي معايا بجد
هزيت راسي ب ايواا
ابتسم ليا وقتها حسيت اني طوق النجاة الوحيد واخر امل عشان يقدر يعيش و يصلح ولو جزء من غلطه
انا لسه قلبي لمحمد...مقدرتش اتخطاه
بصيت على خالد مرة اخيرة قبل ما امشي
اتحركت كام خطوة انا ومحمد ناحية البوابة كنت فاكرة ان كل حاجه خلصت على كدا لحد ما محمد اضرب پالنار و وقع من ايدي
يتبع
البارت_العاشر
نيرة_وائل
وحيدته
توقعاتكم بقااا
