عبير سالم

عشان نعمل فرح نا بقى ونفرح احنا كمان

حياةان شاء الله ياحبيبي

لاحسن مؤمن ونور مستنيين على ڼار

اسر ههههههه انتى حتقوليلي ده انا مثبتهم بالعافيه

حياةطب كنت سيبهم ياحبيبي هما يتجوزوا وبعدين احنا نتجوز براحتنا

اسر نفسي انا ونور نبقى مع بعض ونروح كلنا نقضي شهر العسل سوا

حياةياسلام بقى لو فارس وملك هما كمان يقولوا عاوزين يبجوا معانا

الله ده حيبقى تحفه

اسر انتى بتقولى فيها انا عارف فعلا انهم حيشبطوا

فى فيلا مصطفى

شهد بجد اسر ده محامى ملوش حل قدر يوصل لكل المعلومات اللى وصلها دى ازاى

وازاى عقله خلاه يربط كل الاحداث ببعضها ويربط مۏت ابنها بمۏتها لاء بجد ده عقله قنبله ذريه

مصطفى انا لما سالم زميلي قاللى عليه انه اشطر محامى فى مصر بصراحه انا فكرته بيبالغ لكن اللى شفته ادام عينى النهارده يأكد كل كلمه اتقالت عنه

شهدوثقته فى نفسه يادكتور يعنى واقف كده مالى مركزه بيتحرك بكل ثقه بصته فى عين اللى قدامه كلها رهبه اقسم بالله ده لو بيسالنى انا لاعترفله بحاجه انا معملتهاش من الخۏف منه

الجميع يضحكههههههه هههههه

عفاف  طول عمرك دمك شربات ياشهد

فريدوالله ياجماعه انتم شوقتونى اوى انى اشوفه

شهدياااه يافريد بجد تحسه ليه هيبه كده مع ان شكله مش كبير ممكن يكون من سنك ياحبيبي بس ليه هيبه كده غريبه

ودخلته ايه مقولكش الكل بيسلم عليه باحترام تقولش رئيس الوزراء

طب والله العظيم انا كنت حاسه ان القاضي كان عامله احترام اكتر من الناس اللى قاعدين جمبه هههههه

مصطفى اكيد موصلش للمكانه دى من فراغ اكيد تعب واجتهد لحد ماقدر يبقى من احسن واشطر المحامين

واحلى حاجه عجبتنى لما كان كل شويه وكيل النيابه يقول اعترض اعترض

كان القاضي يرفض اعتراضه ازاى

شهد صحيح يادكتور انا طول عمرى بشوف فى الافلام والمسلسلات وكيل النيابه لازم يكون ضد

المتهم نفسي اعرف السببب

مصطفى بصي ياشهد انا مليش علاقه بالمحاكم خالص وكل تجربتى مع المحاكم افلام الابيض والاسود ومسلسلات زمان اللى كنت بشوفها

شهدههههههه انت عارف يادكتور احنا فى مسلسلات كنا بنقضيها كلها فى المحكمه ونفضل نقول ياترى مين القاټل واللا مين هو رئيس العصابه

وفى الاخر يطلع اهبل واحد فى الفيلم واللا المسلسل هو القاټل هههههه

فريد انا كان لية واحد صاحبي فى حقوق واوقات كننت بحب اسأله شوية حاجات بتيجى فى بالى كده زى سؤالك ده وهو كان بيجاوبنى بس طبعا دلوقتى بصراحه مش فاكر منها غير حاجات بسيطه اوى

ومن اللى فاكره ياشهد ان وكيل النيابه ده اسمه المدعى بالحق المدنى يعنى هو اللى بيطالب بحق المجتمع من المتهم اللى قدامه

لان مينفعش كل واحد ياخد حقه بايده والا حنبقى عايشين فى غابه

فالنيابه بتجيب حق المجنى عليه والمجتمع

مصطفى زى القصاص كده ياشهد

فريد بالظبط كده عشان متنتشرش الچرائم والكل ېخاف قبل مايرتكب اى چريمه لان حيكون عقابه شديد

والنيابه ياحبيبتى هى اللى بتمثل المجتمع ووكيل النيابه هو اللى بيوصل المتهم للمحكمة لان اتقدمتله ادله بتقول ان الشخص اللى قدامه ده مدان يعنى هو اللى ارتكب الچريمه او مشارك فيها فبيقرر ان المتهم تتعملله قضيه وبالتالى لازم يكون ضد المتهم لان الادله اللى قدامه بتقول انه متهم

 وهو اللى بيشرح للقاضي اللى موجود ابعاد القضيه كلها

شهدويفضل ضد المتهم لحد امتى بقى

مصطفى ههههههه حبيبتى هو مش ضده يعنى بيكرهه هو الموضوع زى مافهمك جوزك

فريد بيفضل كده لحد ماالمدافع اللى هو المحامى يفند الادله

شهدمين بتقول ايه يعنى ايه الكلمه دى

فريديفند الادله يعنى ينفى الادله اللى بتدين موكله او بمعنى اصح يثبت عكسها بادله جديده طبعا

مصطفى الكلمه دى اتذكرت فى القران الكريم فى سورة يوسف

شهدكلمة ايه يادكتور قصدك كلمة يفند

مصطفى ربنا بيقول فى الايه الكريم ه لولا ان تفندون

وتفندون بمعنى تكذبونى

يبقى زى مابيقول فريد يفند الادله يعنى يكذبها او ينفيها

عفاف وهو كان فيه محكمه بردو وقت سيدنا يوسف يامصطفى

مصطفى لا ياحبيبتى انا اقصد معنى الكلمه بس

لكن الموقف مختلف تماما

شهدطب قللى يادكتور انا بحب افهم معنى الايات القرانيه

مصطفى الموقف باختصار لما سيدنا يوسف عطى قميصه لاخواته عشان ابوه اللى هو سيدنا يعقوب يشمه فيرجعله نظره اللى راح من كتر بكاؤه على يوسف واخواته اخدوا القميص ومشيوا وخرجوا برة مصر

سبحان الله سيدنا يعقوب عليه السلام شم ريحة ابنه سيدنا يوسف لان وصلتله ريحة القميص وشمها قبل ولاده اصلا ماييجوا عنده

 فهو قال انى لاجد ريح يوسف لولا ان تفندون

بمعنى انه قال انه حس ان ابنه عايش وانه شم ريحته بس خاېف انكم تكذبونى لان عدت سنين طويله على غياب يوسف

شهدطب والله يادكتور انا عاوزة اقولك ان سورة يوسف من السور الجميله اللى بحبها اوى بس اول مرة اخد بالى من معنى الايه دى

مصطفى عارفه ياشهد لما تقري الايه وانتى فهماها وفاهمه معناها بيبقى سبحان الله قراءتها بتبقى ممتعه اوى اكتىر بكتير ماتقرى وانتى مش فاهمه معنى الايات

فريداكيد طبعا معاك حق يا دكتور

تنظر عفاف  الى يسر فتجدها فى عالم اخر لاتشاركهم الحديث

ولا تستمع الى مايقولون

عفاف  يسر يايسر مالك يا حبيبتى سرحانه فى ايه

يسر هااه لا ولا حاجه ياماما

يعنى ياجماعه تفتكروا كده مالك حيطلع براءة

مصطفى اكيد طبعا ياحبيبتى بعد كل الادله دى واعتراف الممرضه بنفسها وأدام المحكمه فى ايه تانى اكيد طبعا براءة ان شاء الله

يسر يارب يارب ياماما

انا حسه انى فى كابوس نفسي افوق منه الاقى مالك ادام عينيه

مصطفى ان شاء الله ياحبيبتي هانت خلاص

عفاف  الحمد لله ياحبيبتى ربنا عالم بحالنا وعالم انه مظلوم واكيد كان حينصره وبصراحه الفضل بعد ربنا سبحانه وتعالى يرجع للمحامى ده ده بجد جالنا من السما

رلنا يباركله فى صحته وعافيته ويحميه من كل شړ يارب العالمين

اللى زى ده اكيد فى ناس كتير بتدعيله عشان بينصر المظلوم

مصطفي ربنا يحميه لشبابه والله الابن اللى زى ده بيرفع راس كل اللى حواليه

يسرالحمد لله ياماما انا واقفة مالك ياحبيبي فى القفص مع المتهمين ورميته فى الحبس الفترة اللى فاتت تخلينى اقعد تحت رجله العمر كله عشان اعوضه الايام الصعبه اللى عاشها

شهدياسيدي ياسيدي ربنا يسهله

فريدشايفه باست هانم اتعلمى شويه

شهدحرام عليك ياراجل ده انا اتعلم علية اصلا بت برة وواد جوه انت مش شايف شكلى بقى عامل ازاى

وكل ده وتقوللى اتعلمى وبعدين ياحبيبي انا اتعلمت الدرس خلاص من زمان يافريد

مصطفى لا لا ياعفاف  العيال دول شكلهم كده حيخلونى اغير منهم

بقولكم ايه انا بعد مااطمن على مالك ويرجع بيته بالسلامه انا حاخد مراتى حبيبتى واسافر نقضي شهر العسل هى جت علينا يعنى

شهد ويسرههههههه هههههه

شهدمن حق الكبير يدلع بقولك ايه يادكتور انا عاوزة اقترح عليك اقتراح

مصطفى قولى يابنتى

شهدايه رايكم بعد مامالك يخرج بالف سلامه نعمل حفله كبيرة نعزم فيها كل حبايبنا والناس اللى وقفت معانا فى قضية مالك ونعزم استاذ اسر المحامى وعائلته كلها

ونشكره على مجهوده فى القضيه

مصطفى والله فكرة حميله اوى وانا موافق

واللا ايه رايك ياعفاف 

عفاف  فكرة حلوة طبعا ونفرح برجوع مالك لينا بالسلامه

فريدتعرفوا ياجماعه انا اكتر حاجه كانت مخوفانى اول مااستقرينا هنا هى انى انا وشهد نعيش فى وحده

لكن الحمد لله وجودكم فى حياتنا هون علينا كتيراوى

عفاف والله يافريد يابنى انتوا اللى وجودكم فرق معانا كتير وواقفتكم معانا الفترة اللى فاتت عمرنا ماحننساها

شهدمتقوليش كده يافوفه ده انتى حبيبتى يامزتى ده انتى ام الغاليه

انابينكم حسه انى مع بابا وماما واختى واخويا ربنا ميحرمنيش منكم يارب

مصطفى الا قولولى بقى ناويين تسموا الولد ايه ان شاء الله

فريدحتستغربوا لو قلت الاسم اللى نويت عليه ان شاء الله

مصطفى ليه يعنى ناوى تسميه حزمبل

الجميعههههههه

فريدبصراحه من كتر الكلام اللى اتقال على اسر المحامى انا بقى نفسي اسمي ابنى اسر على اسمه تبركا باسمه وانه يكون موضع احترام وتقدير من الناس زيه

شهد الله طب والله اسم جميل

اسر فريد شوقى تحسه اسم سينيمائى

عفاف  ربنا يجيبه بالف سلامه يارب ويحميه وتشوفه احسن الناس يارب العالمين

بعد مرور فترة من الوقت

فى عيادة احدى دكاترة النساء والتوليد

نورهى شهد مش جايه واللا ايه

ملك مش عارفه يانور يمكن معاد متابعتها مش النهارده

نوريمكن بس بصراحه كان نفسي اشوف بنتها اوى

ملك بصراحه بنتها امورة اوى ما شاء الله

ربنا يخليهالها يارب

نورعقبال ماتجيبي ياملك يارب

ملك يارب يانور

نوربس قوليلي بقى مبسوطه انك حتجيبى ولد واللا كان نفسك فى بنت

ملك انا نفسي اسمع كلمة ماما يانور نفسي احس احساس الامومه ولد بنت مش فارقه معايا والله العظيم كل اللى ربنا يرزقنى بيه رضا الحمد لله

نور انا عشت سنين ربنا وحده العالم بيها خصوصا كمان لما كان فارس بعيد عنى مخبيش عليكى يانور كنت مړعوبه من فكرة ان ممكن واحده تاخده منى او يتجوز علية بحجة انى مش قادرة اخلف

صحيح لما بقى كويس معايا ورجعلى بقلبه ومشاعره وطمن قلبي انه عمره ماحيتخللى عنى اطمنت بس والله فكرة انى كان نفسي اخلف دى حاجه تانيه خالص

عندك مثلا تولين وسيلين ربنا يعلم انا بحبهم اد

ايه وروحى فيهم بس فى الاخر مش ولادى يانور يعنى مثلا مليش الحق انى اخدهم معايا اى مكان مليش الحق انى اشخط فى واحده او اضړبها لو اخطات فهمانى يانور

نورفهماكى والله ياحبيبتى انتى مفيش أطيب من قلبك يا حبيبتى

بس فعلا احساس الامومه اكيد حاجه تانيه

ربنا يكملك على خير ياحبيبتي يارب

ملك حياة جت ياملك

تقوم نور لتاخذ حياة من على كتف شهدهاتيها ياحبيبتى عنك على ماتحجزى

شهدشكرا يانور ربنا يخليكى يارب

ملك وهى تقبلهااهلا وسهلا ياقمر كنا مستنيينك ونفسنا نشوفك اوى

شهدازيكم ياجماعه عاملين ايه

نورالحمد لله والله وانتى عامله ايه شكلك تعبانه اوى

شهدالحمد لله والله بس تعبانه شويه

ملك ربنا يكملك على خير يا رب

شهدانا وانتى ياحبيبتى يارب

نورشهد انا عاوزة رقمك عشان ان شاء الله لما ربنا يقومك بالسلامه نتصل بيكى ونباركلك

شهدياحبيبتى ربنا يخليكى يارب طب بقولكم ايه ماتبقوا تيجوا تزورونى انا عايشه هنا مع جوزى لوحدنا ومليش حد غير ام صاحبتى وجوزها وبتها وجوز بنتها

وانا بصراحه ارتحتلكم اوى ونفسي نبقى صحاب

ملك ياحبيبتى والله نفس الشعور تجاهك ربنا يعلم والله احنا بقينا كل ماتيجى هنا يبقى نفسنا نشوفك انتى وحياة

 نورشهد هو انتى فاضلك اد ايه على الولاده

عشان ابقى اجيب معانا حياة صاحبتى عشان تتعرف عليكى هى كمان حتحبيها اوى ياشهد

ونجيلك بقى ونعملك مهرجان وسبوع محصلش وانا والبت ملك علينا زغروته تجيب لاخر الدنيا

شهد ههههههه ياريت والله ده انتوا تنورونى

نورطب انتى حتولدى هنا واللا عند اهلك

شهدمش عارفه لسه والله حسب الظروف انا بصراحه كان نفسي اروح اقعد عند ماما عشان تاخد بالها منى

بس طنط اللى هى مامة صاحبتى حالفه علية ماحد حيخدمنى غيرها وانا والله لسه مش عارفه حعمل ايه

ملك متحسيبيلهاش ياشهد سيبيها تيجى زى ماربنا كاتب

شهدونعم بالله ياملك

طب خدى بقى الرقم وهاتى رقمك ويتبادلون الأرقام

ملك ونويتوا تسموا الولد ايه ان شاء الله

شهد حنسميه اسر ان شاء الله

نور وملك معقوله

شهدايه ياجماعه مالكم اتخضيتوا كده ليه

نورلاء اصلها مفاجاه غريبه اوى

اصل اخويا اسمه اسر

يعنى ولادك حيبقوا على اسم اخويا وخطيبته

شهد يااه صدفه غريبه فعلا

تنادى الممرضه على اسم ملك لتدخل

ملك طب ياشهد احنا حندخل عن اذنك.

شهدعلى مهلك ياحبيبتى

تقوم ملك للدخول ومعها نور بينما تجلس شهد وهى تشاهد التليفزيون لتضيع الوقت حتى ياتى دورها

 ياتى اليوم المنتظر اليوم الذي سينطق فيه القاضي بالكلمه الاخيرة

تلك الكلمه التى ستحيي حياة من جديد

عفاف كان نفسي اكون معاكم اوى النهارده ياولاد واسمع القاضي وهو بيبرا مالك

يسرمعلش ياماما شهد تعبانه اوى ومحتاجاكى جمبها

وهى ماسابتناش لحظه واحده

وانا خاېفه عليها يحصلها حاجه واحنا فى المحكمه

وجوزها سيبها عندنا امانه لحد مايخلص ماموريته ويرجع

فمينفعش نسيبها لوحدها فى البيت

عفاف  ربنا يرجعكم مجبورين الخاطر يارب ويرجع مالك معاكم ان شاء الله

يسران شاء الله ياحبيبتي حنرجع كلنا بامر الله

وانا حبقى معاكى على التليفون

وان شاء الله حخللى مالك يكلمك بنفسه

بينما على الجانب الاخر نجد اسر فى منزله يرتدى ملابسه ليذهب للمحكمه

يخرج من غرفة نومه ويتجه للاسف ليجد فارس ومالك جالسين على السفرة وحدهم يتناولون الافطار

اسر صباح الخير

فارس وملك صباح النور يااسر

يجلس امامهم

امال فين بقية الناس

ملك نور نايمه

وماما وبابا خرجوا بيقولوا عاوزين يتمشوا عالبحر شويه

اسر وانتوا ياجوز الكناريا عاملين ايه يارب تكونوا بخير وتكونوا مبترتبوش لمصېبه جديده

ملك اخس عليك يااسور كده بردو دايما ظالمنا وجاى علينا ثم تمسك فارس من ذقنه

طب بزمتك يااسور عمرك شفت براءة زى اللى فى وش فروستى دى

ده برئ براءة الاطفال

فاروس وهو يقبل يدهاحبيبة قلبي ياملوكتى منحرمش منك يارب ياست الستات

مفيش حد مقدر وجودى وانجازاتى العظيمه غيرك انتى ياروحى

ملك بس انت خاسس اليومين دول ياحبيبي وشك مش عاجبنى حساك مجهد ياقلبي

فارس حعمل ايه بس ياروحى الشغل مبيرحمش وخوفى وقلقى عليكى مطير النوم من عينيه

ملك ههههههه الشغل مبيرحمش تقصد انهى شغل يافروستى السياحه واللا فى شغل تانى بتعمله من ورايا

فارس عيب عليكى يا ملوكتى ده انا بقولك قلقى عليكى مطير النوم من عينى

ملك انهى نوم ياحبيبي اللى طاير من عينك ده انا طول الليل مش عارفه انام من صوت شخيرك يافروستى

فارس طب خدي كلى دى من ايدي باملوكتى

ملك مش قادرة والله يافروستى انا شبعت

فارس لاء بقولك ايه انا عاوز الولد يطلع مقلبظ كده مش معصعص

ملك ان شاء الله حيبقى زى الفيل يافروستى

فارس طب عشان خاطرى افتحى بؤك

ملك وحياتك عندي مش قادرة حسه انى حرجع من كتر الاكل

فارس لا ياروحى بلاش قرف انتى عاوزة اسر نفسه تتسد عن الاكل واللا ايه

كان اسر يتوجه بينهم بالنظر يكاد ان ينغجر من الغيظ

فهاج فيهم فجاة

بس كفايه انتوا الاتنين انتوا ايه راديو مبتفصلوش يخرببيتكم على بيت معرفتكم السوده

انتوا ناويين على جنانى

كان فارس وملك مختبئين فى بعضهم خائفين من طريقة كلام اسر لهم

فارس مالك بس يااخويا صللى عالنبي كده يحصلك حاجه وانت داخل على جواز ياراجل

عاوزك تملى مركزك كده وتبقى اسد عشان ترفع راس اخوك لفوق

اسر اخرس ياسافل

ملك انت بتقول ايه انت كمان

لا يااسور انت مش فاهم هو بس يقصد يعنى انك تاخد بالك من صحتك الزعيق ده كل شويه مش كويس عشانك يجيلك الضغط واللا حاجه

واحنا خايفين عليك

عشان تعرف تربيلنا الواد واللا انت متنازل عن ابن اخوك

اسر