عبير سالم

اهدى

حنلاقيها ان شاء الله ياحبيبتي حنلاقيها

عفاف  يارب يارب نلاقيها يارب

حياة دى كل حياتى

مالك وهو يحاول تهدئتها حترجع ان شاء الله احنا مش حنسكت غير لما نرجعها

عفاف  انا عاوزة ارجع بيتى عاوزة اشم ريحة بنتى فيه

مصطفى وابو شهد ومالك ذهبوا جميعا مع

عفاف  الى بيت عفاف 

يجدون الباب مغلقا

يطرقون على الباب بشده ولا احد يرد

ثم فتح الباب فجاة

عفاف  انت مين وبتعمل ايه هنا

محسن بيتى وقاعد فيه

عفاف  بيتك مين ياراجل انت ده بيتى انا وبنتى

محسن بقولكم ايه البيت ده بيتى واثبتوا انه بيتكم

روحوا هاتوا البوليس واحنا نعرف ده بيت مين

معاكم ورق يثبت ان ده بيتك ياحاجه

عفاف  الاوراق كلها جوة فى الشقه

محسن طب الجدع يدخل برجله الشقه

وانا اقطعهاله

مالك وهو يمسك به ماتتعدل ياصايع انت وتتكلم عدل

وفى للحظه تجمع عدد من البلطجيه حولهم

ايه يامحسن مين اللى زعلك

محسن الجماعه دول بيقولوتا ان شقتى دى شقتهم

وبعد مشاجرات قرر مصطفى ان ياخذ الجميع ويمشي فهؤلاء البشر لاينفع التعامل معهم

مصطفى ياللا ياعفاف  عشان نرجع

عفاف  لاء انا مش حمشي من هنا

مصطفى مش حينفع ياعفاف  انا مش حسيبك فاهمه مش حسيبك

عفاف  وانا مش حسيب بيتى

مش حسيب بيت بنتى

كل حاجه راحت خلاص بيتى وبنتى انا لازم اقعد هنا عشان استنى حياة لما ترجع

ايوة ايوة حياة حتيجى دلوقتى عشانى اصل انتوا متعرفوش انتوا متعرفوش ياناس حياة دى بنتى وحبيبتى وحياتى كلها

 ثم تصرخ باعلى صوتها

حسبي الله ونعم الوكيل في كل اللى ظلمونى انا وبنتى

حسبي الله ونعم الوكيل فيهم كلهم

كانت ترفع يداها الى السماء يارب يارب انتقملى منهم يارب هاتلى حقى منهم كلهم يارب

رجعلى بنتى ياقادر ياكريم يارب

انت القادر على كل شئ يارب

زى مارديت موسى لامه ورديت يوسف لابوه ردلى بنتى يارب الناس خذلونى انصرنى من عندك يارب

انصرنى من عندك يارب

ربنا ينتقم منك ياثريه انتى وخالد وياسر ويتقم منك ياعادل انت وعزة

يارب ورينى فيهم يوم

نفسي اشوفهم نفسى اكلهم بسنانى عاوزة اشرب من دمهم

يارب انتقم منهم بحق عزيز مقتدر

كان الجميع يبكى على حالها

ابوشهد اطمنى ياام حياة عادل مرمى فى السچن اتحكم عليه بمؤبد

وعزة ان شاء الله حتحصله

وربنا حياخدلك حقك وحق بنتك منهم

فى المستشفى

ياسر ايه ياهبه امك عامله ايه انا جاى عشان اطمن عليها

واشوفكم لو محتاجين حاجه

هبه شكرا يااستاذ ياسر الحمد لله مستورة بس هي تقوم بالسلامه

اتفضل يااستاذ ياسر ادخل

ياسر ايه ياثريه مش تشدى حيلك كده عشان تفرح ى بهبه واللا ايه

ثريه افرح ايه انا خلاص ممكن اقابل وجه كريم فى اى وقت انا كنت عارفه ان عقاپي حييجى وكنت منتظراه كنت قاعدهةمستنيه دورى

 لما خالد ماټ فى حاډثه على الطريق والناس بقت بتلم فى لحمه من عالسكه عشان يعرفوا يدفنوه

وقتها عرفت ان ده عقاپ ربنا ليه

ان ربنا يفضحه بحق اللى عمله فى عفاف  الغلبانه اللى عمرها مااذت حد وكان كل املها فى الدنيا تربي بنتها

عفاف  اللى انا غيرت منها عشان الكل كان بيحبها ويحترمها

واستنيت عقاپ ربنا يجي لكل واحد فينا بالدور

ربنا يمهل ولايهمل

واهو الدور جه علية وادينى اهوه مرميه زى الكلبه تعبت من كتر غسيل الكلى وحسيب بنتى زى ماعفاف  سابت بنتها

انا خلاص راضيه بحالى وراضيه بعقاپ ربنا لية لكن كل خوفى على هبه ياترى الزمن حيعمل فيها ايه

ياسر ماتكبريش الموضوع اوى كده

يعنى هو كل اللى بېموت فى حاډثه والااللى يجيله مرض يبقى عمل حاجه وربنا بيعاقبه

انتى الظاهر التعب خلاكى تخرفى مش عارفه بتقولى ايه

ياللا انا ماشي عشان اشوف اللى ورايا

تعود حياة الى الشقه المقيمه بها

تدخل وتبدل ملابسها ثم تجلس لتناول طعامهاولكنها تتذكر كلام اسر معها

تعرفى ان بحة صوتك حلوة اوى

فتبتسم تلقائيا على هذه الكلمه

ولكنها سرعان مايعود لها عقلها

وتحدث نفسها ايه ياحباة مالك كده فوقى مالك فى ايه انتي اټهبلتى واللا ايه

ايه اللى بتفكرى فيه ده

انتى مش من حقك تفكرى فى راجل متجوز

وكمان انتى فين وهو فين

و كفايه اللى حصلك مع محمود واللا نسيتى محمود اللى

اتربيتى معاه وكان اول حب فى حياتك وكل املك فى الدنيا

قلبك ونساكى واديكى شفتى عمل معاكى ايه وزمانه اتجوز

مابالك بواحد ميعرفش حاجه عنك

فوقى ياحياة اوعى تخللى قلبك يستسلم لراجل ابدا

انتى كل اللى تفكرى فيه دراستك ومستقبلك وبس

ولازم ام علا وجوزها وولادها يكونوا معايا فى كل خطوه فى حياتى ربنا يخليهم لية يارب ويخليلهم ولادهم

نفسي ربنا يجعلنى سبب فى ادخال الفرح والسرور على قلوبهم زى ماكانوا سبب فى انقاذ مستقبلي انا من غيرهم كنت ضيعت

ثم تحضر كتبها وتضعهم امامها لتبدا المذاكرة

بينما على الجانب الاخر يعود اسر الى المنزل ليجد امه تصيح فى وجه تولين

والله ياتولين لو ماكلتى لكون قايله لابوكى

تولين لاء ياتيته بابى حيزعل منى

اسر تاعبه تيته ليه ياتوته

عايده بص يابنى انا تعبت انا كبرت يابنى صحتى مبقتش زى الاول

وتولين دى عاوزة واحده مخصوص تاكلها

اسر وهو يجلسها على قدمه حبيبة بابي مش بتاكل ليه

تولين والله يابابي انا مش جعانه

اسر حبيبتى انتى على طول مش جعانه

عايده انا مش عارفه يابنى والله بنتك دى عجيبه اوى اكتر حاجه تعبانى فيها الاكل

ملك والله لو تشوفهايااسر لما كنا فى جنينة الحيوانات ماكنتش تصدق انها تولين الهاديه اللى مبتحبش الاكل

دى لعبت لعب واكلت اكل عمرى ماشوفتها بتاكله

تولين وهى تضع يدها فى وسطها عشان حياة هى اللى كانت بتاكلنى

هاتولى حياة وانا اكل

عايده وهى يعنى حياة ايدها فيها سكر

سيلين ايوة ياتيته ايدها كانت فيها سكر واديتهولى عشان اخللى الحصان ياكله

يضحك الجميع على رد سيلين التلقائى

فيقرر اسر الصعود الى غرفته

عايده اسر انت رايح فين مش حتتغدى يابنى

اسر لا ياامى انا مليش نفس وعاوز اطلع انام شويه

عايده ربنا يريح قلبك ياحبيبي يارب

يصعد اسر ولكنه لا يدخل الغرفه التى بها شيرين وانما يدخل غرفة جنى

يدخلها وياخذ صورتها فى احضانه ويتحدث اليها

انتى فين ياجنى روحتى فين وسيبتينى حاسس انى تايه فى الدنيا من غيرك مشاعرى كلها متلخبطه مش عارف مالى مش عارف ايه اللى بيحصللى

شيرين والحمد لله قدرت تخلينى مطيقش اشوفها قدامى وتفوقت بجد فى انها تخللى كل اللى فى البيت ميطيقوش يشوفوها

حتى الخدم هما كمان مش بيحبوها

سبحان الله حتى لما بتمثل بتكون ممثله فاشله

اما حياة دى حاله غريبه بجد

مش فاهم ايه سر حب نور ليها وانها تتحايل علية اشوفلها شغل

ومش عارف انا كمان ليه سيبتها تشتغل عندى برغم انى كنت ناوى اخللى اى حد من حبايبى يشغلها عنده

بس ماقدرتش ياجنى اول ماعينى لمحت الغمازة حسيت انى شايفك ادامى ياحبيبتى مقدرتش ابعدها عنى

وحتى بناتك مرة واحده يشوفوها يتعلقوا بيها بالشكل ده

تولين اللى بټعذب ماما والبيت كله فى اكلها حياة هى الوحيده اللى اكلت من ايدها بمنتهى السهوله

انتى مين ياحياة وليه الكل بيتعلق بيكى بالسرعه دى

بس اطمنى ياجنى انتى اللى فقلبي محدش ممكن ياخد مكانك فى قلبي ابدا ثم يحتضن صورتها وينام

فى الاسفل

نور ماتكبري دماغك بقى ياماما

عايده اكبر دماغى ازاى بس يانور هما دول مش ولادى

الضنا غالى يابنتى بكرة لما ربنا يكرمك وتتجوزى وتخلفى حتعرفى يعنى ايه ضنا

نور مااعتقدش ياماما شكلى كده حفضل قاعده معاكى

عايده ليه بس ياحبيبتي ده انتى ست البنات وبكرة ربنا يوعدك باللى يريح بالك يارب

ينتبهون على صوت القادم اليهم

ست البنات قصدك اتخن البنات

هو مين الاهبل ده اللى يبص لنور بتك دى ممكن تاكل دراعه وهو نايم

نور تبكى من طريقة كلامه وتصعد سريعا الى غرفتها دون الرد عليه

بينما

فهمى يدخل اليهم حيث انه يقضى معظم يومه فى حديقة المنزل فيدخل على صعود نور السريع على السلم

فهمى خير ياجماعه فى ايه مالها نور

عايده الاستاذ ابنك حړق ډمها كالعاده بكلمتين خلاها تطلع تجرى على فوق

فهمى تعالى يافارس ورايا انا عاوزك

فارس ايوة يابابا

فهمى بص يابنى انا عاوز اقولك كلمتين وياريت تفهمنى

فارس اتفضل يا بابا

فهمى اولا يابنى انا عمرى ماحشحت منك الحب لاختك ولا ححنن قلبك عليها ده المفروض يكون نابع من جواك والحب مبيتشحتش

انا لما ربنا كرمنا باختك نور بعدك انت واخوك قلت انكم حتكونوا سندها فى الدنيا من بعدى

تقدر تقوللى يابنى لما انت طول الوقت بتتريق على اختك وحارق ډمها وتخليها ټعيط بالشكل ده

وعمرها ما صعبت عليك دموعها

عمرى ماشفتك واخدها فى حضنك عمرك ماشفتها تعبانه وقلتلها مالك واللا سلامتك

فاكر لما عملت الزايده مهنش عليك تروحلها المستشفى تبص عليها برغم انها اول مافاقت سالت اذاكنت جيت وهى فى العمليات واللا لاء

وامك كدبت عليها وقالتلها انك كنت موجود

برغم انك ولا سالت حتى بالتليفون

 ولما رجعت البيت مربت عليها مرور الكرام

وبردو مسلمتش من لسانك وتريقتك عليها

عمرك ما باركتلها فى نجاح

طول الوقت مقلل منها ومن كرامتها

طول الوقت تتريق عليها ليه مالها اختك ناقصه ايد واللا رجل

كل ده عشان مليانه شويه طب ده فيه اتخن منها بكتير والله اختك ماتيجى جمبهم حاجه

تفرق ايه هى عن ملك واللا شيرين واللا اى ست

ده مفيش حد اطيب من قلبها ده برغم كل اللى انت بتعمله فيها عمرها ماكرهتك ولا اشتاكتلى منك

حاططها فى دماغك ليه مش طايقها ليه

ايه خدت منك الورث واللا شايفنا بنفضلها عنك فى حاجه

انا عاوز اعرف حاجه لو ربناكرمها واتجوزت جوزها لو زعلها مين اللى حيقفلها ويجيبلها حقها

مش المفروض انت واخوك

طب ولما انت نفسك تكون سبب فى عڈابها مين اللى يقفلها

مين حيكون سندها وامانها وضهرها مش انت

بص يابنى انت لما كنت زمان بتتخانق معاها وتزعلها كنت بقول صغير وبكرة يكبر ويعقل لكن واضح ان ده طبعك مع اختك

وحقولهالك تانى يافارس المحبه مبتتشحتش يابنى وانا بنتى مقامها عالى

وعمرى ماحشحت حبها منك بس ياريت تسيبها فى حالها

كانها مش موجوده فى حياتك وانا حخليها هى كمان تنسى انك موجود فى حياتها

 ولو اتعرضت لاى مشكله فى حياتها ربنا يخليلها اسر هو دايما اللى بېخاف عليها وبيحسسها بقيمتها

اما انت فخلاص يابنى حخليها تعتبرك مش موجود وربنا مايحوجها ليك ابدا

يخفض فارس راسه ولا يستطيع النطق بكلمه فوالده محق فى كل كلمه نطق بها لسانه

فهمى اتفضل اخرج يابنى شوف نفسك حتعمل ايه

اسر بابا انا

فهمى امشي يافارس الله يخليك

ياخسارتك بابنى ياالف خسارة

فى منزل ياسمين

تنظر ياسمين لما بيدها وتلطم على وجهها يالهوى يامصيبتى السوده حعمل ايه دلوقتى حتصرف ازاى

ده بابا حيدبحنى اعمل ايه ياربي انا لازم اكلمه اقوله

نائم على السرير لا يشعر بشئ حوله من فرط ما شرب من المسكرات

يييه يقى مين البارد اللى عمال يرن ده

نعم نعم فى ايه بتتصلي ليه دلوقتى

ياسمين تيم انا عاوزة اشوفك دلوقتى حالا

تيم وده من ايه ان شاء الله

ده انتى بتدوخى اهلى عشان اعرف اشوفك

ياسمين تيم انا حروح الشقه وحصلنى بسرعه

تيم طيب روحى وانا ححصلك

تجرى ياسمين على الشفه سريعا

تنتظره الكثير من الوقت ثم ياتى اليها

اهلا بالمدام

ياسمين تيم انا حامل

تيم تعم ياروح امك انتى بتقولى ايه

ياسمين بقولك حامل حامل

تيم وده ازاى يعنى انتى مش قلتيلى انك بتاخدى زفت مانع

ياسمين والمصحف باخد انا نفسي مش عارفه ده حصل ازاى

تيم بقولك ايه انتى جايه تستعبطينى عشان تلوى دراعى مش تيم ياماما

ياسمين والله ابدا ياتيم الاختبار اهوه انا لسه عاملاه فى البيت قبل مااجى

تيم الله يخليك انت لازم تشوفلى حل انا كده حتفضح وبابا حيقتلنى

تيم دى مشكلتك انتى ودورى على حل بمعرفتك

ياسمين مشكلتى انا ازاى يعنى هو احنا مش متجوزين واللا ايه

تيم هههههههه متجوزين انتى عبيطه يابنتى واللا ايه جواز ايه ده اللى بتقولى عليه

احنا قضينا يومين مع بعض وخلاص

ياسمين تيم انت اټجننت بتقول ايه والعقد اللى بيننا

تيم هههههه عقد والله انتى هبله بزمتك فى عقد جواز يبقى من غير شهود

وكمان فى السر والجواز اصلا شرطه الاساسي الاشهار

ياسمين يعنى اللى كان بيننا ده يبقى اسمه

تيم عليكى نور اديكى فهمتيها لوحدك اهوه

وبصراحه بقى انا اصلا اتخنقت منك وطهقت ومش عاوز اشوفك تانى

ياسمين لا والنبي ياتيم ماتهزرش معايا الهزار التقيل ده

تيم انت بتقول كده عشان تعرف غلاوتك عندى صح تيم انت بتحبنى مش كده ياتيم

ايوة انت بتحبنى ووعدتنى اننا حنتجوز

تيم طب انتى واحده هبله وعبيطه وصدقتى اعملك ايه ده حتى القانون لايحمى المغفلين

ياسمين مغفلين انا مغفله فعلا عشان صدقتك بس انا مش حسكت انا حفضحك وحروح اقول لابوك وامك

تيم هههههه تحبي اوصلك

وايه اللى يثبت كلامك ياحلوة

وبعدين ابوكى لو عرف اصلا حيقتلك

بصي ياماما انتى تروحى كده زى الشاطرة تشوفيلك حل فى اللى انتى فيه ده

بس يكون بعيد عنى انتى فاهمه وياللا بقى ورينى عرض قفاكى ويقوم بطردها من الشقه

ياسمين يالهوى انا حعمل ايه دلوقتى وحخلص من المصېبه اللى حطيت نفسي فيها دى ازاى

وفى نفس الوقت فى المصنع

هبه استاذ ياسر لو سمحت العمال كلهم مشيوا ممكن امشي انا كمان

ياسر وهو يتقدم منها تمشي فين يابطه ده انا ماصدقت اننا نبقى لوحدنا

هبه فى ايه حضرتك انت عاوز منى ايه

ياسر عاوز منك كل خير

بصراحه كده انتى عجبانى اوى وحموت عليكى

هبه لو قربت منى حصوت والم عليك الناس

ياسر ههههههه ناس مغيش حد غيرنا فى المصنع وانا مستنى اللحظه دى من زمان اوى

ومحدش حيقدر ينجدك من ايدي

هبه لاء ده على جثتى وتحاول هبه فتح الباب

ولكنه كان اقوى منها فيشدها من ملابسها

بينما كانت هبه تصرخ باعلى صوتها حتى ينقذها احد

فى منزل ثريه يتحدث كريم الى خطيبته

كريم عاوزك بكرة تيجى الشقه عشان تختارى الالوان

داليا حاضر ياكريم ياه ياكريم انا مش مصدقه نفسي اخيرا حنتجوز

كريم معلش ياداليا انا عارف انك استنيتى كتير بس هانت خلاص ياحبيبتى

داليا طب ومامتك عامله ايه دلوقتى

كريم والله ماما تعبانه اوى وربنا يستر

داليا ربنا يشفيها

كريم هو ابوكى مش عاوز يخلينا نكتب الكتاب ليه

داليا اصله خاېف مننا ههههههه

كريم بصراحه انا خلاص بقيت على اخرى انتى عارفه انتى لما تبقى مراتى ده انا حفرتكك

حعمل فيكى عمايل

داليا اتلم هبه تسمعك

كريم لا اطمنى هبه بايته مع ماما فى المستشفى

داليا كريم بابا بينادى علية ياللا انا حقفل دلوقتى سلام

كريم سلام ياقلب كريم

يغلق معها الهاتف وينام

فى منزل اسر التهامى

نور تتحدث الى حياة

حياة اخص عليكى يانور هو انتى يعنى محتاجه استئذان عشان تيجى

ده انتى تنورينى ياقلبي

نور طب قوليلي العنوان

ترتدى نور ملابسها وتقرر الذهاب الى حياة

نور ماما انا حخرج

عايده تخرجى تروحى فين يابنتى دلوقتى

نور حروح