عبير سالم
بقى لية مين غيرهابتكلم معاه ده انا معرفش لو داليا مكنتش عايشه معانا انا كنت عملت ايه
ثم تنزل الدموع من عينيها
شادىخلاص ياهبه متعيطيش انا مقصدش والله بس انتى عارفه انى مصمم ان داليا متروحش عند بابا تانى
هبه هى رايحه عشان خاطر مامتك يا شادي مامتك ملهاش ذنب فى حاجه هى كانت مغلوبه على امرها ومينفعش داليا
تقطع علاقتها بيها مفيش اغلى من الام ياشادى ياريت ماما كانت عايشه وانا كنت قعدت تحت رجليها العمر كله
شادي خلاص ياهبه متضايقيش نفسك قوليلي عشان خاطرى
واللا انا مليش خاطر عندك
هبه خاطرك غالي عندي اوى ياشادى
شادي طب قوليلي بقى حتفطرينا ايه النهارده
هبه اللى انت عاوزه قوللى نفسك فى ايه وانا اعملهولك
شادي بقولك ايه مادامت داليا مش حتفطر معانا ايه رايك نخرج نفطر برة فى اى مكان
هبه بجد ياشادى
شادي ايوة ياهبه بجد طبعا بصراحه احنا اتخنقنا من قعدة البيت ومش بنخرج خالص والمحل واخد كل وقتى بصي انتى اجهزى وانا قبل المغرب بساعه حطلعلك تكونى جاهزة ونفطر فى المكان اللى يريحك ونتمشى شويه ونعدى ناخد داليا واحنا راجعين
هبه تمام ياشادى
فى المستشفى
مالك وهو يتحدث لزوج المريضهواضح ان الادويه الكتيرة اللى اخدتها كانت مجرد مهدئات مش اكتر وبالتالى ضرتها اكتر مانفعتها وبدل ماتساعدها على الشفا زودت الحاله تعب لانها كانت بمجرد مابتسترد وعيها بترجع حالتها تسوء اكتر من الاول
الزوجهى اصلها كانت مرتبطه بالولد جدا ومقدرتش تستحمل مۏته
بس اللى عاوز اعرفه فى امل واللا مفيش
مالك اكيد في امل ان شاء الله والحمد لله انا اتعاملت مع حالات كتير زى المدام وبقت كويسه
وان شاء الله حتبقى زى الفل المهم انا محتاج شوية وقت
الزوجتمام مفيش مشكله خد الوقت اللى انت عاوزه المهم بثينه ترجع لعقلها
مالك ان شاء الله
خللى إيمانك وثقتك بالله كبيرة
يخرج الزوج بينما ينتظر مالك معها فى الحجرة وهو جالس امامها وهى نائمه لاتدرى بما يدور حولها
مالك وهو يتحدث اليهاربنا يكون فى عونك ويقدرنى انى اساعدك عشان تخرجى من المحنه دى على خير
بعد قليل تبدا بثينه فى استعادة وعيهااه دماغى مش قادرة
مالكتعبانه حسه بايه
بثينهدماغى راسى مش قادرة صداع جامد
مالكطب ممكن ترتاحى شويه
بثينهانا راحتى فى موتى انا مفيش حاجه حتريحنى غير انى اموت اناعاوزة اروحله عاوزة اموت زيه
مش عاوزة اعيش وهو مش عايش
ليه ليه يسيبنى ده انا مكنش لية غيره
اشمعنى انا اللى ابنى ېموت ماكل الناس ولادها عايشين
وبيكبروا قدامهم ليه ياخدوه منى ليه يروح ليه يروح
كانت تتكلم وهى تصرخ وتبكى بشده
حاول مالك تهدئتها بلا فائده
بثينهسيبونى ابعدوا عنى انتوا عاوزين منى ايه انا عاوزاه هو
والنبي والنبي هاتلى ابنى رجعهولى
انا مستعده اعمل اى حاجه بس ابنى يرجعلى
وحشنى
وحشنى اوى نفسي احضنه ابنى ابنى انا عاوزة ابنى
مالك طب اهدى طيب اهدى بس
بثينهانت بتكلمنى كده ليه انت فاكرنى مجنونه صح انا مش مجنونه مش مجنونه انا عاوزاه عاوزة اروحله
بص بص انا حقولك انا عاوزة اموت زى ماهو ماټ عاوزة احس باللى هو حس بيه وهو بېموت
هو كان بيتالم صح هو كان زعلان انه حيسيبنى ويمشي صح
انا عارفه هو كان بيحبنى اوى
هو مكنش عاوز ېموت ليه ليه ېموت
الممرضهدكتور حضرتك حتسيبها كده مش حتديها حقنه مهدئه
مالكلاء حقنه مهدئه لاء
مفيش حتجه بوظتلها اعصابها كده غير المهدئات الكتيرة اللى اخدتها
الممرضهبس دى حالتها صعبه اوى
مالكخليها تطلع كل اللى جواها سيبوها تخرج الطاقه اللى جواها وهى دلوقتى حتهدى لوحدها
وبالفعل بعد عدة دقائق كانت بثينه قد هدات وغلبها النوم
مالكخليكى جمبها اوعى تسيبيها لحظه واحده عينك عليها
وانا حروح اشوف بقية المرضى ولو حصل اى حاجه كلمينى على طول
الممرضه حاضر يا دكتور
يمر اليوم ويبدا اسر فى الوصول لكل الاطراف التى شاركت فى هذا الامر ابتداء من سړقة الملف وحتى محاولة تلفيق التهمه لحياة
كان اسر يتحرك بمنتهى الذكاء
طلب اسر من حياة الا تاتى الى المكتب نهائيا
حياةليه يااسر مش عاوزنى اجى المكتب
اسر حبيبتى شهر رمضان الوقت فيه قصير اوى انتى بالنهار معظم الايام عندك امتحانات ويادوب حتفطرى وتلحقى تذاكريلك كلمتين
انتى ريحي طول شهر رمضان وبعد العيد ياستى ترجعى تنورينا تانى
حياةايوة بس الشغل كده حيبقى كتير اوى على فرح
اسر لا مانا حوقف الشغل فى بعض القضايا يعنى الشغل مش حيبقى كتير عليها
حياةايوة بس
اسر بس ايه ياحياة فى ايه تانى
حياةبصراحه بقى حتوحشنى هو انا يعنى مش حوحشك
اسر مين قال انك حتوحشينى بصراحه انتى مش حتوحشينى خالص
حياةمعقوله مش حوحشك يعنى انت خلاص مبقتش بتحبنى
اسر وهو يمسك ذراعها بين يديه حياة انتى مش حتوحشينى لانك طول الوقت ادام عينى مبتغيبيش عن بالى لحظه واحده
وبعدين انا مش بحبك انا بعشقك ياحياة قلبي
بس مصلحتك عندى اهم وعاوزك تنجحى وتخلصينا بقى
واللا احنا مش حنتجوز فى ام السنه دى
حياة ههههههه هههههه
اسر بتضحكى على ايه بقى
حياةاصلك بتتكلم بطريقه غريبه اوى
اسر هو السبب منه لله
حياةمين ده
اسر هو فى غيره فارس الزفت اتعديت منه وبقيت بتكلم زيه
حياةلا والله ده دمه خفيف اوى
اسر لا والله شوف ازاى بقولك ايه مسمعكيش بتمدحى فى اى راجل غيري انتى فاهمه والا حزعل منك بجد
حياةلا لا خلاص حرمت كله الازعلك انت
اسر اممممم طيب خلاص سماح المرة دى
ياللا بقى عالبيت على طول وسلميلي على اخوكى ومراته
حياةطيب ماشي خلاص بس حتكلمنى فى التليفون
اسر طبعا حكلمك كل يوم
ياللا بقى اتفضلى خدى حاجتك وعلى البيت فورا
حياةحاضر
تخرج حياة بينما يحدث اسر نفسهتمام كده بقى انا فضتلكم واحد واحد وحعرف حكايتكم كلكم معانا ايه بالظبط
فى منزل هدير.
هديرانا نازله ياماما عاوزة منى حاجه ياحبيبتى
امهالا ياحبيبتى ربنا يجعلك فى كل خطوة سلامه يارب
ويبعد عنك ولاد الحړام يارب
هديرالله حلوة اوى الدعوة دى ياماما
ادعيهالى تانى
امهاربنا يكفيكى شړ سكتك ويبعد عنك ولاد الحړام ياضنايا يارب
هديرماما هو اشرف جاى امتى
امهاحييجى الاسبوع الجاى ياحبيبتى ان شاء الله
هديرطيب ياماما انا خارجه
امهاهدير استنى يابنتى عاوزاكى
هديرنعم ياماما فى حاجه
امهامالك ياهدير فيكى ايه ياحبيبتى
هديرمفيش ياماما حاجه
امهالا ياهدير فيكى حاجه انا متأكده انتى بقالك كام يوم حالك مش عاجبنى
متغيرة ودايما قاعده لوحدك وحزينه على طول لا بتضحكى ولا بتهزرى معايا زى عادتك ولا بتجيبي كتبك وتقعدى تذاكرى جمبي
فيكى ايه يابنتى ريحى قلبي ياهدير قوليلي مالك
هديرمفيش حاجه صدقينى ياماما
امها مبقاش امك لو محستش بيكى ياهدير
احكيلي ياحبيبتى فضفضي لامك محدش حيحبك ولا ېخاف عليكى ادى
اتكلمى وطلعى كل اللى جواكى وصدقينى يابنتى مهما كان اللى جواكى تاعبك
بس حترتاحى لو حكيتى
لا تشعر هدير بنفسها الاوهى ترتمى فى حضڼ امها وتبكى بشده
امهابسم الله الرحمن الرحيم
مالك يا قلبي فيكى ايه ياقلب امك
هدير وهو تشهق من البكاءانا تعبانه اوى ياماما تعبانه وحسه ان فى جبل على صدرى وانا مش وحشه والله ياماما انا عمرى مااذيت حد ياماما
امهاياحبيبتى انتى طول عمرك غلبانه وفى حالك قولى يابنتى احكيلي ياقلبي مالك فى ايه
هديرححكيلك ياماما ححكيلك ولو قتلتينى يبقى عندك حق
امها اتكلمى بقى يابنتى حرام عليكى قلبي حيقف قولى فى ايه
رانيا وهى تتحدث الى شخص ما
اصبر شويه يااسلام الموضوع لسه مخلصش
اسلاميعنى ايه لسه مخلصش وانا مالى
بقولك ايه اللى سمعته انه طلق مراته ناقص ايه تانى بقى عشان يمشي من الفرع
رانيايييه بقى بقولك ايه متخنقنيش انا مش عاوزة قرف
اسلامقرف بقى انا قرف يارانيا
رانيااسلام ياحبيبى مش احنا اتفقنا على كل حاجه
اسلاممانتى عماله تماطلى فية ومش عاوزانى اجى اتقدملك
رانيااصبر لغاية لما المو ضوع يخلص خالص
ياللا بقى انا حقفل دلوقتى
اسلام لنفسهماشي يارانيا اما اشوف اخرتها معاكى ايه بس وربي لو كنتي ناويه تلعبي بية لحخللى سنتك سوده ان شاء الله
تغلق معه الهاتف و تحدث رانيا نفسها انا ايه اللي خلانى بس ادخله معايا فى حاجه زى دى
ده شكله حيقرفنى
بس انا مالى مكان مايحط راسه يحط رجليه هو كل همه ان فريد يمشي من الفرع لكن انا مش حيلمس منى شعرة
يانهار اسود هو ممكن يعمللى مشكله واللا حاجه
لا لا هو ميقدرش يتكلم اصلا والا حيودى نفسه فى داهيه
وبعدين هو انا عملت كل ده ليه مش عشان فريد انا حتجوزه يعنى حتجوزه مها كان التمن
بينما كانت تحدث نفسهاتجد فريد يتصل عليها
رانياحبيبي وحشتنى
فريد انتى كمان وحشتنى اوى يارانيا
رانياانامش مصدقه انك بتكلمنى يافريد
فريدلا ياحبيبتى ده انا حكلمك على طول انا فاضيتلك خلاص ياقمر بقولك ايه وراكى حاجه بعد المغرب
رانيالا ياحبيبي ليه
فريدعاوز اخرج معاكى زهقان اوى وعاوز اغير جو
رانياحاضر بعد الفطار على طول نتقابل
فريدتمام ياقلبي
حخرجك بقى ونتفسح سوا
رانيا فريد هو ايه اللي غيرك اوى كده ده انت مكنتش بتطيق تتكلم معايا
فريدعشان انا اتاكدت من حبك لية وعرفت انك انتى اللى تستاهلى حبي يارانيا
رانياوانا اوعدك ياحبيبي حعوضك وحخليك اسعد انسان فى الدنيا
فريدههههههه طب اما نشوف
فى منزل هدير
امهاليه كده يابنتى انتى ازاى تعملى كده لاياهدير انتى غلطانه
هو ده اللى انا ربيتك عليه ياهدير
البنت دى حيبقى ذنبها في رقبتك لو اتاذت واللا حصلها حاجه
هدير وهى تبكى خفت منهم ياماما خفت ياذونا ياماما
امهاقل لن يصيبنا الا ماكتب الله لنا
هديراعمل ايه دلوقتى ياماما قوليلي اعمل ايه
امهاهو انتى مش قولتيلي انه عاوز الراجل اللى هى شغاله عنده يطردها من الشغل
هديرايوة ياماما هو ده اللى قالهولى
امهاطب انتى عارفه الراجل ده يابنتى
هديرهى كانت قالتلي انها بتشتغل عند محامى مشهور اوى
امهاياضنايا يابتى يعنى البت غلبانه زى حالتنا وبتصرف على تعليمها وانتى تساعدى فى اذيتها
انتى حتنزلى دلوقتى حالا تروحى للراجل ده وتحكيله عن كل حاجه
هديرخاېفه ياماما خاېفه
امهامټخافيش مټخافيش يابنتى محدش حيقدر ياذيكى غير لو ربنا كان كاتبلك ده
هى كلمه ومش حتنيها حتروحى وتعترفى بالحقيقه ووالله ياهدير لو مااعترفتى بغلطك وروحتى للراجل ده وحكيتيله لانتى بنتى ولا اعرفك
هديرحاضر ياماما حاضر
بعد مرور ساعه
بينما كان اسر يفكر في امر هذه الفتاه وعلاقتها بهؤلاء الاشخاص وكيف يجعلها تنطق وتعترف بما ارتكبته فى حق حياة
فرح استاذ اسر
اسر ايوة يافرح
فرح فى بنت برة عاوزة تقابل حضرتك
اسر بنت بنت مين اسمها ايه
دى كمان
فرح بتقول اسمها هدير
ينتفض اسر لمجرد سماعه الاسمايه بتقولى اسمها ايه
فرح هدير قالتلى هدير
اسر دخليها فورا
اسر مش معقول معقوله تكون هيا
بجلس اسر مكانه منتظرا دخولها
تدخل فتاه ينظر اليها اسر ليجدها فتاه يظهر عليها الطيبه وملابسها وهيئتها تدل على انها من اسر ة متوسطة الحال
ويظهر على وجهها الخۏف والقلق
اسر اتفضلى اقعدى
تحبي تشربي حاجه
هديرلا لاشكرا حضرتك
اسر فى اى خدمه تحبي اقدمهالك
هديرانا انا كنت عاوزة اقول لحضرتك حاجه
يلاحظ اسر انها تفرك فى يديها وقد بدا العرق يتصبب منها
اسر قولى ياهدير انا سامعك بس انتى جيتى ليه ده انا كنت رايحلك ياهدير
هديرحضرتك بتقول ايه
اسر بقول انك وفرتى علية المشوار ياهدير
ثم يقوم من على كرسيه ليجلس امامها
قولى ياهدير اتكلمى وعاوزك متقلقيش ياهدير ومټخافيش من اى حاجه عاوزك تطمنى ان اللى حتقوليه دلوقتى حيكون سر بيننا ومش حيخرج برة المكتب ده
هديراهئ اهئ اهئ
اسر مټخافيش ياهدير اوعى تخافى من حاجه
انا متاكد انك بنت كويسه ياهدير وبتحبي حياة والا مكنتيش حتكونى موجوده دلوقتى هنا
هديروالله العظيم بحبها جدا وعمرى مافكرت ااذيها ولا ااذى اى حد فى الدنيا
انا غلبانه والله ومش عاوزة حاجه غير انى اكمل تعليمى وبس
اسر وبعدين ايه اللى حصل احكى طلعى كل اللى جواكى
احكيلي كل حاجه ياهدير
هديرانا ماكنتش اعرف حياة كنت بشوفها اه بس مكناش صحاب غير من حوالى اربع شهور ولقيتها بنت طيبه وحبتها وحستها زى اختى دايما بتحتوينى وعشان هى اكبر بمنى بكذا سنه بحسها عاقله وبتقدر الامور كويس وبقينا بنقعد مع بعض دايما
وانا اصلا ساكنه فى منطقه شعبيه اوى واهلى ناس غلابه بابا ماټ وانا فى الثانويه العامه والمعاش يادوب بياكلنا وبيشربنا حتى مبيكفيش علاج ماما لان ماما مريضة قلب
ولما ربنا كرمنى وجبت مجموع طب مبقتش عارفه اعمل ايه
وانا شايفه الظروف
قلت ادخل اى كلية عاديه عشان ظروفنا
ماما زعلت اوى لانها كان نفسها اوى ابقى دكتورة
واخويا الكبير كان متخرج من كلية التجارة ومش لاقى شغل
واحد عرض عليه يشتغل معاه في شركه استثماريه طالبه محاسبين فى القاهرة وحيقبض مرتب كويس جدا
اخويا فرح اوى وقاللى انى حدخل كلية الطب وحيجيبلى كل اللى احتاجه بس اذاكر كويس وانجح
ده انا حتى عرضت عليه اشتغل واساعده رفض وقاللى اذاكر واراعى ماما وبس
وانا الحمد لله كويسه وماشيه فى الكليه
لحد مامن فترة وانا خارجه من الكلية لقيت واحد بيوقفنى فى الشارع
انا اټخضيت بس هو قاللى انه عارفنى كويس وقاللى لو ممشتش معاه من سكات وقعدت معاه وسمعت كلامه حيعمللى ڤضيحه ويقول انى سړقت موبيله
انا خفت ومشيت معاه وقعدنا فى كافيه جمب الكليه
كنت خاېفه ومړعوبه اوى اول مرة اقعد مع حد غريب
هديرالله يخليك ممكن حضرتك تقوللى تعرفنى منين وعاوز منى ايه
الرجلبصي بقى انتى مش مطلوب منك غير حاجه واحده وبس تنفذيها من غير ولا كلمه
هدير حاجه حاجة ايه حضرتك
الرجل حياة زميلتلك حتلعبي عليها لعبه وحتاخديلك قرشين حلوين ينفعوكى فى دراستك
هدير انت مين انت وازاى تكلمني بالطريقه دي اصلا
وزميلة مين دى اللى عاوزنى العب عليها
الرجلعارفه لو لسانك ده علا علية انا تانى حقطعهولك
انتى فاهمه انتى فاكرة نفسك مين عشان تتكلمى معايا بالطريقه دى انتى ممكن دلوقتى حالا تلاقى نفسك مفصوله من الكلية
ومتهزمه باى تهمه سرقه او سير وسلوك او حاجه كده ممكن افكرلك فيها
واشرف اخوكى اللى ياعينى تعبان وشقيان وبيصرف مرتبه كله على تعليمك وعلى الشقه اللى مقسط تمنها عشان يتجوز فيها حتلاقيه بكرة مرفود من شغله وقاعد جمبك انتى وامك
اللى ممكن ټموت من قهرتها على ابنها اللى حيقعد جمبها يخرطلها بصل
وانتى بقى كفايا عليكى درستيلك سنتين فى كلية الطب ممكن تشتغلى بيهم ممرضه فى اى مستوصف خيري
هدير وهى مصدومه مما تسمع انت بتقول ايه
وعرفت عنى الحاجات دى كلها ازاى
الرجلههههههه هههههه
انتى متعرفيش انا مين انا اعرف عنك كل حاجه من يوم مااتولدتى
هديرطب الله يخليك انا مليش دعوة بحد
وبعدين حياة دى صاحبتى انا مش ممكن اقدر اسببلها اى اذى
الرجلمفيش اذى ولاحاجه كل الحكايه انها مش كويسه فى شغلها والموضوع ده حيساعد الراجل اللى هيا شغاله عنده يمشيها من الشغل وخلاص
يعنى اطمنى مش حيحصل حاجه ولا حتنضر فى حاجه
هديرلا لا انا مليش دعوة
الله يخليك والنبي سيبنى فى حالى وانا والله مش حقول حاجه
الرجلههههههه وهو انتى اصلا تقدرى تتكلمى
