عبير سالم

على طول

يسريارب باابيه

والله انا كنت مفتقداكم اوى وكنت منتطراكم تنزلوا بفارغ الصبر

مصطفى حبيبتى انتوا كمان كنتوا وحشينا اوى وحبيب قلبي ده كان واحشنا جدا

يسرحمدالله على سلامتكم ربنا ميحرمناش منكم يارب

مصطفى هو مالك بقى بيتاخر كده ليه فى المستشفى

ده احنا من يوم ماجينا ماقعدناش معاه مرتين تلاته على بعض

يسرربنا يقويه ياابيه الحالات اللى فى المستشفى صعبه اوى وبتحتاج رعايه طببه منه

عفاف  برافو عليكى ياحبيبتى انا فرح انه بيكى عشان مقدرة شغل جوزك ومقدرة ظروفه

يسرانا فى الاول كنت بتضايق بس لما كنت بروحله وانتوا فى العمرة وبقيت بشوفه وهو عمال يجرى بين الاقسام بصراحه صعب علية اوى

عفاف  ربنا يكملك بعقلك ياحبيبتى ويهدى سركم ويديم بينكم المحبه يارب

يسروانتوا معانا يارب

ثم ټحتضنها وتقبلها وحشتينى وحشتينى اوى يافوفه ياقمر انتى

 دالياهبه بقولك ايه انا عاوزاكى تساعدينى فى حاجه

هبه خير ياحبيبتى

دالياماما ياهبه تعبانه اوى ومحتاجانى انى اكون جمبها

وانا خاېفه اقول لشادى يزعق ويبهدل الدنيا ممكن تساعدينى فى الموضوع ده

انا ماما صعبانه علية اوى مش قادره اعرف انها تعبانه ومكنش جمبها دى امى ياهبه

هبه طب متخليها تيجى تقعد معانا هنا ياداليا واحنا نخدمها برموش عينينا

دالياعرضت عليها والله بس هى مرضتش وقالتلي مش حتسيب بيتها وبابا كمان رافض

هبه خلاص يا حبيبتى انا حكلمه وان شاء الله يوافق

هو خلاص على وصول

يسمعون صوت الباب وهو يفتح

دالياجه ياهبه  شادي   جه

هبه طيب بصي احنا نتغدى الاول وبعد كده حكلمه تمام اهدى بقى

 شادي   سلام عليكم

هبه ودالياوعليكم السلام ورحمة الله وبركاته

دالياازيك ياحبيبي عامل ايه

شادىالحمد لله ياحبيبتى انتوا عاملين ايه

هبه الحمد لله

شتديعلى فكرة فى اخبار حلوة اوى حتبسطكم ان شاء الله

داليااخبار ايه طمنى ياشادى

شادىالقضيه اتحدد معادها خلاص والمحامى طمنى اوى

هبه بجد ياشادى يعنى فى امل

شادىطبعا بجد وان شاء الله كريم حياخد حكم مخفف وحتتحول القضيه لقتل بالخطأ وان شاء الله قريب يبقى كريم فى وسطنا يعنى نقدر نعتبره مسافر برة وراجع وان شاء الله يخرج بعد نص المده واحيانا كمان تيجى مناسبه يقوموا يصدروا عفو عن بعض المساجين

 يعنى خلاص هانت يابنات وحنتجمع كلنا تانى ان شاء الله

هبه وداليا أخذا يحتضنان بعضهما ويضحكان بشده

هبه هيييه الحمد لله يارب الحمد لله

كان  شادي   ينظر اليها وهو سعيد بانه استطاع ان يرسم السعاده على وجهها

 شادي  طب ايه النظام حتغدونى واللا معندكمش اكل النهارده

هبه لا طبعا ده انا عامله مكرونه بالبشاميل وكفته حتاكل صوابعك وراهم

 شادي   الله هو ده الكلام حروح اغير هدومى على ماتجهزوا الاكل

ياكلون الطعام ثم يتجه  شادي   لغرفة النوم

هبه شادى هو انا ممكن اتكلم معاك فى موضوع

شادىتعالى ياهبه قولى فى ايه

فى المستشفى

بثينههو مصطفى مبقاش بييجى ليه يامالك

مالكمفيش يابسبس هو بس تعبان شويه

بثينهانت بتكدب علية انتوا خايفين عليه منى صح

خايفين ااذيه لا والله انا بحبه بحبه اوى

عمرى مااذيه ابدا

مالكايه بس اللى بتقوليه ده يابسبوسه

لاء طبعا انا متاكد انك بتحبيه

بثينهطب عشان خاطرى خللى يسر تجيبه وتيجى وحشنى اوى نفسي اشوفه

مالكحاضر حاضر يابسبس بس انا عاوزك تخفى بقى وتبقى كويسه عشان ترجعى بيتك تانى

بثينهلا لا انا مش عاوزة ارجع البيت مش عاوزة اروح هناك تانى

ثم بدأت في البكاءحبيبى ياابنى كان بيلعب معايا كان احلى حاجة في حياتى يعنى انا ارجع وهو مش موجود

مالك انا تعبانه يامالك تعبانه اوى

مالك انا عاوزة اروحله وحشنى اوى اوى

انت عارف يامالك هو بييجى يقعد معايا هنا بعد مابتمشوا كلكم هو بييجى ايوة بييجى وبلعب معاه وبنضحك سوا وبيفضل قاعد جمبي بس بنام وبعد كده لما بقوم مش بلاقيه بيكون مشى مشى وسابنى يامالك

مالكطب يابسبوسه ممكن تنامى بقى وبكرة نكمل كلامنا مع بعض

بثينهلاء انت بكرة تجيبلى مصطفى انا عاوزة مصطفى

مالكحاضر حاضر حجيبهولك

يخرج مالك من حجرتها وهو في حيرة من امرها

يعود الى المنزل ليجلس مع عائلته الصغيرة

يسرمالك ياحبيبي فى ايه

مالكبثينه نفسها اوى تشوف مصطفى وانا مش عارف اعمل ايه

يسرانا اسفه ياحبيبي انا السبب ياريتنى ماكنت علقتها بيه

من الاول

مالكانا دلوقتى محتار مش عارف اعمل ايه

يسرمالك هو وجود مصطفى معاها فى خطړ عليه واللا عليها

مالكالخطړ موجود بالنسبه للاتنين

يسرهو ممكن تؤذيه يامالك

مالكبصي يا حبيبتى بثينه عمرها ما حتاذى مصطفى لانها بتحبه جدا

بس فى الحالات المشابهه لحالة بثينه ممكن تتوقعى حاجات كتير

انا كنت خاېف انها تتخيل انه ابنها والحمد لله ده ماحصلش

بس المشكله ان وجوده بيفكرها بفقدانها لابنها

وفى دلوقتى مشكله اكبر

يسرمشكلة ايه تانى ياحبيبي

مالكالمشكله دلوقتى انها بتتخيل ان ابنها بييجيلها ويقعد معاها

يسروده معناه ايه يامالك

مالكمعناه انها ممكن تنفصل عن الواقع اللى احنا عايشين فيه وتبدا يحصلها هلاوس سمعية اوبصريه ووقتها حالتهاحتبقى اسوا من الاول

يسرطب وبالنسبه لمصطفي حنعمل ايه نوديه واللا لاء

مالكبصي انا حستنى يومين كده لحد مااطمن اكتر وبعد كده حقولك

يسرالله يكون فى عونها يارب وربنا يصبر قلبها

تتحدث حياة الى اسر فى التليفون

اسر حياة ياحبيبتى انا مش عاوز اتعبك كفايه عليكى الكليه

حياةاسر اناراحتى فى قربي منك لكن لو بعدت عنك حيكون هو ده تعبي الحقيقي

اسر متتعبيش قلبي بقى ياحبيبتى

حياةسلامة قلبك باحبيبي

اسر لا بقولك ايه الله يخليكى بلاش كده والا حتلاقينى جايب الماذون دلوقتى حالا وجاى عندكم

انا مش حقدر على كده

حياةههههههه حبيبي ربنا يخليك لية يارب

اسر ويخليكى لية ياست البنات

حياةطب بص عشان خاطرى انا حاجى بس اظبط الشغل مع فرح واجهز معاها الملفات واشربك القهوة من ايديا وامشي

عشان خاطرى بقى متقولش لاء

اسر حاضر ياقلب اسر مش حقول لاء بس تعملى حسابك هى ساعة زمن وتمشي على طول

حياةحاضر يا قلبي

اسر ماقولتليش صاحبتك اللى اسمها هدير اخبارها ايه

حياةصعبانه علية اوى والله يااسر

اسر ليه خير مالها

حياةمامتها ياعينى تعبانه اوى وطول الوقت ټعيط وخاېفه عليها يحصلها حاجه وبتقول ان العلاج مبقاش بيجيب نتيجه

اسر طب ايه رايك اخدك ونروح نزورها سوا

حياة بجد يااسر ياريت والله

اسر تمام اعملى حسابك بكرة ان شاء الله حعدى عليكى بعد مااخلص شغلى ونروحلهم سوا

حباةحاضر يااسر

اسر والجماعه عندك عاملين ايه

حياة كلهم بخير الحمد لله

اسر طيب ياحبيبتى انا حقفل معاكى دلوقتى ومعادنا بكرة ان شاء الله

حياةفى رعاية الله يا حبيبى

فى فيلا دكتور مصطفى

تجلس عفاف  وهى تضع مصطفى الصغير فى حصنها وتهدهده وتغنى له اغانى الاطفال الجميله فيعلن هاتفها عن اتصال تليفونى

عفاف الو شهد حبيبتى ازيك ياقلبي بقالك فترة مبتتصليش بية شكلك نسيتينى واللا ايه

شهدحقك علية ياموزتى بس والله كان عندى شوية مشاكل

عفاف  مشاكل ايه بعد الشړ

شهدلما اجيلك ونتكلم ححكيلك كل حاجه

عفاف انتى حتجيلي هنا اسكندريه ياحبيبتى

شهدههههههه انا خلاص يامزتى حعيش هنا فى اسكندريه على طول وحبقى جمبك بقى واخليكى تزهقى منى

عفاف  بجد ياشهد حتعيشي هنا

شهد ايوة والله فريد نقل فرع اسكندريه وحنعيش هنا على طول وعقبال ماربنا يجمعنا بحياة يارب

عفاف  يارب ياشهد يارب كل املى فى الدنيا انى اشوف بنتى قبل مااموت

شهد بعد الشړ عنك يا قلبي وان شاء الله حنتجمع كلنا باذن الله

عفاف بقولك ايه انتى تجيبي جوزك وحياة حبيبتى اللى نفسي اشوفها وتيجوا عشان تتعرفوا على جوزى وبنتى وجوزها

شهدحاضر يا مزتى

اول مافريد يرجع

من الشغل حقولله ونيجى على طول

بعد مرور عدة ايام

دالياازيك يا هبه عامله ايه وحشانى جدا والله

هبه انتى اكتر والله ياداليا متعرفيش انا مفتقداكى ازاى من يوم مارحتى عند مامتك وانا بقيت بكلم نفسي زى المجانين

دالياسلامتك ياحبيبتى الف سلامه وبعدين مانتي معاكى جوزك ياحبيبتى

هو  شادي   مبيتكلمش معاكى خالص ياهبه

هبه شادى طول اليوم فى المحل ويادوب يرجع ياكل لقمته ويدخل ينام على طول بالكتير اوى يسالنى عامله ايه ويقوللى لو فى اخبار جديده عن كريم ويطمن عليكى وخلاص

وانا والله معنديش مشكله غير بس انى زهقت من القعده لوحدى مفيش غير التليفزيون اللى انا زهقت منه

دالياحبيبتى معلش اصبري شويه والله شادى بيحبك ياحبيبتى بس انتوا محتاجين شوية وقت لحد ماالحواجز اللى بينكم تتهد

هبه انا والله ماعاوزة حاجه ولاطمعانه فى اى شئ يادالياانا كل اللى عاوزاه الستر وبس

بس الوحده مرة اوى ياداليا وانا تقريبا عايشه فى وحده

وتبدا هبه فى البكاء

دالياهبه الله يخليكى متعمليش فى نفسك كده عشان خاطرى والله انا مستنيه اول ماماما حالتها تتحسن حرجعلك على طول

 هبه لا ياحبيبتى خليكى مع مامتك ياداليا هى احق بيكى منى

دالياهبه لازم تعرفى ان  شادي   جوزك يعنى مش عيب ولا حرام لو حاولتى تقربي منه تتكلمى معاه

تعالى على نفسك شويه ياهبه عشان خاطرى انا عارفه انك مش عاوزة تفرضي نفسك عليه

بس شادى زيه زى اى راجل محتاج يحس ان فى واحده ست فى حياته تفهمه تريحه

هبه انتى بتتكلمى وكانك مش عايشه معانا وشوفتينى وانا بحاول اقرب منه وكنت كل مااحاول افتح معاه اى موضوع الاقيه يرد على اد السؤال

دالياياهبه ده كان فى الاول

وبعدين دى فرصتك ياهبله اديكم مع بعض لوحديكم فى البيت مفيش اى حد معاكم

حاولى تانى ياهبه حاولى عشان خاطرك وعشان خاطره انتى و شادي   تستحقوا المحاوله دى

بصي ياهبه انتى مثلا بالنسبه للبس بتلبسي حاجات شيك والله وفى منتهى الذوق والجمال بس الهدوم دى تتلبس قدام حد غريب مش قدام جوزك

لازم تتدلعى شويه فى لبسك مش لازم ياستى تلبسي لانجيري بس ممكن تلبس حاجات قصيرة شويه

ضيقه تبين تفاصيل جسمك

نعملله شوية اغراءات كده يعنى وانتى اصلا ما شاء الله عليكى جسمك متقسم وفيه انوثه

فاكرة بابت لما كنا نبقى راجعين من المدرسه والشباب يقعدوا يعاكسوكى

 حاولى تستغللى الموضوع ده وتاكدى انك بتعمللى الصح عشان تحافظى على جوزك

تتذكر هبه فى هذه اللحظه ماحدث بينها وبينه ليلة العيد وكيف انه انسحب فى اخر لحظه

هبه ححاول ياداليا بس

داليابس ايه مټخافيش مش عيب والله ولاحرام

ولاده حيقلل منك ومنه

يابنتى افهمى بقى انا خاېفه شادى يروح من ايدك

هبه يروح من ايدي تقصدى ايه ياداليا

دالياهوشادى ده مش فاتح محل وبيتعامل مع ناس كتير رجاله وستات وفى بنات وستات يدبوا فى عينهم ړصاصه عندهم استعداد يخطفوا اى راجل من مراته واو خطيبته

انا عارفه ومتاكده من اخلاق اخويا وانه ملوش فى السكه دى بس بردو الاحتياط واجب ياهبه

هبه طب اعمل ايه انا بس انا حاولت وبحاول واعصابي تعبت خلاص انا زهقت بقى والله زهقت

وهو معندوش اي استعداد يقرب منى ياداليا

داليا فى حاجات انا مش حقدر اقولهالك بس لازم تتاكدى انى والله حاولت لكن انا مش حهين كرامتى اكتر من كده ياداليا وبعدين احنا حنضحك على نفسنا ماكلنا عارفين ان جوازى شادى منى كان انقاذ موقف مش اكتر لكن انا بالنسبه له ايه الله اعلم

دالياحبيبتى حقك علية والله مااقصد اضايقك طب بصي انا حقولك على حاجه تانيه خالص

ايه رايك تتصاحبوا

هبه نتصاحب

دالياايوة تتصاحبوا تبقى صاحبته تحكى معاه وتناقشيه فى الشغل وتعرفى اخبار المحل ولو قالك على حاجه تساليه عنها بعد كده ممكن ده يقرب بينكم

هبه حاضر ياداليا حاضر

وسلميلي على مامتك والله انا لو علية نفسي اجى ازورها بس انا خاېفه من باباكى

داليا لا ياحبيبتى متتعبيش نفسك بدل مايحرق دمك بكلمه كده واللا كده

هبه هو عامل معاكى ايه ياداليا

داليامبتكلمش معاه نهائى انا كل قعدتى مع ماما حتى الاكل مباكلش معاه

وهو اللى بعده عنى خوفه من  شادي   انه لو زعلنى فى حاجه  شادي   يبطل يساعدهم بالفلوس اللى بيبعتهالهم

بصي معلش حبيبتى حسيبك دلوقتى عشان معاد الدوا بتاع ماما

هبه روحى ياحبيبتى ربنا بطمنك عليها يارب

تغلق معها الهاتف وتقرران تحاول ان تقترب من شادى لعل القدر يكتب لها السعاده

تقوم وتغير ملابسها وترتدي بيجامه ضيقه تبرز تفاصيل جسمها تضع بعض مساحيق التجميل الخفيفه وتحضر الغداء وتنتظر عودته

بعد قليل تسمع صوت المفتاح فى الباب

 شادي  سلام عليكم

هبه وعليكم السلام ورحمة الله وبركاته

حمدالله على السلامه يا شادى

 شادي  الله يسلمك ياهبه كان ينظر اليها نظرة اعجاب ولكنه لم ينطق بكلمه

مش حتغدينا واللا ايه

هبه الغدا جاهز على ماتغير هدومك اكون حطيت الاكل

تضع هبه الطعام على السفرة وياتى  شادي   ويجلس

شادىاممممم ريحة الاكل حلوة اوى

هبه بالف هنا وشفا

انا اتصلت بداليا وبتسلم عليك

شادىالله يسلمك ويسلمها

هبه عامل ايه فى الشغل

 شادي   الحمدلله

هبه بقولك مفيش اخبار عن القضيه

 شادي  مانا لسه قايلكم على اخر الاخبار مش كل يوم يعنى حيبقى فيه اخبار

هبه ايوة ايوة معاك حق

تسكت هبه فلا يوجد مجال لتبادل الحوار وخاصة انه يرد باختصار شديد

 شادي  مش بتاكلى ليه

هبه لا انا باكل

انا حقوم اعملك الشاي

تقوم هبه لتصنع الشاي فتهرب دمعه من عينيها رغما عنها فما اصعب احساس الزوجه بعدم رغبة زوجها فيها

ولكنها عاجزة عن النطق بكلمه

 شادي   هبه انا داخل استريح ممكن تجيبيلى الشاى اوضة النوم

هبه حاضر

تدخل الغرفه وتعطيه كوب الشاى

 شادي   تسلم ايدك

هبه بالهنا

محتاج اى حاجه تانيه

 شادي  شكرا ياهبه انا حشرب الشاي وانام شويه عاوزك تصحينى كمان ساعتين عشان خارج

هبه حتخرج مشوار يعنى

 شادي   ايوةعندى مشوار فى حاجه

هبه لا مفيش عن اذنك يا  شادي  

تخرج هبه من الحجرة وتاخذ الاطباق لتغسلها وهى لاتستطيع السيطرة على دموعها فقد سمحت لدموع عينيها بالنزول على وجهها وبشده

يارب افرجها من عندك انت يارب يارب خفف عنى يارب اللى انا فيه انا تعبت والله تعبت خلاص هون علية يارب هون على قلبي اللى هو فيه

تسمع صوت رساله على تليفون  شادي  

فتمسك الموبيل وتفتحه فتجدها رسالة من امراة

فاخذت تقراها لتجد مكتوبمتتاخرش علية يا شادي   انا مستنياك فى المعاد اللى اتفقنا عليه اوعى تتاخر

تنصدم هبه مما رات وقرات لا مش ممكن مش معقول لاء شادى ميعملش كده

طب الرساله دى معناها ايه

انا لما يصحى حساله

ظلت هبه على اعصابها طوال الساعتين يكاد عقلها ان ينفجر حتى مرت الساعتان

هبه شادى مش حتقوم

ساډيقايم اهوه

هبه  شادي   هو انت رايح فين

شادى فى ايه ياهبه مالك مش قلتلك مشوار عندك مانع يعنى اخرج واللا ايه

هبه لا ابدا مقصدش بس هو يعنى مشوار مهم

شادىلممكن تبطلى بقى كلام وتقومى تحضريلي طقم كويس اروح بيه

هبه حاضر ياشادى

ينزل شادى وتقرر هبه ان تمشي وراءه لتعرف الى اين سيتجه

تجده ماشيا على قدميه لم يركب

ظلت تمشي خلفه حتى راته يدخل عمارة باحد الاماكن الراقيه

سالت البوابسلام عليكم ياحاج

البوابوعليكم السلام ورحمة الله وبركاته اى خدمه

هبه مفيش عندكم شقق فاضيه هنا

البوابلا يابنتى كل العمارة ساكنه

هبه ازاى دى مدام ريهام اللى ساكنه هنا قالتلي ان في شقق فاضيه وانها هى كمان باعت شقتها

البوابمدام ريهام اللى فى الدور التامن

هبه ايوة هى مش مشت

البوابلا طبعا مامشتش ده حتى لسه واحد