عبير سالم

ايوة مامتى فاكر لما قعدنا هنا وسألتني عن رايي فى جوازكم

مصطفى ايوة طبعا يا حبيبتى فاكر

حياة كان نفسي اسالك بتحب ماما اد ايه بس وقتها مش عارفه ليه حاجه منعتنى اسالك السؤال ده

مصطفى ودلوقتى نفسك تعرفى ياحياة

حياة انا متاكده من انك بتحب ماما حبك ليها واضح وشايفاه بعنيا بس نفسي اعرف ازاى حبتها وامتى قررت انك تتجوزها مكدبش عليك يابابا فى اساله كتير جوايا نفسي اعرف اجابتها مش عاوزة اسمع اجابتها من ماما عشان ممكن من غير مااقصد اخليها تفتكر ايام صعبه ومرة عدت عليها

مصطفى بس نفسك تسمعيها منى مش كده

حياة لو ده مكنش يضايقك او يعطلك عن شغلك

مصطفى انا مفيش حاجه تعطلنى عنك ياحبيبتى

مامتك دى ياحياة طاقة النور اللى اتفتحتلى من السما هى اللى نورت دنيتى فى عز العتمه اللى كنت عايش فيها بذنب مراتى الاولى اللى حكمت عليها بالمۏت مرتين اول مرة لما وافقتها فى انها تكمل حياتها معايا مع انسان ربنا قدرله انه يكون عقيم واحرمها من انها تكون ام والمرة التانيه لما حرمتها من حقها فى الحياة ووافقتها فى انى اعملها عملية الورم واللى ياما عملتها لناس ونجحت بس يشاء رب العالمين انها ټموت وانا بعمللها العمليه

عشت سنين بتالم حياتى كانت فاضيه مفيهاش غير يسر لحد ماقابلت مامتك ياحياة كانت تايهه مش عارفه هى مين ساكته مبتتكلمش سنين وسنين بتمر علية وهى ادام عينيا حبتها من قبل مااسمع صوتها ولا اعرف هى مين حبتها وعشقتها ياحياة لدرجة انى بقيت خاېف انها ترفض حبي

لحد ماربنا اراد انه يتم شفاها بمساعدة مالك واتجوزنا بعد فترة طويله مش قادر اقولك ان اجمل واسعد يوم فى حياتى هو اليوم اللى مامتك بقت فيه مراتى

اطمنى ياحياة مامتك مش بس مراتى مامتك حبيبتى وكل حياتى

وكل هدفى فى الدنيا انى اكون سبب فى سعادتها

حياة ربنا يخليكم لبعض يابابا

مصطفى حبيبتى مش عاوزة حاجه منى اجيبهالك معايا

حياة هههههه يابابا اناكبرت خلاص

مصطفى البنت مهما تكبر بتفضل فى عين ابوها طفله صغيرة

وانتى ويسر حتفضلوا طول عمركم فى نظرى اطفال

حياة ربنا يخليك لينا ياحبيبي بس انا بعد اذنك اسر عازمنى النهارده على الغدا النهارده

مصطفى قوليلي الاول سعيد بيعمل ايه لما بتقوليله ان اسر عازمك عشان اعمل زيه

حياة ياحبيبي يااخويا سعيد ربنا يخليه لية يارب كان بيذلنا انا واسر عشان يوافق على خروجنا

مصطفى واسر مكنش بيضايق

حياة ابدا والله بالعكس ده كان بيعليه فى نظره اوى

مصطفى اممممم طب اعمل ايه انا دلوقتى بقى

بصي خلاص المرة دى سماح روحى ياستى لحد مااعمل مداولات مع سعيد فى الموضوع ده

حياة هييبه يعني حروح معاه

مصطفى ههههههه ايوة ياحبيبتى روحى وانبسطى

يفرح سعيد ويسعد بمعاملة حياة معه وقربها منه بهذا الشكل

فى السچن

 شادي   خلاص ياكريم كلها كام شهر وحتبقى بيننا ان شاء الله

كريم ان شاء الله ياشادى

كريم هبه عامله ايه وحشتنى اوى

 شادي   والله العظيم كانت حتموت عشان تيجى معايا بس بعد ما كان حيحصلها اجهاض والدكتورة حرجت عليها الحركه وهى تقريبا مبقتش بتتحرك نهائى حتى داليا بتيجي تعمللها كل حاجه وترجع تانى عند ماما وعلى فكرة داليا هى اللى عاملالك كل الاكل ده

كريم تسلم ايديها وعنيها

 شادي   ايه ياعم مش حتحن عالبت بقى وتخليها تيجى تزورك دى حتموت عليك ياعمنا

كريم معلش يا شادى انا مقدرش اخللى داليا تشوفنى وانا بلبس السچن

 شادي   خلاص هانت ياكريم وعلى فكره انا ظبطت المحل والشغل والدنيازى الفل عشان اول ماتخرج بالسلامه نقسم الشغل بيننا عشان اخوك تعب عالاخر كمان عاوز لما هبه تولد ان شاء الله اقدر اقعد جمبها وافرح بابنى شويه

كريم ربنا يكملها على خير يارب ياااه انا مش مصدق كرم ربنا بجد انا مش عارف لولاك كنت انا واختى عملنا ايه انت انقذتنا احنا الاتنين يا شادى

 شادي   متقلش كده ياكريم ده احنا اخوات ياحبيبي وخلاص هانت اوى الحمد لله

بس نفسي ربنا يكمل فرح تنا على خير و اسلمك اللى حتموت عليك دى

كريم داليا ياااه متعرفش بحلم باليوم اللى حيتقفل علينا فيه باب واحد ازاى

 شادي   حييجى وحنفرح كلنا وحعملك م حتة فرح متعملش لحد قبل كده

كريم تعرف ياشادى انا زمان كنت بحلم باليوم اللى اجوز فيه هبه اختى وارقصلها فى فرح ها وازفها حتة زفة مفيش بنت اتزفتها بس للاسف كل دى

بقت احلام

 شادي   ربك كريم ياكريم ونحمد ربنا على كل حال

كريم ونعمه بالله

فى احد الأحياء الراقيه بمدينة الاسكندريه

فى شقة مازن وشيرين

شيرين حبيبتى ريحى دلوقتى شويه لحد ماناكل احسن انا عصافير بطنى بتصوصو

نور ماشي ياشيرين

عايده ياللا يابنات الاكل على السفره

نور الله مكرونه بالبشاميل وفراخ مشويه واو

شيرين تسلم ايدك ياماما الاكل شكله يجنن

عايده بالف هنا وشفا ياحبايبى ياللا بقى اقعدوا

شيرين القعده الحلوة دى كانت عاوزة ملك

نور ههههههه هههههه

شيرين بتضحكى على ايه

نور اصل ملك ناويه تلزق النهارده لفارس ومصممه تروح معاه الميتينج

شيرين يالهوى عليها مجنونه وربنا وفارس وافق

نور والله مااعرف احنا مشينا وجينالك واحنا منعرفش ناويين على ايه

عايده وهى تقطع قطع المكرونه يااختى فككم منهم دول مهابيل والاتنين اعبط من بعض

شيرين حنفرح بيكى امتى يانور

نور مع اسر ان شاء الله

شيرين بجد انتوا حتعملوا فرح كم مع بعض

نور ايوة وكمان حنروح شهر العسل مع بعض

شيرين بس خللوا بالكم اكيد فارس وملك حيشبطوا هههههه

 عايده انتى بتقولى فيها ماده اللى حيحصل بس مش حينفع

معاد ولادة ملك حيبقى على الفرح تروح معاهم تعكنن عليهم فى شهر العسل ويجرونا وراهم خليهم قاعدين هنا

نور بصي ياشيرين اوضة النوم اتظبطت وحطيتلك كل حاجه فى مكانها واوضة النونو ان شاء الله بقت تمام

دلوقتى فاضلنا الليفينج والمطبخ

شيرين حبيبتى منحرمش منك يا رب تعبتك معايا ياقلبي

نور وهى تاكل لا ياروحى مفيش تعب ولا حاجه احنا اخوات

يعلن تليفون شيرين عن إتصال

شيرين ايوة ياحبيبي عاملين ايه

مازن اهوه والله بنشتغل باقصى مجهود عندنا وبصراحه سعيد اخو حياة هلكان ربنا يقويه يارب

والاستاذ اسر خلع من شويه راح يقابل الجو بتاعه

شيرين ههههههه هههههه حبيبي انت مالك بقيت بتتكلم زى الواد فارس كده ليه

مازن تصدقى معاكى حق اصله كل شويه ينطلنا ولقطت منه شوية كلام

شيرين لا ياروحى خد بالك هههههه

مازن مټخافيش على جوزك حبيبك

شيرين وهو بينطلكم كل شويه ليه

مازن اهوه بيقعد يلف بين الاقسام وبينى وبينك كده بشوفه وهو عمال يعاكس البنات اللى شغالين هنا

بس بصراحه انا كلمت اسر فى الموضوع ده وقلتله انى مبحبش كده عشان ربنا يباركلنا فى شغلنا

 شيرين مفيش فايده فيه انا مش عارفه هو بيعمل كده ليه مع انه والله العظيم بېموت فى مراته وروحه فيها يبقى لزمته ايه اللى بيعمله ده انا نفسي افهم

مازن اكيد ده طبعه طول عمره انا اعرف ناس كتير زي فارس مبيقدرش يبعد عينه عن اى واحده يشوفها ربنا يهديه يارب وينور بصيرته

شيرين متزعلش منه ياحبيبي والله ده طيب اوى مفيهوش غير العيب ده بس

مازن لا والله انا بعزه ومتاكد من انه كويس بس بردو اللى بيعمله ده غلط وانا مصمم انى افضل وراه لحد مايتعدل

شيرين حبيبي انت حتقوللى ده انت الشيطان يتوب على ايدك

مازن لايا شيرين مش كده بس احنا لازم نعمل بقول النبي من راى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان فانا ححاول اساعده ولو ربنا مقدرنيش يبقى حد عيله ان ربنا بهديه لما يحبه ويرضاه

شيرين ربنا يرضى عننا جميعا يارب قللى صحيح قربتوا تجهزوا خلاص واللا لسه

مازن كلها كام يوم وكل حاجه تبقى تمام ان شاء الله

شيرين ربنا يوفقكم يارب ويجعلها فاتحة خير عليكم يارب

مازن يارب ياحبيبتي خلصتوا فرش الشقه خلاص

شيرين ايوة ياحبيبي قربنا

مازن طب سلميلي على نور وماما

شيرين يوصل ياحبيبي

مازن طب انا حسيبك عشان سعيد بينادى علية خللى بالك من نفسك

شيرين لا اله الا الله

مازن محمد رسول الله

تعود شيرين الى الجلوس معهم على المائده

عايده ابن حلال اوى مازن ده

شيرين اوى اوى ياماما ده احلى حاجه فى دنيتي كلها

نور ياسيدي ياسيدي عالحب بتحبيه اوى كده يا شيرين

شيرين بحبه دى كلمه قليلة اوى جمب احساسي بيه

مازن ده الهوا والنفس والنبض مازن هو الحياة اللى من غير وجوده فيها تبقى انتهت وملهاش لازمه

عايده ربنا يديم بينكم المحبه وتفرح وا بالنونو سوا يا حبيبتى يارب

شيرين يارب ياماما يارب

فى احد المطاعم

اسر وحشتينى اوى يا حبيبتى

حياة انت اللى وحشتنى اكتر يااسر

اسر ماما عفاف  اخدتك منى خلاص

حياة حبيبي مانت عارف بقى نفسها تشبع منى شويه قبل مانتجوز

اسر لا لو كده يبقى معنديش مانع طبعا بس بجد ياحياة انا مبقتش قادر على بعادك اكتر من كده

نفسي تبقى معايا على طول متغيبيش عنى ثانيه واحده

حياة هانت خلاص يا حبيبي

بس طمنى بقى اخويا عامل معاكم ايه فى الشغل

اسر ياااه ياحياة مش قادر اوصفلك مجهوده اللى فى الشغل تصدقى انى انا ومازن بنتعلم منه

حياة معقوله يا اسر

اسر اه والله تعرفى احنا مفيش قرار بناخده الا اما نرجعله الاول بجد ياحياة سعيد ده عقله بسم الله ماشاء الله عليه بيقدر يعرف كل اللى ناقص ويجمع الحسابات واوقات كتير والله بحس اننا بنيجى عليه اوى

بجد انا مش عارف لو مكنش سعيد معانا كنا عملنا ايه

عشان كده انا ومازن بعد ماكنا ناويين يبقى ليه حصه من الارباح قررنا انه ببقى شريكنا التالت

حياة معقوله الكلام ده انت بتتكلم بجد يااسر

اسر ايوة والله بجد صحيح انا ومازن اللى ممولين المشروع لكن بصراحه المجهود الكبير هو اللى بيقوم بيه سعيديبقى حرام علينا لو بخسناه حقه

حياة ياحبيبي يااخويا انا فرح انه اوى اوى مش مصدقه ان سعيد ربنا كرمه الكرم ده كله

اسر يستاهلها ياحياة انتى لو تشوفيه وهو طول اليوم واقف على رجله وعمال يلف بين العمال والموظفين الله اكبرعليه قمة النشاط والحيويه

حياة انا مصدقاك ياحبيبي لان علا فعلا بتقوللى انه ياحبيبى بيرجع البيت مش قادر يقف على رجليه من كتر التعب والارهاق

اسر لاء وكمان فى مفاجاه تانيه عاملهاله

حياة خير ياحبيبي فرح نى

اسر ان شاء الله يوم الافتتاح حهديه هدية

حياة هديه هدية ايه يااسر

اسر شقه جديده ياحياة

حباة شقه جديده معقوله طب ليه

اسر عشان يبقى سكنه قريب مننا ياحبيبتى وتقدرى تروحيله فى اى وقت وباستمرار من غير ماتقولى عاوزة ابات

لان اعملى حسابك بعد الجواز ان شاء الله مفيش بيات لاعند ماما ولا عند سعيد انتى مش حتنامى بعيد عن حضنى انتى فاهمه

فتخجل حياة وتنظر ارضا

اسر بمۏت فيكى وانتى مكسوفه كده

حياة الا قللى صحيح اخبار القضيه ايه

اسر قصدك قضية عزيز

حياة ايوة هى

اسر خلاص هانت ياحبيبتى اطمنى ان شاء الله حيتحكم عليه وحخرببيته ان شاء الله

وحرجع لكل الناس الغلابه حقهم منه اللى زى عزيز ده لازم يكون عبرة لكل اللى حواليه عشان الكل يعرف ان فى قانون بيرجع لكل واحد حقه واننا مش عايشين في غابة نناكل وننهش فى بعض من غير ما حد يحاسبنا

حياة انا فخورة بيك اوى ياحبيبي ربنا يحققلك كل اللى تتمناه ياحبيبي يارب

اسر وانتى معايا يا حبيبتى يادكتورة المستقبل

يحل المساء ويخرج فارس من الحمام وهو يغنى فيجد ملك تقف امام المراة وتتزين وترتدى فستانا جميلا بلونه اللبنى الذى يبرز جمالها الهادئ

فارس واو ايه الجمال ده كله هو القمر بتاعي خارج واللا ايه

ملك وهى تلف يديها حول رقبته انت نسيت واللا ايه يا حبيبي

فارس نسيت نسيت ايه

ملك يييه عليك يافروستى

نسيت انى قلتلك حاجى معاك الميتينج الليلادى وانت فر حت وقلتلي تعالى

فارس نعم ياحبيبتي بقى انتى قلتيلى حتيجى معايا الميتينج وانا كمان فرح ت لاياحبيبتى انتى اكيد كنتى بتحلمى او بيتهيألك

بصي يابطتى انتى تدخلى جوة التلاجه تاكليلك تورتايه فرخه بريشها فخدة ضانى لكن تسيبينى انا اروح اشوف شغلى ياقلبي

ملك بقولك ايه يافروستى كنت بحلم واللا مكنتش انا حروح معاك بمزاجك حروح ڠصب عنك حروح انا قتيلتك الليلادى

ويافيها ياخفيها هاه قلت ايه ياروحى

فارس ملك ياحبيبتى اعقلي كده امال بصي شوفى شكلك عامل ازاى مينفعش ياروحى تيجى انتى عاوزة الناس تتريق عليكى

ملك نعم يا حبيبي ليه ان شاء الله هو انا بالعه كورة ده انا حامل ياقلبي

فارس ملك اتلمى وخللى ليلتك السوده دى تعدى على خير اقعدى ياماما اقعدي ياحبيبتى

ملك وربي يافارس لو ما اخدتنى معاك لانا اللى حخللى ليلتك سوده الليله دى

فارس وانا قلتها كلمه ومش حكررها مش حتيجى ياملك يعنى مش حتيجى واما اشوف بقى كلمة مين اللى حتمشي فى البيت ده

ملك فارس

فارس مش حتيجى انا الراجل وانا اللى كلمتى حتمشي واعلى مافخيلك اركبيه

 بعد مرور ساعه يدخل فارس الاوتيل وملك فى يديه

فارس مساء الخير يا جماعه

الضيف مساء النور يا مستر فارس

الضيفه تمد اليه يديها ليسلم عليها ويقبلها فتمسك ملك يديها سريعا اهلا وسهلا ياحبببتى

فارس اعرفكم ملك المدام

الضيف اهلا وسهلا مدام ملك

ملك اهلا بحضرتك هو حضرتك مصري

الضيف ايوة طبعا انا مصري مش باين علية واللا ايه

ملك لاء بصراحه مش باين على حضرتك خالص انك مصرى حساك شبه الممثلين الاتراك

ينظر اليها فارس پغضب

الضيف شكرا للمجامله الجميله دى من حضرتك

يلفت نظر ملك مشهد كوميدي فى احد الافلام الموجوده على شاشات العرض

فتضحك ضحكه عاليه ههههههه ههههههه ههههههه

الضيفه مستر فارس الفوج السياحى اللى جاى الاسبوع الجاي ليه شروط فى الفندق اللى حيقيم فيه

فارس مانتى عارفه يامدام اننا مبنختارش غير احسن الفنادق عشان راحة عملائنا

وسمعة شركتى فى السوق زى الطبل وانتوا عارفين ده كويس هى دى يعنى اول مرة نتعامل مع بعض

ملك فارس انا عاوزة اروح التويلت

فارس ملك انا مش فايقلك ماتروحى هو انا ماسكك

 تقوم ملك وتتجه ناحية الحمام

بينما ياتى للضيف اتصالا تليفونيا فيقوم هو الاخر

ينهى مكالمته سريعا ثم يقف امام الحمام منتظر خروج ملك

تخرج ملك وهى غير منتبهه لمن يقف منتظر خروجها

الضيف مدام ملك

ملك ايوة حضرتك في حاجه

الضيف قاسم اسمى قاسم الوكيل صاحب شركه سياحيه فى الاقصر

ملك ايوة نعم في حاجه

قاسم معجب بيكى

ملك نعم تقصد ايه يعنى مش فاهمه

قاسم مش فاهمه واللا عاوزة تسمعى منى كلام يشبع غريزتك كانثى جميله

ملك انت مچنون واللا