عبير سالم
هى متجوزة يغنى هى عندها ولاد كانت بتسال عنهم
سيلين انت بتقول ايه انا مش فاهمه حاجه
نور مش عندها جوز ومش عندها ولاد
ياتى فارس اليه سريعا ليجدسيلين تتحدث اليه
فارس ايه ياسيلين انتى اتعرفتى على صاحبي خلاص
سيلين صاحبك ده مش فاهم حاجه خالص يافارس
فارس ازاى مش فاهم حاجه
سيلين بيقول ان ماما نور هئ هئ هئ وانا بقوله ماما عند ربنا
وبيقوللى نور عندها جوز
صاحبك ده مش عارف حاجه خالص
انا حروح العب
تجرى بينما مؤمن يضحك على طريقة كلامها
عسوله اوى ربنا يحميها
فارس بنات اسر زى العسل هما احلى حاجه فى حياتنا
مؤمن وولاد اختك فين
فارس ولاد اختى مين
مؤمن هو انت عندك كام اخت
فارس هى اخت واحده نور اللى كانت معانا فى شرم
اللى انت شفتها
مؤمن ايوة فاكرها مانا عمال اقول للبنوته ولاد عمتك تقوللى مين ومعندهاش لغبطتنى
فارس هههههه لاء هى بتتكلم صح
مؤمن يابنى هى مش نور اختك متجوزه وعندها ولاد انا سمعتها بنفسي وهى بتسال عنهم بس مش فاكر اسمهم ايه بس فاكر لما اتكلمت مع جوزها ولما سالت مامتك عن ولادها حتى بالامارة قالت انها اول مرة تبعد عن حضنهم
فارس هههههه لا انت فهمت غلط دى كانت بتكلم اسر اخويا واللى كانت بتسال عنهم تولين وسيلين ولاده اصلها بتحبهم اوى وهى اللى مهتميه بيهم بعد ۏفاة امهم لكن نور مش مرتبطه
مؤمن اه يعنى انا اللى فهمت غلط
فارس بينه وبين نفسه ده شكله فهمه اقيل ربنا يستر
يجد ملك مقبله ومعها نور
فيشاور لها
يحتضن ملك من كتفهاملك حبيبتى مؤمن صاحبي فاكراه
بينما كانت نور تنظر اليه فقد اعجبت به منذ ان راته فى شرم وهاهو الان امامها
ملك اهلا وسهلا بيك نورتنا والله
فارس ودى بقى ياسيدى حبيبة قلبنا الصغنونه بتاعتنا حبيبة قلب باباها نور اختى
فيبتسم لها مؤمن ويمد يده اليها بالسلام اهلا بيكى
بينما كان قلب نور يكاد ان يقفز من سعادته اهلا بيك
فارس طب احتا حتفضل واقفين كده اتفضلوا اقعدوا
يجلسون جميعا بينما كان مؤمن يتحدث اليهم
ملك فارس صحيح بابا كان عاوزك فى موضوع
فارس حاضر ياقلبي
مؤمن البت بيتك نور خليكى قاعده مع مؤمن لحد مااشوف حماياالعزيز وارجعلكم
مؤمن اتفضل يافارس
بينما كانت نور محرجه جدا
ملك لفارس بقولك ايه عاوزين نعرفه ان نور مش متجوزة
فارس حصل ياقلبي حصل بلغنا المراد من رب العباد
ملك بجد ازاى
فارس سيلين هى اللى قامت بالمهمه دى بجد الاطفال دول بيطلع منهم حاجات جابتلى الموضوع على طبق من فضه وانا اللى مكنتش عارف افاتحه وافهمه ازاى
ملك لاء بقولك ايه انت لازم تفهمنى اللى حصل
بينما كان مؤمن يريد التحدث الى نور
انا كنت فاكر البنات الصغيرين دول بناتك
نورلاء دول بنات اسر اخويا انا مش مرتبطه
مؤمن معقوله مش مرتبطه
نورايوة وآلله حضرتك مستغرب ليه
مؤمن بلاش حضرتك انا مبحبش الالقاب
ثانيا اصلك جميله ومن عيله واخواتك ماشاء الله عليهم
نورده نصيب
بدا مؤمن يتحدث الى نورفى مواضيع متعدده
بينما كان فارس يراقبهم من بعيد خوفا من هجوم احد عليهم
وكانت ملك تحاول ان تشغل العائله عن السؤال عن نور
فارس وهو خلف شجرة ويراهم وهم على وجوههم الابتسامه
ربنا يجعل فى وشك القبول يانور يارب
لا بس انا شايفهم مندمجين مع بعض ربنا يستر
فيجد من يمسكه من رقبته بتعمل عندك ايه
فارس براقبهم قصدى براقب الناس اللى فى الحفله احسن حد يسرق تفاحه واللا حاجه
اسر انت عبيط يابنى امشي انجر قدامى الناس اللى جايين دول مش تروح تقعد معاهم
فارس حاضر حاضر
ياخذ اسر من يديه حتى لا يحدث امرا يفسد عليه خطته
تركه اسر وذهب ليتصل على حياة فقد مضى وقتا ولم تات بعد
يتصل اسر ولكن تاتيه الرساله الصوتيه الهاتف الذى تود الاتصال به غير متاح حاليا من فضلك اعد الاتصال فى وقت لاحق
اسر ياترى مجيتيش ليه ياحياة لاء هى جاية انا ماكد عليها
ثم يقرر الاتصال بفرح
فرح ايوة يااستاذ اسر خير فى حاجه
اسر فينكم يافرح اتاخرتم كده ليه
فرح فى ايه يااستاذ اسر انا مش فاهمه حاجه
اسر هى حياة مش قلتلك انى عازمكم على حفله عندى فى الفيلا
فرح حياة مكلمتنيش من يومين وانا معرفش حاجه عن موضوع الحفله ده
يشعر اسر بالقلق
طب انتى معاكى رقم تانى ليها
فرح لا والله هو رقم واحد بس
يغلق معها الهاتف طب ايه اللى حصل خلاها متقولش لفرح ولاتيجى تكون اضايقت منى فى المكالمه لامش معقوله
طب ايه اللى حصل اوصلها ازاى دلوقتى
ياترى ايه اللى خلاكى ترجعى فى كلامك ومتجيش ياحياة
بينما كانت حياة هى الاخرى متضايقه
علامالك ياحبيبتي
حياة مروحتش الحفله ياعلا تفتكرى اسر دلوقتى يكون متضايق
واللا يمكن يكون ملخوم مع الناس اللى معاهم وناسي انه قاللى اصلا
علابقولك ايه خليكى فى نفسك متفكريش فى حاجه دلوقتى خالص
حياة ايوة اكيد دلوقتى معاه ناس شبههم من العائلات الكبيرة حيفتكرنى انا ليه
بينما كان اسر متضايق ويتحدث الى نفسه لمح نور وهى جالسه مع شخص لا يعرفه فيقترب منهم
ملك فارس الحق روح بسرعه اسر رايح عليهم
فارس يالهوى اسر حيطين عيشتى رحت بلاش ياعلوان
ويجرى ليدرك الامر
اسر نور
نوراسور حبيبي اعرفك
مؤمن صاحب فارس
مؤمن وهو يمد له يده اهلا بحضرتك زبعا اسر الهامى اشهر من ڼار على علم اعرفك بنفسي مؤمن الشريف صاحب شركة الشريف للمقاولات
اسر اهلا بيك ايوة طبعا عارف شركتك سمعتها ماشاء الله زى الفل فارس معلش ياجماعه اتاخرت عليكم
مؤمن لا ولا يهمك انا كنت مستنيك عشان استئذن
اسر ليه مالسه بدرى
مؤمن عشان ماما لوحدها فى والف حمدالله على سلامة الامورة الصغيرة
تاتى سيلين بابي بابي
اسر ايوة ياروح بابي
هئ هئ هئ انت عارف صاحب فارس بيقولى انتى بنت نور
اسر طب روحى العبي ياقلب بابي
يسلم مؤمن عليهم ويغادر المكان
بينما اسر فارس تعالى ورايا المكتب حالا
فارس ياليلتك السوده يافارس
جالك المۏت ياتارك الصلاة
يتجه اسر الى المكتب وهو غاضب وينتظر قدوم فارس اليه
فارس بت ياملك انتى ياوش المصاېب الله يخرببيتك على بيت اليوم اللى سمعت فيه كلامك
انا كنت عارف انك حتودينا فى داهيه كان قلبي حاسس ياختييي
ملك مالك ياقلبي عمال تولول ليه فى ايه حصل حاجه
فارس وهو يضرب على خدهحصل يااختى حصل ياسوادك ياقرمط
ملك ههههههه يبقى اسر خد باله من حاجه
اسر ايوة ياحبيبتى اخد باله وهو ده فى حاجه بتخفى عليه
وقاللى احصله على المكتب ده مش بعيد يطربق المكتب على دماغى
ملك ههههههه هههههه
طب
اهدى بس ومتكبرش الموضوع
فارس مكبرش الموضوع لا ياحبيبتى ده هو اللى كبر لوحده كان عقلي فين لما مشيت وراكى كنتى فين يالاءة لما قلت اه
اه اه اه
ملك يابنى اهدى فى ايه مالك شبه التلميذ اللى عامل مصېبه وخاېف من ابوه اكيد اسر مخدش باله
وممكن يكون عاوزك فى حاجه تانيه
فارس مين ده اللى ماياخدش باله ده اسر اللى بيلمحها وهى طايرة
ملك طب ياللا بسرعه انجز احسن مايزعل معاك وتقلب خڼاقه
فارس خڼاقه دى حتبقى معجنه
ملك انت مالك قلبت على القرموطى كده ليه
فارس قرموطى ده انامش ححصل ستى قطاطه
انا حاسس انى حيغمى علية
بصى انتى تصوتى وتقولى انى مت فانا حصعب عليه ويمكن مايتكلمش معايا
ملك بعد الشړ عنك يا قلبي
فارس ادى اخرة اللى يمشي ورا كلام العيال بقولك ايه انتى حتيجى معايا انا مش حروحله لوحدي
اه مانتى شريكتي
اه انا مليش دعوة دى شورتك السوده جيب العواقب سليمه يارب
ايوة انا عارف حيقعد بقى يبهدل فية ويدينى دروس فى الاخلاق والرجوله ويحسسنى انى كيس جوافه
ومركب اريال
ملك ههههههه هههههه ومالها الجوافه
وبعدين ماتسكت بقى مالك بقيت عامل زى البغبغان كده ليه
اهدى يابنى
اصبر دلوقتى نشوف اللى حيحصل وبعدين احنا كان قصدنا خير
فارس على رايك واهى تهزيئه تفوت ولاحد ېموت
ياخذها ويتجه للمكتب بينما كان اسر فى قمة غضبه من عدم حضور حياة وكملت بجلوس نور مع شخص غريب لا يعرفه
يدق الباب
اسر ادخل
تدخل ملك وفارس مختبئ خلفها
ملك يادى النيله فى ايه فارس ماسك فى هدومى كده ليه
اسر الباشا جايب معاه المحامى بتاعه واللا ايه
ملك ههههههه دمك عسل والله يااسر
طب ماتشغلنى معاك فى المكتب بقى ههههههه
اسر يمسك فارس من قفاه اطلعلى كده واتكلم معايا بتستخبى ورا مراتك طب لما انت خاېف كده تقدر تقوللى ايه اللى انا شفته ده
فارس شفت ايه بس يااسور مش تفهمنى انااصلا مش فاهم فى ايه
اهدى ياراجل كده احسن يجبلك الضغط
اسر فارس انت حتستعبط علية وواقفلى ورا الشجرة وتقوللى تفاحه وبرتقانه
ومقعد اختك لوحدها مع راجل غريب وفى مكان لوحدهم بعيد عن الناس
تقدر تقوللى اسمه ايه ده ياراجل يامحترم
بقى انت راجل انت بزمتك
فارس لا مسمحلكش تشكك فى رجولتى واللا ايه ياملك
ملك يااخى اتنيل هو ده وقته
فارس على رايك انا اصلا بعد الخضه دى مش حنفع لاطبله ولاطار
اسر بقولكم ايه انتوا الاتنين انتوا جايين تستعبطوا علية وتغنوا وتردوا على بعض
يااما تفهمونى معنى اللى شفته ده ياما حعلقكم على باب الفيلا
ملك تعلقنا ايه بس يااسر يعنى يرضيك تضحك علينا الشارع والمناطق المجاورة الموضوع مش زى مانت متخيل خالص
بص يااسر انا حفهمك هو فارس كان قاعد معاه عادى والله وانا جيت عليهم ومعايا نور
بابا كان عاوز يسلم على فارس قبل مايمشي فانا قلتله يسلم عليهم ويرجعله
فعشان ميسيبهوش لوحده طلب من نور تقعد معاه
بس هى دى الحكايه
فارس ايوة ايوة صح كده شفت بسيطه ازاى زى شكة الدبوس
ولا فيها حاجه وبعدين ده انسان محترم جدا والله
اسر وانت من امتى بتعرف حد محترم يافارس هو انا مش عارف الاشكال اللى انت بتصاحبها
فارس لا والمصحف مؤمن ده محترم جدا غير اى حد
ملك ايوة والله يااسر وبعدين ماخلاص بقى انا قلتلك الموضوع يعنى حاجه متستهلش انك تزعل وتضايق نفسك
وتقول حتعلقنا ليه بس هو انت مسكتنا فى وضع مخل ههههههه خلاس بقى يااسور قلبك ابيض
فارس اه صح معاكى حق ده احنا حتى انا وملوكتى مثال الادب والاخلاق العاليه
واحنا عندنا مناسبه حلوة مبتجيش غير كل فين وفين
مابلاش نكد بقى يامعلم
اسر بقولكم ايه انتوا الاتنين انتوافاكريني عيل صغير حتضحكوا عليه بكلمتين
والله يافارس انت والمتحدث الرسمى بتاعك دى لو مافهمتونى واعترفتم بالحقيقه لحكون زعلان منكم ومفيش بيننا كلام تانى
فارس ليه كده بس طب اهدى
اسر لا مش حهدى مانا مش طيشه فى البيت ده وبعدين نور دى خط احمر انت فاهم واللا تحب افهمك بطريقتى
لازم افهم الحكايه بالظبط ولاحظ انك بتتكلم مع اسر التهامى
فارس ماهى دى المصېبة انك اسر خلاص انا حعترف
ملك لا يافارس ارجوك متوديش نفسك فى داهيه انا اللى حعترف
بص يااسر والله فارس ملوش دعوة انا اللى رتبت كل حاجه ولو عاوز تزعل يبقى تزعل منى انا
فارس لا لاياملك انتى ملك يش ذنب انا اللى غلطان عشان مشيت وراكى وسمعت كلامك
اسر ليلتكم سوده انتوا الاتنين انطقوا اتكلموا هببتوا ايه من ورايا
فارس والله العظيم احنا كانت نيتنا خير كنا عاوزين نوفق راسين في الحلال
لقيت الواد كويس ومحترم واحنا نفسنا نفرح بنور فقلت اقعدهم شويه مع بعض ونشوف يمكن يحصل نصيب
فين المشكله بقى
اسر تقعدهم مع بعض انت اټجننت يافارس انت ازاى تعمل كده والفيلا بقى هى ملتقى العشاق واللا ايه
وانا وابوك مقرطسنا عاملنا كيس جوافه
فارس عيب يااسر متقلش على نفسك كده كيس جوافه ايه بس ياراجل
اسر وياترى نور كانت عارفه
ملك لا والمصحف نور ماتعرف حاجه احنا قلنا نشوف كده لو حصل قبول اكيد هو حيطلبها ولو ماحصلش يبقى خلاص ولا من شاف ولامن دري
اسر وهانت عليك اختك تقلل من كرامتها كده
يعنى دلوقتى يبقى شكلنا ايه قدامه يقول علينا ايه بندلل على اختنا وبندورلها على عريس ومقعدينها لوحدها معاه عشان يمكن تنول الرضا السامى
فارس والله ابدا هو اصلا ميعرفش حاجه وكان فاكر اصلا ان نور متجوزة
ده هو اتفاجئ ان نور مش متجوزه
اسر انا بجد مش عارف اقولك ايه وحتى لو مكنش يعرف مااكيد لما سبت اختك معاه فهم ده العيل الصغير يفهمها
حركه هبله مفقوسه متجيش منك يافارس ياواعى يامقطع السمكه وديلها
وانتى ياست ملك ياللى بقول عليكى عاقله تطاوعيه فى حاجه زى دى
ملك لا ماهو انا بصراحه اللى اقترحت على فارس الفكرة دى
بس الله انا كان قصدى خير نفسي افرح بنور يااسر نفسي اشوفها عروسه
بص احنا يمكن نكون اتصرفنا بشكل غلط بس محصلش حاجه والله وكانت نيتنا خير
فارس اه وربنا وانا كنت مراقبهم يعنى لو كان عمل حركه كده واللا كده كنت حضرب فى المليان على طول
اسر ټضرب فى المليان ده انت لما بيعدى جمبك كلب بتجرى زى العيال الصغيرة
والله مانا عارف اقولكم ايه ماجمع الا اما وفق
اتنين اهبل من بعض
امشوا انجروا من قدامى بدل ماوالله انا اللى حضربكم دلوقتى امشوا برةبرة
فارس وهو يتحدث لملك بصوت منخفض حاضر حاضر والله بس بالراحه على نفسك ليطقلك عرق واللا حاجه ياللا ياللا قدامى ياوش الهم ياجلابة المصاېب
ملك طيب بس متزقش
يخرجان سريعا من المكتب
ملك ههههههه هههههه ياخواف مكنتش اعرف انك بتترعب من اسر كده
فارس فشړ ده جوزك اسد تحبي اثبتلك
ملك اه اسد بامارة ماكنت مستخبي فية زى العيل اللى خاېف من مدرسه وواخد ولى امره معاه
فارس ياهبله افهمى فارس ده مقامه عالى عندى وانا بحب احترمه لكن لازم تتاكدى من قوة وشجاعة جوزك
ملك ههههههه لا مانا اتاكدت خلاص
بس بقولك ايه تفتكر مؤمن يكون اعجب بنور
فارس بقولك ايه متجيبيليش سيرة الموضوع ده تانى الله يباركلك كفايه اللى حصل لحد كده قطيعه تقطع مؤمن على نور
ده احنا كنا حنبقى فى خبر كان
يفتح اسر الباب ليتفاجا بوجودهم وهم يتحدثون
اسر بصوت عالىانتوا لسه عندكم بتعملوا ايه
فارس يالهوى اجرى يابت ياملك وياخذها ويجرون وراء بعص على سلم الفيلا
حتى ان فارس اتكعبل وسحبته ملك
بينما كان اسر ينظر اليهم وهو يضحك على منظرهم
هههههه هههههه اقسم بالله جوز مجانين
يستعد للخروج فيجد امامه سيلين بابي
اسر ايوة ياسيلي عاوزة
حاجه
سيلين حياة مجتش يابابي انا زعلانه منها اوى
وتولين كمان زعلانه وبتقوللى حياة مش بتحبنى
اسر ليه بس ياحبيبتي بتقولى كده دى حياة بتحبكم اوى
سيلين مجتش يابابي مجتش حفلة تولين
وانا زعلانه منها ومخصماها كمان
اسر وهو يحتضنها بحبسيلين هو انتى بتحبي حياة
سيلين بحبها اوى اوى يابابي وتولين كمان بتحبها اوى
وكل شويه تضحك علية وتقوللى انا وحياة عندنا غمازة شبه بعض وانتى لاء
اسر لا متزعليش ياروحى انتى جميله اوى وشقيه اوى
