روايه زواج بالاجبار ولكن بقلم ايه موافي ١٠ و١١

سابت الشغل ولا ايه!
مها اه عشان فرحها اتقدم
سوزي كويس انك هتشتغل معاه واهو بالمرة تقربوا من بعض اكتر
مها بتوتر وهي بتبص على مراد اللي بيبصلها بتوعد
ما هي فكرة مراد حبيبي
مراد وهو بيبصلها بعصبية مش يلا بقى علشان متتأخرش على الشغل ولا ايه يا حبيبتي
مها بتوتر ثواني هجيب الشنطة من جوه وجاية
دخلت مها الاوضة بسرعة وجابت شنطتها كانت هتخرج بس شهقت پصدمة لما مراد شدها من قفاها وقال وهو بيجز على سنانه
هو انا مش قلتلك امبارح اني مش موافق
مها بتوتر حصل
مراد پحده وانتي عملتي ايه بقى!
بلعت ريقها وقالت بتوتر اوعى تكون مفكر اني عملت كده عشان مصلحتي لا ابسلوتلى انا عملت كده عشان مصلحتك انت
مراد بغيظ والله!
مها بتوتر طبعا انا مقدرش اشوف جوزي محتاس ومساعدوش ابدا
دق قلب مراد بسرعة لما قالت جوزي بس مسك نفسه وقال بعصبية
انزلي اسبقيني تحت على العربية بدل ما اتغابى عليكى
مها پخوف حمامة وهتلاقيني تحت
طلعت تجري على تحت بسرعة وهو قال بتوتر لنفسه
في ايه بقى هو ليه كل ما اقرب منها قلبي يفضل يدق كده!
نزل مراد من البيت وساق العربية وكل شوية يبص عليها بغيظ وصلوا الشركة ومراد قال
بصي بقى انا عايزك تراجعي على كل الطلبات التي طلبناها اخر الشهر ده وعايزة تجيبي اوراق اخر صفقتين تموا واى مكالمة هتجيلك على المكتب حوليه إلى على الطول وعايزك تنظمي مواعيد الاجتماعات وتبعدي عن الساعة اربعة لان دي الفترة اللي بحب ارتاح فيها وكمان عايزك...
مها پصدمة ايه كل ده في ايه يا عم انت هو انت مفكرني آلة عشان اعمل كل ده النهاردة!
مراد والله ده نظام الشغل مش عاجبك الباب يفوت جمل
مها اه قول كده بقى ده نظام تطفيش صح!
بص عليها ببرود قالت باستفزاز
وانا مش هطفش يا مراد ووريني بقى هتعمل ايه
مراد باستفزاز اسمي الاستاذ مراد احنا هنا في الشغل مش في البيت
بصتله بغيظ وهو قال هتفضلي تبحلقي فيا كده كتير
مها بغيظ لا طبعا هشتغل اهو يا استاذ مراد
مراد ببرود خدى الباب وراكى وانتى خارجة
جزت على سنانها بعصبية ورزعت الباب وراها بص مراد ناحية الباب پشماتة وقال
اخيرا لقيت حاجة اطلع عينك بيها
عند ميرنا
خلصت شغل فقال مروان يلا اما اروحك
ميرنا بابتسامة انت هتروح كل يوم ولا ايه!
مروان ده انا بستنى نخلص شغل بفارغ الصبر عشان اروح اتكلم معاكي شوية
ميرنا بكسوف طب يلا بقى عشان منتاخرش
ضحك مروان على كسوفها وركبوا العربية ووصلها قدام بيته تحمحمت ميرنا وقالت
بقولك يا مروان
مروان ايه!
ميرنا بكسوف انا وافقت
مروان پصدمة وافقتي على ايه!
نزلت ميرنا من العربية وقالت بضحك شوف انت بقى
نزل مروان وراها بسرعة ووقف وراها وقال بسعادة
استني بس انتي وافقتي على انك تديني فرصة ونتخطب!
هزت راسها بكسوف وهو اتنطط من الفرحة وقال اخيرا
ضحكت ميرنا عليه وقالت انا كلمت بابا وهو قالي انه هيجي بكرة 
مروان بفرح هاتي رقمه عشان اتفق معاه على ميعاد
اديته ميرنا الرقم بكسوف ومشت هو ركب بفرح ومش مصدق انها وافقت
روحت سارة البيت واعدت مع باباها شوية ودخلت اوضتها عشان تلبس الفستان لبست سارة وحطت ميكب خفيف وبصت على شكلها في المراية بفخر خرجت بره الاوضة وعماد اول ما شافها ابتسم وقال
كبرتي يا بنتي
سارة بمرح هو اول مرة تاخد بالك ولا ايه!
عماد بطل لماضة
شغل اغنية ورقص معاها وهو بيقول
انا مش متخيل ابدا انه هيجي اليوم اللي هسلمك فيه لعريسك
سارة بحب