عبير سالم
نفس شقاوة ماما
سيلين مامى جنى
اسر ايوة ياحبيبتى ماما جنى الله يرحمها ويغفر لها ويجعلها من أهل الجنه يارب العالمين
سيلين انت ليه سيبتها تروح عند ربنا لوحدها كنت عاوزة اروح معاها
اسر بعد الشړ عنك ياحبيبتى اوعى تقولى كده تانى
ده انتى واختك اللى مصبرينى على غيابها عنى
سيلين طيب لو مش عاوزنى اروح عند مامى جنى هاتلى حياة يابابي
حاضر ياحبيبتى ياللا بقى اطلعى العبي مع اصحابك وانا ححصلك
سيلين حاضر يابابي
يدخل المكتب وهو حزين
ليه ياحياة مجيتيش وكمان قافله تليفونك ومقلتيش لفرح ياترى ايه اللى حصل
يارب متكونش زعلت منى انا خاېف وقلقان طب اعمل ايه دلوقتى اوصلها ازاى
نور تدخل عليه المكتب
نوراسور حبيبي انت فين الناس برة بتسال عنك
اسر انا جاى يانور
نوراسر حياة مجتش واتصلت عليها تليفونها مغلق هو مش انت قلتلى انك اكدت عليها
اسر ايوة والله اكدت عليها بس معرفش مجتش ليه
نوريمكن تكون محبتش تيجى مع انها والله كانت وحشانى اوى
وتولين كل شويه تسالنى عليها
اسر الله اعلم يانور يمكن عندها ظروف منعتها تيجى
ياللا بينا نخرج للناس اللى بره
فى المستشفى
حياةانا عاوزة اخرج بقى انا زهقت من القعده هنا
علااصبري ياحبيبتى الدكتور قال انك لسه تعبانه ومحتاجه تقعدى يوم كمان وبعدين اديكى شايفه السخونيه طالعه نازله وكده غلط والدكتور قال مش حتخرجى طول مافى حرارة
حياةبس انا زهقت اوى ياعلا
علابصي ياحبيبتى استهدى بالله كده لما الدكتور ييجى ويشوفك
هنا احنا في امان لو فى اى حاجه حيلحقونا لكن لو لا قدر الله تعبتي فى البيت حنعمل ايه
حياةطب عاوزة التليفون الله يخليكى
علاحاضر يا حبيبتى لو على التليفون حكلم سعيد اخليه يجيبهولك قبل مايجيلنا الصبح
يعود مؤمن الى منزله فيجد امه جالسه فى انتظاره
مؤمن سلام عليكم يا ست الكل ويقبل يدها
وفاءوعليكم السلام ورحمة الله وبركاته
حمد الله على السلامة يا حبيبي
مؤمن الله يسلمك يا ماما
وفاءانبسطت فى الحفله يامؤمن
مؤمن والله ياماما انا مااخدتش بالى من الحفله اصلي معظم الوقت كنت قاعد كنت قاعد مع نور اخت فارس
وفاءقاعد معاها ازاى يعنى
مؤمن قاعد بتكلم معاها ياماما
وفاءوجوزها كان قاعد معاكم
مؤمن لا ماهى طلعت مش متجوزه انا كنت فاهم الموضوع غلط اتاريها لما كانت بتتكلم فى التليفون كانت بتكلم اخوها اسر والبنات اللى كانت بتسال عنهم كانوا ولاد اخوها مش ولادهاهى
وفاءايوة بس انا فاكرة انك قلتلي انها كانت زعلانه عشان هما مش بيبعدوا عن حضنها
مؤمن ايوة ياماما مانا اللى فهمته ان اسر مراته متوفيه وان نور هى اللى مهتميه بيهم وبتحبهم اوى
وفاءياحبيبتى دى تبقى حنينه اوى
بقولك ايه هى عندها كام سنه
مؤمن ايه يافوءه دماغك راحت فين
وفاءياواد متتعبش قلبي وقللى
مؤمن والله انا مااعرف بس شكلها حوالى ٢سنه
وفاءحلوة
مؤمن ههههههه مشكله انتى ياماما
بصي انا شايفها عاديه زى اى بنت بس هى عينيها حلوة اوى يمكن دى الحاجه المميزة فيها
بس هى قلبوظه شويه
وفاءارتحتلها فى الكلام
مؤمن اوى ياماما تعرفي وانا قاعد بتكلم معاها كنت حاسس كانى اعرفها من زمان
لدرجة انى قعدت اتكلم معاها من غير مااحس بالوقت
وفاءطب وانت ايه اصلا اللى قعدكم مع بعض
مؤمن فارس بعد مااستقبلنى جت علينا مراته واخته نور
وبعد كده مراته قالتله انها عاوزاه وسابونا لوحدينا
بس فاتكلمنا لحد ماجه اخوهم الكبير اسر التهامى
وفاءاسر التهامى
وفاءماشاء الله ده انا سمع انه محامى شاطر اوى
وبعدين ياحبيبي
مؤمن ولا حاجه ياماما استئذنت ومشيت
وفاءطب وهى عجبتك ياحبيبي
مؤمن عجبتنى ازاى يعنى ياماما
وفاءمؤمن فى ايه يابنى ماصاحبك سابك تقعد مع اخته عشان لو حصل بينكم نصيب
مؤمن ايه ياماما الكلام الي حضرتك بتقوليه ده لا طبعا الموضوع مش كده خالص
وفاءهو ايه ياحبيبي اللى مش كده ماالموضوع واضح زى الشمس
مؤمن معقوله دى
وفاءومش معقوله ليه المهم بقى قوللى بقى رايك فيها ايه ريح قلب امك ياحبيبى
مؤمن والله ياماما هى كانسانه كويسه جدا
بس كزوجه مش عارف بصراحه
وفاء ليه بس ياحبيبي يعنى هى مش حلوة خالص واللا تخينه اوى
مؤمن لا والله ياماما هى مش وحشه انا زى ماقلتلك عاديه مفيهاش حاجه مميزة غير عينيها بصراحه حلوة اوى
وبالنسبه للتخن هى يعنى مش مبعجرة ولا شكلها مستفز
لا والله هى بس قلبوظه شويه بس القلبطه المقبوله يعنى لو عملت دايت شويه حتبقى جميله بجد
وفاءوايه يعنى ياحبيبي مانت اخدت القمر المانيكان وكل اللى كان يشوفها كان يحسدك على جمالها
وبعدين ماهى طلعت استغفر الله العظيم مش عاوزة اتكلم عن حد والحمد لله انها راحت لحالها
المهم الأخلاق يامؤمن البنت لما تكون بنت اصول واهلها ناس طيبين ومتربيه تحافظ عليك وتشيلك فى عينيها وتبقى معاك فى حزنك قبل فرح ك ومرضك قبل صحتك
فكر والنبي ياحبيبي نفسي افرح بيك يابنى فرح قلبي والنبي ياحبيبي اانا زهقت من القعده لوحدى نفسي ولادك يملوا علية البيت
مؤمن حاضر والله ياماما حفكر وربنا يسهل ان شاء الله
وفاءربنا يرضى عنك زى مابتراضينى يامؤمن يابنى يارب
فى الصباح الباكر يستيقظ من نومه لا بل نقل قام من فراشه فهو لم ينم طوال الليل ولم تر عيناه النوم
يدخل المكتب فلا يراها على مكتبها فيزفر پغضب شديد ثم يضع حقيبته على مكتبه وهو منفعل
فرح تعالى حالا عاوزك
فرح حاضر
اسر هو المكتب ده وكاله من غير بواب واللا ايه
فرح ليه بس حصل حاجه
اسر ولما حياة تقعد يومين متجيش ده يبقى اسمه ايه
فرح والله ماعارفه بس اكيد فى حاجه لانى حاولت اتصل بيها تليفونها مغلق يبقى اكيد فى مشكله
اسر شوفيلى عنوانها ايه بسرعه
فرح لاء ماهو عنوانها المكتوب فى الملف هى غيرته وقالتلي انها نقلت مكان تانى
اسر وهو منفعلايه التهريح ده يعنى نوصلها ازاى دلوقتى
فرح حضرتك متعصبش نفسك وانا حاخد شغل المكتب كله اخلصه لحد ماحياة تظهر
اسر طيب يافرح روحى انتى دلوقتى الله يخليكى
تخرج فرح بينما اسر يفك رابطة عنقه محدثا نفسهماتهدى شويه فى ايه مالك
ازاى اصبر وانا مش عارف ليه اختفت مرة واحده
فرح استاذ اسر مدير عزيز المغازى عاوز يقابل حضرتك
اسر وده عاوز ايه منى ده كمان خليه يدخل اصلي كنت ناقصه
فى المستشفى
حياةدور عليه كويس ممكن يكون واقع ورا السرير او الكوميدينو
سعيدالمشكله انه مقفول لو كان مفتوح كنت عرفت احدد مكانه
حياةمعلش حاول والنبي انا مش عارفه ايه اللى قفله اكبد وقع فى مكان مفيهوش شبكه
سعيد اهوه خلاص لقيته الحمد لله ده
حياةطب هاتهولى بسرعه والنبي
سعيد حاضر يا حياة
كان اسر منفعلا بشده
انت جاى تهددنى فى مكتبي واللا ايه اسر التهامى مبيتهددش يابنى ادم انت وقول للكلب اللى باعتك الكلام ده
يدخل عليه يسريخير يااسر فى حاجه صوتك جايب لاخر الشارع
الرجلقول لصاحبك يعقل ويعرف مصلحته فين والا هو اللى حيندم
اسر برررة
الرجلماشي انا خارج بس بعد كده متلمش غير نفسك واعرف كويس اوى اللى يقف فى وش عزيز المغازى بيبقى هو اللى جنى على نفسه
يخرج هذا الرجل من مكتبه بينما يتوجه يسري بالحديث اليه اسر ممكن تهدى كده وتفهمنى ايه اللى
حصل
اسر الزفت عزيز المغازي
يسريفهمت خلاص عاوزك طبعا تسيب القضيه
اسر ايوة وبيهددنى
يسريوحتعمل ايه يا اسر انا قلتلك من الاول بلاش تقف فى وشه ده انسان قذر واعماله كلها مشپوهة وياما اذى ناس وانا خاېف عليك ياصاحبي
اسر قل لن يصيبنا إلا ما كتب الله لنا
وانا مش حتتازل عن حق الناس الغلابه اللى ماتوا بسببه
انت مشوفتش اهاليهم يايسري دول حالتهم تقطع القلب
والكلب ده ولا على باله كل اللى يهمه شركاته ومصانعه وباعتلى مدير اعماله يهددنى
والله ماحسكت غير لما اخرب بيته زى ماخرب بيوت ناس كتير ده لو فيها موتى بردو مش حسكت
يسريانا عارفك ياصاحبي دماغك ناشفه طول عمرك
اسر فى الحق يايسري
يسريطول عمرك مترضاش بالظلم ربنا يكفيك شرهم
اسر اللهم امين وانت ياعريسنا ايه الاخبار مش تطمنى
يسريوالله انا عرضت عليها الموضوع وطلبت منها اتقدم رسمى وقالتلي حفكر
اسر بتحبها يايسري
يسرياوى والله بس انت عارف انى مكنش ينفع افاتحها فى حاجه زى دى عشان كلنا كنا عارفين انها كانت متعلقه بمين
اسر واهو غارفى ستين داهيه تاخده
ان شاء الله حتوافق وبصراحه انا حفرح لكم اوى لو الموضوع تم على خير انت عارف غلاوتكم عندى
يسريعارف والله يااسر وانت كمان ربنا العالم انابعتبرك زى اخويا
ربنا يديم بيننا المحبه
اسر اللهم امين
يسريطب انا حروح اشوف شغلى
ويتجه الى مكتبه
اسر فرح تعالى عاوزك
فرح نعم يااستاذ اسر
اسر تعالى يافرح اقعدى عاوزك فى موضوع
فرح تحت امرك يااستاذ اسر
اسر يسري قاللى انه كلمك بخصوص انه عاوز يرتبط بيكى
فرح ايوة فعلا حصل بس انا قلتله يسيبنى افكر
اسر فرح انتى لسه بتحبي شريف
فرح شريف الله يسامحه على اللى عمله فية
لا يااستاذ اسر انا خلاص شيلته من حساباتى خلاص ومبطقش اسمع اسمه اصلا كفايه البهدله اللى بهدلهالى
اسر يعنى انتى مشاعرك اتغيرت من ناحيته
فرح ايوة والله انا حتى مش عارفه ازاى كنت مرخصة نفسي كده وازاى سمحت لنفسي انى احب واحد وانا عارفه انه مبيحبنيش
اسر يعنى اقتنعتى بالكلام اللى قلتهولك قبل كده يافرح
فرح ايوة والله كلامك وكلام حياة لية هو اللى فوقنى
اسر حياة
فرح ايوة هى كمان اتكلمت معايا
اسر طب ممكن تقوليلي ايه رايك فى يسري
فرح والله يسري انسان محترم جدا بس انا خاېفه
اسر خاېفه من ايه بس
فرح خاېفه ميكونش بيحبنى
اسر لا اطمنى يسري بيحبك ومن زمان اوى بس انتى اللى كانت مشاعرك ناحية شريف فضحاكى وهو مكنش عاوز يفرض نفسه عليكى
فرح انتى عارفه غلاوتك عندى وانك زى نور اختى والله العظيم انا لو ماكنت متاكد من ان يسري ابن حلال وبيحبك وحيخاف عليكى والله ماكنت كلمتك دلوقتى
وافقى يافرح وافتحى صفحه جديده مع الدنيا افرح ى يافرح وخلللى الفرح يدخل حياتك خللى حياتك يبقى فيها نصيب من اسمك
يسري كويس واهله ناس محترمين غلبان وابن حلال وعنده شقه جميله يارب تكون من حظك ومجتهد جدا فى شغله وحيكونله مستقبل كبير
وصدقينى يسري حيعرف ازاى يخليكى تحبيه وينسيكى كل اللى حصلك قبل كده
وجهازك كله حيكون هديه منى ليكى
فرح لاء كده كتير ده حضرتك مغرقنى بجمايلك
اسر انتى اختى الصغيرة وعاوزك تفرح ى يافرح
ياللابقى قومى وروحى فرح يه وقوليله يروح يتقدملك رسمى
ومټخافيش انا معاكى ومش حسيبك وحاجى معاه عندكم وانا اللى حقفله لو فكر يزعلك بكلمه
ولو انى متاكد ان يسري عمره ماحيزعلك لانه بيحبك
فرح حاضر وتقوم من امامه لتخبر يسري بقرارها فى الموافقه على الارتباط به
كان اسر سعيدا لانه استطاع ان يوفق بينهما وفجاة يعلن هاتفه عن اتصال
ينظر للاسم وقلبه يكاد ان يتوقف من الفرح ه غير مصدق عينيه
يفتح الخط سريعاحياة انتى فين مجيتيش ليه هو انا زعلتك فى حاجه كده برده ياحياة تقلقينى كده عليكى اتكلمى مبترديش ليه
حياة انا اسفه والله ڠصب عنى
اسر مالك ياحياة فى حاجه صوتك مش عاجبنى
حياةانا فى المستشفى عملت الزايده
اسر امتى الكلام ده حصل
حياةاول امبارح العصر
اسر فجاة كده مانتى كنتى كويسه وعامله ايه دلوقتى
حياةايوة والله فجاة والحمدالله على كل حال
اسر وانتى فين دلوقتى
حياةفى مستشفى.............
يغلق اسر الهاتف معها ويجرى سريعا على المستشفى
يسأل عن الغرفه فى الاستقبال بينما كانت حياة نائمه وعلا تجلس بجانبها
يطرق الباب
فتقوم علا لفتحه
اسر السلام عليكم
تسمع حياة صوته فتعرف انه اسر
علاوعليكم السلام ورحمة الله وبركاته
اسر انا اسر التهامى
علااهلا اتفضل حضرتك
يدخل اسر يرى حياة وهى نائمه والمحاليل معلقه
اسر الف مليون سلامه عليكى
تحضر علا له كرسي ليجلس عليه
حياةالله يسلمك بس حضرتك تعبت نفسك ليه انا كنت بتصل بيك عشان متضايقش انى مارحتش الشغل
اسر شغل ايه بس ياحياة المهم عندى صحتك
كانت علا لا تتحدث فقط تنظر اليهم
حياةاعرفك باختى ام علا
اسر وهو يمد يده لهااهلا وسهلا بيكى
علااهلا بحضرتك تشرب ايه يااستاذ اسر
اسر ياريت لو فنجان قهوة
علاحاضر ثوانى وتخرج من الغرفه
بينما يتقدم اسر بالكرسي ناحيتهاحمد الله على سلامتك ياحياة
حياةالله يسلمك يااستاذ اسر
اسر اسر اسر بس ياحياة من غير استاذ
حياةمينفعش يااستاذ اسر حضرتك استاذى اللى بشتغل عنده
اسر حياةانتى متعرفيش انا كنت حتجنن عليكى ازاى لما مجيتيش الحفله انا لو كنت اعرف عنوانك كنت جيتلك على طول كان فى مليون حاجه فى دماغى كنت خاېف اوى اكون
زعلتك فى حاجه
كنت خاېف يكون حصلك حاجه
حياة انا منمتش طول الليل من القلق والخۏف عليكى
ليه ماكلمتنيش ليه ماقلتليش انك تعبانه وانا كنت رميت الدنيا كلها ورايا وجتلك جرى
حياة انا اسفه والله بس الالم جانى مرة واحده واخواتى جابونى والدكتور قال عمليه وانا نسيت التليفون فى البيت واول مااخويا جابهولى كلمتك على طول
وانا متخيلتش انك تقلق علية كده انا عارفه ان عندكم حفله وقلت اكيد حتنسانى وممكن متاخدش بالك انى مجيتش
اسر انسى مين ياحياة معقوله ييجى فى بالك انى انساكى او ماخدش بالى انك مجيتيش
انا مبطلتش رن عليكى وكلمت فرح قالتلى انها متعرفش حاجه وانك مبلغتيهاش بحاجه
حياةانا فعلا شفت الرسايل وانا من تعبي نسيت ابلغ فرح
حقك علية تعبتك معايا
اسر تعبك راحه ياحياة وبعدين مش انا بس اللى زعلت انك مجيتيش نور كانت مضايفه اوى والله
وتولين وسيلين كل شويه يسالونى عليكى
تولين كان نفسها اوى انك تيجى
حياةحبايب قلبي وحشونى اوى والله كان نفسي اشوفهم بس معلش تتعوض مرة تانيه
اسر ان شاء الله
حياةبس حضرتك سيبت المكتب وجيت
وانا عارفه ان فى شغل كتير
اسر حياة انا مستعد اروحلك لاخر الدنيا
حياة انا
يفتح سعيد الباب فترتبك حياة
سعيدالسلام عليكم
اسر وهو يقف احتراما لهوعليكم السلام ورحمة الله وبركاته
حياةاستاذ اسر اللى بشتغل عنده
سعيد اخويا يااستاذ اسر
اسر وهو يمد له يدهاهلا بيك اتشرفت بمعرفتك
سعيد الشرف لية يااستاذ اسر
اسر الف حمدلله على سلامة حياة
سعيدالله يسلمك
اتفضل حضرتك استريح
حياة فين علا
حياةراحت تطلب قهوة لاستاذ اسر
تفتح علا الباب وفى يدها القهوة اتفضل حضرتك
اسر متشكر اوى
سعيد خير ياخويا مش قلت انك رايح المحل
سعيدلاء مانا جيت عشان اخلص الحساب
لان الدكتور قاللى اننا ممكن نخرج خلاص مادامت الحرارة نزلت
حباةيعنى انا حروح خلاص
سعيدايوة ياحبيبتى
اسر طب تمام ياللا اجهزى وانا حوصلكم
سعيدربنا يخليك يارب مش عاوزين نتعب حضرتك احنا حناخد تاكسي
اسر تاكسي ليه وانا موجود والعربيه موجوده ياللا انا حخرج اشرب فنجان القهوه برة على ماتجهزوا
يخرج اسر ومعه سعيد خارج الحجرة
سعيدكده حنعطل حضرتك عن المكتب
اسر مفيش عطله ولاحاجه
بعد قليل تخرج علا اليهمسعيد احنا خلاص جاهزين
تسند علا حياة بينما سعيد يمسك الشنط واسر معهم
ينزل اسر لاحضار السيارة
يفتح الباب الخلفى لحياة وعلا بينما يجلس سعيد بجواره
حتى يصل بهم الى باب العمارة
سعيدايوة تمام كده احنا وصلنا
اسر
