عبير سالم

من نعيمه لكن انا مش حقدر اعيش فى مكان غير بيتى

ولا عاوز اخللى ولادى يبصوا لفوق

لازم يعيشوا عيشة اهاليهم واللا حضرتك بتعمل كده عشان يعنى انا راجل على اد حالى ومش اد المقام

مصطفى انت مش اد المقام انت مقامك عالى اوى عندنا ياسعيد

انت ارجل راجل شفته وقابلته فى حياتى

سعيد انا مش حسيبك تمشي يعنى مش حسيبك تمشي انت فاهم

يسروالنبي ياابيه سعيد وافق عشان خاطرى عيشوا معانا خليكم معانا احنا حبيناكم اوى

خليكم هنا احنا لوحدينا طول عمرنا لوحدينا وماما عفاف  لما جت جابت معاها الهنا كله الاول بجوازى من حبيبي وابو ابنى وبعد كده برجوع اختى حبيبتى اللى ياما اتمنيتها من ربنا ودلوقتى بقى عندى اخ كمان غير ابيه مصطفى

واخت كمان غير حياة اسمها علا وبنات اخت حلوين و امامير اوى

يااه البيت حيتملى حيبقى فيه روح حنفرح ونسهر ونخرج ونعيش اجمل ايام حياتنا ولما حياة تروح بيت جوزها حتجيلنا واحنا نروح لها

عشان خاطرى انا انا محتاجاكم اوى محتاجه اللمه الحلوة دى

صح يامالك

مالكانا لسانى عاجز عن اى كلمه بس صدقنى احنا حنبقى مبسوطين اوى لو قعدتوا معانا

وافق وافق وعمرك ماحتندم انت وولادك انكم فضلتوا معانا

انا كان نفسي اوى اعيش فى جو العيله ده من زمان

وانت شرف لينا يا سعيد

نظر سعيد الى تلك باكية العينين والتى تترجاه ان يوافق ولكنها عزمت امرها

سعيد يااخويا انت مش مجبر انك تقعد فى مكان انت مش عاوزه او مش حابب تقعد فيه

لكن انا مكانى معاك حتى لو كان اخر الدنيا ومش حطلع يوم فرح ى غير من بيتك انت يااخويا

كان الجميع منتظر رد سعيد كان الجميع يشجعه على البقاء كل شخص بكلمته الكل كان يطلب منه البقاء مع هذه العائله

ولكن ماذا سيكون رد سعيد

معلش اسفه والله مش عارفه اكتب اكتر من كده حسه ان دماغى وقفت عن التفكير

حتى مش قادرة اعرف سعيد رايه ايه وحيوافق واللا حيرفض وياترى السعاده خلاص جت واللا لسه فى مشاكل ممكن تواجههم تانى

يعلن المؤذن عن اذان صلاة الفجر والكل جالسون لم يتحركوا بعد لم يرد احد منهم الخلود الى النوم بل كان كل منهم يغرق فى احلامه التى يتمنى تحقيقها

مصطفى ياللا بينا يارجاله تقوم نروح نصلي فى المسجد

يتوجه الرجال للصلاه فى المسجد بينما تتو جه كل واحده من النساء للصلاه مع نفسها والدعاء بكل مايحمل قلبها

بعد الرجوع من الصلاة

سعيد يتوجه بالحديث الى مصطفى دكتور مصطفى بعد اذنك انا حاخد الولاد ونروح وطبعا حياة حتبات فى حضڼ امها

مصطفى انا حسيبك تمشي دلوقتى بس اعمل حسابك من النهارده انت وولادك حتبقوا معانا هنا

سعيد سيبها على الله يادكتور وربنا يعمل اللى فيه الخير المهم انا حاخد الولاد دلوقتى واروح

تسلم حياة ويسلم الجميع عليهم وياخذ سعيد اسر ته ويمشي

بينما تاخذ عفاف  ابنتها لتنام فى حضنها تلك الليله

ويتجه مصطفى الى النوم فى احد الغرف الاخرى

وتصعد شهد واسر تها للنوم فى الطابق العلوى مع يسر ومالك

تنام حياة فى سكون تام بين احضان امها تشم رائحتها التى طالما حرمت منها

بينما يتجه كل شخص الى النوم مباشرة بعد اجهاد هذا اليوم

الطويل

فى الغرفه التى جمعت بين

محمود وهنا

هناحياة دى شكلها طيب اوى يامحموذ

محمود حياة طول عمرها طيبه وغلبانه اوى

هناانت عارف انا خفت انها تكشر فى وشي او تسلم علية بطريقه مش كويسه بس بالعكس دى سلمت علية كانها تعرفنى من زمان

محمودلا ياهنا مش حياة اللى تعمل كده حياة متربية كويس

هناندمان انك سيبتها يامحمود

محمودهنا احنا سبق واتكلمنا مع بعض فى الموضوع ده قبل كده وفهمتك كل حاجه ووالله العظيم انا فرح ت جدا لما لقيتها بتكمل تعليمها وكمان ارتبطت بشخص كويس

لكن لو كنت لقيتها فى وضع مش كويس بجد. كنت حزعل من نفسي اوى وكنت ححس بالذنب ناحيتها لكن دلوقتى الحمد لله حاسس انى مرتاح اوى وربنا يسعدها يارب

هنامحمود انا بحبك اوي

محمودوانا بمۏت فيكى ياقلب محمود

فى شقة سعيد

علااهئ اهئ اهئ

سعيد فى ايه بس ياعلا ماتصللى عالنبي كده

علاحياة حتسيبنا خلاص ياسعيد حياة حتمشي خلاص

سعيد وهو يمسح دموعه هو الاخرلا حول ولاقوة الا بالله فى ايه بس ياعلاماهى كده كده كانت حتمشي وتروح بيت جوزها كمان كام شهر

علاايوة كانت حتروح بيت جوزها بس كنا حنفضل احنا اهلها وكانت حتروح وتيجى علينا لكن دلوقتى هى لقت اهلها الحقيقيين وانا خاېفه خاېفه اوى ياسعيد

 خاېفه حياة تنسانا الدنيا تلاهى ياسعيد

سعيدمټخافيش ياعلا مش حياة مش حياة اللى ممكن تنسانا ياعلا اطمنى وطمنى قلبك ياحبيبتي

حياة اصيله ياعلا

علاطب قللى ياسعيد هو انت حتوافق على اللى طلبه منك الدكتور واننا نعيش معاهم

سعيد بقولك ايه ياعلا انا تعبان تعبان اوى وعاوز ادخل انام نتكلم الصبح ان شاء الله

تخترق اشعة الشمس غرفة النوم وتفيق حياة من نومها فتجد نفسها فى احضان امها الحبيبه فتقبلها من جبينها وتظل تنظر الى وجهها وتمسح على شعرها وهى تحدثها وهى نائمهلسه زى القمر ياحبيبتى كانى لسه شايفاكى امبارح متغيرتيش ياامى

وتتذكر عندما كانت شهد تمزح معها بان عفاف  اجمل منها

فتبتسم حياة ولكنها سرعان ماياتى ببالها ذلك الاخ العزيز الذي تريد سماع صوته ورده لعله يستجيب لطلب مصطفى له

تمسك التليفون لترن عليه

فياتيها الرد مباشرةحبيبي صباح الخير

سعيد صباح الفل والياسمين على عيونك يا قلب اخوكى

حياةنزلت المحل

سعيد لا والله يا حياة مليش نفس ياحبيبتى افتح المحل النهارده

حياةقررت واللا لسه مااخدتش قرارك ياسعيد

سعيد لما نقعد حنتكلم مع بعض يا حبيبتى

 تسمع حياة طرقا على الباب فتقوم من جانب عفاف  لتفتح الباب فتجد مصطفى امامها

فتبتسم له

فيشير اليها الى من تتحدث

حياةده اخويا سعيد

فيطلب منها الهاتف

حياةحبيبي دكتور مصطفى عاوزك

مصطفى صباح الخير ياسعيد

سعيد صباح الخير يا دكتور

مصطفى سعيد اهل شهد ماشيبن بكرة وانا النهارده عاوز كلنا نتجمع عالغدا ونسهر سوا فاعمل حسابك يابطل انكم معزومين عالغدا النهارده وبعد كده نتكلم براحتنا

سعيد حاضر من عينيه

يغلق معه الهاتف وهو يبتسم لحياة وينظرعلى تلك النائمه

ياااه تعرفى ياحياة اول مره اشوف مامتك نايمه بهدوء اوى كده معظم الليالي كنت بشوف على وشها الحزن وهى نايمه

واحيانا كنت بشوف الدموع وهى نازله على وشها

كنت ببقى فاهم وعارف ان الدموع دى عشانك انتى ياحبيبتى

حياة ياحبيبتى ياماما صدقنى يادكتور لو قلتلك انى لسه مش مصدقه انا نمت فحضن ماما النهارده

والله العظيم خاېفه اكون بحلم

مصطفى حياة ممكن نطلع برة فى الجنينه نتكلم مع بعض شويه

تخرج حياة لتجلس مع مصطفى فى حديقة الفيلا

مصطفى حياة ممكن تقوليلي بصراحه رايك فى جوازى من والدتك

انا عارف انتوا اد ايه متعلقين ببعض وخاېف ان يكون جوازى منها ضايقك انا بس كنت عاوز اوضحلك ان

حياةدكتور مصطفى حضرتك مش محتاج تبررلى جوازك من ماما

ماما اترملت وهى فى عز شبابها وزى مانت شايفها زى القمر حتى البت شهد كانت دايما تقوللى انتى مطلعتيش حلوة زى مامتك ليه

عارف يادكتور لما كنت امشي انا وياها فى الشارع كنت بشوف عيون الناس عليها

طب والله كانت بتصعب علية اوى انها ټدفن شبابها عشان تربينى

ووالله يادكتور لو كانت ماما قررت تتجوز انا عمرى ماكنت حزعل ولا حضايق لانها كانت صغيرة ومن حقها تعيش بس هى ضحت عشانى كتير اوى ضحت بشبابها عشانى عشان تربينى وتكبرنى وتشوفنى وانا بحقق حلمها وحلم بابا الله يرحمه

مابالك بقى لما تتجوز دكتور مصطفى اللى انقذ احب الناس لقلبي من المۏت مكنتش تعرف احنا مين وعملتله العمليه من غيرولا مليم

دكتور انا بقدرك وبحترمك من قبل مااعرف حضرتك مين

تفتكر بقى انا ممكن ازعل ان حضرتك انجوزت ماما وحميتها وضللت عليها

لا يادكتور اطمن انا مش البنت الانانيه اللى حبها لما متها ممكن ينسيها ان امها دى من حقها هى كمان انها تعيش

مصطفى طب انا لية عندك رجاء وحبقى سعيد اوى ياحياة لو عملتيه

حياةحضرتك تؤمرنى يادكتور

مصطفى حياة انا ربنا قدر انى اكون عقيم ومخلفش يعنى عمرى ماسمعت كلمة بابا من حدممكن ياحياة اطمع فى انك تناديني ببابا وبلاش دكتور دى

حياة وهى تبتسم لهحاضر يا بابا

مصطفى وهو يبتسم هو الاخر طب ايه ياحبيبة بابا نروح بقى نصحى ماما عشان نجهز احلى غدا لاحلى عيلة فى الدنيا

حياةحاضر يابابا

مصطفى متنسيش تعزمى اسر هو كمان وياريت لو يجيب معاه البنات الصغيرين انا ملحقتش اشوفهم ولا اتعرف عليهم

حياةانا اسفه يابابا بوظتلكم الحفله وفرح تكم ببراءة مالك

مصطفى حبيبتى رجوعك لينا هو ده فرح تنا الحقيقيه

اسر حبيبة قلبي اخبارها ايه

حياة تمام والله ياحبيبي

اسر الحمد لله ياحبيبتى ان ربنا جمع شملك م على خير

حياةالحمد لله شفت يااسر ماما عارف يااسر لما حتقعد وتتكلم معاها حتحبها اوى

اسر اكيد طبعا يا حبيبتى ححبهامش مامتك بس غريبه اوى ياحياة تعرفى انك مش شبهها خالص عشان كده دكتور مصطفى متوقعش خالص ولاجه فى باله انك ممكن تكونى بنتها

حياةهى احلى من بكتير صح

اسر لا ياحبيبتى انا مقصدش و الله ده انتى حبيبة قلبي انا اقصد فرق الشكل بس

بس بردو ده ميمنعش انى اقول انها بصراحه الله اكبر عليهابسم الله ما شاء الله برغم سنهاالا انها زى القمر

حياةهههههه مانا عارفه ياحبيبي طبعا

بقولك ايه ياحبيبي بابا مصطفى عازمك النهارده عالغدا عشان شهد واهلها ماشيين النهارده

اسر يعنى اللى اسمه محمود ده ماشي خلاص

حياةايوة يااسر ماشي

مالك يااسر فى حاجه مضايقاك

اسر بصراحه كده لما شفت محمود ده وافتكرت اللى عمله فيكى كنت عاوز اقوم اديله بوكس فى وشه

حياةقلبك ابيض ياجميل تصدق بالله انا والله العظيم فرح تى انى رجعت لحضن امى نستنى اى حاجه فى الدنيا

وبعدين انا بحمد ربنا ان اللى حصل زمان حصل والامكنتش حشوفك ولا اعرفك ياحبيبي

اسر ياااه ده انا على كده بقى المفروض اشكره

حياةبس اكتر حاجه فرح تنى لما لقيت شهد مسمية بنتها باسمى لاء والفرح ه الكبيرة بقى لما لقيتها مسمية ابنها ذمان على اسمك

اسر انا شفت فرح تها لما شافتك فى عينيها ياحبيبتى واضح جدا انها بتحبك اوى

حياةاوى اوى يااسر

الساعه الخامسه عصرا حيث يتجمع كل افراد العائله على المائده تجمعهم الضحكات العاليه والجميع سعيد وكانت تولين وسيلين موضع اهتمام من جميع افراد العائله

بعد تناول الغداء

مصطفى سعيد ياللا نقوم نقعد مع بعض شويه ونتكلم على راحتنا

سعيدحاضر اتفضل

ياخذ مصطفى سعيد ويتجهان خارج الفيلا ويجليان فى الحديقه

بينما كانت حياة فى حالة توتر تريد معرفة رد سعيد

اسر حتموتى انتى انا عارف

روحى ياحبيبتى اقعدى معاهم

عفاف حياة ممكن تسيبينى

عاوزة اقعد مع اسر شويه

تقوم حياة وتخرج سريعا حيث يجلس مصطفى وسعيد

ممكم اقعد معاكم

سعيدتعالى ياحبيبتى اقعدى

مصطفى ايه ياسعيد نروح نجيب الحاجه ان شاء الله وتعيشوا معانا

حياةهاه يا حبيبى رايك ايه

سعيددكتور مصطفى ممكن حضرتك تسمعنى وتفهمنى وتدينى فرصه اقول كل اللى انا عاوزه

مصطفى طبعا ياسعيد اتفضل خد راحتك

سعيددكتور مصطفى اولا بجد انا مش عارف اقولك ايه على تمسكك باننا نفضل معاكم وانا مقدر الكلام ده كويس اوى وعلى راسي وشرف كبير لية اوى انى اشتغل عندكم حتى مش انى اعيش معاكم

حياة دى مكنتش عندى مجرد ضيفه ولا حاجه عادية حياة دى اختى اللى بحبها وحتفضل اختى مهما راحت اخر الدنيا

طبعا كلكم الحمد لله متمسكين بينا جدا وكلكم مرحبين بفكرة اننا نعيش معاكم بس معلش اعذرنى فى دى الكلمه

الكلام ده كله اتقال عشان خاطر فرح تكم برجوع بنتكم واحساسكم بانى لية فضل وجميل عليكم وعاوزين تردوهولى لكن انا مينفعش استغل ده

اولا كل اللى مر مقدر ومكتوب ربنا كان كاتبه من فوق سبع سموات وربنا سخرنى لحياة من بين كل الناس لانه عليم بكل شئ وكان عارف انى بعون الله حقدر اصون الامانه لكن انا

 مقدرش استغل ده وانتهز فر صة فرح تكم برجوع بنتكم

وماصدق واجى وافرض نفسي عليكم واشارككم فى حياتكم الخاصه بيكم

وعلى راى المثل بكرة تروح السكرة وتيجى الفكرة

فكرة مين ده ومين دول اللى جم عاشوا معانا وادخلوا فى خصوصياتنا وعرفوا اسر ار بيتنا

ومعلش يعنى متاخذنيش انا واحد مهما رحت واللا جيت معايا اعداديه كنت بشتغل على باب والله وبعد كده بقيت بواب ودلوقتى عندى محل بقاله اللى هو يعنى لما بنحب نخللى صورته حلوة بنقول سوبر ماركت

يعنى اكيد حياتنا مش زى حياتكم يادكتور

ولا عيشتنا زى عيشتكم طر يقة اكلنا ولبسنا حتى الفسح اللى بنتفسحوها مش حتكون زيكم طب ليه نضيق على بعض

مش عايز ييجى يوم احس ان ولادى عايشين عيشه مش عيشتهم

بكرة انشاء الله البيت حيتملى بعيال اختك ربنا بخليهالك وعيال حياة ان شاء الله

والايام تمر ويسالوا عن عيالي ويقولوا مين دول ايه اللى حشرهم فى وسطينا

ده بيتكم انتم وفيه خصوصيتكم احنا نيجى ونقعد ونخدمكم برموش عينينا وممكن كمان ام علا تعملك م اكل عمركم ماكالتوا فى حلاوته

لكن اخر الليل لينا باب يتقفل علينا

عندنا عيشتنا اللى ولادى لازم يكبروا عليها عشان ميبصوش لفوق

 ويطالبونى باللى مقدرش عليه

ده مش بنسيون عشان كل من هب ودب يعيش فيه

وبعدين يادكتور انا كمان مراتى بتحب تقعد فى بيتها على راحتها

مش حينفع تبقى قاعده متقيده وحسه بالكسوف وطول النهار تبقى طرحتها على راسها ولابسه طبعا واسع وحيبقى فيه حضرتك ودكتور مالك

طبعا والله انا مش قصدي حاجه انتوا ناس زى الفل بس بردو مينفعش

وحتى كمان الست يسر اختك مينفعش تدخل تلاقينى قاعد براحتى وهى كمان عايزة تقعد براحتها يبقى ازاى بقى

فهمتنى يادكتور مش اصول ابدا انى اقعد هنا

احنا الحمد لله عندنا شقتنا وانا كل اللى عايزه من الدنيا الستر لية ولولاد

بس انا نفسي فى حاجه واحده بس

مصطفى اطلب ياسعيد

بامنك امانه لو حصللى اى حاجه وجه قضى ربنا فى اى وقت مر اتى وولادى امانه فى رقبتكم تخللوا بالكم منهم دول غلابه اوى

حياةبعد الشړ عنك يا حبيبي ربنا مايوجع قلبي عليك ابدا يااخويا

مصطفى ليه بس الكلام ده ربنا يمتعك بصحتك وعافيتك وتربي ولادك زى مابتتمنى

سعيدوانا اهم حاجه عندى انى اطمن على حياة واشوفها فى بيت عدلها لكن اكتر من كده يبقى طمع وانا عمرى ماطمعت يادكتور

مصطفى بجد انا مش عارف اقولك ايه انت مخليتنيش اعرف ارد عليك وللاسف معاك حق فى اللى قلته انت راجل اوى ياسعيد وكل مابتكلم معاك