روايه في عشق ليلي بقلم فاطمه الزهراء
البارت الأول
ابتسام بحزن ليلي ... يا ليلي.
من داخل اوضتها نعم يا ماما.. ثواني وهاجي.
ايجت وقعدت قدام مامتها نعم يا ست الكل فيه اية
ابتسام بتنهيدة بصراحه يا ليلي انا كنت عاوزة اقولك ان ااا ا اا.
ليلي بقلق خير يا ماما ممكن تدخلي في الموضوع علي طول.
ابتسام بصراحه يابنتي العريس مش موافق.
ليلي بدموع حاولت تحبسها طب واية يعني الجديد يا ماما يكونش دا اول عريس يرفضني انا اصلا كنت رافضه اقلع النقاب يوم الرؤية الشرعية بس رجعت قولت دا حقه .. ومكنتش عاوزة اظلمه.. لكن انا مش زعلانه .. ربنا يسعده.
ابتسمت بدموع محپوسة تحاول التماسك قدام مامتها ابدا يا ماما .. مفيش اي حاجه .. واكملت بمرح زائف وبعدين تعالي هنا يا ست ماما انتي عاوزة تجوزيني عشان تخلصي مني!
ابتسام بأمتسامه خفيفة لا يا قلبي وانا اقدر برضوا اخلص منك بس دى سنه الحياة يا حببتي.
ابتسام اذنك معاكي يا بنتي.
دخلت اوضتها وسندت ضهرها علي الباب وهنا بس سمحت لدموعها بالنزول فضلت ټعيط لحد ما خدتها ذكريتها المؤلمھ لذكرى ليها في الجامعه.
فلاش باك
كانت ليلي قاعدة في كافيتريا الجامعه وفجأة جه أنس زميلها وعمل نفسه معدى من جمبها هو وبنت مصاحبها اسمها سمر وخبط في رجل ليلي جامد خلها تقع لقدام من علي الكرسي.
انس بعجرفة انتي يا مشوهه انتي ازاى تخبطي فيا ومش تعتذرى مع اني عارف انك قاصدة بصوت عالي خلي الكل يتجمع عليهم ردى يلا ولاا بقيتي خرسة ..ههههههه هتبقي خرسه ومشوهه كمان.
سمر بدلع عندك حق يا حبيبي بنت مقرفه. وبتف عليها.
ليلي بدموع انت عاوز مني اية هو انا جيت جمبك اصلا انت اللي خبطت فيا وغير كدا بقالك فترة مستقصدني وانا عاملة عبيطه.
سمر بمياعة يلا يا حبيبي اتأخرنا فكك من الأشكال المقرفة دى.
عودة من الفلاش باك.
فضلت ليلي فترة ټعيط وبعدين قامت صلت العشاء وفضلت تناجي ربها الي ان غلبها سلطان النوم.
صباح يوم جديد
مدحت روحي يا ابتسام صحي ليلي عشان تلحق تفطر قبل معاد شغلها.
ابتسام حاضر رايحة اهو.
دخلت اوضة ليلي وفتحت الشبابيك.
ابتسام بتهز في ليلي ليلي.. لولو .. قومي يلا يابنتي عشان متتأخريش علي شغلك.
ابتسام يحضرلك الخير يا رب قومي يلا.
ليلي بأبتسامه كأن مفيش حاجه حصلت امبارح صباح الخير يا ست الكل ثواني هتوضي واصلي واحصلك.
ابتسام صباح النور يا نور عيني.. يلا هنستناكي علي ما تصلي.
بعد الفطار.
ليلي بصراحه يا بابا الشركة كانت عاوزة تنقلي الفرع الرئيسي بتاعها اللي في اسكندرية انت اية رأيك اوافق علي قرار النقل ولا لا
مدحت بيحط فنجان القهوه علي التربيزة قدامه براحتك يابنتي .. انا راجل كبير ولا ليا شغل ولاا غيره اللي انتي شايفة مصلحتك فيه اعمليه ولا اية رأيك يا ابتسام
ابتسام موافقة طبعا انا رأيي من رأي ابوكي اللي عاوزاه اعمليه.
ليلي والله انا مش عارفة لسه الدنيا فيها اية هصلي استخارة واشوف واللي فيه الخير يقدمه ربنا.
مدحت ونعم بالله.
ابتسام ونعم بالله.
ليلي طب مع السلامه بقا يا جماعة اصل انا اتأخرت جامد ومش محتاجه حد يعدل عليا.
ابتسام مع السلامه يا قلب امك ربنا يسلهك طريقك يا بنتي ويرزقكك بأبن الحلال اللي يستاهلك.
ليلي وهي علي الباب شوف برضوا يا مدحت باشا اهي عاوزة تخلص مني اهي عشان متقلوش بتبلي عليها.
مدحت ههههه معاكي حق.. يلا يا حببتي مع السلامه.. خدى بالك من نفسك.
ليلي حاضر.. لا اله الا الله.
ابتسام مدحت محمد رسول الله.
بعد مرور اسبوع دون احداث تذكر غير ان ليلي قررت تنقل شغلها الفرع اللي في اسكندرية وبالتالي لازم تسكن هناك عشان المسافة طويلة عليها انها تروحها وترجعها يوميا وكمان عشان هي ماقدرش تستغي عن والدها ووالدتها فهي هتاخدهم معاها يعيشوا كلهم في اسكندرية.
صباح يوم جديد
في مكان اول مرة نروحه
في بيت الحج مصطفي الموجي.
علي الفطار.
مصطفي امل قومي صحي اخوكي خليه يجي يفطر عشان يلحق يروح شغله وكمان يفتح الدكانة مش قادر افتح انا.
امل بطاعة حاضر يا بابا قايمه اهو.
دخلت امل اوضة حسن.
بتهز فيه حسن .. حااااااااااسن قوم بقا يا أخي ابو نومك التقيل دا.
وحسن مش هنا خالص.
امل بشړ بقا كدا طب مااااشي.. اصبر عليا.
وراحت جايبة جردل ماية ودالقاه عليه.
حسن بفزع اية .. اية مين ماټ.. مين بيصوت .. في اية .. بغرق.. زلزل.
امل مايته علي نفسها ضحك ههههههههههه.. احسن والله... هههههههه.. عشان تبقي تصحي علطول بعد كدا... هههههههه لا لا مش قادرة .
حسن قام يجرى وراها اه يابنت ال..
ابوه من وراه وماسكه من قفاه ها بنت ال اية يا سيادة المحاسب المحترم.
حسن بأحترام بنت الناس الطيبة طبعا يا بابا .. وبيهمسلها بالله ما انا سايبك يا راس الكلب انتي.
مصطفي بحزم خمس دقايق والاقيك علي السفرة والا..
حسن من غير و الا يا حج تلت دقايق هتلاقيني وراك.
مصطفي لما اشوف.. وانتي يلا وراي.
بعد الفطار.
مديحه الا صحيح يا مصطفي عملت اية في حوار الشقه
مصطفي خلاص ان شاء الله هم هيجوا بكرة وهيسكونوا فيها خلصنا العقود وكل المطلوب.
حسن شقة مين دى يا حج
مصطفى شقة مي يا حبيبي في ناس عاوزة تأجرها واهو نستنفع منها بدال ما هي كدا كدا مقفوله واختك في بيت جوزها مش محتاجاها يعني.
حسن اه طبعا يا حج اللي انت تشوفه صح اعمله.. يلا بقا انا همشي عشان الحق شغلي .
يتبع
البارت الثاني.
فجر يوم الخميس.
ليلي بصياح يلا بقا يا بابا .. ويلا انتي كمان يا ماما مش معقول هنتاخر كدة.
ابتسام وهي خارجه من الاوضة بتظبط حجابها خلاص اهو اهو اية مالك متسربعه كدا ليه مستعجله اوى عشان تسيبي البلد ليه
ليلي بنفاذ صبر ولا مستعجلة ولا حاجه عادى يعني بس احنا فعلا اتاخرنا جدا... ما
يلا بقا انت كمان يا بابا الله.
مدحت بيخرج لهم خلاص انا جهزت يلا بينا.
ابتسام ليلي يلا.
مدحت توكلنا علي الله.
وبعد عدة ساعااااات وصلوا العمارة اللي هيسكونوا فيها.
لقيوا الحج مصطفي ومراته وامل في استقبالهم.
مصطفياتفضلوا اتفضلوا والله العمارة نورت بيكم.
مدحت يربت علي كتفه بود تسلم يا حج مصطفي والله ما عارف من غيركم كنا عملنا اية ولا رحنا فين
مصطفي بأبتسامه احنا اهل وان شاء الله يبقي لينا عيش وملح مع بعض.. واكمل بمزاح انا هسيبك ترتاح بس عشان السفر وبعدين هتلاعبني دور شطرنج ولا مش ليك فيه
مدحت بحماس الا ليه فيه دا انا لعيب قديم اوووى واعجبك.
مصطفي بضحك هههههههه.. عموما محدش بيغلبني .. هنشوف هتعمل ايه.
واتعرفت مديحه علي ابتسام وليلي وكمان ليلي اتعرفت علي امل وتبادلوا الارقام وليلي حابتها جداا.
دخلوا صلوا ودخلوا يرتاحوا.
بعد ساعات حضرت ابتسام الغداء.
بعد الغداء.
بيشربوا الشاي.
ليلي ها يا جماعة ايه رأيكوا في الشقة .
ابتسام حلوة جدا وكمان الناس اصحابها ناس زوق وطيبين جدا ربنا يباركلهم.
مدحت فعلا والله والحج مصطفي عامل اعلي واجب معانا بجد .. اه صحيح عاوزني انزل معاه علي القهوة تحت العب معاه دور شطرنج.
ليلي براحتك يا حبيبي اعمل اللي نفسك فيه.. المهم انتم تكونوا مبسوطين.
ابتسام ربنا يحمكي لشبابك يا بنتي ويوقفلك ولاد الحلال ويرزقكك....
قاطعتها ليلي ويرزقكك بابن الحلال اللي يستاهلك.. صح
ابتسام بضجر اه صح يا جذمه انا غلطانه اني بدعيلك اصلا.
ليلي بضحك ههههههههه انتي تعملي اللي نفسك فيه يا ست الكل هو انا اقدر اعترض
مدحت بغيرة مصطنعه الله الله احضان من غيرى عادى
ليلي وبتروح عليه الله وهو انا اقدر برضوا دا انت حبيبي
مدحت اه يا بكاشة .. اتنهد ربنا يخليكوا ليا وميحرمناش من لمتنا دى ابدا.
ابتسام اللهم امين.
ليلي اللهم امين.
وعدى اليوم عادى من غير احداث تذكر.
في صباح يوم الجمعه.
طرق علي باب بيت مدحت نفادى.
ابتسام ايوا جاية اهو.. اية دا ام حسن اتفضلي اتفضلي.. يادى النور.
مديحه بحرج يزيد فضلك يا حببتي بصي انا عارفة النهاردة الجمعه وانتي مش فاضية واكيد بتظبطي شنطكوا وكدا فأنا مش هعطلك هم كلمتين بس وهمشي
ابتسام كلام اية دة انتي تيجي في اي وقت وكمان انا فاضية ومظبطه كل حاجه من امبارح وانتي مش هتمشي غير لما تشربي حاجه.
ولسة هتمشي مسكت مديحه فيها.
مديحه حببتي انا مش جاية اتضايف هم كلمتين علي الماشي.
ابتسام تشربي حاجة الاول وبعدين تقولي الكلمتين اللي عندك.
وعملت لها عصير مانجا وراحت قعدت قدامها.
ابتسام خير بقا يا حببتي.
مديحه خير يا حببتي ان شاء الله.. الموضوع وما فيه ان احنا متعودين كل جمعه بنعمل قاعدة فوق السطوح بيتجمع فيها كل سكان العمارة الرجاله بتقعد في مكان وقصادهم الستات والعيال بيلعبوا سوا... وانتوا خلاص بقيتوا من اهلنا وناسنا فأية رأيك لو تجيبي ليلي معاكي وتيجيوا بعد صلاة المغرب والاستاذ مدحت يقعد مع مصطفي وكمان رضوى بنتي هنا هي وجوزها وابنها بالمرة اعرفكم عليهم وحسن ابني هيحضر كمان.
ابتسام بتنهيدة انا والله معنديش مانع ولا مدحت كمان عندو مشكلة بس المشكلة في ليلي بنتي هي انطوائية شوية فمش عارفة اية هيكون ردها علي الموضوع دا بصراحه.
مديحه بتقوم ومتجهه الي الباب عرفيها وردى عليا يا حببتي وان شاء الله توافق .
ابتسام مودعة إياها ان شاء الله شرفتي ونورتي يا حببتي.
مديحه بنورك يا حببتي.
دخلت ابتسام وقفلت الباب وراها.
دخلت اوضة ليلي عشان تقولها.
ابتسام بأستغراب اية دا يا ليلي انتي لابسة كدا ورايحة علي فين يا بنتي مش النهاردة اجازة وهتستلمي شغلك بكرة.
ليلي بأبتسامه اه يا ماما بس رايحه اودى ورق النقل ليهم كلموني وقالولي اني لازم ابعته انهاردة مسافة السكه وراجعه مش هتأخر بأذن الله.
ابتسام طيب يا حببتي خدى بالك من نفسك.
ليلي حاضر يا ست الكل.
ابتسام اه بالحق يا ليلي كنت عاوزاكي في موضوع.
ليلي بأستعجال بعدين يا ماما عاوزة الحق اروح وارجع قبل صلاة الجمعة.
ابتسام طيب يا حببتي مع السلامه.
ليلي مع السلامه.. لا اله الا الله.
ابتسام محمد رسول الله.
نزلت ليلي وبينما هي مستعجلة اوقفها صوت تحت بير السلم صوت انين وعياط فقربت من الصوت سمعت صوت طفل بيقول ما خلاص بقا يا خالوا كل مرة تسمع الكارتون دا ټعيط انا زهقت بقا.
ليلي وهي واقفة قدامهم اية دا حضرتك بټعيط لية
حسن وعيونه كلها دموع وبيدور لها شاشة الموبايل شوفي موفاسا ماټ.. ومين اللي قټله سكار اخوه من غير رحمه.
ليلي پصدمه نعم.. مين ماټ بتقولي مين ماټ وبتعيط عليه بالمنظر دا
حسن ببراءة موسافا ماټ .
ليلي انت اهبل يا جدع انت .. انت انت مستوعب بټعيط علي ايه
يوسف بأنتصار طفولي شوفت شوفت .. طلع مش بس انا اللي بقول عليك عبيط.
حسن بيضربه علي قفاه اسكت يا عديم المشاعر انت .
ليلي انا همشي قبل ما اټشل منك.
حسن بيبربش بعيونه ببراءة مزيفة هو انا عملت اية بس
ليلي لا ابدا يا عم البريئ انا اللي عملت .
وفجأة بتصرخ في حسن.
ليلي بصړاخ يخربيتك يخربيتك اتأخرت كدا مش هلحق.
حسن بيمسح وشه مش تلحقي علي اية يا آنسة انتي مين اصلا انا اول مرة اشوفك.
ليلي بتتجاهله وتشوحله بأديها وتسيبه وتمشي .
حسن بيبص في آثرها پصدمه اي دا البت حلقتلي دى سبتني بكلمها وشوحت بأيدها ومشيت .. اتنهد بس يخربيت عيونها اي دا يجدعان سما صافية ماشية علي الارض.. يخربيت حلاوة اهلك يا شيخه.
يتبع
البارت الثالث
وفات اليوم من غير احداث تذكر سوى ان ليلي قدمت ورقها في الشركة وهتبدأ شغلها من اليوم التالي السبت .
مساء الجمعه .
ابتسام بصياح ما يلا بقا يا ست ليلي اتأخرنا علي الست .. تقول علينا اية بس
ليلي من داخل غرفتها اية اليوم الزفت دا بس ياربي مش كفاية مش عاوزة اطلع اصلا.
ابتسام ليلييييييي.
ليلي حاضر يا ماما.. جيت اهو.
ابتسام يلا يا حببتي اتأخرنا.
ليلي مش عارفه انتي مستعجلة علي اية
ابتسام قدامي وانتي ساكته.
ليلي حاضر سكت اهو.. هو بابا فين!
ابتسام سبقنا يختي وراح لعمك مصطفي.
ليلي اه ماشي.
وطلعوا السطوح وقابلتهم مديحه وجمبها امل وجمبها حد ليلي ولا ابتسام يعرفوه رضوى.
مديحه بعد ما سلمت علي ابتسام وليلي اعرفكم رضوى بنتي الكبيرة..
دول الست ابتسام وليلي بنتها السكان الجداد في العمارة يا رضوى.
رضوى بأحترام الف مبروك عليكوا الشقة .. ويارب تنبطسوا معانا.
ابتسام تعيشي يا بنتي.
ليلي تسلمي.
رضوى انتي اسمك ليلي.. اسمك حلو اوى.
ليلي جزاك الله خير.. وانتي كمان اسمك حلو.
