زواج ب الاجبار ولكن الفصل السادس
رواية زواج بالاجبار ولكن
الفصل السادس
بقلم ايه الموافي
معتز ما انتي عارفة يا مها
مها عشان تطمن عليا عارفة بس انت مسألتش نفسك انا هبقى سعيدة معاه ولا لأ
سكت ومتكلمش ومها قالت وهي بتشاور على ادم وانت
بصلها ادم وهي قالت بدموع انا كنت مفكرة اني اغلى حاجة في حياتك عشان انت اخويا بس انا طلعت غلطانة طلع شغلك ومنصبك اهم مني بكتير
مها متكملش كلامك لان مفيش اى مبررات للي انت عملته فاكر يا ادم لما حيت استنجد بيك وقولتلك شوفلي حل عشان منتجوزش لان حياتنا مستحيلة مع بعض انت عملت ايه! قولتلي انك مش هتعرف تعملي حاجة واني لازم اقبل بالامر الواقع عشان منكسرش كلام ابويا وابوك
ساعتها انا صدقت فعلا كده وكنت بفكر ابوظ الجوازة ازاى بس اللي خذلني انك قولتلي كده مش عشان زي ما قولت لا انت قولتلي كده عشان مصلحتك بس مكنتش عايزني اعرف عشان متصدمش فيك
انا اسف يا مها انا عارف ان الكلمة دي مش هتصلح حاجة بس انا بجد اسف وبتمنى تسامحيني
خرج ادم من البيت ومعتز قال وانا كمان يا بنتي اسف انا كنت شايل هم ان يجرالي حاجة وتلاقي نفسك بتواجهي الدنيا دي بطولك فعشان كده كنت عايز اجوزك ابن عمك لاني عارف ان ادم هيحافظ عليكي من بعدي بس للاسف مفكرتش في سعادتك
وفاء بضحك قلبتوها نكد خلاص والبت لسة عروسة ذنب العريس ايه ها
مراد بضحك انا مش غريب برضو يا حماتي نكدوا براحتكم
ضحكوا عليه وودعوها ونزلوا وهي مسحت دموعها وقالت
اجبلك تطفح!
مراد بذهول اطفح!! انتي مش كنتي يا بنتي من شوية بټعيطي وعندك ډم
مراد بغيظ طب روحي هاتي اطفح خلي اليوم ده يعدي على خير
مها بسخرية معقوله مراد باشا يقول هاتي اطفح!
مراد مهو اللي يعاشرك لازم يكون بيئة
مها قصدك ايه يا جدع انت
مراد هناكل في ام يومنا ده ولا لا!
مها هناكل يا اخويا بس انت هتساعدني ولا انت مفكر اني الخدامة اللي اشتريتها مثلا لا يا حبيبي دا ان...
مها بسماجة عشان انا عارفة انت هتقول ايه فبختصر الوقت
مراد يارب الصبر من عندك يارب اتنيلي قدامي على المطبخ
مها وليه متمشيش انت قدامي على المطبخ ان شاء!
مسكها مراد من قفاها وجرها وراه وقال
هو انا متجوز عيلة صغيرة ياربي.
كانت سارة ماسكة السي ڤي وهي متوترة اوي اجى دورها فقالت الموظفة
اتفضلي حضرتك ادخلي
عشان دورك جه
قامت ودخلت وفعلا لقت ادم هو اللي بيعمل الانترفيو زي ما مها قالت اټصدم ادم لما شافها وهي اتوترت بس فردت ضهرها وبصتله بثقة عشان مها قالت انه مستحيل يوظف حد مش واثق من نفسه في شركته
ادم وهو بيجز على سنانه اتفضلي اعدي
اعدت قدامه بكل ثقة وادتله السي في وقالت
اتفضل السي في حضرتك واسألني في اي اسألة
رفع ادم حاجبه وضحك وقال
دي معدتش ثقة على فكرة دي غرور
بلعت ريقها بإرتباك وقالت انا والغرور مبنجتمعش في مكان واحد حضرتك
ادم اممم وايه كمان!
سارة بتوتر ايه!
قام وقرب منها وقال انا عارف انك متوترة عشان ايدك بتترعش
بصت على ايدها پصدمة وهو قال عموما انا قبلت انك تشتغلي معايا
سارة پصدمة وافقت!
ادم اه وهنوقع العقد دلوقتي كمان
سارة ده بجد
مسك مراد سماعة مكتبه وقال هاتيلي عقد الشغل ومشي كل اللي عايزين الوظيفة
بصلها ادم بخبث وسارة قالت في عقل بالها
هو معقولة الحظ لعب مرة واحدة كده لا انا مش مطمنة اصل انا مش محظوظة للدرجة دي
ادم خليكي هنا انا هعمل حاجة وجاى اهو
هزت راسها وعدى ربع ساعة فقالت بزهق هو مش هيجي بقى ولا ايه!!
اجى العقد فوقع ادم وقال دورك
وقعت سارة العقد وهي مبسوطة وهو مسك العقد وقال
مواعيد الشغل من تسعة الصبح لستة بليل ودا من غير الحفلات والاجتماعات اللي لازم تحضريها معايا عشان انتي السكرتيرة بتاعتي
سارة پصدمة بس انا مكنتش مقدمة على وظيفة السكرتارية انا محاسبة وقدمت في وظيفة المحاسبين!!
ادم عارف بس انا عايزك سكرتيرة
سارة پغضب وانت مقولتليش ليه من الاول قبل ما اوقع على العقد!
ادم وانتي مقرأتيش ليه العقد قبل ما توقعي! هو في حد عاقل برضو يوقع من غير يقرأ اللي هيوقع عليه!
سارة بقى هي كده
ادم ببرود اه هي كده ومتنسيش تيجي بكرة في الميعاد عشان لو اتأخرتي هخصم من مرتبك
مشت وهي متعصبة وبتبرطم وهو ضحك عليها وقال بمكر
مش انتي ساعدتيها اشربي بقى.
عند مراد
كانوا واقفين بيحضروا الفطار شربت مها ومراد قال
بالسم الهاري يا حبيبتي
ټفت اللي في بوقها عليه فقال بعصبية
ايه القرف ده
مها ببرود مكنش قصدي
مراد وانا كمان مكنش قصدي
بصتله بإستغراب وهو شرب من كوباية الماية وتفه في وشها مها بعصبية
يعع ماشي يا مراد والله لوريك
فاحت الحنفية وفرشت عليه مايه وهو فضل يرش عليها هو كمان جابت مها الدقيق ورشته عليه وعشان هو مبلول لزق فيه ضحكت مها عليه وهو جاب بيضة وكسرها عليها مها بعصبية
انت عارف البيضة دى بقت بكام دلوقتي!!
مراد ببرود اكيد عارف عشان انا اللي شاريها
خرج مراد من الاوضة وهي قالت انت رايح فين!
مراد هروح استحمى من القرف ده
مها مش قبل ما تنضف معايا المطبخ يا حبيبي
مراد بغيظ دا انا
يومها لو كنت خليت ناني تلزق فيا كان ارحم من اللي انا فيه ده
مها ببرود معلش ويالا زي الكتكوت الشطور تعالا نضف معايا
مراد يا بت هزعلك
مها متقدرش اصلا
جز مراد على سنانه وقال يارب صبرني عشان مرتكبش جناية وانا لسة صغير على السچن
تاني يوم
قام مراد من النوم ودعك عينه بس اټصدم لما بص في المراية ولقى وشه مليان ميكب مها بخبث من وراه
شكلك زي القمر يا مرمر
مراد بعصبية ايه اللي انتي عملتيه ده
صورته مها بموبايلها وقالت اراهنك اني بعد ما انزل الصورة دي البنات هتجري عليك اكتر من الاول
مراد بعصبية هاتي الموبايل يا مها عشان مزعلكيش
خاڤت مها بس اتصنعت الشجاعة وقالت
لو عرفت تاخده مني خده
طلعت تجري على بره وهو بيجري وراها امسحي الصورة يا مها
مها بعند لا
مراد بعصبية انتي ازاى اصلا تعملي القرف اللي في وشي ده
مها زى ما انت كبيت عليا ماية عشان تصحيني
مراد بترديهالي يعني
مها بالزبط كده
جري وراها وهي جرت وقالت اترجاني الاول وانا همسحها
مراد بعصبية نعم يا اختي اترجاكي
مها اه اترجاني
جرى مراد ناحيها بسرعة وهي اتخضت واتكعبلت ووقعت وقع مراد هو كمان جنبها ومسكها بسرعة وقال وهو بينهج
بقى انا تعملي فيا كده!!
مها ما انت اللي رشيت عليا الماية
بصوا في عيون بعض وسرحوا رجع شعرها لورا وكان لسة هيقرب بس هي بعدت بسرعة وقالت بتوتر
متقلقش انا مصورتكش اصلا
طلعت تجري على اوضتها وهي حط ايده على قلبه وقال
انت بتدق بسرعة كده ليه!
مها وهي في اوضتها انا قلبي بيدق بسرعة كده ليه مستحيل اللي في بالي يحصل
عند سارة
راحت الشركة وخبطت على مكتب ادم وقالت انا جيت
ادم في ميعادك بالظبط
طلع اوراق كتير وقال ترجمي دول وجهزي اوضة الاجتماع ولما الساعة تيجي ٥ الا شوية عرفيني عشان هنحضر الاجتماع مع بعض
سارة پصدمة كل الاوراق دى!!
ادم اتعودي على كده عشان دا نظام شغلي
فضلت بصاله پصدمة وهو قال
هتفضلي بصالي كده كتير!
مسكت سارة الاوراق وخرجت بره وهي متعصبة وادم قال
ولسة يا سارة
اعدت على مكتبها وقالت دا ايه القرف ده انهاردة لسة اول يوم ليا ويجيبلي الشغل ده كله هو انا آلة ولا ايه عشان اشتغل الشغل ده في يوم واحد
كان ادم بيبص عليها من الكاميرا وهو مبسوط هو انا لسة عملت حاجة يا سرسور لا اجمدي كده
فضلت سارة تشتغل لحد تعبت بصت في الساعة لقتها اربعة ونص فقالت پصدمة
دا انا لسة مجهزتش قاعة الاجتماعات يا نهار اسود
طلعت تجري على القاعة واول حاجة عملتها كنست الارض بسرعة لما لقتها مليانة تراب فضلت تعدل الكراسي وتحط الورق اللي بعتهولها مع موظف قدام كل كرسي وجنبه القلم
خلصت ومسكت ضهرها وقالت اه ايه كل ده دا انا بابا كان عنده
حق لما مرضاش اني اشتغل
اجت الساعة خمسة الا شوية فراحت مكتبه وقالت
الساعة خمسة الا عشرة يا استاذ ادم.
ساب ادم الاوراق اللي في ايده وقال
كلها خمس دقايق والوفد يوصل عملتي ايه يا استاذة سارة في الورق اللي جبتهولك
سارة بتوتر هو يعني بصراحة الورق كان كتير فا فا
قام وقرب منها وقال فا ايه!
سارة بإرتباك معدتش غير عشر ورقات فانا بستسمحك يعني اكملهم بكرة ان شاء الله
ادم انتي سمعتيش قبل كده جملة لا تؤجل العمل الى الغد ولا ايه يا استاذة سارة
سارة انا اسفة يا مستر ادم بس انا هروح انهاردة بيت مها مع صحبتي فمش عايزة اتأخر عليها
ادم انا ماليش دعوة بالاعذار
سارة انهاردة بس صدقني
ادم انا ممكن اوافق
سارة بإبتسامة بجد يا مستر ادم
ادم بس بشرط
سارة بإستغراب شرط ايه
ادم تيجي بكرة قبل ميعادك بساعتين
سارة پصدمة انت عايزني اجي من الساعة سبعة!!
ادم والله هو ده اللي عندي يإما تيجي بكرة الساعة سبعة يإما تكملي شغلك بعد الاجتماع
سارة يتوتر بس هو يعني مين هيبقى في الشركة اصل اكيد الموظفين مش هيجوا من الساعة سبعة
ادم ببرود انا هبقى موجود في الوقت ده
سارة بتوتر ومين كمان!
ادم ببرود انا بس
سارة پخوف بس بس يعني
ادم بسخرية متقلقيش انا مبعضش
سارة بغيظ تمام يا مستر ادم هاحي بكره
ضحك ادم على تعابير وشها ورن موبايل المكتب فحط السماعة على ودنه وقالت موظفة الاستقبال
الوفد اجي يا فندم
ادم تمام وصليهم لاوضة الاجتماعات
ادم يلا
خرج ادم ووراه سارة ودخلوا جوه رحبوا بالوفد وسارة وقفت جنب ادم وهي ماسكة الاوراق بصلها ادم وقال
اعدي جنبي
اعدت جنبه بتوتر ومحمود مدير الوفد قال
ايه اللي يخلينا نتحد معاك ونسيب باقي الشركات التانية!
ادم ان التيم بتاعي فيه امهر المصممين وده بشهادتي وشهادة كل اللي اشتغلت معاهم وان شركتنا دخلت في مسابقة من بين امهر الشركات علشان احنا اتعرفنا اوي بتميزنا في الشهور الاخيرة
وانت عارف يعني ايه شركة تتهيأ انها تدخل مسابقة عالمية مش محتاج اشرحلك لانك اكيد عارف
محمود تمام يبقى اتفقنا احنا عايزين نجرب معاك عشرين قطعة مجوهرات بشكل مختلف عن السوق ولو الباشا الكبير عجبه شغلك هنضمنلك ان شركتك دي هتنافس احسن شركة عالمية
ادم يبقى اتفقنا
خرج الوفد وسارة قالت بإستغراب شركات عالمية!!
ادم اه الوفد دا اصلا من شركة مجوهرات اجنبية مشهورة اوى وعايزين يجربوا الشغل العربي
سارة اشمعنا الشغل العربي
ادم عشان مديرها نصه احنبي ونصه عربي فعايز يدمج ما بين الطراز العربي والطراز الاجنبي.
سارة فهمت
ادم لسة نص ساعة والشيفت ينتهي
سارة تمام هروح اعملي كمان ورقتين واروح
ادم ببرود اعمليلي كوباية نسكافيه
سارة بغيظ دلوقتي!
ادم ومتحبيهاش من كفاتيريا الشركة عشان مبحبهاش منهم هاتيها من الكافيه اللي في اخر الشارع
سارة بغيظ اى اوامر تانية!
ادم ببرود لا
راحت سارة علشان تجيبله القهوة
وهي بټشتم فيه
عند مها
خرجت من اوضتها وهي بتقول ايه الملل داا
مراد عندك حق بصراحة دا ملل مش طبيعي
مها ايه رأيك نلعب لعبة
مراد بسخرية لعبة معاكي انتي!
مها بغيظ خلاص خليك في الملل بتاعك ده ومتشتكيش
مراد لعبة ايه
مها الصراحة مهو مفيش غيرها
مراد بالرغم من اني مبحبش اللعبة دي بس ماشي
مها اشطا كل واحد يسأل التاني سؤال
مراد هسأل انا الاول عشان انا الكبير
مها ماشي ابدأ
مراد ادم يبقى بالنسبالك ايه!
مها بضحك يعني بعد كل الدرامة اللي حصلت امبارح دي ولسة بتسأل
مراد ببرود جاوبي على قد السؤال
مها ببرود ادم بالنسبالي اخويا
مراد طب انتي مش ناوية تسامحيه!
مها ببرود دورك خلص
مراد ببرود اسألي
مها انا لاحظت ان ناني لازقة فيك بشكل مش طبيعي لدرجة انها تبيع كرامتها عادي
مراد دى حقيقة فين سؤالك
مها هي بالنسبالك ايه
مراد عارفة انتي مثل في كل خړابة فيها عفريت
مها بإستغراب اه عرفاه
مراد اهو اللي اسمها ناني دي هي العفريت اللي في حياتي
ضحكت سارة ومراد قال بغيظ كل اما اروح في حته الاقيها في وشي قولتلها كذا مرة بالزوق وبقلة الادب تبعد عني وهي مش بتلزق اكتر كإنها بتسمع بالشقلوب
فضلت سارة تضحك ومراد قال بغيظ بتضحكي على ايه!
مها بضحك اصل بصراحة شكلك متغاظ منها اوي
مراد دي حقيقة هي السبب اصلا اللي خلاني البس فيكي انا كنت في اليوم ده بهرب منها وخبطت فيكي والباقي انتي عارفاه
مها تعرف ايه السبب اللي خلاني البس فيك
مراد ايه!
مها لما روحت لادم اخر مرة عشان استنجد بيه ويبوظ الحوازة وهو مرضاش قولت مبدهاش بقى اجرت بنت مايعة شبه ناني كده وخليتها تتلزق فيه عشان اصورهم مع بعض وافضحه في العيلة فبابا ميرضاش يجوزهولي عشان طلع نسوانجي بس السحر اتقلب على الساحر وانا اتفضحت
مراد بضحك بس انا مفهمتش برضو ايه اللي حصل
مها في اليوم ده اتخانقت مع راجل وادم قفشني وجرينا كلنا لان الراجل ده كان بيجري ورانا بس انا اتخبطت فيك وحصل اللي حصل
مراد بضحك انتي كل يوم تثبتيلي ان انتي مش سهلة ابدا
مها عيب عليك يا اسطا دا انا مها بقولك ايه متيجي نعمل كيكة!
مراد اشطا يلا بينا
دخلوا المطبخ وحضروا المكونات عشان يعملوا الكيكة
عند سارة
سارة وهي بتكلم مها في الموبايل انا هخرج من الشغل اهو وجيالك هديله بس كوباية النسكافيه وهمشي
ميرنا طب بسرعة بقى عشان منتأخرش
سارة حاضر متقلقيش
قفلت سارة معاها وخبطت على مكتب ادم وقالت
انا جبت النسكافيه اهة عايز حاجة ما امشي!
ادم لا حطيها على المكتب وامشي على طول
حطت سارة كوباية النسكافيه وخرجت دخلت مكتبها ومسكت شنطتها وخرجت من الشركة ووقفت تاكسي عشان تقابل ميرنا بسرعة
وصلت سارة قدام بيت مها فلقت ميرنا مستنياها ميرنا بغيظ
ما لسة بدري
سارة انا اسفة والله يا ميرنا بس المدير رخم اوي
ميرنا
اللي هو ادم ابن عم مها!
سارة اه يا اختي هو يارتني ما كنت اشتغلت في شركته
ميرنا طب يلا نطلع بقى
وقفت قدامهم عربية ونزل مروان منها وقال بتفاجأ
انتوا بتعملوا ايه هنا!
يتبع
