عبير سالم

لا ياسعيد فريد وفارس وقعوا كشهود على العقد لكن انت حتوقع كشريك معانا فى المشروع

يتفاجا سعيد نعم فهو لم يكن لديه علم بهذا الامر برغم معرفة الجميع الا انهم اتفقوا بالا يخبره احد حتى تكون مفاجاة له

سعيد حضرتك بتقول ايه بس يااستاذ اسر شريك ايه بس

اسر سعيد انا وانت ومازن شركاء بالتلت كل واحد فينا ليه التلت ولو مش مصدقنى خد اقرا العقود بنفسك

سعيد لا لا انا مش موافق على الكلام ده يعنى ايه اكون شريككم وانا مدفعتش ولا مليم والمشروع متكلف مبالغ كبيرة واللى دفعها انت واستاذ مازن

مازن سعيد صحيح انا واسر اللى كلفنا المشروع ماديا لكن انت مجهودك الذهنى والبدنى فى المشروع اكتر مننا بمراحل محدش شايل الموضوع فوق دماغه غيرك يا سعيد واللا نسيت الايام اللى كنت انا واسر بنروح بيوتنا وانت بتفضل نايم هنا لحد ماتيجى البضاعه وتستلمها بنفسك ومكنتش بتدخل بيتك غير لما تطمن بنفسك على كل حاجه

سعيد احنا مبنتفضلش عليك بحاجه ده حقك ياسعيد فاهم يعنى ايه حقك وياللا اتفضل امضي خللى فرح تنا تكمل

اسر وهو يقدم القلم لسعيد امسك القلم وامضي ياسعيد ياراجل ياطيب

ياخذ سعيد القلم ويمضي

يصفق الجميع لهذه المشاركه التى جمعت بين ثلاثه اشخاص من خيرة الناس ثم يقبل عليهم الجميع بالتهانى

حياة وهى تحتضن سعيد الف مبروك يااخويا الف مبروك يا غالي يااغلى الناس

سعيد بس ده كتير علية اوى ياحياة

حياة كتير هو ايه اللى كتير عليك انت الدنيا كلها لو اتحطت تحت رجليك تبقى حاجه قليله اوى جمب حنيتك وكرمك وجدعنتك وشهامتك ياحبيبي الف مليون مبروك يا قلب اختك

سعيد الله يبارك فيكي يا حبيبتى وعقبال ما اشوفك دكتورة اد الدنيا

حياة ان شاء الله يا حبيبي

علا وهى تحتضنه وتقبله من خده الف مبروك ياسعيد الف مبروك يا حبيبي

سعيد الله يبارك فيكي ياست الستات

كانت ملك عينها على فارس لتراقب نظراته لكل امراة وهل تغير حقا كما وعدها ان انه سينقد وعده كما اعتادت منه على ذلك خاصة وانها تعلم ان عيناه دائما مسلطه على علا ولكنها تفاجئت به لا ينظر لها مطلقا بل منشغل بالحديث مع فريد زوج شهد غير مهتم بوجود اى امراة امامه

فحمدت الله بينها وبين نفسها ودعت الله ان يثبته وان يتغلب على شيطانه وان يعميه عن كل نساء العالمين سواها

تاتى تولين وسيلين ببوكيه من الورود الجميله التى انتقتها حياة بعنايه ليقدماه الى ابيهما

تولين وسيلين بابى مبروك يابابي

اسر وهو يحتضنهم حبايب قلب بابي الله يبارك فيكم يانور عينية

الله ايه الورد الحلو ده

تولين احنا قلنا لمامى حياة عاوزين نجيب ورد لبابي وهى اللى جابتهولنا عشان نديهولك يابابي

ينظر اسر لحياة بحب ورغبة منه فى تقديم الشكر لها

حياة الف مبروك يااسر

اسر مبروك علينا كلنا ياحبيبتى

يقدم مصطفى التهنئه لهم جميعا وهو سعيد بشده لموقف اسر من سعيد

وتتقدم يسر ومالك ايضا لتقديم التهنئه وعفاف  التى كانت تحمل مصطفى الصغير على ذراعها فياخذه منها اسر ويقبله

بسم الله ماشاء الله ربنا يحميه ويحفظه ويباركلك فيه يامالك

مالك ربنا يخليك يارب وعقبال مانفرح بيكم وبولادكم انت وحياة

يسر الف الف مبروك ياجوز اختى

اسر ههههههه الله يبارك فيكى ياام مصطفى

يسر بقولك ايه اعملوا حسابكم اول بنت تخلفوها حتبقى عروسة مصطفى اه انا مش حخللى حد غريب ياخد بنت اختى

حياة هههههه وهو انااطول ان بنتي تتجوز ابن اختى الغاليه

طفطف حبيب قلب خالتو من جوة

مالك لاء والحمد لله ان الولد بعد ماكان نسخه منى قلب على مامته شويه

عفاف  ليه ياحبيب امك وانت مالك ياقلبي من جوة ده انت سيد الرجاله

مصطفى طبعا مين يشهد للعروسه

الكل سعيد والفرح ه نابعه من قلب الجميع بهذا الافتتاح الهائل

وياتى دور مؤمن الذى يقدم لهم التهنئه هو الاخر حيث انه حضر متاخرا بعد توقيع العقود وهذا هو السبب الذى جعل اسر يطلب من فريد ان يوقع كشاهد مع فارس بعد ان كان فى نيته ان يجعل مؤمن شاهدا ولكنه تاخر عن الميعاد لظروف عمله

اسر ايه ياابونسب اتاخرت كده ليه

مؤمن معلش والله كان عندى شغل الف الف مبروك وربنا يجعلها فاتحة خير عليكم ان شاء الله

ثم يتجه بنظره للبحث عن نور فيجدها تحمل اسر ابن شهد وتقوم بهدهدته والضحك معه

مؤمن حبيبي بيلعب مع اسر الصغير

نور حبيبي حمد الله على السلامة شفت يامؤمن اسر امور ازاى

مؤمن فعلا هو امور اوى ربنا يحميه يارب بقولك ايه انا عاوزك تتجدعنى عاوزك

تمليلي الفيلا ولاد انا عاوزك تخلفى دسته

نور دسته يالهوى حرام عليك وانا اربيهم ازاى دول

مؤمن ملك يش دعوة خلفيلي انتى بس وانا حجيبلك مربيه تربي الولاد

نور حبيبي ربنا يقدرنى يارب واحققلك كل اللى نفسك فيه

مؤمن ان شاء الله ياحبيبتي طول مااحنا مع بعض حنحقق كل اللى نفسنا فيه

الفرح ه تملاء المكان والجميع سعداء وهم يرون الاقبال الشديد من الجمهور على المكان نعم فان للنجاح نكهه لا يعرف طعمها الاكل مجد ومخلص فى عمله

ولكل مجتهد نصيب

بعد انتهاء الحفل ووجود العاملين فقط فى المكان يدخل اسر المكتب ويطلب من سعيد فقط وحده ان يدخل معه

تعالى ياسعيد اقعد

سعيد خير يااستاذ اسر

اسر اولا بقى كلمة استاذ اسر دى بتعصبنى اسمى اسر اسر بس عيب انت اخو مراتى ياراجل ياطيب

سعيد لا يااستاذ اسر المقامات محفوظه انا مقدرش اقولك كده اسمك من غير القاب

اسر سعيد الله يخليك متتعبش قلبي طب بص ممكن تقوللى ياابوتولين اوابو سيلين ايه رايك وممكن تقوللى ياابو نسب كمان

سعيد ههههههه ماشي ياابو نسب

اسر سعيد خد امضي على العقد ده

 سعيد عقد عقد ايه ده كمان

اسر ده عقد شقه تمليك باسمك قريبه من الفيلا عشان تبقى عايش جمبنا وحياة وانتوا تقدروا تزوروا بعض بسهوله

سعيد لا لا كده كتير اوى لا انا مش موافق

اسر ايه الكلام ده ياسعيد

سعيد بص يااستاذ اسر انا وافقت على انى اكون شريككم لكن شقه فى مكان زى ده تمنها غالي اوى ازاى اقبلها كده من غير ماادفع تمنها لاانامش موافق طبعا

اسر طب ممكن تسمعنى من غير متعصب نفسك

سعيد انت غلاوتك عندنا كلنا ملهاش حدود انا لو قلتلك ان والله العظيم غلاوتك من غلاوة فارس حتصدق واللا لاء

سعيد بس ده مش مبرر عشان

اسر عشان ايه عشان اهديك شقه

وفيها ايه ياسعيد ده النبي قبل الهديه

سعيد انت لو رفضت الشقه دى حعرف انى مليش غلاوة عندك

سعيد انت اخويا وحتبقى خال ولادى ومقامك غالى اوى فوق مايتخيل عقلك انت حتعيش جمبنا فاهم انا مبقلش تيجى تعيش معانا فى الفيلا عشان ترفض انت حتعيش فى شقه زى اللى انت عايش فيها بالظبط متفرقش عنها حاجه كل الحكايه بس انها حتكون اقربلنا من اللى انت فيها عشان الست حياة تقدر تروحلكم باستمرار وبسهوله

 عشان انا عارفها متقدرش على بعدك دى مش بعيد تقوم فى وسط الليل ټعيط وتقوللى ودينى عند اخويا

وبعدين هى دلوقتى بتروح تبات عندكم براحتها لكن انا بصراحه نفسي لما نتجوز لا تبات عندك ولا عند مامتها اتا مش حاببها تبعد عنى ابدا يبقى على الاقل لما تكون جمبنا ممكن تسهر معاكم طول الليل بس فى الاخر اول ماتنزل الشارع حتبقى قدام الفيلا دى ممكن ياراجل تروحلكم بالبجامه

سعيد ههههههه وانا كل اللى يهمنى سعادة اختى خلاص لو الموضوع كده يبقى ادفع تمنها ان شالله بالتقسيط لان لو علية كنت بعت الشقه اللى احنا فيها بس دى هدية المستشار ومقدرش افرط فيها ابدا

اسر ومين قال بس تفرط فى الشقه دى حتكون شقة محمد ان شاء الله

سعيد خلاص يبقى اللى اوله شرط اخره نور اخد الشقه بس ادفع تمنها غير كده لاء

اسر خلاص ماشي يا سعيد امضى على العقد وابقى ادفعلى تمنها بالتقسيط ياسيدي تمام كده

سعيد ياخذ القلم ويوقع على الشقه

يقوم اسر من مكانه ويحتضن سعيد انا مهما قلتلك انت ايه ومكانتك فين بالنسبه لنا عمرى ماحقدر اوفيلك حقك

سعيد اختى اهم حاجه عندى فى الدنيا دى كلها عندى اختى ياابوتولين تشيلها فى عنيك عاوز اشوفها دايما فرح انه

وسعيده ده كل اللى بتمناه وانا نش عاوز اكتر من كده

اسر اطمن ياسعيد اختك فى عنيه دى حبيبة قلبي

سعيد ربنا يهنيكم واشيل ولادكم يارب

اسر يارب ياسعيد يارب

بينما كانت شيرين فى الخارج تتجول بين الاقسام هى وملك

ملك بت ياشيرين هو انا شكلى يضحك

شيرين ليه ياقلبي بتقولى كده

ملك أصلي شفت بنت من اللى واقفين بيبيعوا بتبصلى وبتضحك

شيرين نعم قوليلي هى مين وانا اروح اجيبها من شعرها

ده انتى قمر ياملوكه

ملك لا لاخلاص قلبك ابيض هى بس تلاقيها غيرانه منى عشان انا احلى منها

شيرين طبعا احلى وحتبقى احلى كمان لما تتحجبي حتحسي ان فى نور طالع من وشك

ملك بت ياشيرين هو انتى وجوزك ناويين تتوبوا الشعب كله واللا ايه

بس بصراحه هو كان ليه فضل كبير فى ان فارس يتلم ويحترم نفسه فضل يديله دروس فى الاخلاق لحد مااتربى

شيرين ايه ده انتى عرفتى

ملك اه طبعا فارس برغم ان فيه العبر بس مبيخبيش علية حاجه وقاللى كل اللى كان بيعمله هنا واللى انا متاكده منه ان اكيد البت اللى ضحكت علية دى اكيد الباشا كان مسمعها كلمتين حلوين وهى طبعا افتكرت انه مېت فى دباديبها وانه مش بعيد يطلقنى ويروح يتجوزها

شيرين ايه الكلام الاهبل ده

ملك ياحبيبتى والله هى صعبانه علية هى او اى بنت غيرها من البنات الهبل اللى بيصدقوا اى كلمه تتقاللهم من اى واحد فاضي ميعرفوش انهم بيضيعوا وقت مش اكتر

شيرين بقولك ايه متوهيش الكلام حتتحجبي امتى ياست هانم مش كفايه كده بقى واللا ايه يعنى

ملك حتحجب يازنانه ان شاء الله

شيرين ايوة كده ناس متجيش غير بالعين الحمرا

ملك ههههههه

فى اليوم التالي فى شقة المستشار

المستشار الف مبروك ياسعيد ربنا يتمم على خير يارب وعقبال علا واخواتها

سعيد الله يبارك فيك يا رب حضرتك والست الحاجه لازم تشرفونا بحضوركم ان شاء الله

المستشار اكيد طبعا ياسعيد دى حياة غاليه عندنا اوى و الحاجه نفسها تشوفها وهى عروسه

ومبروك ياسعيد على الشړاكه

سعيد والله مانا مصدق لحد دلوقتى خاېف اكون بحلم معقوله دى بعد ماكنت بواب ويادوب عايش فى اوضتين فوق السطوح وبعد كده بفضل ربنا ثم فضل حضرتك بقى عندى شقه ومحل ابقى فى لحظه وبين يوم وليله شريك فى سلسلة محلات كبيرة بالشكل ده لاء وكمان نتنقل ونسكن فى شقه فى عمارة ماكنتش احلم اصلا ابقى بواب فيها

ده كتير اوى والله حاجه ولا في الخيال

المستشار كل ده من تدبير ربنا ياسعيد احنا مجرد اسباب لكن كل اللى حصل ده كان حيحصل بينا من غيرنا ذان حيحصل لان ربك اذا اراد شيئا ان يقول له كن فيكون

وانت طول عمرك طيب وغلبان عشت بيننا سنين وكنت مثال للادب والأخلاق

وكفايه اللى انت عملته مع بنت غلبانه ملهاش حد فى الدنيا ولا كنت تعرفلها اصل ولا فصل لو اى حد مكانك عمره ماكان عمل اللى انت عملته ده

متفتكرش ان كل ده راح للاش اللى عند ربنا مبيروحش ياسعيد

سعيد ايوة ياسيادة المستشار بس مش معقوله ان حلجه بسيطه زى دى تكون هى السبب فى كل اللى انا فيه دلوقتى هو انا عملت ايه يعنى عشان كل ده

المستشار لا ياسعيد ربنا سبحانه وتعالى ليه حسابات غير حساباتنا احنا خالص يعنى ياسعيد الست اللى حبست القطه لحد ما ماټت مش دخلت الڼار والراجل اللى سقى الكلب مش دخل الجنه

ده ممكن اوى عمل صغير جدا تعمله وتنساه كمان مع مرور

يبقى هو السبب فى خير كتير يحصللنا بعد كده ويدخلنا الجنه بامر الله

بص ححكيلك قصه حصلت زمان باختصار كده كان فيه واحد زمان ايام خلافة الدوله الاسلاميه كان غلبان اوى وعايش هو وولاده يوم بيوم ومع ذلك كان بيتصدق باقل القليل

وفى يوم بعد ماباع السمك اللى اصطاده اشترى بتمنه رقاقتين عشان ولاده الجعانين اللى فى البيت وهو في طريقه للبيت شاف واحده ست عجوزة قاعده جمبها طفلين بيصرخوا من الجوع افتكر ولاده وان حالهم زى حال ولاده صعبوا عليه اداهم الرقاقتين وقعد فى الطريق مش عارف يعمل ايه ويتصرف ازاى ويرجع لولاده الجعانين ازاى من غير اكل بص لقى واحد بينادى عليه ويسأله هو انت فلان ابن فلان الراجل الغلبان قالله ايوة انا

الراجل قالله ياه ده انا بقالى زمان بدور عليك انا كنت اخدت من ابوك مبلغ من الدراهم من زمان عشان اتاجر فيه وسافرت واشتغلت ولما رجعت وسالت عن ابوك عشان اديله حقه

عرفت انه ماټ وانك انت ابنه وانا عازو اخلص ضميري من ربنا واديك نصيب ابوك واداله دنانير كتير اوى الراجل الغلبان مكنش مصدق كرم ربنا وبقى غنى وعايش في قصر ومع ذلك عمىره ماقصر فى حق ربنا وكان دايما يتصدق على الفقراء

 لحد مافى يوم وهو نايم حلم بيوم القيامه وانه واقف امام الميزان اللى حيتم وضع اعماله عليه هو طبعا كان متاكد من انه حيدخل الجنه طبعا ماهو عمره ماعمل حاجه تغصب ربنا بص شاف حسناته كومه صغيرة اوى وشاف سيئاته جبل عالى.

طبت كفة السيئات وقال خلاص انا داخل الڼار سمع الملايكه بتقول ان فى عمل صالح ليه عارف ياسعيد ايه العمل الصالح ده

هو الرقاقتين اللى اداهم للولاد الفقرا وقتها كفة الحسنات علت شويه بس لسه كفة السيئات هى اللى اكتر بكتير بعد كده حطوا على كفة الحسنات الدمعه اللى نزلت من عينين الاطفال الفقرا من فرح تهم وهما بياكلوا الرقاقتين فجاة علت كفة الحسنات وبقت اعلى بكتير اوى من كفة السيئات ودخل الجنه

يعنى اللى ډخله الجنه مش كل اعماله الصالحه اللى كان بيعملها لاء دى حاجه بسيطه اوى عملها ونساها مع السنين بس ربنا مبينساش ولا بيظلم واللى عنده مبيروحش ياسعيد

سعيد يااااه معقوله رقاقتين يدخلوا انسان الجنه

المستشار واقل من كده كمان ياسعيد

ربنا هو العالم بنية كل واحد فينا وهو بيطلع حاجه لله

سعيد ونعم بالله الحمد لله ربنا يارب يقدرنا على فعل كل مايحبه ويرضاه

 المستشار المهم دلوقتي ياسعيد انا