عبير سالم

دى يبقى انت اللى اعمله العمليه من غير فلوس

حياة بجد انا مش عارفه اقول لحضرتك ايه ولا اشكرك ازاى

مصطفى العمليه حتكون بكرة ان شاء الله

ابوعلا بكرة كده علطول

مصطفى اى تاخير مش فى صالحنا صحيح الورم صغير بس ده ميمنعش انه بينمو بسرعه فمش عاوزين نستنى كده ممكن يبقى فى خطړ

حياة خلاص تمام يا دكتور اللى حضرتك تشوفه

فى قسم الشرطة

عزة والله يا باشا انا معرفش حاجه عن الحاجات دى

وكيل النيابة نعم ياروح امك ده انتى ممسوكه متلبسه بيهم وانتى بتوزيعهم

عزة لا انا معرفش حاجه انا عاوزة اكلم جوزى يجيبلي محامى

وكيل النيابة خدها ياعسكرى عالحبس

عزة حبس حبس ايه لا انا مش حتسجن انا عاوزة اكلم جوزى

داخل الحبس

تتقدم اليها احد المتهمات

الموزة ممسوكه فى ايه

عزة وانتى مالك بية ياولية انتى

السيده وهى تخرج موس من فمها فتخاف عزة لا انتي تتكلمى معايا بادب وتعرفى انتى بتكلمى مين بدل مااشرحك

عزة حاضر بس ابعدى عنى البتاع ده

انا عاوزة اكلم جوزى ممكن تساعدينى

السيده اوى اوى ياحبيبتي بس قبي بالمعلوم الاول

عزة اخدوا منى الشنطه قبل مايدخلونى هنا

السيده خلاص يبقى متطلبيش اللى معهوش ميلزموش

عزة لا والنبي ابوس ايدك ساعديني ولما جوزى ييجى حيدفعلك كل اللى اخدته منك وبزياده

السيده متأكده

عزة طبعا متأكده متعرفيش هو بيحبنى اد ايه

السيده تثدقى صعبتى علية بس هما خمس دقايق بس

عزة ماشي

فى شقة عزة

محسن وهو ېدخن السېجار ويشرب الخمر ويصفق بيديه لاحدى النساء

حبيبى ياجامد انت

المراة ههههههه دى اقل حاجه عندى وغلاوتك

يرن جرس تليفونه

اقفلي لما لما اشوف مين ابن المزعجه ده

الو

عزة الحقنى يامحسن انا اتمسكت بالبضاغه ومحپوسه

هاتلى محامى بسرعه وتعالى

محسن انتى بتتكلمى منين

عزة واحده هنا فى الحبس اديتنى التليفون

محسن طب اقفلي وانا جايلك يامزتى

عزة اوعى تتاخر عليةيامحسن

محسن اتاخر عليكى ده ايه مسافة السكه واكون عندك ياقلبي

المراة انتى حتسيبنى وتمشي يامحسن

محسن اسيبك ده ايه حد يبقى معاه الجمال ده كله ويسيبه ويمشي

المرأة انت مش قلتلها انك رايحلها

محسن اروح لمين يا حاجه فكك منها عزة خدت وقتها وراحت بالسلامه

وادينى استنفعت منها بقرشين حلوين وغرقتها فى الدلع يومين كفاية عليها اوى كده

تتصرف بقى مع نفسها

المرأة ايوة بس انا مش شايفه انك مستغرب من انها اتمسكت

محسن ههههههه اصلي انا اللى مبلغ عنها

المرأة مبلغ عنها ازاى ياراجل هى مش مراتك

محسن وايه يعنى اصلها بصراحه اتعرفت وكانت كده كده حتتكشف فقلت اخلص منها قبل ماتحيبلي الحكومه لحد هنا

وبعدين بقولك ايه هو احنا حنقعد نقضيها كلام عن عزة ونسيب المهمه الرسميه اللى احنا فيها

المراة ههههههه ودى تيجى بردو يامحسن بس انا خاېفه احسن البوليس يطب علينا

محسن اهلا وسهلا بيه

المرأه لا يااخويا انا خايقه احسن يكون فى مخډرات هنا واللا حاجه واروح معاك في داهيه

محسن انتى عبيطه مخډرات ايه اللى حخبيها هنا انا مخبي البضاعه فى مكان ولا الجن الازرق يعرفه

يهجم البوليس على الشقه وتفتح المراة الباب

تمام ياباشا تحت امر سعادتك

محسن هو فى ايه بالظبط

الضابط اللى كانت معاك دى مرشده يامحسن وكل اللى دار واتقال دلوقتى ومكالمتك مع عزة متسجله

محسن انا مش فاهم حاجه

الضابط حتفهم كل حاجه فى القسم يامحسن هاتوه

فى منزل داليا

داليا مش حتجوزه يعنى مش حتجوزه

ابوها وهو يمسكها من شعرها بقسۏة قولى تانى

كده سمعيني قلتى ايه

امها بالراحه عالبت حرام عليك دى بتك ياراجل بتعمل فيها كده ليه

ابوها مش شايفه بتعند معايا ازاى

بس والله ياداليا لحتتجوزيه ورجلك فوق رقبتك

داليا حموت نفسي والله لاموت نفسي

ينهال عليها ابوها بالضړب

عايزة تموتى نفسك عشان تفضحينا يابت ال.......

طب والله لحكون كاتب كتابك النهارده قبل بكرة

وعايزك تفتحي بؤك ده بكلمه وانا حولع فيكى بجاز واللا اجيب مية ڼار واكبها على وشك عشان محدش بعد كده يقولك ليلتك بيضه

حتى المسجون بتاعك مش حيرضى يبص فى وشك

امها حرام عليك فى جحد يعمل فى بته كده

ابوها اديكى قلتى بته يعنى انا ابوها واعمل فيها اللى انا عايزه

امها طب مش حتستنى لما شادى يرجع من السفر ده جاى قريب

ابوها لاء مش حستناه

امها ازاى يعنى اخته يتكتب كتابها وهو مش موجود

ابوها انا ابوها وانا اللى حجوزها مش اخوها وحنكك ده ميتفتحش تانى انتى فاهمه واللا لاء

ثم يمسك داليا من ملابسها وهو ېصرخ بوجهها اناةحتصل بالعريس واقوله يجهز نفسه وانتى حاجتك كلها جاهزة عارفه وربي يابت ال...... لو فضحتينا قدامه انا حقتلك انتى سامعه

 يخرج من الغرفه ليتصل على العريس

بينما كانت داليا تبكى بهيستيريه

ماما والنبي ياماما ادينى التليفون اكلم شادى هو الوحيد اللى حيقدر ينقذنى

امها على عينى ياحبيبتى بس اديكى شايفه ابوكى ده خد منك التليفون مخصوص علشان متكلميهوش وكمان قاصد يكتب كتابك عشان عارف انه حيقفله

داليا لا ياماما انا مش حتجوزه مش حتجوزه حرام حرام اللى بتعملوه فية ده

ياشادى الحقنى ياشادى الحق اختك ياشادى

بينما كان شادى يعمل بالمملك ه العربيه السعوديه وينزل مصر فى الاجازات

ومع الكفيل كل اوراقه فهو لا يستطيع الحركه بدون اذنه

شادى يتحدث لاحد زملائه فى العمل انا قلقان اوى على اختى

زميله ليه ياشادى هى مش معاها ابوك وامك

شادى انا والله ماقلقان غير من ابوها

زميله ليه بس

شادى مصمم يجوزها واحد ڠصب عنها وهى مش موافقه

وانا على جثتى ان اختى تتجوز ڠصب عنها

زميله طب اتصل اطمن عليها

شادى كل مااتصل الاقى تليفونها مقفول ولما اكلم امى الاقى التليفون مع ابويا ويقوللى تليفون اختك باظ وانا ماشي بتليفون امك

مش عارف قلقان قلبي مش مطمن

 هو انا مينفعش انزل مصر

زميله تنزل فين بس ياشادى ده انت لسه راجع من الاجازة طبعا مينفعش بص استهدى بالله كده وبعدين دى بنته يعنى اكيد مش حتهون عليه

شادى ربنا يستر

فى الصباح الباكر يتوجه ابو علا وام علا والاولاد الى المستشفى لاجراء العمليه

ابو علا علا لو ربنا مكتبلناش ان الوشوش تتقابل تانى اعرفى انك اول واخر حب فى حياتى وانك مكنتيش بالنسبه لي مجرد زوجه او ام لولادى لا والله ابدا ياعلا انتى طول عمرك على راسي من فوق وحبببتى ونور عينيه ويشهد ربنا علية ان عمر عينى ماشافت ست غيرك وكان نفسي اعيشك احسن عيشه مش فى اوضتين فوق السطوح

لكن النصيب كده عاوزك توعدينى ياعلا انك تخللى بالك على ولادى وتعلميهم وتخليهم احسن الناس دول امانتى ياعلا

وانتى ياحياة بامنك عليهم تخللى بالك منهم

ثم يمسك يد حياة وعلا تخللوا بالكم على نفسيكم انتم ملك مش غير بعض اوعوا تخللوا الشيطان يدخل بينكم فى يوم من الايام واللا حاجه تفرق بينكم

تقبله علا وهى تبكى بشده حتخرج بالسلامه يااخويا

حترجعلنا بالسلامه يانور العين يااول واخر حب فى حياتى ومحدش حيربي ولادك غيري

بينما حياة وهى تمسح دموع عينيها

ابوعلا خللى ايمانك بربنا كبير واعرف ان الخير اللى انت عملته معايا مش حيروح هدر انت كل الناس بتحبك ياابو علا واديك شفت بنفسك كل سكان العمارة عملوا ايه لما عرفوا انك تعبان كل دعوات الناس دى ليك مش حتكون هدر عاوزاك تبقى قوى

احنا كلنا محتاجينك ياابوعلا

ولادك ومراتك وانا

انت اخويا ياابو علا لما يجيلي عريس مين اللى حيقفلى ويحط ايده فى ايد العريس وهو بيقرا فاتحتى ويكتب كتابي انت ياابو علا

مين اللى حيسلمنى لعريسى ويقولله خللى بالك عليها مفيش غيرك يااخويا انت سندنا ياابو علا واماننا فى الدنيا ثم تقبل راسه وهى تدعو له الله

يدخل عليهم مصطفى

ايه يا بطل جاهز

فيراهم على هذه الحاله

ايه ياجماعه صلوا عالنبي مالكم

هو انتوا مش مؤمن ين بالله واللا ايه

الجميع عليه افضل الصلاة والسلام

حياة دكتور هى العمليه حتاخد وقت طويل

مصطفى قولى يارب

بص ياسعيد الممرضه حتيجى تاخدك دلوقتى وانتوا ياجماعه عاوزكم تدعوله وان شاء الله حيخرج بالف سلامه

احتضن اولاده وهو يبكى بشده خوفا من الا يلتقى بهم مرة ثانيه

اخذ يتحدث الى الصغير وكانه يفهم كلامه خللى بالك على امك واخواتك يامحمد انت راجلهم ياحبيبي عاوزك تبقى سند ليهم

بينما ام علا تحتضنه وهى متشبثه به لا تريد ان تتركه

يدخل ابو علا العمليات بينما يدعو له الجميع بالسلامه

يمر الوقت بطيئا كانه سنوات كانت حياة جالسه تدعو له الله يارب اشفيه يارب العالمين وخلليه لمراته وولاده يارب ده لسه فى عز شبابه يارب بحق وقفته معايا فى شدتى اقف جمبه يارب استره زى ماسترنى احميه زى ماحمانى نزل عليه رضاك زى ماكان سندى وامانى فى الدنيا يارب انت الشافى يارب

يارب زى ماانقذت يونس وهو فى بطن الحوت انقذه وزى مارجعت موسى لامه خرجه لينا بالسلامه يارب العالميين

بينما كانت علا تحتضن اولادها وتدعو الله ان ينجى زوجها لها ويحميه من كل شړ

بعد مرور عدة ساعات وكانها سنوات طويله

تليفون من العمليات الى الريسيبشن

اللى مع المړيض سعيد اللى فى العمليات

تجرى حياة وعلا ايوة احنا خير

الممرضه دكتور مصطفى عاوزكم تحت فى العمليات

تنزل حياة وعلا سريعا ليجدوا مصطفى يقف امام العمليات وعلى وجهه التعب والإرهاق

حياة خير يادكتور

مصطفى كل خير ان شاء الله

انا مش عارف اقولكم ايه

كادت علا ان تسقط مغمى عليها من الخۏف ان يكون سعيد قد اصابه مكروه

حياة قول يادكتور سعيد عايش

مصطفى بجد انا مش عارف ايه اللى بينه وبين ربنا عشان يقف جمبه بالشكل ده

بجد اللى حصل جوة فى العمليات مبيتقلش عليه غير معجزة من عند ربنا

الورم كان فى

مكان حساس جدا واى اقتراب منه كان لازم حيفقد حاسه من حواسه اخطرها البصر

وكان معرض بشكل كبيريفقد بصره لكن الحمد لله ربنا وفقنى وقدرت استئصل الورم من غير مايحصل اى اضرار بحواسه وحنتاكد اكتر بعد مايفوق ان شاء الله

والاهم من كل ده ان ان شاء الله الورم حيكون حميد بس بردو حنعمل تحليل عشان يبقى قلبنا مطمن

حياة حضرتك متاكد من ان الورم حميد يادكتور بحكم خبرتى اقدر احكم من شكل الورم الخارجى

علا تمسك بيد الدكتور لتقبلها

بينما مصطفى يسحب يديه سريعا استغفر الله العظيم ا يه يابنتى اللى بتعمليه ده

علا حضرتك متعرفش عملت ايه انت رديتلنا روحنا من تانى

مصطفى متشكرينيش انا اشكرى ربنا سبحانه وتعالى هو اللى انقذ جوزك

حياة طب ممكن اعرف وضعه ايه دلوقتى

مصطفى حيدخل العنايه المركزه وبعد مرور ٢ساعه حيتنقل لغرفه عاديه وحتقعدوا معانا يومين ان شاء الله وبعد كده يخرج بالف سلامه ويواظب على العلاج وحكتبله على اكل معين ياكله ومش عاوزين اجهاد او اى ازعاج ممكن يعللى ضغطه

علا حاضر حاضر يادكتور

ينصرف مصطفى الى مكتبه بينما حياة وعلا يحتضنان بعضهما لسلامة سعيد

وتسجد كل منهما

شكرا لله على نعمه عليهم

فى الفيلا

فارس مالك بتفركى ليه

ملك عاوزه اقولك على حاجه وخاېفه من رد فعلك

فارس قولى ومعاكى ربنا

ملك عاوزة اعمل حقن مجهرى

فارس احجزى عند الدكتور ونروح

ملك بجد يافارس

فارس اكيد يا روح فارس

ملك ربنا يخليك ليا يا رب ينزل فارس وملك لتناول الغداء مع العائله بينما كانت نور تجلس بجانب ابيها وتضع له الطعام في فمه

ودى كمان والنبي يابابا

فهمى شبعت والله يانور

فارس بابا امال فين بطتى

نور وهى تمسك خدود ابوها بطتى وقطتى الحلوة بحبه ياناس

عايده ههههههه يابت احترمى ابوكى

فهمى لاء سيبيها انا عاوزها تدلعنى قبل ماييجى اللى ياخد للدلع كله لوحده

فرس وهو يشيح بيديه لملك التى تفهم مغزى كلامه ييجى بعد ايه ماخلاص خد املى وراح

عايده انت بتقول ايه يافارس مش فاهمه

ملك لا يا ماما مفيش حاجه ياحبيبتى مانتى عارفه فارس بيحب يهزر

فارس ماما انا عاوز اكل بط ورقاق

عايده ليه ياحبيبي بتتوحم

فارس شكلى كده وتشيليلي القنصه عشان بحبها

يضحك الجميع

بينما كان اسر لايشاركهم الحديث فقد كان عقله مشغولا بحياة التى طلبت منه اجازة لمدة اسبوع

 ويتذكر هذا الموقف

حياة بعد اذنك يااستاذ اسر انا محتاجه اجازة اسبوع

اسر ايه اسبوع لا طبعا استحاله

حياة معلش والنبي يااستاذ اسر انا محتاجه الاجازة دى اوى

اسر محتاجاها فى ايه ياحياة

حياة حاجه خاصه

اسر والشغل ملوش علاقه بامورك الخاصه احنا اليومين دول عندنا مشاغل كتير واديكى شفتى ان قضية الاقصر بعت واحد من المكتب يطلب التاجيل من كتر الشغل وحضرتك تقوليلي حاجه خاصه

حياة طب حضرتك اخصم الاسبوع من مرتبي بس والنبي وحياة تولين وسيلين ماترفض

ثم تقترب منه وقد شعر بقشعريرة تسري فى جسده من اقترابها هكذا تمنى فى هذه اللحظه لو احتضنها بشده تمنى لو اخذ شفتيها التى تتحدث بها بين شفتيه وذاق طعمها

ولكنه فاق على صوتها وهى تترجاه فرح حتاخد الملفات كلها عندها وحتنظم الشغل كله واوعدك انها حتكون اخر مرة انا عارفه انى اخدت اجازات كتير وحضرتك استحملتنى كتير اوى

ود اسر لو يحتضنها ويقول لها انه على اتم الاستعداد ان يتحملها العمر كله ولكنه لايطيق البعد عنها فهو يتمنى اتقضاء الليل حتى ياتى الصباح وينعم برؤيتهافكيف له ان يحرم منها لمدة اسبوع ولكنه لايستطيع ان يقسو عليها لا يستطيع ان يرفض لها طلب

 فاق مما هو فيه

خلاص ياحياة خدى الاجازة

حياة شكرا متشكرة اوى اوى يااستاذ اسر ثم تخرج سريعا الى مكتبها

بينما هو لا يدري ماذا يفعل

كيف له ان يتحمل غيابها

فاق من هذه الذكريات على صوت شيرين

هاه ياحبيبي قلت ايه

اسر ايه انتى بتقولى ايه

شيرين بقولك انا عاوزة اخد البنات افسحهم ايه رايك تيجى معانا

اسر حاضر ياشيرين

عايده ومن امتى ياشيرين وانتى بتهتمى بالبنات واللا بتفكرى فى فسحتهم

شيرين يييه بقى هو انا مفيش حاجه اعملها تعجبكم ابدا لاده نافع ولا ده نافع

اسر انقاذا للموقف خلاص ياشيرين مفيش مشكله نروح الغردقه يومين انا كمان زهقان اوى ومحتاج اغير جو

تولين وسيلين هيييييه حنتفسح

تولين بابا قول لحياة تيجى معانا

ينصدم اسر من سماع هذه الجمله بينما تنفعل شيرين ايه الكلام الفارغ ده حياة مين دى كمان اللى عاوزاها تيجى معانا ماهى كانت ناقصه ناخد معانا الشغالين بتوعنا كمان نفسحوهم

اسر من فضلك ياشيرين متغلطيش فى حدهى عملتلك حاجه عشان تغلطى فيها

شيرين ياسلام ومالك محموء عشانها كده ليه

عايده فى ايه ياجماعه صلوا عالنبي كده

متخلوش الشيطان يدخل بينكم

يقوم اسر من على المائده ويصعد غرفته

ببنما كان فارس وملك يتابعون الموقف فى صمت

صعدت شيرين خلفه مباشرة لتتودد اليه

اقتربت منه وهو يقوم بتبديل ثيابه حبيبي انا مكنتش اقصد

اسر خلاص ياشيرين مفيش حاجه

شيرين اعمل ايه اصلي بحبك اوى وبغير عليك

اسر يتركها ويذهب للحمام

بينما هى تحدث نفسها هى ايه حكاية البنت دى بالظبط لاء انا