عبير سالم

انت عشرة السنين وغالى عندنا اوى

بص ياسعيد اناعاوز اقولك حاجه واتكلم معاك شويه

سعيد اتفضل يا باشا

المستشار يضع تحت المخده ظرفا

سعيد ايه ده ماحضرتك جيتنى المستشفى وعملت معانا الواجب وزياده

المستشار والله دول مش منى سكان العمارة كلهم كانوا عاوزين يجاملوك مانت عارف غلاوتك عندهم

فهما اللى جمعوا المبلغ ده وكلفونى اديهولك عشان هما عارفين عزة نفسك وخافوا انك تكسفهم

ابوعلا والله انا ماعارف اقول ايه

المستشار سعيد حقولك كلمتين وتوعدنى انك مش حتقول غير حاضر وبس

سعيد اتفضل حضرتك

المستشار بص ياسعيد طبعا الحمد لله انك قمت بالف سلامه لبيتك وولادك وربنا يديم عليك الصحة والعافية يارب

بس دلوقتى انت لازم تحافظ على صحتك سعيد

عشان تربي ولادك وتفرح بيهم

مشاكل العمارة هنا كتير وانت دلةقتى مينفعش ضغطك يعلا

ولاتعصب نفسك

عشان كده اانت مينفعش تشتغل هنا تانى فى العمارة

سعيد پصدمه ايه حضرتك بتقول ايه يعنى حتمشونى من العمارة طب اروح فين انا وولادى ده انا مليش مكان غير هنا

لا ياسيادة المستشار متخافش انا ان شاء الله مش حقصر فى شغلى

المستشار سعيد ممكن تسمعنى ومتقاطعنيش

بص ياسعيد انت عارف انى معنديش ولاد وبعد مااقابل وجه كريم معنديش حد يورثنى غير الحجه وبعد عمر طويل ليها مش حيكون لينا وريث غير ابن اخويا الله يسامحه اللى ميعرفش حاجه عن عمه ومبيفتكرنيش غير لما يكون عاوز حاجه غير كده مبيفكرش يرفع علية سماعة التليفون وهو عارف انى انا ومراتى ملناش حد

انا مش عاوز اغضب ربنا واحرمه من حقه فى انه يورثنى بس كمان من حقى انى اتصرف فى جزء من مالى بالشكل اللى يريحنى ويكون قلبي مطمن ليه

وعشان كده انا قررت انى حعمل حاجه وهى

اول حاجه انا عندى شقه كنت اشتريتها من واحد قرر يهاجر فجأه ومحتاج يبيعها وكان حيرميها بتراب الفلوس وانا حبيت انقذ الموقف اشتريتها منه وقلت يمكن تنفع

بس محتجتهاش كل فترة بروح افتحها واهويها

الشقه انا واخدهامنه بعفشها واجهزتها

كامله من كله تلت اوض وريسيبشن كبير وفيها حمامين ده غير بقى انها الدور الاخير فهو كان عامل الروف وزرعه وعامل عنبايه وزارع ورد بص حاجه بجد ترد الروح

انا نفسي كنت بروح اقعد هناك شويه وارجع وكنت موصي البواب يراعى الزرع ويسقيه

لكن خلاص ياسعيد الصحه مبقتش زى الاول ولابقيت بقدر اروح ولا اجى وعشان كده انا خليت المحامى بتاعى كتبلك عقد منى انى بعتلك الشقه

والعقد خالص وعليه كمان امضاء الشهود مش فاضل غير توقيعك

سعيد عقد ايه وبيع ايه انا معييش اشترى شقه حضرتك

المستشار ومين قال انى عاوز تمنها

سعيد انا مش فاهم حاجة

المستشار الشقه دى هديه منى ليك انت وولادك ياسعيد

سعيد حضرتك بتقول ايه لا انا مقدرش اقبل هديه زى دى

المستشار سعيد انت حتعيش فى الشقه دى انت وولادك ومحدش حيتمتع بيها غيركم

دى هدية منى ومش عاوز حاجه غير انكم تفتكرونى بدعوة حلوة لما اقابل وجه كريم

انا معنديش حد يورثها ياسعيد

وانت اولى من اى حد انا عمرى ماحنسى لما كنت بتنزل فى نصاص الليالى عشان تجيبلى علاج

واللا الاكل الجميل اللى مراتك دايما كانت بتعملهولنا

لما كانت بتبقى الحجه تعبانه

سعيد انت حتبدا حياتك من اول وجديد انت لسه شاب وولادك صغيرين خليهم يكبروا يلاقوا نفسهم مش اقل من اى حد

ساكنين فى شقه كويسه وعايشين كويس

ومراتك تتستت بدل بهدلتها من القعده فى داخلة العمارة واللى داخل واللى خارج عينه منها وخصوصا انها شابه وصغيرة

تقعد فى بيتها وانت تشتغل شغلانه كويسه مريحه تحافظ بيها على صحتك

ثم يقدم له شيك

وده مبلغ منى حيساعدك اوى تشتري محل وتفتحه

اى حاجه حسب مانت عايز

سعيد ده كتير اوى علية

المستشار والله ماكتيرعليك

سعيد انا طول عمري بعتبرك زى اخويا الصغير وعمرى مااعتبرتك مجرد حارس للعمارة

ومراتك الدنيا كلها تحلف بادبها واخلاقها وانتوا تستاهلوا كل خير

سعيد عاوزك تفكر فى حاجه كويسه تبدا بيها من اول وجديد وانا معاك لو احتاجتنى فى اى حاجه

الحمد لله انا علاقاتى كويسه جدا بكل اللى حواليه وكتير يتمنوا يخدمونى يعنى لو اى حاجه احتجتها حقدر بمشيءة الله اساعدك فيها

اهم حاجه تخللى بالك على صحتك ومتنسانيش وتيجى تبص علية ولما اموت تبقى تطل على الحاجه

سعيد انا مش عارف اشكرك ازاى

مفيش حد بيعمل كده

المستشار طول مافى ناس طيبه زيك ياسعيد لازم تبقى الدنيا لسه بخير

وبعدين انت ناسي ان الرسول بيقول

الخير فى وفى امتى الى يوم الدين

سعيد عليه الصلاة والسلام

المستشار ولو عاوز تشكرنى فتشكرنى بانك تدعيلي ياسعيد ان انا والحجه ربنا يجعل يومنا فى يوم واحد

يقوم المستشار وهو يقول له حتوحشنى ياابو علا وولادك حيوحشونى اوى

وربنا يكتبلكم الخير يارب

الشقه خلاص بقت بتاعتكم تقدروا تنقلوا فيها من بكرة ومش حتحتاجوا تاخدوا حاجه غير هدومكم بس

 والعقد يبقى معاك ده اثبات ملك ية الشقه ليك

عند داليا

نهى قومى ياحبيبتى عشان تاكلي حاجه

داليا ...........

نهى انا اول ماشفت كمال خارج طلعتلك على طول

ربنا ينتقم منه

انا حاسه بيكى والله وعارفه انك تعبانه

داليا تبكى وتنزل الدموع من عينيها بدون ان تتحدث بكلمه

نهى اتكلمى ياحبيبتى فضفضي اعتبرينى زى اختك واتكلمى معايا

داليا بصوت هادئ وحيفيد بايه الكلام مادام مش حبغير حاجه من الواقع

نهى بس على الاقل حتشيلى حمل من على صدرك اوقات

كتير اوى بيبقى جوانا چرح كبير لكن لما تتكلمى وتطلعى اللى جواكى بترتاحى وصدقينى لو فى ايدي حاجه اقدمهالك والله ماحتاخر عليكى

داليا غريبه اوى

نهى هو ايه اللى غريب

داليا موقفك منى ده وانك عاوزة تساعدينى برغم انك عارفه ان اكيد اخوكى سبب اللى انافيه ده

يعنى معقوله حتقفى معايا ضده

نهى انا بقف مع الحق وانا عارفه اخويا كويس وربنا يعلم انه لولا انه اخوبا من لحمى ومن دمى انا كنت قاطعته

داليا خلاص يانهى صدقينى الكلام بقى ممنوش لازمه خلاص كل اللى حلمت بيه واتمنيه راح راح ومش حيرجع تانى

 الحلم اللى كنت عايشه طول عمرى عشان يتحقق راح الحياة اللى كان نفسي اعيشها مع الانسان الوحيد اللى حبيته فى

حياتى اول واخر حب فى حياتى فضلت مستنياه سنين وسنين

اسعد يوم فى حياتى كان يوم خطوبتى ليه يوميها كنت حاسه ان ي

سعادتى لو اتفرقت على الدنيا كلها حتخللى كل الكون سعيد

وبعد ماخلاص كان حلمى اتجسد وقرب يتحول لحقيقه فجاة وفغمضة عين كل حاجه راحت والحلم اتحول لكابوس كابوس عمرى ماحفوق منه ابدا

نهى ماټ

داليا بعد الشړ عنه

نهى طب ايه اللى فرقكم عن بعض

حكت لها داليا كل شئ وهى تبكى بمرارة

بينما كانت نهى تستمع اليها وقلبها يتقطع من الحزن عليها

نهى معقوله اللى حصلكم ده

ببس اللى فهمته ان كريم ده راجل بجد ومستحملش انه يسكت عن حق اخته

ومفكرش فى سعادته زى مافكر فى اخته

متزعليش منه ياداليا اللى زى كريم ده يتعمله تمثال

داليا انا مقدرش اصلا ازعل منه بس صعبان علية اللى حصلنا وانا لو علية كنت مستعده استناه العمر كله بس اللى حصل كان ڠصب عنى

نهى احنا كنا مستغربين اوى ليه باباكى كان مستعجل اوى كده على الجواز لدرجة انه مطلبش فرح زى كل الناس ولا اتشرط

لكن دلوقتى انا عرفت السبب

بصي ياداليا اى غلط فى الدنيا ممكن يتصلح بس كل مشكله لما بنلحقها فى اولها بيبقى احسن بكتير لما نستنى وتتعقد

داليا تقصدى ايه

نهى اقصد انى لو عندى ذرة امل ان كمال ممكن يتغير ويبقى بنى ادم كنت قلتلك اصبري يمكن تحبيه مع الوقت لكن انا متاكده انه مش حيحصل ومتاكده انه مش دايب فى هواكى هو مبيهموش غير يشبع غريزته وبس سواء معاكى او مع غيرك عشان كده انا عاوزاكى تفكرى معايا نعمل ايه عشان الحق اخلصك منه بسرعه قبل ماتحملى منه ووقتها اهلك مش حيرضوا يخلوكى تطلقى

داليا مفيش غير حل واحد هو ده اللي ممكن يساعدنى امشي من هنا

نهى قوليلي ياحبيبتى وانا معاكى

انا والله ماعايزة اخرب بيتك بالعكس انا عاوزاكى تعيشي فى بيت مليان بالحب والسعاده

داليا طب ممكن تدينى تليفونك اعمل منه مكالمه

فى منزل ناهد

ناهد واخده شنطك ورايحه على فين يالينا

لينا رايحه عند بابي

ناهد حتسيبينى يالينا وتمشي

لينا سورى يامامى متزعليش منى بس انا تعبت اوى وعاوزة ارتاح

ناهد وانتى مش لاقية راحتك معايا وحتلاقيها مع باباكى

لينا راحتى معاكى

انا عمرى مالقيت راحتى معاكى يامامي

انا عمرى ماكنت فى حساباتك ابدا طول الوقت اهم حاجه عندك النادى والصحاب والحفلات عمرك مااخدتينى فى حضنك زى ماكل الامهات بتعمل مع ولادها دى الداده كانت بتهتم بية اكتر من حضرتك

عمرك مااهتميتى تعرفى اذا كنت مبسوطه واللا زعلانه

كويسه واللا تعبانه

محدش كان حنين علية غير بابي وبس

حتى لما قلت احاول اقرب منك ونبقى صحاب زى مابشوف صحباتى وامهاتهم ندمت

وندمت اكتر لما حكتلك ان فى شاب كويس بيحبنى وانا حسه بمشاعر حلوة ناحيته مسالتينيش عنه غير سؤال واحد غنى واللا لاء

هى دى مقاييس الراجل عندك الفلوس الفلوس وبس

وصممتى تجوزينى لواحد من بنات صحابك الاغنياء عمللى احلى فرح والهانى موون كان فى مالديف بس وبعدين عشت مع انسان لابيحبنى ولاعاوزنى واهاننى وضربنى وفى الاخر رمانى وطلقنى وراح اتجوز واحده تانيه

تقدرى تقوليلي فلوسه عملتلي ايه

ضيعتينى وانا كنت ماشيه وراكى زى العاميه

ياريتنى ماسمعت كلامك

حضرتك عارفه انى حاولت اتصل باحمد واطلب منه يسامحنى ونبدا صفحه جديده مع بعض عارفه حضرتك قاللى ايه

كانت تتحدث الى امها وهى تبكى

كلام وحش اوى يامامى

كلام كتير كان عامل زى البركان اللى كان مستني اللحظه اللى ينفجر فيها ويطلع كل اللى جواه

بس اكتر حاجه وجعتنى لما قللى انتى بعد مابقيتى مستعمله ومتاكده ان محدش حيعبرك عاوزة ترجعيلي

وقاللى انى لو اخر واحده فى الدنيا عمره ماحيسامحنى

وانى متصلش بيه تانى

عارفه يامامى انا والله مش زعلانه منه هو معاه حق اى واحد مكانه حيعمل كده

بس خلاص يامامى خلاص انا تعبت وحياتى انتهت بدرى اوى خلصت قبل حتى ماتبتدى

ودلوقتى انا عاوزة الملم اللى فاضل منى

ناهد طب خليكى معايا وانا حساعدك تقفى على رجلك من تانى

متسيبنيش يالينا انا بقالى سنين بحاول احافظ على البيت ده وفى الاخر البيت كله اتهد فوق دماغى

لينا حضرتك كنتى بتحافظى عليه بس بالشكل اللى يريحك عمرك مادورتى على راحتنا احنا حتى بابي حضرتك كنتى بتقولى انك بتحبيه بس طول الوقت كنت شايفاه لوحده اوقات كتير حبك ليه كان حب تملك مش اكتر عشان كرامتك وكبريائك عشان محدش يقول ناهد هانم جوزها سابها او مش بيحبها

ناهد لينا انتى مالك قلبك اسي علية اوى كده ليه ده انا امك يالينا

لينا انا قلبي مش اسي وعمر قلبي ماعرف القسۏة بس انا تعبت والله تعبت وحضرتك كل اللى فى دماغك تيم

تيم اللى هو كمان ضاع باهمالك ليه ولينا كلنا

فاكرة يامامى تيم لما كان صغير كان بيطلع الاول على الفصل وكان شاطر وجميل كان محتاج حد يشجعه ويدعمه

لكن حضرتك مكنتيش فاضياله

بابي معذور على اد ما كان بييجى تعبان من الشغل بس عمره ماعدى يوم من غير مايطمن علينا وكان بيحاول يصلح من وراكى بس للاسف هو زى اى راجل شايف ان مسئولية الاسر ة على الام

كنتى بتدي تيم فلوس من غير حساب

كانت الداده تقولك بلاش الفلوس الكتير بتبوظ الاخلاق وحضرتك كل اللى يهمك ان ابنك يبقى معاه اكتر من اللى مع صحابه لحد مااتلم عليه اصدقاء السوء اللى ضيعوه

وبعد ماكان بيطلع الاول بقى بياخد كل سنه فى اتنين

كل اصحابه اللى فى سنه بقوا متجوزين وفاتحين بيوت وابنك طول الليل فى الكباريهات والشقق المفروشه

علاقات قڈرة واللى يتجوزها عرفى واللى واللى

وحضرتك ولا هنا

حضرتك عارفه ان تيم مدمن وشفته كذا مرة وهو بيشم والمصېبه الكبيرة انى شفته وهو بيدي لنفسه حقنه

ولما حاولت امنعه ضربنى وشدنى من شعرى وطردنى وقفل الباب

ابنك ضاع يامامى ضاع وانا ضعت وبابى مشى والبيت ده كله اتهد اتهد يامامى

بس انا مش حستسلم وححاول أقف على رجلى وابدا من جديد بس مش هنا فى مكان تانى مع بابي

انا عاوزه انسى سنين عمرى اللى ضاعت فى مكان عمرى ماعرفت فيه معنى الحب

 وتتركها وتمشي بدون ان تنظر خلفها

بينما ناهد لاتقوى قدمها على حملها تجلس على اقرب كرسي وهى تبكى ندما على كل ماحدث ولكن لا تفيد الندامه

فى المساء

تنام تولين على السرير ببنما يجلس اسر بجانبها وهو ممسك يديها ويقبلها

تولين تفتح عينيها بابي

اسر قلب بابي حمد الله على السلامة يا قلبي ياروحي يانور عيني

تولين بابي انا نايمه فين

وفين سيلي

اسر سيلين نايمه جمبك اهيه ياحبيبتى

فقد قرر اسر الا يعطى ابنته لتلك المستهترة التى لم تهتم لشانهم وكان سيفقد احدى فلذات كبده بسببها

تنظر تولين فتجد سيلين نائمه على السرير الاخر

تولين بابي انا تعبانه

اسر ايه اللى بيوجعك ياحبيبتى

تولين حسه انى مش عارفه اتنفس

يجرى اسر ويفتح الباب وينادى على الممرضه لتاتى بالطبيب

الدكتور الامورة بتاعتنا أخبارها إيه

تولين الحمدلله

الدكتور ياخلاثى يالهوى عالجمال لا انا مقدرش على كده ابدا

بصي بقى انا عندى ولدين ياباي على تقل دمهم

عارفه ياقمر كلمة بابا لما بيقولوها تحسي ان فى زلزال فى البيت

قولى بابا كده ياحبيبتي

 تولين بابي

الدكتور لاء بصي بقى انا كده بجد حيغمى علية ثم يمسك يدها ويقبلها تسمحيلي اطلب ايدك من باباكى

تولين هههئ هههئ

اسر ههههههه

الدكتور حمدالله على السلامه ياجميل المستشفى كلها بتقولك الف حمدالله على السلامه

تهز تولين له راسها فهى لاتفهم ماذا يقصد ولا تدرى ماذا حدث لها

بينما يتوجه الدكتور بالحديث لاسر حمدالله على سلامة بنتك

ربنا يخليهالك يارب بجد حضرتك الصبح وجعت قلبنا كلنا ربنا ميحرمكش منها

ثم يلتفت ليجد الاخرى

اسر دى سيلين اختها

الدكتور الله اسماءهم حلوة اوى تولين وسيلين

اسر هما دول كل دنيتى

الدكتور ربنا يحميهم وتفرح بيهم

تصدق بقى انت حتخلينى اغير

اسر تغير ازاى

الدكتور انا حطلب من مراتى تجيبلي بنتين عشان اسميهم تولين وسيلين

اسر ربنا يديك اللى نفسك فيه

ومتشكر اوى لتعب حضرتك معانا

الدكتور ده واجبي حضرتك والف حمد الله على السلامة

اسر بس هى بتقول انها تعبانه

الدكتور معلش ان شاء الله على الصبح حتكون بقت زى الفل

اسر يارب

يخرج الدكتور ليرفع اسر يده للسماء وهو يشكر الله

ثم يقوم ويتوضا ويصلى شكرا لله

بعد مرور عدة ايام

علا انا مش مصدقه نفسي معقوله الشقه دى بقت بتاعتنا يعنى احنا حنعيش هنا

ابوعلا ايوة ياعلا بقت بتاعتنا

علا الصغيره