اميرتى ناهد خالد الحلقات الأخيرة
الفصل الثالث
أميرة جه وقت الغدا وجرس الباب رن سمعته وانا في أوضتي.. كنت خلصت لبست وخرجت.. حقيقي حرصت اني اكون جميله بشكل مميز شويه.. وقد كان
خرجت وسلمت على عمتي وجوزها وساره.. انا بحب ساره فعلا وكونها اتخطبت ل أسر مقللش ابدا حبي لها... هي ملهاش علاقه.... ولا هو حقيقي... المشكله عندى انا.... دقيقه ودخل شاب أصغر من أسر ب سنتين...هو عمر... ابن عمتو... شاب جميل وخلوق وبيحب الضحك وأنه يعيش مبسوط.. اتخرج من كليه حاسبات ومعلومات وبيشتغل حاليا... سلم عليهم وجه دوري سلمت عليه وهو قال بصراحه انا مكنتش اعرف ان اسكندريه بتحلي كده
أسر
مكنتش منتبه لاي حاجه ولا لخروجها كنت بتكلم مع ساره بس لفت انتباهي صوت عمر وهو بيضحك أتلفت ولقيته ماسك ايدها والاتنين بيضحكوا.... بصيت لها شكلها متغير عن امبارح كتير.... كانت لابسه فستان اسود واصل لأول ركبتها و فيه نقوش بسيطه حمراء وبكم.... و سايبه شعرها مفرود علي ظهرها واصل لوسطها تقريبا وميك اب بسيط لكن... روج احمر فاقع.... مڠريه... مڠريه بكل تفصيله فيها.. مخدتش بالي من ساره اللي بتكلمني عيني وحواسي كلها كانت مثبتة عليها هي وبس.. أتلفت لطريقة كلامها وضحكها مع عمر... حسيت وكان في ڼار جوايا ونفسي سريع من كتر ڠضبي.. واللي زاد الطين بله زي ما بيقولوا.. عمتي لما قالت وهي بتضحك انتي عارفه يا أميره انتي كنت واحشه عمر اوي كان مبيبطلش سؤال عليكي ومصدقش لما قولتله الصبح انك رجعتي
ساره اي يا أسر... روحت فين بقالي كتير بكلمك
_ها... لا معاكي اهو يلا عشان الغدا.. واتجهنا للسفره قعدت أميره وقعد عمر جنبها علي الكرسي بتاعي اللي كان دايما جنبها.. اتغاظت اكتر ولاقيتني بكل قله ذوق مش معهوده مني بقوله...معلش يا عمر بس ده الكرسي بتاعي وانا مش بعرف اقعد غير عليه... كلهم بصولي باستغراب واحراج من الموقف.. وانا مهتمتش... لاقيت اميره بترد وكأنها بتحاول تشيل الحرج اللي وقع عليه وده ضايقني اكتر خليك ياعمر.. قامت من مكانها وبصيتلي تعالي يا أسر اقعد مكاني.... انا اه اتضايقت لاني كنت عاوز اكون جنبها بس اهو عالاقل مش هتكون جنبه.. قامت ولسوء حظي قعدت على الكرسي المقابل لعمر من الجهة التانيه نظرا لأنه اللي فاضي... خدت نفس عميق وكأني بشجع نفسي اعدي الموضوع دة بقي..... مانتبهتش الا دلوقتي اني قاعد جنب ساره... وهنا فهمت أميره انها كمان عاوزاني اقعد جنبها مش عشان عمر بس وبدأت ماما كل شويه تقولي حط لساره.. خلي ساره تاكل.. وده خلاني انشغلت معاها عن أميره وعمر.... خلصنا الغدا وقعدنا في الريسبشن وبرضو قعدت اميره وجنبها عمر وانا وساره قدامهم والباقي قاعدين بيتكلموا وبدأت ساره تكلمني في مواضيع مختلفة ونجحت برضو انها تشغلني عنهم
وقت الغدا كانت واخده مكاني... زمان كنت انا اللي ببقى مكانها... كان بيهتم ب أكلي انا.. اوقات حتي كان بيأكلني بأيده.. النهارده هي اللي خدت كل ده.. وده حقها... لدرجة اني يعتبر مأكلتش انا بس كنت يدوب بحرك الاكل ومعلقتين كلتهم بالعافيه.. وملاحظش... ودلوقتي قاعدين مع بعض وجنب بعض... وهي مكاني برضو.... ياااه علي الۏجع اللي
بيحس بيه الشخص واللي بيعشه قلبك... لما يكون متعلق ب حد وكان بيبني آحلآم ورديه معاه وفجأه تلاقي حد تانى مكانك. و لا ده قدام عينك كمان... نغز في قلبي بتوجع بطريقه بشعه يمكن لو كنت لوحدي كنت صړخت يمكن اهدي.. بس للأسف حتى ده مش قادره... دلوقتي.. فهمت ان مبقاش ينفع اكون هنا... هعذب نفسي عالفاضي....
كان صوته عالي شويه عشان يلفت انتباهي بس ملفتش انتباهي لوحدي لفت انتباه اسر كمان لما ساره قامت تساعد ام اسر في المطبخ كمساعده منها...
_ايوه يا عمر
_ياه هو اسمي حلو كده!
ابتسمت ورديتلا مش بس اسمك روحك احلي علي فكره وبتمني تفضل كده ومتغيركش الدنيا
_لالالا.. واحده واحده عليا اومال اصل اطب منك دلوقتى.. قالها بابتسامه ساحرة ومرح
_زي ما غيرتك... رد عليا وكانت نبرته بعيده تماما عن المرح
_انا!!!!! انا متغيرتش
_لا اتغيرتي يا أميره... اتغيرتي مبقتيش زي الاول ومش فاهم اي السبب
_مش قولتلك متخليش الايام تغيرك...
_والايام عملت اي معاكي غيرك كده.. بقيتي جد اوي... بتبتسمي بالعافيه... فين شقاوه اميره بتاعت زمان
_ابتسمت بمرارة ورديت راحت.. زي حاجات كتير بتروح كنا متخيلين انها باقيه.. بقيت فاهمه وناضجه اكتر.. بقيت اللي المفروض اكونه
أسر
من اول كلامهم قد اي حسيت اني عاوز اقوم انزل ضړب في عمر لحد ما روحه تطلع في أيدي... أي السماجة اللي هو فيها دي.. وهي كمان قال روحك حلوه.. طلعت روحك يا شيخة.. لالا بعد الشړ عليها.. طلعت روحه هو اه... بس لما كملوا كلام وسالها عن تغيرها وردت عليه سرحت فيها قد اي هي حزينه.. قد اي اتغيرت وبقت وكأنها واحده عجوز أو شايله هموم أكبر منها.... ألمني شكلها اووي.. تمنيت أن يكون متاح ليا زي زمان اني اقوم أخدها في حضڼي وتحكيلي اللي حصل معاها.. بس للأسف قالوا إن مبقاش ينفع
عمر بيحاول يغير الموضوع بس علي فكره انتي مكلتيش خالص هو انا سديت نفسك ولا اي
_لي بتقول كده
_عشان كنت قاعد قدامك... قالها بباسمه جميله
_لا ابدا بس مبقتش باكل كتير
_علي فكره واضح جدا.. انتي جسمك رفع عن الاول كتير
أسر
هو انا لو قمت ضړبته دلوقتي هيحصل حاجه لا والله ما هيحصل... هو مال أهله كلت ولا لا... بس هي فعلا مأكلتش طب ازاي مخدتش بالي... بيقولها جسمك رفع... وهو يبص علي جسمها لي اصلا... غمض عينه وعصبيه الدنيا فيه.. بيحاول يضبط إنفعالاته... فتح عينه على كلام عمته اي يا أميره يا حبيبتي مش ناويه بقي تفرحينا بيكي
يادي النيله العيله دي جايه ټموتني.. أي يفرحوا بيها دي.. تتجوز.. عند النقطة دي حسيت بجسمي كله بيتنفض واني تكه كمان وهنفجر.. تمتمت في سري ينعل دي قاعده
أميره لسه يا عمتو النصيب مجاش
عمتوطب اي رايك لو في عريس متقدملك
هنا ومقدرتش امسك اعصابي لاقيت نفسي برد بعصبيه مبالغه وصوت عالي نوع ما ناتج عن انفجاري
_ما خلاص يا عمتو قالتلك لسه النصيب مجاش.... محسيتش بنفسي غير لما لاقيتهم بيبصوا لي باستغراب... تنحنحت وهديت شويه ورديت وانا مش لاقي حاجه اقولها ق.. قصدي يعني.. ان..انقذي تليفوني لما رن كان طوق نجاتي اخدته وقمت واستاذنت ارد.... طلعت البلكونه وقفلت الموبايل واتنفست بعد ما حسيت اني هتخنق.. دخلت بعدها بعشر دقايق وسمعت أميره بتقول لا ياعمر انا اسفه مش هينفع
ساره لي بس يا أميره ده الفيلم يجنن خلينا نروح نقضي وقت
فهمت انهم بيتكلموا علي خروجه
سينما قعدت بهدوء
أميره ايوه بس انتوا بتقولوا انه هيتعرض بكره من ٦ ل ٩
عمر ايوه
أميره مهو للاسف مش هبقي هنا عشان مسافره
عمتو مسافره فين
أميرة بهدوء بعد ما خدت قرارها راجعه اسكندريه.. هستقر هناك انا وماما وهشتغل مع جوز خالتي
أسر اتنفض بعصبيه ورد بصوت عالي فزع الكل حتى أميره ده عند أمك
يتبع
ناهد خالد
الفصل الرابع
اعتراف عاشق
النهايه
_ده عند أمك
أميرة
اتنفضت علي صوته زي كل اللي موجودين وبدأ جسمي يتنفض من الخۏف.. منظره كان مرعب حقيقي مش فكره انه متعصب أو أنه خضنا لا.. شكله كان غريب وعينه بدأت تحمر وجسمه كله مشدود وكأنه داخل خڼاقه... اتوترت وبدأت اتململ في قعدتي وبصراحه.. خاېفه من ردة فعله اللي شكله كده هيتهور ومش هيعديها زي المره اللي فاتت..
أسر
المره اللي فاتت متوقعتش انها ممكن تعملها وتمشي بعد ما رفضت بشكل قاطع.. قولت يمكن لما ارجع هلاقيها مستنياني وتفضل تحاول تقنعني زي العاده.. لكن خاب ظني وخابت تربيتي وسافرت من غير اذني ومهتمتش ليا ولا لرأيي ولا لاي حاجه خالص.. المره دي بقي تبقي تقابلني لو حصل مانا اصلي مش غبي المؤمن لايلدغ من جحر مرتينوالمره دي ابقي اشوف هتمشي ازاى... فقت من شرودي وقطع نظراتي ليها صوت بابا اي ده يا ولد انت ازاي تتكلم كده.. أي عند امك دي وإزاي اصلا تعلي صوتك واحنا موجودين في مش احترام خالص
ماما اي الهبل في كده واحدة عاوزه تروح تعيش في مكان تاني شايفه انه احسن ليها ومستقبلها هناك أفضل اي الهبل في كده
رديت بغير وعي مني وانا پصرخ فيهم من غير اي مرعاه لأي حاجه انها تسبني.. الهبل انها عاوزه تبعد عني تاني.. وانا المره دي مش هسمح بده مش هسمح.. انتوا سامعين. قولت جملتي الاخيره بصوت أعلى
عمتو اي يا أسر يا حبيبي اهدي بس.. يعني هتسيبك ولي العصبيه دي كلها
والده أميره حبيبي هي ليها حق تختار الأحسن ليها
عمر بص يا اسر انا اه كنت مضايق اوي من بعدها سنه كامله لكن لو هناك احسن ليها وهتبقي مرتاحه يبقي خلاص مصلحتها أهم
ساره أسر اميره مش بقت صغيره.. اميره حقها تختار طريقها.. بعدين هي اكيد مش هتحيب سنه كامله زي المره اللي فاتت.. اكيد هتنزل تشوفنا كل شهر مثلا ولا حاجه واسكندريه مش بعيده اوي يعني في وقت هنحب نشوفها هنروح لها
كل حلفاؤك خانوك يا ريتشاردتوقعت انهم هيعترضوا زيي ويقفوا في صفي... بس كلهم اتكالبوا عليا... عرفت ان الأحسن ليا حاليا اني اهدي.. خصوصا بعد ما خدت بالي اني فقدت بالضبط انا مش عاوزك تمشي ومش موافق... هتمشي.. صوتي ظهر مخڼوق بوضوح وكملت.... هتسبيني.. عاوز رد اخير منك.. سكت مستني ردها وباصص لعنيها اللي مليها دموع.. لو كانت هي اميرتي اللي عارفها وربيتها كنت قلت مستحيل انها تسيبني.. كنت هراهن وانا واثق.. لكن دلوقت قلبي. بيتنفض من الرد.. نفسى متخيبش ظني المره دي كمان.. نفسي تختار وجودي معاها.. حاسس اني هتوجع جدا لو الموضوع مفرقش معاها
أميره
كنت واخده دور المشاهده وانا بستمع ليهم بخططوا لي.. واحد رافض وبيبرر. وهم موافقين وبيبرروا حلو ده..
بس هم غلطانين.. انا مش عاوزه امشي عشان مستقبلي هناك احسن ولا نيله... انا مش هقدر دقاته حاسه انها فاضحني.. عالية لدرجه اني حاسه انها قافلة ودني عن اني اسمعه.. كل همي انه ميسمعش دقات قلبي اللي مش قادره اتحكم فيها.... من وقت ما رجعت مبصتش لعينه كده وده وترني وخلاني مش قادره انطق... بس سألني هسيبه! إذا كان انا كل اللي بعمله عشان اسيبه وابعد... طب اقولها ازاي دي.. مهي مش كل حاجه ينفع تتقال... جمعت كل قوتي وعشان اقدر اعمل ده نزلت بعيني وبصيت على دبلته اللي في ايدو عشان لو للحظه فكرت. افتكر السبب.. ورجعت بصيت لساره ولدبلتها هي كمان... ياااه قد اي فهمت اني مليش مكان بينهم.. لأني لو فضلت هبقي بمۏت نفسي بالبطيئ.. وممكن يحصل مشكله كمان بينهم بسببي... مش هينفع يا أسر قلبي صدقني..
_ انا اسفه يا أسر بس الموضوع مش زي مانت فاهم مينفعش تقولي هتسبيني!.. لا قولى هتسافري.. فهقلولك.... اا.. ايوه يا أسر.. ه.. هس.. هسافر.. قولت جملتي من بين انفاسي وبصعوبه نطقت اصلا.. بصيت له وشوفت نظره عمري ما هنساها.. نظره مكسوره ونظرة عتاب وۏجع... نزلت عيني واتنهدت وسكت
أسر
اتمنيت انها متقولهاش.. كنت حاسس انها هتقولها لأنها مبقتش اميره اللي اعرفها اللي بيأثر فيها زعلي ولا رغبتي... بس اني اسمعها منها حاجه تانيه ۏجع تاني... واضح ان في خلل في دماغها ولازم اعرف اي سببه.. ماشي يا اميرتي انتي اللي اختاري.. تظاهرت بالهدوء ورديت
_ماشي يا اميره اللي يريحك اعملية... هتسافري امتي قولتي
أميره
اخاڤ من هدوءه ده...... بس هو باين انه فعلا معندوش مشكله..مش هيتمسك بيا! حسيت
_هسافر بكره العصر
_تمام هبقي اوصلكوا
_لا ماما مش هتسافر معايا هتحصلني آخر الأسبوع
_ماشي مفيش مشكلة
___
أميرة
اليوم عدي وأسر نزل مع عمتو يوصلهم ومرجعش لحد مانمت وصحيت الصبح وشوفته وكان هادي بشكل غريب.. وكأن الموضوع مش فارقه له اصلا.. بصيت له واحنا بنتغدي بغيظ.. بعد ما عدي اليوم ووفاضل بس نص ساعه وامشي وهو زي ما صحي الصبح.. هادي جدا ومتكلمش معايا خالص.. بيطفح ولا على باله.. ماشي يا أسر اديني همشي وبكره تنساني خالص.. بس ياتري انا كمان هعرف انساك همست بده لنفسي وبعدها اتنهدت وقمت وقلت لهم بعد اذنكوا هطلع اغير هدومي عشان امشي بقي.
ماما حبيبتي اساعدك في الشنط
_لا ياماما شنطتي جاهزه انا اصلا مكنتش لسه فضيتها
عمي هتوصلها يا أسر
أسر اممم.. هطلع البس انا كمان
قمنا انا وهو وطلعنا من غير ما ينطق وانا كمان منتطقش.... دخلت أوضتي ودخلت الحمام الأول اخد شور وخرجت لبست وتممت على حاجتي وسحبت شنطتي واتجهت ناحيه الباب افتحه عشان اخرج... أي ده هو الباب مش بيفتح لي.. حاولت كتير افتحه وبرضو مفيش فايده شاكلة مقفول بالمفتاح. بس ازاي وفين المفتاح اصلا... مقفول من برا!!!!
أسر
كانت فاكره اني هاسيبها تعمل اللي هى عايزاه وتمشي... كل الحكايه انى فكرت بعقلي هاودتها قدام الكل عشان الحكايه تعدي ومتهورش قدام عمتي وولادها.. ولما خرجت بليل فضلت افكر وعرفت هعمل اي... واستنيت الوقت المناسب.. لما اميره قالت إنها هتطلع تلبس كان
لازم اطلع معاها.. واتجهت لاوضتي وبعدها ب٥دقايق روحت لاوضه اميره خبط ومحدش رد عرفت انها في الحمام فتحت الباب براحه وسحبت المفتاح وقفلت الباب تاني وقفلته بالمفتاح وكان شئ لم يكن... هه..ابقي قابليني بقي لو خرجتي... ابتسمت براحه وانا قاعد عالسرير ومفيش ثواني وسمعت خبط اميره عالباب وصوتها بيقول ماما....عمي حد يفتح الباب اتقفل عليا... فضلت مكاني ومتحركتش سمعتها تانى بتنادي عليا بعد ما يئست انهم تحت يسمعوها أسر يا أسر.. أسر انت سامعني.. أسرقد اي كنت مبسوط باسمي وهي بتكرره حسيت بفرحة غريبة... قمت وروحت لها وقفت قدام الباب
_اي يا اميرتي في اي
_أسر انا مش عارفه افتح الباب حاول كده تفتحه
_تؤ مش هيفتح
_لي
_عشان انا قافله بالمفتاح وبصراحه مش فاكر المفتاح حطيته فين
صړخت اميره بعصبيه _انت مچنون يا أسر.. تقفله بالمفتاح. هي حصلت... افتح يا أسر وبطل لعب عيال
طلعوا كلهم على صوتنا
بابا اي ده في اي
أميرة عمي خليه يفتح الزفت ده ويبطل جنان
ماما انت قافل عليها!!! افتح يابني الله يهديك
ام اميره انت بتعمل كده لي
_عشان اميره مش هتمشي و متحاولوش انكم تمنعوني عشان ده مش هيحصل المره دي
بابا ممكن افهم انت بتعمل كده ليه انت مالك تمشي ولا تقعد دخلك ايه انت ما لكش حكم عليها افتح الباب ده وبطل لعب عيال
اتكلمت بعصبيه وصوت عالي و كنت خلاص فقدت كل اعصابي من كلامهم ان انا مليش كلام عليها وما ليش دخل في حياتها اللي كل شويه بيقولوا_ مش هافتح وهي مش هتسافر.. و قسما بالله العظيم ما هاسمح انه يحصل زي المره اللي فاتت وتسافر وتبعد تانى... اذا كنتوا المره اللي فاتت قدرتوا ان انتم تضحكوا عليا وتسافروها ونا مش موجود المره دي بقى انا قاعد لكم....
