عبير سالم

عاوزك متنساش حق ربنا عليك ابدا انت ربنا رضاك وعطاك وزادك من نعمه زى مارنا كرمك اكرم زى ماعطاك اعطى خليك دايما عبد شكور

سعيد انا والله عمرى ماقصرت فى حق ربنا بصلي الفرض بفرضه وبحاول اتصدق باللى اقدر عليه بس ان شاء الله حعمل كل اللى يرضي ربنا

المستشار والاقربون اولى ياسعيد متنساش اهلك دول غلابه حاول دايما تراضيهم وتساعدهم ربنا يرضى عنك يارب

سعيد ماهو انا عملت كده والله انا بعت لاخويا فى البلد فلوس عشان يهد البيت ويبنيه من تانى لما قاللى ان البيت بقى قديم اوى

وكمان امى ربنا يديها الصحه يارب ان شاء الله بعد ماافرح بحياة حاخدها وحنروح عمرة ان شاء الله

وربنا يقدرني واعوصها عن سنين الشقا

المستشار انا عارف والله ياسعيد انت اصيل وفيك الخير بس احنا لازم نذكر بعض دايما وربنا يكرمك يارب ياسعيد

لقد جاء اليوم الذى ستتوج فيه سعادة الجميع ويكلل حبهم ويتوج بالزواج السعيد

نعم انه اليوم المنتظر يوم زواج وعقد قران الاحبه نور ومؤمن واسر وحياة

تعم الفرح ه وتنتشر فى قلوب الجميع

الكل فرح وسعيد بهذه المناسبه السعيده فهذا اليوم يحمل الامل والتفاؤل فى حياة مليئه بالحب تجمع العشاق وتحملهم لما تتمناه قلوبهم وحلمت به

فى الصباح وقبل مغادرة حياة بيت امها ومجئ اسر اليها لاصطحابها الى الاوتيل

عفاف  وهو تحتضن ابنتها ودموع الفرح تملاء وجهها ياحبيبتى ياحياتى انا النهارده الدنيا مش سيعانى من الفرح ه انى حشوفك وانتى عروسه وايدك فى ايد عريسك ربنا يهنيكى ياحبيبتى ويكتبلك السعاده من عنده يارب

حياة عاوزاكى تخللى بالك من نفسك ومن جوزك تحطيه فى عنيكى واهل جوزك هما اهلك ياحبيتى على اد ماحتحبيهم هما حيحبوكى وعلى اد ما حتكونى كريم ه معاهم هما حيكونوا اكرم منك

تولين وسيلين ياحبيبتى تخللى بالك منهم وتراعيهم وتاخديهم فى حضنك دول غلابه من غير ام وهما بيحبوكى وبيقولوليك ماما والكلمه دى غاليه اوى يابنتى ويوم ما ربنا يكرمك ويعوض عليكى اوعى تفرقى بينهم بالعكس تديهم قبل ماتدى ابنك انتى فاهمانى ياحبيبتى امانه عليكى ياحياة يابنتى تخللى بالك منهم كويس

حياة حاضر يا ماما متقلقيش حعمل كل اللى بتقوليلي عليه

ثم ټحتضنها ربنا يخليكى لية ياست الحبايب

يسر وسع وسع انا النهارده اخت العروسه

اختى بقت عروسه ياناس والنهارده حفرح بيها

تحتضن حباة بكل حب الف الف مبروك ياحبيبتى ربنا يجعلك من السعداء يارب

حياة ياحبيبتى يايسر ربنا يخليكى لية وتفرح ى بمصطفى يارب

يسلم عليها مالك ويقدم لها التهنئه

ثم يتقدم مصطفى وياخذها فى حضنه بنتى حبيبتى الف الف مبروك انا النهارده الدنيا مش سيعانى من الفرح ه وانا بشوف بنتى حبيبتى عروسه

حياة صحيح انتى الليلادى حتباتى فى بيت جوزك بس البيت ده حيفضل بيتك ياحبيتى انتى فاهمه

حياة ربنا يخليك ليا يا بابا يارب

تتقدم خديجه وزوجها ومحمود وهنا الذين جاءوا جميعا لحضور فرح حياة وتقديم التهنئه لهم

وټحتضنها ايضا علا وتقدم لها التهنئه وهى تبمى والدموع تملاء وجهها

حياة طب لزمتها ايه الدموع دى دلوقتي

علا فرح انه ياحبيبتى مش مصدقه عنيه انى حشوفك بتتزفى للى قلبك اتمناه ربنا يهنيكى ياست البنات

حياة ياحبيبة قلبي ياعلا ربنا بخليكى لية يارب

وعقبال ماتفرح ى بالولاد يارب

علا انا مهما شكرتك على كل اللى عملتيه معايا مش حوفيلك حقك

علا هو فى اخت تشكر اختها بردو ياحياة المهم عندى اشوفك متهنيه وسعيده ياحبيبتى يارب

تذهب سعيد ناحية من يقف بعيدا عن الجميع ياخذ جانبا وحده لا ينظر لاحد فقط يقف فى مكان بعيد لا يريد ان يرى احدا دموعه

ترتمى حياة فى احضانه حبيبي مش عاوز يقوللى مبروك

يعيد وهو يمسح دموعه ويقبلها من جبهتها الف مليون مبروك ياغاليه ياحبيبة قلب اخوكى

النهارده انا اسعد انسان فى الدنيا كلها يا حبيبتى الدنيا كلها مش سيعانى من الفرح ه ياااه حشوفك بفستان الفرح وماسكه فى ايد عريسك الف حمد وشكر ليك يارب

حياة حبيبي ربنا يخليك لية ميحرمنيش منك يارب

سعيد حياة انا اخوكى وحفضل اخوكى لاخر يوم فى عمرى انتى فاهمه

حياة وهى تقبل يده ربنا يخليك لية يااخويا ياحبيبي يارب

لحظات صادقه ودموع تنهمر على وجه كل منهما علاقه خاصه الفت بين قلوب اثنين حياة وسعيد انه حب من نوع خاص

نعم فهم حبيب وحبيبه لانقصد المعنى الدارج لكلمة حبيبين بل هو حب اخوى من نوع خاص حب اخ لاخته وحب اخت لاخيها جمع بينهما القدر والف بين قلوبهم

لحظات صمت تجمع بينهما لا يقال فيها كلام بل القلوب هى من تتكلم وتبيح عما بداخلها

سعيد خياة انتى مش بس اختى انتى بنتى

بنتى البكريه اول فرح تى زى مابيقولوا عاوزك توعدينى انك تكونى سعيده وتسعدى جوزك الطيب المحترم تكونى سنده وحبيبته واخته وامه وكل دنيته

وتوعدينى انك متقصريش فى دراستك انا بحلم باليوم اللى اشوفك فيه الدكتورة حياة

حياة حاضر يا اخويا ياحبيبي

تنزل شهد من على السلم وهى تحمل فستان حياة على يديها وتطلق الزغاريد

ياللا ياحبيبتى اسر جه عالباب

حباة وهى تمسح دموعها مع السلامة يا جماعه

تطلق شهد وخديجه والخادمه الزغاريد العاليه

بينما يدخل اسر ويسلم على الجميع وياخذ حياة فى يديه ويخرج

ويلتفت لذلك الواقف ثم يحتضنه هو الاخر حياة فى عنيه ياسعيد متقلقش عليها

سعيد خلاص ياابونسب هى من دلوقتى بقت خلاص امانتك ربنا يهنيكم ويسعدكم يارب

يخرجون الى السيارة والجميع يدعو لهم بالسعاده

تقف مصممة الديكور ومعها كل العاملين لاعداد القاعه التى يتم فيها الاحتفال بهذه الليله السعيده يعملون بكل همه ونشاط فهى من اكبر القاعات لتتسع كل من يحمل الحب والرغبه فى تهنئة العروسين اسر وحياة والعروسين مؤمن ونور

اسماء العروسين على الكئوس صورهم تملاء المكان

 بينما كانت نور وحياة فى الاعلى ومعهم فرقه كامله من الميكب ارتيست لاعدادهم لتلك الليله وكان يصطحبهم ملك وشيرين وشهد ويسر ومعهم العصافير تولين وسيلين

انتهى الفصل النهارده وان شاء الله معادنا مع الفرح الفصل الجاى ولو انى بصراحه زعلانه منهم وواخده على خاطرى

يرضيكم ميعزمونيش عالفرح طب اسر والست حياة اكلت عقله

لكن حياة متقلش اعزم حبيبتى عبير اللى تعبت وشقت معانا لحد ماشافتنا مع بعض

بس انا بردو عندى امل ان حياة تفتكر وتعزمنى واخد معايا محمد وادهم وريماس ونروح نهيص لهم شويه

وانا بردو مش حقصر معاهم وحعملهم ليله حلوة ان شاء الله

وربنا يقدرنا على فعل الخير

كان اسر فى حجرة نومه التى كانت تجمعه بجنى فقد اراد ان يستلقى فيها على ظهره ساعتين قبل البدء فى الاستعداد لهذا اليوم كان يريد توديع هذه الغرفه التى طالما جمعته بحبيبته وعشقه الأول جنى اول حب فى حياته اول من دق لهما قلبه اول من وهبته الحياة ومتعته باجمل احساس فى الدنيا إحساس الأبوة

نظر الى صورة جنى ثم أغمض عينيه ليذهب فى سبات عميق وينعم باحلامه الورديه

يجدها امامه مرتديه ثوبا جميلا به ورود جميله تنبعث منها رائحه عطرة وجدها تنظر اليه وهى ضاحكة الوجه كما اعتاد منها على ذلك كانت جميله كالقمر وكانها ليلة زفافها

 اسر جنى حبيبتى انتى هنا انتى جيتى امتى

جنى حبيبي انا طول الوقت جمبك وعمرى مابعدت عنك ابدا

اسر وانتى عمرك ماخرجتى من قلبي ياجنى يااول حب في حياتى

جنى وهى تمسح على وجهه بيديها الناعمتين مبسوط ياحبيبي

اسر مبسوط اوى ياحبيبتى

جنى انتى زعلانه منى

جنى انا ازعل منك ده انت روحى يااسر فى حد يزعل من روحه

اسر بس انا حتجوز الليله دى وحتجوز واحده حبتها وعشقتها وممكن مقدرش اسيبها وادخل الاوضه دى تانى عشان متزعلش منى

جنى وهو انا لماكنت معاك مش كنت بتحبنى وبتعشقنى وعمرك مابعدت عنى ولا عن حضنى

اسر انا وانا معاك كنت اسعد انسانه فى الدنياكلها وعمر مافى واحده شاركتنى فيك ودلوقتى جه الوقت اللي لازم تعيش وانت متهنى وفرح ان ولازم تسعدها زى مااسعدتنى

اسر يعنى مش زعلانه منى

جنى انا حكون زعلانه منك لو انت قصرت معاها ومقدرتش تسعدها زى مااسعدتنى

خللى بالك من نفسك يااسر خللى بالك من بناتي ياحبيبي

تمشي جنى بينما كان اسر ينادى عليها جنى استنى ياجنى يقوم من نومه وهو يناجى عليها جنى جنى

يفيق من نومه فيدرك انه كان يحلم

ولكنه يفرح ويرتاح عندما يتذكر الحلم الذى حلمه ومااستشعره من رضا جنى وعدم حزنهايجد من يفتح عليه باب الغرفه

ايه ياعريس انت نايم هنا والدنيا مقلوبه تحت

اسر مقلوبه ليه فى حاجه حصلت

فارس يعنى تفتكر فرح ك النهارده واخوك فارس حسيب اليوم يعدى كده ده حتى يبقى عيب فى حقى ياراجل انا جايبلك فرقة حسب الله تحت

اسر فرقة ايه يامجنون انت

فارس ياللا باعم عاوزين نحموك ونليفوك ونوضبوك دى الليله ليلتك يامعلم بس بقولك ايه عاوزك ترفع راسك اخوك الليله دى عاوزك تبقى اسد كده اه

اسر وهو يقذفه بالمخده امشي ياجذمه

فارس طب انجز ياللا احنا عندنا شغل

اسر مؤمن جه

فارس اهو متلقح تحت هو كمان

اسر مالك يازفت بتتكلم كده ليه عن مؤمن

فارس مش عارف مش مرتاحله سهتان كده فى نفسه انا خاېف ليكون ملوش فى الليله تبقى خيبه

اسر ولا احترم نفسك هو انت على طول كده تفكيرك شمال وبعدين يافالح مش ده صاحبك حبيبك اللى انت جبته وقلت على ضمانتى

فارس لا ياعم انا مليش دعوة انا قلت ضامنه اه بس من ناحية الأخلاق لكن انا مكشفتش عليه اه انا مش مغسل وضامن جنه ربنا يستر عليكى يانور يااختى يارب

اسر يابنى احترم نفسكشويه انت ايه مفيش فى دماغك غير الحاجات دى

فارس وهو فى احلى من الحاجات دى يااسور

اسر طب يالاا انزل حصلي العصر وانزلكم

فارس تمام يامعلم والليله ليلتك يامعلم

فى الاوتيل

شيرين وهى تتحدث للميكب ارتيست لو سمحتى ممكن تغيري لون الروج

الميكب لو سمحتى ممكن تهدى شويه انا شايفاكى حامل وتعبانه ومش هاين عليكى تقعدى رايحه جايه عماله تدى فى اوامر انا والله عارفه شغلى كويس شوفى اختك دى قاعده ازاى فى مكانها منطقتش

شيرين هى بمنظرها ده حتقدر تفتح بؤها اصلا ده احنا خايفين تولدلنا فى الفرح ربنا يستر وبعدين دول اخواتى وانا عاوزاهم يبقوا الليله دى قنبله

الميكب والله حيبقوا زى القمر واديكى شايفه احتا شغالين من الصبح اهدى بقى

فجاة تقف حياة يانهار ابيض ده انا نسيت حاجه مهمه اوى

ملك نسيتى ايه ياحياة

حياة نسيت اعزم عبير سليم

يسر مين عبير سليم دى ياحياة

حياة ياخبر عليكى عبير دى حبيبتى ولولاها مكنتش حعرف اسر ولا احبه ولا اتجوزه انا لازم اعزمها حالا

طلعتى اصيله والله ياحياة وانا اللى قلت انك نسيتينى طبعا مانتى تربية سعيد

المهم بقى يارب التليفون يرن احسن الشبكه عندى علطول واقعه كنت فين انا بقى يابنات كنت محمرة بطاطس وقاعده باكلها انا والولاد اصلي مكدبش عليكم رجعت من المدرسه هلكانه ومش قادرة اعمل اكل قلت امشيها كفته وبطاطس محمرة

وانا فى ايدي البطاطسايه لقيت الواد محمد ابنى بيقوللي ماما ياماما

انا ايوة ياميدو اكلت السندويتش ياحبيبي

محمد فى رقم غريب بيرن عليكى ياماما

انا هاته ياحبيبى اما اشوف مين الو ايوة مين معايا

حياة ازيك ياحبيبتى عامله ايه

انا الحمد لله والله مين معايا

حياة معقوله مش عارفه صوتى انا حياة ياحبيبتى بطلة حياة اسر ت قلبي

انا حياة مش معقول ايه المفاجاة الحلوة دى بس ياحبيبتى مش النهارده فرح ك خير اوعى يكون اسر زعلك فى حاجه وانا بحمر البطاطس ومااخدتش بالى

حياة لا ياحبيبتى اطمنى ده بيلبس دلوقتى بس بقولك ايه انا عاوزاكى تجيبي ولادك وكل الناس اللى بتحبيهم وهما بيحبونى عاوزاكم كلكم تبقوا حوالية الليله نفسي احس بفرح ة كل الناس اللى بتحبنى لية انا واسر

انا طبعا ماصدقت مانتوا عارفين انى كنت حموت عشان اروح الفرح

انا بس كده وانا حاجى لاغلى منك ياحبيبتى بس انتى حبايبك كتير اوى ياحياة بصي انا حكتبلهم على الصفحه واللى

عاوز ييجى يبجى بس متزعليش بقى من اللى مش حيقدر ييجى احنا جمب بعض فى اسكندريه لكن فى ناس بتابعنا من اماكن كتير

حياة خلاص ياحبيبتى ولا يهمك انتى بس بلغيهم وعرفيهم

حسيبك بقى عشان اكمل لبسي ومكياجى

انا روحى ياقلبي خللى شيرين تفضل واقفه على دماغ الميكب ارتيست اه انا عاوزاكى النهارده تبقى قمر

حياة ماااكيد حتعمللى اللى انتى عاوزاه مش انتى عارفه شكلى كويس

انا والله ياحبيبتى انا لا اعرف شكلك ولاعمرى شفتك انا بس راسمالك صورة فى خيالى بس انا متاكده انك حتكونى احلى من الصورة دى كمان ووالله بحبك كده لله فى لله

حياة وانا كمان بحبك اوى

انا . طيب ياللا روحى احسن الوقت بيجرى بسرعه وانا حجهز واجيلك حالاوطبعا بعد ما قفلت معاها ناديت على الولاد يامحمد ياريماس ياادهم

ريماس ايوة ياماما

انا ياللا ياولاد عشان نلحق نلبس عشان الليله احنا معزومين فى فرح حياة

محمد حياة اللى بتحب اسر ياماما

انا ايوة ياحبيبي هيه

محمد بس دى روايه ياماما

انا مااحنا حندخل جوة الروايه ياحبيبي ونفرح يوم من نفسنا

 محمد طب وبابا مش حنقلله ييجى معانا

انا لاء بابا ايه بس ياحبيبي بقولك عاوزين نفرح

قصدى يعنى ياحبيبي انت عارف باباك ملوش فى جو الافراح ده خليه هو قاعد هنا وانا حاخدك انت واخواتك ونطلب اوبر ونروح

اه صحيح عاوزة الاول اكتبلكم ياحبايبي عشان اللى عاوز ييجى الفرح ده فرح حياة ياولاد ربنا يهنيكى يارب ياحياة ويهدى سرك ياحبيبتى يارب

يمر اليوم سريعا ويبدأ الجميع فى الاستعداد للانتهاء من اللبس والذهاب الى القاعه

فى منزل مصطفى

هنا ايه رايك ياحبيبي الفستان حلو علية

محمود قمر ياحبيبتى

هنا حبيبي ر بنا يخليك لية يارب

يجدون طرقا على الباب

يفتح محمود تعالى ياماما

خديجه تعالى ياهنا ظبطيلي الطرحه مش عارفه اعملها يابنتى

هنا حاضر يا ماما

خديجة يحضرلك الخير يارب ويكملك على خير ياحبيبتي يارب

بينما فى الاسفل كانت عفاف  ترتدى فستانها ومصطفى يرتدى يرتدى بدلته الانيقه

مصطفى القمر بتاعى عيغطى على العرايس الليلادى عفاف  دى عنيك هى اللى حلوة ياحبيبي

مصطفى حبيبتى انتى أجمل ست شافتها عنيه

عفاف  حبيبي منحرمش منك يارب

 هو مالك حيروح من هناك مع اسر وفارس

مصطفى ايوة مالك وفريد جوز شهد معاهم من الضهر وحيروحوا كلهم من هناك

عفاف  ياحبايبي ربنا يحميهم لشبابهم يارب

بينما كانت وفاء ام مؤمن جالسه فى منزلها باكية دامعة العينين

وكانت تحدث نفسها ياااه ياولادى جبتوا قساوة القلب دى منين معقوله متجوش تباركوا لاخوكم