عبير سالم

بيعامله احسن معامله

شيرين مش عارفه والله ياطنط

ياللا اهو حياخد جزاؤه

وكيل النيابه وهو يتحدث للدكتور فين غرفة شريف المتهم فى عملية الخطڤ واخباره ايه

الدكتور طلعنا الړصاصه اللى كانت فى رجله واللى فى كتفه

وهو حالته كويسه

وكيل النيابه تمام عاوز ادخله

الدكتور اتفضل

يدخل عليه وكيل النيابه ومعه الكاتب

ويبدأ فى استجوابه ومعرفة دوافع الخطڤ واسبابه

شريف انا عملت كده باوامر من عزبز المغازى

وكيل النيابه والسبب

شريف عشان يجبر والد الطفلة انه يسيب القضيه اللى بيترافع فيها ضده

لكن انا مليش دعوة بحاجه انا معملتش حاجه

يقرر وكيل النيابه التحفظ على شريف وتعيين حراسه عليها حتى يتم ترحيله للنيابه للتحقيق معه

فى السياره

اسر حبيبتى عامله ايه النهارده

حياة الحمد لله والله ياحبيبي

اسر حياة هو الزفت ده عملك حاجه ضايقك فى اى تصرف منه

حياة انا فاهمه قصدك ياحبيبي اطمن يااسر شريف ملمسنيش بس كان مصر اصرار غريب انه يتجوزنى مش عارفه ليه

شريف عشان انسان مريض بس الحمد لله طمنتى قلبي

حياة اطمن ياحبيبي

شريف دلوقتى احنا حنروح الاول نطمن على شيرين وبعد كده حنطلع على النيابه عشان تدلى باقوالك

حياة حاضر ياحبيبي

فى داخل حجرة شيرين

عايده شيرين عشان خاطري ده عصير ياحبيبتى

شيرين مش قادرة والله ياطنط

يدق اسر وحياة على الباب

فتضع شيرين الحجاب على رأسها ثم تذهب عايده لتفتح الباب

يدخل اسر وحياة ويسلمون على شيرين ويطمئنون عليهاثم يتوجهون الى النيابه فتحكى حياة كل ماحدث بالتفصيل ويعلم اسر باعتراف شريف على عزيز المغازى وطلب النيابه باستدعائه

فى شركة عزيز المغازى

السكرتيرة فى ظابط عاوز حضرتك يافندم

عزيز خليه يدخل

الظابط معايا استدعاء من النيابه بالضبط والاحضار لسيادتك

عزيز ليه

الظابط لما تافضل معانا حضرتك حتعرف كل حاجه

فى النيابه

وكيل النيابه ماردك فيما هو منسوب اليك من تحريضك على خطڤ سيلين اسر وحياة احمد

عزيز انا معرفش حاجه عن الكلام ده ولا لية اى علاقه باللى حضرتك بتقوله ده

وكيل النيابه يعنى انت بتنكر صلتك بالموضوع

عزيز ايوة طبعاهو اى حد يقولكم كلمتين تصدقوه

وكيل النيابه طب وبالنسبه للشاليه اللى كانوا متواجدين فيه مش باسمك بردو

وبالنسبه للامن اللى كانوا موجودين بردو فى نفس المكان مش تبع الشركه عندك وهما بنفسهم اعترفوا انك انت اللى طلبت منهم انهم يكونوا متواجدين فى نفس المكان

عزيز انا مش حتكلم غير فى وجود المحامى بتاعى

وكيل النيابه اكتب عندك يابنى يتم حجز المتهم لمدة اربعة ايام على ذمة التحقيق ويراعى التجديد فى الميعاد

عزيز هو مين ده اللى يتحبس انت مش عارف انا مين

وكيل النيابه مفيش حد كبير على القانون خده ياعسكرى

بعد مرور يومين

مازن ياللا باحبيبتى عشان تجهزى

شيرين حاضر يا حبيبي

تطرق عايده الباب وتدخل

تسلم عليهم هو الدكتور كتب على خروج خلاص

مازن ايوة الحمد لله

عايده تمام يبقى ياللا بينا على البيت

مازن بيت مين

فيدخل فهمى بيتنا طبعا يابنى

مازن لا ربنا يخليك متشكرين اوى احنا حنروح على الشاليه بتاعنا

عايده شاليه ايه بس يابنى شيرين محتاجه حد جمبها يخدمها وياخد باله منها

مازن مانا جمبها وبخدمها ومش حخليها عاوزة حاجه

عايده يابنى مينفعش شيرين وانت حتيجوا عندنا تنورونا لحد ماتسترد صحتها وبعد كده تمشوا براحتكم

فهمى ياللا يابنى الله يرضى عليك ماتتعبش قلبنا

مازن انا مش عارف اقول ايه

بس احنا مش عاوزين نتقل عليكم

عايده عيب عليكم وعلى فكرة بقى نور سايباها فى البيت بتجهز لكم اوضتكم وكلهم مستنيينكم

مازن طب بصوا خللى شيرين عندكم يومين لكن انا مش حينفع

فهمى عيب عليك يابنى هو انت مش زى اسر وفارس والله ربنا يعلم انك دخلت قلبنا من اول ماشفناك

ياللا يابنى

مازن حاضر ياجماعه

تذهب شيرين وزوجها الى بيت اسر حتى تسترد عافيتها

تدخل الفيلا وهى محرجه فقد خرجت من هذا المنزل وهى تحمل حقائبها نعم خرجت وهى معززة مكرمه لم يهنها احد او يسئ اليها ولكنها خرجت مطلقه خرجت وهى تعلم ان الكل سعيد بخروجها من حياتهم فكيف لها ان تدخل هذا المنزل مرة ثانيه

تتقدم للدخول وهى فى قمة خجلها وحرجها فترى تولين وسيلين يجريان عليها ويحتضناها بشده خالتو جت خالتو جت

تفرح شيرين بشده وتاخذهم فى حضنها حبايب قلبي وحشتونى اوى

ثم يسلم عليها الجميع ويرحبون بها وبزوجها ترحيبا شديدا حتى الخدم يرحبون بهم جدا

عايده بس بقى ياولاد شيرين تعبانه ومحتاجه ترتاح

داده فاطمة خدى الشنط طلعيها الاوضه فوق

الداده حاضر حطلعها البيت نور والله ياست شيرين

شيرين قوليلي ياشيرين بس زى مابتنادى نور وملك

تفرح الداده لهذا الامر وتاخذ الشنط

لغرفتهم

نور مش معقوله ياماما دى بقت انسانه تانيه خالص معقوله دي شيرين اللى كانت رافعه مناخيرها للسما ومحدش عاجبها

عايده ربكهو اللى بيالف القلوب ياجبيبتى واكيد هى من جواها كانت كويسه بس كانت عاوزة اللى يفهمها

نور بس احنا طول عمرنا كنا بنعاملها كويس

عايده بس مفهمنهاش ولا قدرنا نوصل للى جواها والحمد لله ربنا هداها للخير

بعد الظهيرة

فى منزل سعيد

علا بقولك ايه روحى انتى اقعدي مع اخوكى على مااخلص انا الاكل

حياة ياحبيبتى كنت عاوزة اساعدك فى حاجه

علا لا يا حبيبتى انا اصلا خلاص قربت اخلص روحيله عشان انتى وحشاه اوى

حياة ماشي يا ستى اوامرك

تخرح حياة لتجد سعيد يشاهد التليفزيون

سعيد تعالي ياحبيبتى اقعدي جمبي طمنيني عليكي عامله ايه ياست البنات

حياة الحمد لله والله ياحبيبي انا كويسه

سعيد والجماعه عندك عاملين ايه

حياة كلهم بخير الحمد لله

دى حتى ماما كانت عاوزة تيجى معايا بس ابن يسر تعبان ومرضتش تسيبها لوحدها احسن تزعل بس والله بعتالكم السلام

سعيد الله يسلمك ويسلمها

واسر يا حبيبتى اخباره ايه

 حياة الحمد لله والله على فكرة هو حيحدد معاد الفرح الشهر الجاي ان شاء الله

سعيد على خير يا حبيبتى ان شاء الله

وربنا يسعدك ويفرح قلبك يا حبيبة اخوكى يارب

علا ياللا ياحياة الغدا جاهز

يجلس سعيد وعلا والأولاد ليتناولوا الغداء

علا الصغيره حياة كنت عاوزاكى تفهمينى حاجة في العلوم مش فاهماها

حياة حاضر يالولو من عينيه

سعيد بقولك ايه انتى حتاخدي حباة مننا واللا ايه انا عاوز اشبع منها شويه قبل ما تمشي

حياةوعلا ينظرون لبعض ويضحكون

سعيد بتضحكوا على ايه انتوا الاتنين

علا اصل حياة حتبات معانا النهارده

سعيد بجد ايه المفاجاه الحلوة دي خلاص يبقى نجيب بقى شوية مكسرات وحلويات ونسهر مع بعض

حياة هو ده الكلام

فى ميعاد الغداء

تصعد الخادمه بالطعام الى شيرين فى حجرتها

مازن يفتح الباب اتفضلي ادخلي

الخادمه قومى يا حبيبتى عشان تاكلى

شيرين شكرا يا داده ربنا يخليكى

الداده بقولك ايه انتى لازم تتغذى كويس عشان تعوضى الډم اللى نزل منك وعشان اللى فى بطنك ياحبيبتى

شيرين داده انا عاوزة انزل اكل معاهم تحت

مازن تتعبي ياشيرين

 شيرين لا والله انا الحمد لله احسن نفسي احس بجو العيله

مازن خلاص ياداده خدى الاكل ونزليه واحنا حننزل تحت

بعد قليل يجتمع كل افراد العائله على المائده لتناول الغداء

شيرين كنتوا قلتوا لحياة تيجى عشان نبقى كلنا موجودين

اسر حياة النهارده حتتغدى عند اخوها

ملك اه

فارس سلامتك يا قلبي

ملك الله يسلمك يا عمري

فارس ايه هو الولد الشقى ده ضړبك

ملك طالع مچرم شبه ابوه

فارس ده ابوه ملاك

ملك طبعا ياروحى

عايده بقولكم ايه تعرفوا تاكلوا وانتوا ساكتين متدوشوناش شيرين تعبانه احترموا نفسكم شويه

شيرين لا ياماما سيبيهم ياخدوا راحتهم انا الحمد لله كويسه

اسر اسكتى ياشيرين خليهم يتكتموا شويه دول على طول مصدعينا

فارس سامعه ياملوكتى بيقولوا علينا ايه

ملك سمعت يافروستى معلش يا حبيبي مش مقدرين قيمتنا ميعرفش اننا ثروة قوميه

مازن ههههههه انتوا شكلكم مشكله

نور ملك وفارس دول الثنائى المرح بتوعنا

يتحدث الجميع فى مواضيع مختلفه أثناء تناولهم الطعام

عايده شيرين يا حبيبتى مبتاكليش ليه

شيرين باكل والله يا ماما

عايده شيرين انتى لازم تاكلى كويس ياحبيبتى

فارس ايوة يا شيرين شوفى ملك بتاكل ازاى وكلى زيها

ملك ليه ان شاء الله هو انا باكل ازاى

فارس بتاكلى ازاى ده انتى ناقص تاكلينى ياحبيبتى

ده انا بقوم فى نص الليل افتش فى نفسي احسن تكونى اكلتى ايدي واللا رجلى وانا نايم

الجميع ههههههه هههههه

ملك ياسلام عالظرف طب ده انا حتى نفسي مسدوده عن الاكل

فارس اه صحيح بامارة نص الفرخه اللى كلتيها وطبقين الرز

ملك كده بردو يافارس بتبصلي فى الاكل

فارس لا ياروحى ده انا بهزر معاكى يالهوي ده انا عاوزك تاكلى كويس عاوز الواد يطلع مقلبظ مبحبش العيال المعصعصه

يشعر مازن فى وسطهم بالالفه خاصة بجو المرح الذى يحدثه فارس وملك

بعد الانتهاء من الغداء

فارس انا حستئذنكم بقى ياجماعه عندى مشوار

ملك على فين العزم ان شاء الله

فارس عندى ميتينج ياقلبي

ملك ميتينج مع مين ان شاء الله

فارس مع عميل ياروحى حيتفق معايا على فوج سياحى جاى

ملك طب خدنى معاك

فارس اللى بياخد ربنا ياحبيبتي قصدى اخدك فين بس ياروحى بمنظرك ده انتى عاوزة العميل يطفش

ملك وماله منظرى ان شاء الله

لا انا قلبي مش مطمن اه مانا مش هبله انا شامه ريحة ستات فى الموضوع

فارس انتى مالك ريحة الشم بقت عندك قويه كده ليه وكل شويه تشمى ريحة حاجه ودايما مبتشميش غير الروايح المعفنة

ستات وجالك قلب تقوليها اخس عليكى يا ملوكتى كده بردو تشكى فى فروستك

ملك لا يافروستى مقدرش طبعا اشك فيك طبعا ياحبيبي بس المثل بيقول حرس من من صاحبك

فارس قومي ياروحى البسي وتعالي عشان تطمنى

ملك لا ياروحى روح انت انا تعبانه وعاوزه استريح

فارس ربنا يريحك قصدى يريح قلبك ياحبيبتى يارب

طب بقولك ايه تعالى معايا ساعدينى البس

ملك من عونيا ياقلبي

كان ينظر اليهم مازن وهو متعجب منهم بشده كيف لهم ان يتحدثوا بهذه الطريقه امام الجميع

اسر زمانك بتقول عليهم مجانين مش كده

مازن لا والله دول ماشاء عليهم دمهم زى العسل بس مستغربهم شويه

اسر لا متشغلش بالك بيهم احنا متعودين عليهم كده عارف لو اتكلموا بالعقل بنقول اكيد عيانين يااما زعلانين مع بعض

مازن ههههههه ربنا يسعدهم

اسر بقولك ايه يامازن ماتيجى نقعد مع بعض شويه فى الجنينه احنا عندنا جنينه حلوة اوى وبابا هو اللي مهتم بيها وبيراعيها

مازن الزرع ده احلى حاجه فى الدنيا

عايده وهى تتحدث لشيرين تعالى ياحبيبتى نقعد فى الليفينج وتفردى ضهرك شويه

اما فى حتة مسلسل تركى بتفرج عليه حلو اوى

نور يالهوي عليكى ياماما سيبك انتى ياشيرين بصي انا عاوزة افرجك على شوية حاجات شارياها عشان انتى ذوقك حلو اوى

شيرين طب ياللا هاتى الحاجه

تصعد نور لاحضار ماتريد ان تشارك فيه شيرين وتاخذ برايها

تسعد شيرين بهذا الامر كثيرا فلقد استطاع الجميل ان يشعر شيرين باهمية وجودها

فى الجنينه

اسر منورنا والله يامازن

مازن البيت منور بيكم والله يااستاذ اسر .

اسر لا بقولك ايه مفيش داعى للالقاب احنا عيلة واحده

مازن والله انا حاسس وانا بينكم انى بين اهلى

اسر هو انت اصلا من اسكندريه يامازن

مازن لاء انا من القاهرة

اسر وبتشتغل ايه بقى يامازن

مازن انا كنت بشتغل مهندس زراعى

اسر كنت امال دلوقتى بتشتغل ايه

مازن لاء انا دلوقتى مبشتغلش

اسر مبتشتغلش ازاى امال عايش ازاى انت وشيرين

مازن عندى مبلغ فى البنك وعايشين من ارباحه

اسر طب وليه كده

مازن ............

اسر انا اسف والله يامازن انا مقصدش انى اتطفل عليكم واحاول اعرف عنكم حاجه انا كنت بدردش معاك مش اكتر

مازن لا والله يا اسر ربنا يعلم انى من اول لحطه شفتك فيها

وانا حسيتك صاحب وصديق

وبعدين اللى انا متأكد منه هو انكم اكيد عاوزين تعرفوا مين هو الإنسان اللى عايش بينكم وده حقكم يااسر زى مامن حقكم تعرفوا انا وشيرين عرفنا بعض ازاى

اسر لا يامازن احنا مش من حقنا اننا نعرف حاجه عنكم دى خصوصياتكم اللى من حقكم انكم تحتفظوا بيها لنفسكم

الا اذا كنت عاوز تحكيلي من باب اننا أصدقاء زى مابتقول يبقى ده كلام تانى

مازن انا اسمى مازن عبد الوهاب سالم اتخرجت من كلية الزراعه اللى انا دخلتها

برغبتي لانى كنت بحبها جدا زحابب موضوع الز اعه

بعد ماخلصت الجامعه اخدت قطعة أرض اشتريتها من ناس وبدات ازرعها تعبت اوى فى زراعتها اهلى كلهم كانوا معترضين لاننا الحمد لله كان عندنا اعمالنا الخاصه بينا بس انا صممت انى اشتغل في الحاجه اللى بحبها

مش قادر اقولك يااسر فرح تى كانت ازاى وانا شايف الزرع وهو بيكبر قدام عينيه كان بالنسبه لي ابنى اللى اتولد وكبر على ايدى

بعد كده قررت اتجوز واتجوزت بنت كنت بحبها من أيام الجامعه وهى وافقت انها تعيش معايا فى الارض وبعد فترة لقيت ناس عاوزة تاخد منى الارض بالعافيه وبالقوة

قلت دى ارضي اللى تعبت فيها وفى زراعتها ومش حسيبها

انا وقتها بلغت البوليس عشان يحمونى منهم بس للاسف معملوش حاجه

وجه اليوم اللى خلانى اقرر ابعد عن الدنيا كلها مراتى كانت حامل فى اول شهور الحمل وكانت تعبانه جدا ومحتاجه حد يرعاها جت امى ومعاها بابا واختى كمان عشان يزورونا ويقعدوا معانا كام يوم

بالليل لقيت زميلي اللى واخد أرض قريبه منى بيتصل علية وبيقوللى انه تعبان اوى لانه لوحده ومعهوش حد وطلب منى اروح معاه المستشفى وانا متاخرتش عليه ورحنا وكشفنا وعمل تحاليل واشعات

 واحنا راجعين فى الطريق شفت ڼار طالعه للسماخفت

ولما وصلت لقيت البيت والارض والزرع وكل حاجه والعه اهلى كلهم ماتوا يامازن كلهم ومحدش انقذهم الڼار اكلتهم المطافى وصلت بعد ماكان كل حاجه راحت خلاص

جتلى حاله نفسيه مبقتش قادر اقف على رجلى تخيل لما تشوف اهلك كلهم يموتوا قدام عينيك وانت مش قادر تعمل حاجه

البوليس بدا يحقق والمفاجاة اللى صدمتنى لما اكتشفت ان زميلي اللى طلب مني اروح معاه المستشفى هو اللى اتفق مع الناس اللى حرقوا الارض وطبعا قبض منهم التمن

ليه ليه يااسر ليه بعمل فية كده انا عمرى ماعملت معاه حاجه وحشه

لو اقولك الايام والشهور اللى عشتها كنت عامل فيها ازاى مش ممكن تتخيل

فى ثوانى كل حاجه راحت بقيت انسان وحيدلا اب ولا ام ولا زوجه ولا اخت لوحدى

بدات حالتى النفسيه تسوء ولولا انى الحمد لله طول عمرى بخاف من ربنا كنت اڼتحرت وحصلتهم لانى طول الوقت كان عندى شعور بالذنب تجاههم

بس استعنت بالصبر والصلاة والاستغفار

وعدت الايام والشهور فات اكتر من سنه سبت الارض وبعت كل حاجه ممكن تربطنى باى مكان يفكرنى باللى حصل

 قررت اجى هنا اسكندريه واعيش فى مكان لوحدى بعيد عن كل الناس

اشتريت الشاليه وقعدت فيه بقيت طول النهار والليل قاعد ادام البحر بشكيله همى ووحدتى

لحد مافى يوم اتصل علية واحد من صحابي القدام واتحايل علية اخرج معاه نسهر سوا

رحت وقلت اغير جو اخدنى نايت كلب طبعا معجبنيش الجو