الظلم ظلمات الكاتبة مشيرة محمد الفصل الرابع

تجيبى العقد ولا تروحى تجيبى جلبيه سوده تلبسيها فى عزا ولدك.
امينه اټرعبت. لاه لاه ولدى لاه هملنى شوى بس هروح اجيبه وارجع طوالى ابوس يدك ولدى اوعاك تأذيه
وقبل ماتدخل امينه البيت اتفاجات باخر حد ممكن تتمنى تشوفه.
نوال كانت واقفه ومربعه اديها على باب الدار وسانده على حرف الباب وهى بتقولها. 
متلهوجه على ايه ياحماتى حد بيجرى وراكى ولايه وفينها التسويقه اللى جبتيها ولا صح انتى مالحقتيش كنه كان عنديكى معاد مهم. 

امينه اتكلمت بلجلجه. 
ق ق قصدك ايه وواقفه اكده ليه من الاساس وسعى من طريقى مانقصكيش عاد. 
نوال فجأه مسكت دراع امينه. 
وانتى فاكره انى ههملك تضيعى الارض اكده بالساهل انى ماخبراش ايه اللى بيناتكم انتى والبغل اللى بره ديه لكن اللى خبراه زين انى مههملكيش تضيعى فلوس جوزى. 
امينه برقت بعنيها. واه ابتتصنتى عليا يا ملعونه انتى. 
نوال. انى ما اتصنتش انتى اللى مفضوحه ويمكن ربنا عمل اكده لجل ما اقدر احمى مالى ومال جوزى منيكى ومن عمايلك السودا. 
امينه بتراجع. طيب هملينى دلوك وانى هبقى اقولك عالموال كلاته من اوله لاخره هملينى. 
نوال. لاه مههملكيش تضيعى مال جوزى بعمايلك واسرارك المهببه. بقلم مشيره محمد
امينه زعقت. زى مانتى خاېفه على جوزك انى كمانى خاېفه عليه ديه ولدى و راجلى وسندى فى الدنيا لو جراله حاجه ولا فدن الدنيا كلها هتغنينى عنيه.
نوال بتحدى. وهو ايه يخليه يطلب منيكى الارض الا لو كتى موعداه او حداكى شى واعر مخبياه.
امينه. ملكيش صالح انتى دى ارضى وارض ولدى اوعى من جدامى.
نوال بتحدى. هتقوليلى السبب ههملك لكن انى مش هبقى كيف الاطرش فى الزفه اكده.
امينه بغيظ. رايده تعرفى ماشى انى هقولك ووقتها هتعرفى ان انتى السبب فى كل الهم ديه.
يتبع 
بقلم مشيره محمد