نيران وصالي

اللي حصل ما ينفعش تقول لي الكلام اللي قلته قدام الكل يلا روح نام لوحدك.
طارق ضحك بخفه وقال لو مقومتيش لوحدك هشيلك وامشي بيكي. وصال قالت بغيظ منه اللي معاك اعمله ولسه هتسحب الغطاء عليها شده منها وشالها بسرعه وطلع جري بيها وهي بتضربه وبتحاول تفلت منه بس مش عايزه تزعق عشان والدته ما تصحاش.
بقلم زهرة الربيع. طارق اخذها على الاوضه وقفل الباب برجله وحطها على السرير وقرب منها وقال. ده مكانك اوعي تبعدي عني حتى لو انا اللي طلبت منك. وصال قالت پغضب شديد. لا مش عايزه انام جنبك. ولسه هتقوم شدها لحضنه بسرعه وقال حقك عليا ما كانش صح اقول كده وبعدين يا ستي حتى لو انتي اتربيتي هناك فاحنا كلنا اصلنا من هناك. انتي ناسيه انك بنت عمي ولا ايه. ولا علشان بابا قعد هنا في المدينه وانا اتربيت هنا يبقى خلاص بقيت من هنا. انا مببقاش قاصد ازعلك يا وصال مع انك بتبقي قاصده تزعليني.
وصال بصتلو بكسوف ونزلت عيونها وقالت ابدا يا طارق والله انا مش ببقى قاصده اي حاجه. انا لما بشوف اي واحده قريبه منك مش بعرف ايه اللي بيحصل لي. والله حتى ما بفتكر اللي قولته. طارق ابتسم وقرص خدها بخفه وقال يسلملي اللي بيغير. وصال ضحكت بخفه وكسوف على تريقته وقالت معاك حق انا غلطت قوي انهارده. طارق شدها لحضنه وقال انا معرفتش انام ابدا من غيرك. انا انهارده قلقت على نفسي كده مهما عملتي معايا ما اقدرش ابعد.
وصال بصت لعيونه وقالت وتبعد ليه اوعى تبعد انا بحبك قوي. طارق قرب وقال بهمس وانا بدمن وجودك. انتي حياتي كلها. انا مهما خسړت انتي مكسبي. وصال ابتسمت برقه وقالت طيب انت مش جبتيني علشان ننام يلا نام بقى عشان انا حاسه انك شكلك ناوي على مشروع تاني. طارق غمز وقال اسيبك تنامي من غير ما اصالحك.
وصال قالت بسرعه انا اتصالحت خلاص.. واصلا تعبانه من الحفله ومش قادره و بس قطع جملتها لما قرب منها و غابوا مع بعض في لحظات جميله نسيوا الوقت فيها.
في صباح يوم جديد طارق قام من النوم ما لقاش وصال في الاوضه. اخذ شاور ولبس وجهز ونزل علشان يشوفها. وقفت قدامه بنت عمه على السلم وقالت صباح الخير يا طارق قلبي عندك على اللي حصل امبارح ما لحقناش نكلمك. طارق اتنهد وقال حصل خير يا رودينا كل حاجه ليها حل. ولسه هينزل وقفت قدامه تاني وقالت الا مشكلتك انت ما لهاش حل لان انت مشكلتك مراتك زي ما انت قولت امبارح بالظبط. دي واحده ما تناسبكش مش من مستواك .. لو عايز الحل المناسب ابعد عن الشړ.
طارق ابتسم بخبث