عبير سالم
وكل املها فى الدنيا انكم تسامحوها وانها تشوف بناتك بنات اختها لانهم وحشوها اوى
طول الوقت كانت بتكلمنى عنك وتقوللى اد ايه انت كنت انسان كويس معاها سامحها يااستاذ اسر هى مقدرتش تكونلك الزوجه المطيعه سامحها الله يخليك
اسر اكيد طبعا مسامحها كفايه انها السبب فى انقاذ بنتى وخطيبتى ولولاك ولولاها الله اعلم كنت حشوفهم تانى واللا لاء
مازن يارب يارب تخرج بالسلامه يارب
اسر والچرح اللى فى ايدك
مازن الحمد لله اصابه سطحيه اناالمهم عندى دلوقتى شيرين
يخرج الدكتور من العمليات
يتجه اليه مازن واسر سريعا
مازن طمنى يادكتور الله يخليك
الدكتور الحمد لله اطمن المدام بخير
مازن بجد حضرتك بتتكلم بجد يعنى مراتى عايشه
الدكتور ايوة والله عايشه
واطمن على الجنين هو كمان عايش
مازن معقوله انا قلت انه اكيد حصله حاجه بعد الډم اللى نزفته
الدكتور ماهو ده اللى كان متوقع بس سبحان الله ابنك متمسك بالحياة وهو كويس ووضعه طبيعى جدا
مازن الف حمد وشكر ليك يارب
دكتور طب معلش بس هى دلوقتى اخدت بنج مش ده ياثر على الجنين
الدكتور لا متقلقش احنا اديناها جرعة بنج بسيطه متاثرش اطلاقا على الجنين اطمن احنا بنعرف نتعامل مع الحالات اللى زى دى كويس
حمد الله على سلامة المدام
اسر الف حمدالله على سلامتها
مازن الله يسلمك الحمد لله الحمد لله
الحمد والشكر ليك يارب
الف حمد وشكر ليك يارب
اسر حروح بس اطمن اهلى واهل حياة وارجعلك على طول
مازن اتفضل خد راحتك
فى منزل مصطفى
عفاف ها يا حبيبي بقيت احسن
مصطفى الحمد لله والله احسن
عفاف انا قلقانه اوى يامصطفى
مصطفى ليه بس ياحبيبتى
عفاف كل مااتصل على تليفون حياة الاقيه مغلق ولما اتصلت على تليفون حماتها قالتلى انها نايمه مع البنت
مصطفى طب ليه قلقانه بقى
عفاف قلبي مش مطمن حسه ان فى حاجه
يعلن هاتف مصطفى عن اتصال تليفونى ينظر للاسم يجده اسر
مصطفى حبيبتى ممكن كوباية مياه لو سمحتى
عفاف حاضر
مصطفى ايوة يابنى طمنى مفيش اخبار جديده
اسر اطمن يادكتور خلاص حياة رجعت
مصطفى انت بتتكلم بجد
اسر اتفضل اهيه معاك
حياة ايوة يابابا انا حياة
مصطفى حبيبة بابا الف حمد الله على سلامتك ياحبيبتى انتى كويسه حد عملك حاجه
حياة ايوة والله كويسه وسيلين كمان كويسه اطمن علية مفيش حد عمللى اى حاجه
مصطفى الحمد لله
تدخل عفاف
مصطفى حياة خدى كلمى ماما ياحبيبتى عشان صوتك وحشها اوى
عفاف تلتقط منه الهاتف سريعا حبيبتى وحشتينى يانور عينى كده بردو امك تهون عليكى متسمعيش صوتها من امبارح الصبح
حياة معلش والله ياماما اصل البنت تعبانه اوى وكانت ماسكه فية جامد
عفاف طب وهى بقت كويسه
حياة ايوة الحمد لله ياماما
ماما معلش انا حسيبك دلوقتى وحكلمك كمان شويه
عفاف خللى بالك من نفسك فى رعاية الله يا حبيبتى
حباة حاضر ياحبيبتى
تمد يدها بالتليفون لاسر
اسر شاطرة ياحياة خفت مامتك تحس بحاجه
حياة الحمد لله يااسر انها ماشكتش فى حاجه
اسر طب ياللا بينا ندخل لشيرين نطمن عليها
حياة طب قللى طمنت الجماعه عندكم فى البيت
اسر ايوة كلمت ماما وبلغتها
حياة طب ياللاندخل لشيرين
يطرق الباب ويفتحه ليجد شيرين نائمه وعلى راسها حجابها ويجلس مازن على الكرسي المقابل لها وهو ممسك بيديهاوكان الجلوكوز وصفائح الډم معلقه لها لتعوضها عن كمية الډم التى خسرتها
اسر نايمه
مازن لاء صاحيه اتفضلوا
تتجه شيرين للنظر اليهم
شيرين اسر انت هنا
اسر الف حمدلله على السلامه يا شيرين
شيرين بصوت ضعيف الله يسلمك يا اسر
اسر شيرين انا مش عارف اشكرك ازاى على اللى عملتوه مع سيلين وحياة
شيرين متقولش كده يااسر احنا معملناش حاجه
مازن احنا لما سمعنا صوت ان فى حد بيستغيث مكناش نعرف مين
اسر بجد انا مهما شكرتكم مش حعرف اردلكم جميلكم علية
شيرين اسر انا مش عاوزة حاجه غير انك تسامحنى على كل اللى عملته معاك
اسر شيرين كلنا بنغلط احنا بنى ادمين مش ملايكه وانا مسامح ياشيرين مسامحك من كل قلبي انتى بفضلك رجعتيلي روحى انا مش متصور لو مكنتيش انتى وجوزك لحقتوهم كنت ممكن مشوفهومش تانى
شيرين ربنا يخليهملك يااسر
اسر وربنا يكمل شفاكى على خير
حياة حمدالله على السلامه يا شيرين
شيرين انا مش عارفه اشكرك ازاى
شيرين متشكرنيش ياحياة ربنا يعلم انى كان نفسي اشوفك من زمان واعتذرلك عن الطريقه البايخه اللى كنت بكلمك بيها
حياة لا يا حبيبتى متقوليش كده واهم حاجه دلوقتى نطمن عليكى وعلى صحتك
شيرين اسر لية عندك طلب
اسر اطلبي ياشيرين
شيرين نفسي اشوف تولين وحشتنى اوى
اسر تولين وسيلين والعيله كلها
ياشيرين
شيرين معقوله حيرضوا ثم تتكلم وهى تبكى انا عارفه انهم زعلانين منى اوى ومش بيحبونى
بس والله انا مش بعتب عليهم هنا عندهم حق انا كنت وحشه اوى معاهم
اسر شيرين الله يخليكى مترهقيش نفسك واطمنى ياشيرين
كلهم حييجوا يشوفوكى
صحيح نسيت اباركلك على الجواز والبيبي والحجاب
بسم الله ماشاء الله الحجاب منور وشك
عقبال اللى فى بالي
حياة ان شاء الله يااسر
شيرين الله يبارك فيك يااسر
ثم تنظر لمازن مازن ده هدية ربنا لية هو النور اللى نور حياتى ربنا يخليهولى يارب
اسر طب احنا حنسيبك تستريحى دلوقتى ومن الصبح بدرى حنكون عندك ان شاء الله
مازن مع الف سلامه
يغلق مازن خلفهم الباب ويعود اليها ويقبل يدها حبيبتى الف حمدالله على سلامتك
شيرين خفت علية
مازن شيرين انتى حياتى ربنا ميوجعش قلبي عليكى ابدا
شيرين انا فرح انه ان اسر سامحنى وفرح انه عشان البيبي محصلوش حاجه
مازن الحمد لله ياحبيبتى بقولك ايه بقى انا عاوزك تحاولى تنامى شويه وانا قاعد جمبك ياحبيبتى
شيرين حاضر يا حبيبي
بس طمنى الچرح اللى فى ايدك
مازن سطحى اطمنى ياحبيبتى
فى الفيلا
تفتح الخادمه الباب
الخادمه تحتضن سيلين بفرح ه شديده ياحبيبتى ياحبيبتى ياسيلي حمد الله على السلامة يا قلبي
ثم تزغرد فياتى الجميع على الصوت
يجروون عليهم الجميع ويقبلون سيلين وحياة
والكل يسلم عليهم
عايده الحمد لله انكم رجعتم بالف سلامه
حياة الله يسلمك يا طنط
فهمى انا مش مصدق انكم رجعتم بالسرعه دى
اسر الفضل لربنا سبحانه وتعالى ثم لشيرين وجوزها
فارس شيرين مين
اسر شيرين خالة البنات يافارس
نظر الجميع لبعضهم البعض بدهشه
فارس لاء بقولكم ايه واحده واحده كده بالراحه واحكولى
فى شقة محمود وهنا
هنا بتعمل ايه يا حبيبي
محمود تعالى اقعدى جمبي ياهنا
هنا ههههههه لاء
محمود لاء ليه بس ياقمر
هنا عندى ليك مفاجاه
محمود قولى ياحبيبة قلبي
هنا انا حامل
ينتفض محمود من مكانه ايه انتى قلتى ايه
هنا حامل ياحبيبي انا حامل والله
محمود بجد والله العظيم بتتكلمى بجد
هنا ايوة والله بجد انا حامل
يقوم محمود ويحتصنها ويلف بها فى الصاله هههههههه هههههههه بحبك ياهنا بحبك
ثم ينزلها ويحتضن وجهها بكفيه ويقبلها من جبينها الف مبروك يا حبيبتى
الحمد والشكر ليك يارب
هنا مبسوط يامحمود
محمود مبسوط انا حاسس انى اسعد انسان فى الدنيا
بقولك ايه انا مش عاوزك تعملى اى مجهود خالص
انا اللى حعملك كل حاجه بصي انتى ترتاحى بس وكل طلباتك اوامر
هنا حبيبي انا كويسه والله
بس عاوزاك تجيبلي ماما خديجه تقعد معايا شويه
محمود غريبه
هنا غريبه ليه
محمود المفروض تطلبي مامتك مش مامتى
هنا وهى مامتك مش زى مامتى
وبعدين انا حريحك ياحبيبي
اولا انت عارف ان بابا تعبان اوى وميقدرش يستغنى عن ماما
وثانيا انا بجد برتاح اوى مع ماما خديجه
وبحب اقعد اتكلم معاها
محمود حاضر ياحبيبتى انا حتصل بيها واقولها تجيلك ياحبيبتى من عينيا
هنا تسلملي عيونك يا قلبي
فى فيلا فهمى التهامى
عايده سبحان الله سبحان مغير الاحوال
فهمى انك لا تهدى من احببت ولكن الله يهدي من يشاء
اسر فعلا يابابا انتوا لو شفتوها مش حتصدقوا ان دى شيرين اتحجبت وبقت واحده تانيه خالص
نور مع اننا كنا بنحاول معاها كتير انها تتغير ومقدرناش نغيرها
اشمعنى يعنى دلوقتى اتغيرت
اسر عشان حبت يانور
نور حبت
اسر ايوة يانور واضح جدا ان شيرين وجوزها بيحبوا بعض جدا
شيرين عمرها ماحبتنى ايه السبب معرفش ممكن انا ممكن هى الله اعلم
عشان كده مقدرتش اغيرها
لكن سبحان الله واضح ان جوزها عمل اللى محدش قدر يعمله
ملك الحب يصنع المعجزات
فارس طبعا يصنع المعجزات بدليل ان حبي ليكى عمانى عن كل الستات وده من المعجزات
ملك فارس علية انا عين مين اللى اتعمت عن كل الستات ده انت عينيك يندب فيهم ړصاصه
فارس هههه ملك بتحب تهزر ياجماعه
انتوا عارفين بقى هرمونات الحمل ماثرة عليها
ملك ابوس ايدك بلاش فضايح احنا فى تجمع عائلي
ملك ياخبر ده انا بهزر ياحبيبى هو فى حد زى فارس وأدب فارس واخلاق فارس
ده عينه ياحبيبي مبتترفعش من الارض ده لما واحده بتكلمه بيرد عليها وهو بيبص الناحيه التانيه
اسر ههههههه هههههه
فارس ايه ياعم انت مش عاجبك الكلام واللا ايه
اسر اصل ملك أخطأت التعبير بدل ماتقول مامبتترفعش من الارض
المفروض كانت تقول مابتنزلش على الارض
طول الوقت عينك عاللى رايحه واللى جايه
وان كنت نسيت افكرك
فارس ماخلاص بقى ياباشا بلاش فضايح قدام خطيبتك
اسر بقولكم ايه دلوقتى انا عاوزكم كلكم ان شاء الله تروحوا تزوروا شيرين فى المستشفى هى نفسها تشوفكم كلكم
وياريت متفتحوش معاها اى موضوع غير انكم تباركولها على الجواز وعلى الحمل
عايده وهى تقف وليه استنى للصبح انا حروحلها دلوقتى
انت مش بتقول ان معهاش غير جوزها
يعنى محتاجه حد جمبها عشان جوزها يقدر يرتاح شويه
فارس الله عليكى ياام اسر طول عمرك صاحبة واجب
تقوم نور وانا كمان حاجى معاكى
ثم تقوم ملك وخدونى معاكم انا كمان
فارس يعنى هى جت علية انا كمان جاى معاكم
اسر خلاص يبقى انت يافارس تاخدهم وتروح توديهم لكن حياة وسيلين تعبانين ومحتاجين يرتاحوا
انا حروح اودى حياة وسيلين عند مامتهاوحقول لهم ان سيلين شبطت فيها وانتوا تاخدوا تولين معاكم وابقوا ارجعوا براحتكم
فهمى خلاص عشان نبقى براحتنا انا حركب انا ومامتكم وتولين فى عربيتى وانت يافارس خد مراتك واختك معاك
اسر تمام وياللا بينا بقى ياحياة
حياة حاضر
فى المستشفى
يجلس مازن بجوار شيرين وهو يتلو آيات من القرآن الكريم
فيجد دق على الباب يفتح فيجد اسخاص لا يعرفهم
نور انت مازن
مازن ايوة انا مين حضرتكم
فهمى احنا عيلة شيرين يابنى
انا فهمى والد اسر ودى امه ودول اخواته ممكن ندخل نطمن على شيرين
مازن وهو يفسح لهم الطريق ياخبر ايوة طبعا اتفضلوا
كانت شيرين نائمه
مازن معلش هى بس تعبانه ونامت شويه
عايده خليها نايمه يابنى واحنا قاعدين شويه
احنا مش عارفين نشكركم ازاى على اللى عملتوه مع سيلين وحياة
مازن حضرتك احنا معملناش حاجه
فهمى ربنا يكمل شفاك انت ومراتك على الف خير
مازن شيرين كلمتنى كتير عنكم وقالتلي اد ايه انتوا طيبين
عايده شيرين دى بنتنا
مازن يعنى مش شايلين منها
عايده ليه يابنى عشان يعنى هى واسر أطلقوا يابنى ده قسمه ونصيب لكن كفايه انها خالة البنات اللى هما روحنا ونور عينينا من جوة
ربنا ياخد بيدها ويعفى عنها يارب
تبداشيرين فى استعادة وعيها وهى تتالم اه اه
مازن تعبانه ياحبيبتي
شيرين الحمد لله ياحبيبي احسن
نور وهى تهمس لملك جوزها امور بس بردو اخويا اسر احلى
ملك يخرببيتك واحنا مالنا عامله شبه اخوكى فارس
شيرين مش معقوله انتوا هنا بجد
يقوم الجميع للسلام عليها ولكن بحرص حتى لايتسببوا لها فى زيادة الالم
عايده حمد الله على السلامة يا حبيبيتى
شيرين الله يسلمك يا طنط ربنا يخليكى يارب
نور وحشتينا اوى ياشيرين
شيرين بجد وحشتكم
ملك ايوة والله بس بصراحه مكنتش اعرف انك حتبقى قمر كده فى الحجاب
فارس عقبالك لما تتحجبى انتى كمان
ملك ان شاء الله قريب
شيرين تولين حبيبتى تعالى
تذهب تولين اليها
فتاخذها شيرين فى حضنها رغم المها حبيبتى وحشتينى اوى
تولين انتى شيرين
شيرين ايوة ياحبيبتى انتى مش عارفانى
تولين شكلك متغير ياشيرين
شيرين قوليلي ياخالتو
ينظرون الى بعضهم البعض فهم يعلمون ان شيرين لاتحب ان يناديها احد بهذا اللقب
عايده لنفسها سبحان مغير الاحوال
شيرين ملك انتى حامل الف مبروك ياحبيبتى
ملك الله يبارك فيكي يا شيرين ومبروك ليكى انتى كمان
شيرين ربنا يخليكى
عايده ونور كمان اتخطبت
شيرين بجد الف مبروك ياحبيبتى انتى طول عمرك طيبه وتستاهلى
كل خير
ويبدأون فى التحدث معها ومع مازن زوجها فى امور كثيرة دون التطرق الى الماضي
فى فيلا مصطفى
عفاف حبيبة قلب امك وحشتينى اوى
حياة انتى اكتر ياماما
اسر معلش بقى ياجماعه بس سيلين شبطت فيها فقلت اجيبها تبات معاها الليله دى وبكرة الصبح ان شاء الله حعدى عليهم عشان اروح البنت وحياة تطلع معايا عالمحكمه
عفاف ليه فى حاجه يابنى
اسر لا ياماما مفيش حاجه بس انا عندى قضيه وبتفائل لما حياة تحضر معايا
عفاف ربنا يجعل وشها عليك حلو دايما ياحبيبي
وبعدين القمر الصغنن ده منورنا والله
اسر طب انا حستئذن بقى عشان محتاج اروح ارتاح
مصطفى مع الف سلامه يا بنى
يمشي اسر ويوصله مصطفى
مصطفى ايه الاخبار بابنى قبضوا على اللى كانوا خاطفنهم
اسر هو كان واحد ودلوقتى هو فى المستشفى عشان اټصاب وبكرة الصبح النيابه حتحقق معاه وحياة هى كمان النيابه عاوزة تسمع اقوالها
مصطفى بس انا خاېف سيلين تغلط باى كلمه قدام عفاف
اسر لا اطمن انا مفهم سيلين وهى ذكيه ومش حتقول حاجه
مصطفى ربنا يحميها يارب والف حمدالله على سلامتها
حياة امال فين يسر مش شايفاها
عفاف مصطفى تعبان شويه اخدته وطلعت تنام معاه
حياة ماله الف سلامه عليه
عفاف شوية سخونيه
حياة طب انا مش عاوزة اقلقها دلوقتى بكرة ان شاء الله اطمن على مصطفى
مصطفى طب اطلعى ارتاحى فى اوضتك ياحبيبتي
حياة ياللا بينا ياسيلين
تصعد سيلين مع حياة الى الغرفه لتاخذها فى حضنها ويذهبان فى سبات عميق بعد مامروا به من احداث
فى المستشفى
فهمى مش ياللا بقى ياولاد عشان شيرين تستريح شويه
عايده قومواروحوا ياللا انا حبات هنا مع شيرين
مازن لا حضرتك اتفضلى روحى معاهم انا بايت معاها
عايده لا والله مانا ماشيه يعنى ايه تبات لوحدك معاها مينفعش طبعا وبعدين انت كمان تعبان ومحتاج تستريح
شيرين طنط اتفضلي حضرتك روحى متتعبيش تفسك مازن معايا
عايده اخس عليكى ياشيرين هو انا مش زى مامتك الله يرحمها واللا ايه
شيرين ربنا العالم والله ياطنط بس مش عاوزة اتعبك
عايده مفيش تعب ولا حاجه انا حبات معاكى والصبح ياستى ابقى اروح تمام
ياللا بقى ياولاد روحوا انتم
يسلم الجميع على شيرين ومازن ويمشون
بينما تجلس عايده بجوارها ويتحدثون فى عدة امور
حتى غلبهم النعاس وناموا
ياتى الصبح وتشرق الشمس بنور ربها
يطرق الطبيب الباب على غرفة شيرين
فيقوم زوجها ويفتح الباب
الدكتور ممكن اطمن على مريضتنا النهارده
الدكتور عامله ايه
شيرين الحمد لله
الدكتور بكشف على الچرح لا تمام الحمد لله
مازن هو احنا ممكن نمشي امتى
الدكتور لسه مش النهارده لما نطمن عليها
بس دلوقتى وكيل النيابه عاوز يدخل وياخد اقوالكم فى الحاډثه
مازن خليه يتفضل طبعا
يدخل وكيل النيابه فتحكى شيرين ومازن عن كل ماحدث بالتفصيل
ثم بخرج من الغرفه
عايده انا مش مصدقه اللى سمعته ده ليه شريف ده يعمل كده ده اسر كان
