روايه عينيكي وطني بقلم امل نصر
المحتويات
.. فقال العم متولي وهو يتوجه ناحية منزل بابه اخضر .
هو دا البيت يابيه .. بيت امينة وجوزها .
... يتبع
الفصل الثالث
طرق العم متولي للمرة االذي لا يعلم عددها على باب المنزل.. الذي بهت لونه الأخضر .. ولا احد مجيب وكانه لا يوجد به احياء.. قال عصام المتأفف من الرائحة
الظاهر كده مافيش حد في البيت ده.. ماتيجوا نروح
القى علاء نحوه نظرة حانقة قبل ان يلتفت الى العم متولي ويسأله
انت متأكد ياعم ان هو دا البيت نفسه ولا يمكن غلطلت في العنوان
رد الرجل
طبعا يابيه متاكد.. عشان بيت قريبى هناك في الشارع اللي وراه وانا في كل مرة باجي عنده بعدي عليه ولو عايزيني اجيبلك قريبي هو كمان نسأله مافيش مانع .
قالتها المرأة الواقفة بالقرب منهم على باب البيت الملاصق لبيت امينة.. الټفت اليها الثلاثة مجفلين على صوتها ليجدوها امامهم متكئة على الحائط.. بعباءة منزليه خفيفة.. نصف شعرها الأمامي ظاهر من ربطة رأسها وزينة وجهها صاخبة بالالوان.. تولى العم متولي الإجابة عليها
احنا جاين نسال على اصحاب البيت ده يا ست.. ما تعرفيش بقى هما راحوا فين عشان احنا بنخبط بقالنا فترة ومحدش بيرد.
لهو انت متعرفش باللى حصل
سألها علاء مجفلا رغم استيائه من جراة نظراتها
مالهم اهل البيت وايه اللي حصل معاهم بالظبط
لوكت بعلكتها بداخل فمها وهي ترد عليهم بتمهل
ازاي بس ما تعرفش يابيه دا فتحي اتقبض عليه من يجي ست اشهر پتهمة تعاطي واتجار بالبرشام
اتجار بالبرشام!! طب احنا عايزين مراته هي فين
رفعت المرأة حاجبها الرفيع باستهجان وهي تسأله
انتوا عايزين امينه طب ليه
اردف خلفها بلهفة مما اثار ارتياب المرأة
ايوة بالظبط كده.. هي امينة دي.. فينها بقى
صك علاء على فكه وهو يليقيه بنظرة محذرة حتى يصمت واكمل على قوله ببعض الكياسة
مالت رأس عصام وهو ينظر اليه ببلاهة وعدم استيعاب ليفاجأ بالمرأة تقترب منه بعبائتها الضيقة تطبق بيدها على قماش قميصه الابيض قائلة بلهفة
طب ما انا كمان عايزة مساعدة يا بيه.. دا انا شقيانة في خدمة البيوت.. وجوزي بيطلع عينه في السواقة على كام ملطوش .. ولا هي المساعدة ما تجوزش غير على امينة.
يا ست ابعدي شوية خلي الراجل ياخد نفسه.. معلش بقى يا عصام .
قالها متولي وهو يرى جزع الاخير بنظره لكم قميصه المبتل .. فقالت المرأة ببعض الحرج
سامحني يا بيه.. اصلي كنت بغسل هدوم الواد .
صاح بړعب
هدوم الواد!!
تابعت بترجي
ايوة يا بيه هدوم الواد.. دا انا ايدي باشت من كتر الغسيل.. لو تتعطف عليا جمعيتكم وتجبولي غسالة يبقى كتر خيركم
هتف عليها متولي باستنكار
يا ست بيقولك جمعية.. يعني اجراءات وشغل كتير وبحث عن حالتك في البداية..جاوبينا الاول على سؤالنا وبعدها نشوف امرك.
زفرت المرأة حانقة من الرجل فقالت بامتعاض
امينة مش هاتلاقوها هنا .. عشان هي اساسا من ساعة ما جوزها اتحبس وهي بتبات عند امها وبتيجي هنا زيارت بس توضب البيت او تاخد لها هدمات تلبسهم هناك .
سألها علاء
طب ما تعرفيش عنوان بيت امها دا فين بالظبط
شهقت رافعة حاجبها مرة اخرة
انتوا كمان هاتروحولها بيت امها هي لدجادري اسمها مهم عندكم في الجمعية
صاح عليها العم متولي
خبر ايه يا بت ما تجاوبي عالسؤال وخلاص ..لزوموا ايه الرط دا كله
ردت باستنكار
ماهو انا معرفش بيت امها دا فين عشان اقول.
مسح علاء بكف يده.. على صفحة وجهه شاعرا بخيبة الأمل فاتفاجأ بعصام وهو يخاطب المرأة بلطف
طب ممكن يا مدام لما توصل هنا امينة تتصلي بالرقم اللي انا هاكتبهولك دلوقتي تبلغيني
شهقت بفرحة وهي تراه يخرج من جيبه ورقة صغيرة يدون عليها بالقلم الحبر رقم الهاتف
هو دا رقم تليفونك يابيه
كشړ بوجهه اليها وهو يناولها الورقة
حضرتك دا رقم الجمعية مش رقمي وعلى العموم انتي فاهميهم حالتك واكيد هما هايتصرفوا معاكي.
لمست بأصابع يدها على كفه الممدودة بالرقم بجرأة اثارت ارتعابه وهي تخاطبه بنعومة
تسلم الايادي يا باشا.
بلع ريقه وهو يحرك قدميه هربا منها وذهب معه علاء ايضا .. العم متولي استأذن منهم لزيارة قريبه
.. اما هي فأخرجت هاتفها الصغير من جيب صدرها تتصل برقمها.. فوصلها الصوت المتعب
الو يا راوية .. عايزة ايه
ردت بلهجة مائعة
الو ياست أمينة.. ياللي طلعتي ميه من تحت تبن.. بقى بتعرفي الناس النضيفة دي وتخبي عليا جارتك حبيبتك.
تقصدي ايه ياراوية
............................
بفناء المدرسة وعلى اريكة خشبية ضمتهم الاثنتان اسفل الشجرة الكبيرة سألتها بمرح
قالك إيه ياقطة عيدي كدة اللي قولتيه دا من
متابعة القراءة
