عبير سالم
وتقفوا معاه في يوم زى ده ياحبيبي يابنى عينى عليك ياضناياليه بس ياربي ليه ده انا مربياهم كلهم زى بعض تربيه واحده معقوله يهون عليهم مؤمن اخوهم يبجى فرح ه وميحضروش ولا حتى يتصلوا اتصال واحد يباركوا ويعتذروا
طب ابوه وانا رميت طوبته من زمان لكن اخواته كمان يارب عوضه عنهم خير يارب يارب انت عارف انه طول عمره حنين وغلبان بس ملوش بخت مع ابوه ولا اخواته اقف جمبه وانصره يارب
فجاة تجد تليفونا ازيك يامدام عايده
عايده حبيبة قلبي العربيه جايالك فى الطريق عشان تيجى عندنا
وفاء لا ياحبيبتى انا حلبس واروح من عندى
عايده لا وربنا مايحصل احنا حنروح مع بعض من هنا وبعدين الواد فارس جايب زفه جميله لاسر ومؤمن واللا انتى مش عاوزة تشوفى مؤمن وهو بيتزف
وفاء ياااه ده يوم المنى ده هو ده اليوم اللي كنت بتمناه طول عمرى
عايده خلاص يبقى تجهزى والسواق جايلك فى الطريق
وفاء حاضر يا حبيبتى
غرفة سعيد وعلا
علا ياللا انزلى ياعلا انتى وشهد اختك على ماالبس انا كمان ياحبيبتى
علا حاضر ياماما
سعيد ايه رايك ياعلا تمام كده البدله مظبوطه علية
علا الله اكبر عليك يا قلبي ماشاءالله تبارك الله
والله اللى يشوفك كده يقول انك انت العريس
سعيد ههههههه حبيبة قلبي يالوله
علا لا يااخويا انا خاېفه عليك من العين بقولك ايه ياابوعلا اوعى واحده تبصلك كده واللا كده
سعيد ههههههه واحده تبصللى ايه بس ياعلا
علا ايوة ياحبيبي ده فيه بنات وستات يدبوا فى عينهم ړصاصه وانت الله اكبر عليك ربنا يحميك لشبابك يارب
سعيد وهو يمسكها من يديها وانتى كمان حلوة اوى ياعلا بسم الله ماشاء الله عليكى انا اوقات كتير بحسد نفسي عليكى وانك انتى مراتى
علا يالهوى ياسعيد ده انا اللى بحسد نفسي عليك ده انت روحى يانور العين ربنا يخليك لينا يارب وتفرح بعلا واخواتها ياحبيبي
يلتفت سعيد لمن يشده من ملابسه
سعيد حبيب بابا ياناس عقبال ماافرح بيك انت واخواتك ياحبيبي
علا سعيد ايه رايك فستانى حلو
سعيد حلو ده حلو لدرجة انى خاېف عليكى الليلادى من العين يانور العين
علا يالهوى يالهوي عالكلام اللى انا مقدرش عليه ده
يذهب الجميع الى القاعه التى تمتلئ بالناس والاهل والأصحاب وكل من يريدون تقديم التهنئه للعرسان
يصعد فارس وسعيد واسر ومؤمن ومازن وفريد ليصطحبا العرايس وزوجاتهم الى التصوير
يدقون على الباب فتفتح لهم احدى خبيرات التجميل
اهلا ياجماعه الف مبروك اتفضلوا
كانوا جميعهم على اتم الاستعداد
ينظر اسر ومؤمن ومالك وفارس وهم مندهشون
شيرين ايه رايكم فى المفاجأة الحلوة دى
مازن احلى مفاجاة يامراتى ياحبيبتى انا بفكر نفتح قناه دينيه وانا وانتى نديرها
شيرين ههههههههه
سعيد بسم الله ماشاء الله تبارك الله احسن الخالقين ايه الجمال ده كله يا قلب اخوكى
الحجاب منور على وشك ياحبيبة قلبي
حياة الله يبارك فيك يا قلب اختك ربنا يخليك ليا يا رب
انا حلوة يا اخويا
سعيد زى البدر المنور فى ليلة تمامه
كان اسر يقبل نور ويبارك لها على الحجاب ثم يقف ليترك المجال لسعيد مع اخته
سعيد تعالى يااسر واقف عندك ليه ياحبيبي
اسر وهو يقبل جبينها الف مبروك ياحبيبتى بس ايه المفاجاة الحلوه دي
حياة وهى فى قمة خجلها الله يبارك فيك يا حبيبي
شيرين اى خدمه ياعم عدوا الجمايل بقى
اسر ههههههه بركاتك ياشيخه شيرين
يمسك اسر من يديها ويقف بجوارها
بينما كان فارس يقبل اخته نور ويبارك لها الف مليون مبروك يا حبيبتى
نور الله يبارك فيك يا قلبي
فارس البيت حيبقى وحش اوى من غيرك يا ست البنات
نور خلاص يا حبيبي النونو حييجى ان شاء الله وحيملى عليكم حياتكم
فارس خللى بالك من نفسك يا قلبي وعاوزك تخللى بالك من جوزك يا حبيبتى
مع ان قلبي مش مطمن ربنا يستر بقى
نور خير يا فارس هو فيه حاجه
فارس لاء هو احنا مش حنعرف دلوقتى اذا كان فيه واللا لاء لسه كل شئ حينكشف ويبان
نور فارس هو في حاجه قلقتنى
فارس هههههه بهزر معاكى ياقلبي متقلقيش ان شاء الله ربنا حيستر
ثم يلتفت لمؤمن ماتتفضل معانا ياعريس واللا انت مش واخد بالك من عروستك
يقبل مؤمن ويقبل جبين نور الف مبروك ياحبيبتى والف مبروك على الحجاب
نور عجبتك المفاجاه ياحبيبي
مؤمن طبعا ياحبيبتى احلى مفاجأه فى الدنيا
فارس وهو يتوجه بالحديث لملك ايه ياباشا الحلاوة دى كلها
ملك ايه رايك فية فى الحجاب
فارس قمر وربنا قمر ربنا يثبتكم كلكم يارب
شيرين ايوة كده عى دى الدعوة الحلوة
واخيرا ياتى دور يسر
مالك اخر حاجه كنت اتوقعها انك تتححبي يايسر
يسر ليه ان شاء الله هو انا كنت ابو لهب
مالك ههههههه لا ياقلبي مقصد والله بس انا كلمتك كذا مرة وانتى كل مرة كنتى بتهربي وتقوليلي بعدين بعدين
يسر اصل بصراحه
شيرين اقنعتنى وكمان لقيت اختى حتتحجب قلت مش معقوله اختى تتحجب وانا لاء
فارس وانتوا بقى اتفقتوا مع بعض على كل ده امتى
شيرين من فترة بس قلنا نعملهالكم مفاجأة
سعيد احلى مفاجاة والله
اسر وهو يقبل بناته ايه الجمال ده كله ياحبايب بابي
تولين وسيلين حلوين يابابي
اسر طبعا ياحبايب قلب بابي
سعيد ياللا بقى ياولاد عشان تتصوروا الناس كلها مستينه تحت
بعد الانتهاء من التصوير
ينزل اسر وفى يديه حياة
وينزل مؤمن وفى يديه نور
بينما كان فارس يحتضن ملك ومالك يحتضن يسر وفريد يحتضن شهد
يغلق باب القاعه وتبدا الزفه للعرسان الكل يخرج من داخل القاعه ليشاهدوا هذه الزفه المنتطرة
يصفق الجميع والزغاريد تعلو كل مكان والكل يقبل على العرسان ليهنئهم
وبعد انتهاء الزفه يدخل الجميع القاعه ويغلق الباب مرة اخرى وتطفا كل انوار القاعه استعدادا لدخول العرسان
يفتح الباب ويدخل العرسان على الانغام الموسيقيه الجميله والاطفال الصغار تولين وسيلين وعلا يمسكون لهم الشموع
ويسيرون امامهم
يدخلون القاعه وتضاء الانوار ويصفق لهم الجميع وتبدا فقرات الحفل الجميله
ويبدا الحفل برقصه خاصه للعرسان فيتقدم على البيست اسر وحياة ومؤمن ونور
اسر انا مش مصدق انك بين ايديا انا خاېف اكون بحلم
حياة طب وافرض كان حلم
اسر يبقى اجمل حلم حلمته فى حياتى
حياة مبسوط يا اسر
اسر انا مبسوط وفرح ان اوى ياحياة من اول مرة شفتك فيها وانا اتشديت ليكى حاجه قالتلي انك حتكونى لية والحمد لله
حياة وانا كمان يااسر من اول مرة شفتك وانا اتشديتلك اوى بس انت بالنسبه لى كنت حلم بعيد صعب انه يتحقق
اسر خلاص ياحبيبتى الحلم بقى اجمل حقيقه فى الدنيا كلها
بينما على الجانب الاخر
مؤمن فرح انه يانور
نور اوى اوى يامؤمن
مؤمن ربنا يقدرنى واسعدك ياحبيبتى
نور بس انا شايفه فى عينك نظرة حزن ممكن اعرف سببها
مؤمن كان عندى امل ان حد من اخواتى ييجى الفرح بس الظاهر انهم خلاص خرجونى من حساباتهم
نور وهو انا مش كفايه عليك ياحبيبي انا حكون كل اهلك يامؤمن وربنا يقدرنى واكون مراتك واختك وحبيبتك وكل دنيتك
مؤمن انتى فعلا كل دنيتى يانور ربنا يخليكى ليا يا حبيبتي يارب
تقف الموسيقى ويعلن الميكروفون عن وصول الماذون للقاعه
ياخذ فهمى الماذون ويجلس به على احدى الطاولات التى قد تم حجزها مخصوصا للحظة كتب الكتاب
يجلس سعيد ومصطفى وحياة واسر ويجلس مؤمن وفارس
ومالك وفريد
فهمى حنكتب كتب كتاب اسر وحياة الاول
مصطفى ياللا ياسعيد عشان تحط ايدك فى ايد اسر
سعيد لا طبعا محدش حيحط ايده فى ايد اسر غيرك انت ابوها
مصطفى وانت الاخ اللى ربى وكبر والله ماحد حيجوز حياة غيرك
سعيد لا مينفعش يادكتور
فارس خلصونا ياجماعه احط انا ايدي فى ايده حتضيعولنا الليله انجز ياعم سعيد الله يخليك
يمد اسر يده لسعيد ليضع عليها الماذون المنديل وامامه الميكريفون ليعلن عن مراسم عقد قران اسر وحياة
ثم ياتى دور مؤمن ونور
يمد فهمى يده لمؤمن ليعقد قرانه على ابنته نور
تعلو الزغاريد فى القاعه ويتم التوقيع على الزواج والدعاء لهما بان يبارك الله لهم جميعا
يتم استكمال الفرح والان يصعد الجميع على البيست للرقص الهادئ
حيث تم اعلان ان كل كابل يصعدون للرقص مع العرسان
ياخذ مالك يسر للرقص وفارس ياخذ ملك ومازن ياخذ شيرين ياخذ فريد شهد ويأخذ محمود هنا واخذ يسري فرح
الكل يتراقص معهم على الاغانى الهادئه الجميله
يذهب سعيد لعلا ويمد يده لها تسمحيلي
علا هههههه يالهوى لاء انكسف انا مبعرفش
سعيد وهو انا يعنى لللى بعرف ادينا حنعمل زى مابيعملوا وخلاص ياللا بقى قبل الرقصه ماتخلص
يصعدون بجوارهم ليرقصوا مثل الجميع
فارس اهلا بالعم الشيخ منورنا والله بس هو انت بتعرف ترقص زينا
مازن ههههههه حبيبي انا نفيش حاجه معرفهاش بس لكل مقام مقال
شيرين واد يافارس ملك ش دعوة بجوزى حبيبي
بعد انتهاء الرقصه يذهب الجميع لالتقاط الصور مع العرسان
لحظه بقى ياجماعه انا وصلت انا وولادى حتقولولى اتاخرتى ليه حقولكم معلش بقى كنت بتحايل على جوزى عشان يوافق اصله ياعينى عنده عقده من الروايات ومكنش مقتنع انى اروح بس طبعا بعد ماخليت الولاد فضلوا يزنوا ويعيطوا قاللى روحوا بالسلامه ويارب تتوهوا ومتعرفوش ترجعوا
بس مرضاش يخلينى اخد ادهم قاللى سيبيلى الولد الصغير بينى وبينكم كده احسن عشان متلخمش بيه
انا تعالوا ياحبايبي ايه ده ده انا شايفه كتير اوى من القراء نجلاء وامال وتهانى وايمان وايه وبسمله وشهد وملك ونور وكتير اوى يااه ياميدو مكنتش اعرف ان كل دول بيحبوا حياة اوى كده
اروح بقى ابارك لحياة
حياة عبير حبيبتى حمد الله على السلامة اتاخرتى كده ليه
انا معلش حبيبتى والله كنت بطمن انكم خلصتوا الاول لبس وتصوير
حياة اسر يااسر
اسر نعم ياحبيبتى
حياة عاوزة اعرفك على حبيبة قلبي الكاتبه عبير سليم
اسر وهو يمد لى يده اهلا وسهلا يااستاذه عبير
انا الف مبروك يااستاذ اسر
اسر الله يبارك فيكي نورتينا
بينى وبين نفسي والله مافى حد منور غيرك يخرببيت جمال امك هو فى حد حلو كده يابختك يابت ياحياة بس انتى حبيبتى وانا فرح نالك من كل قلبي
انا بقولك ايه يااستاذ اسر
اسر اتفضلي يااستادتنا
انا مش مكان حياة فى المكتب بقى فاضي خلاص
اسر ايوة فعلا عندك حد عاوز يشتغل
انا انا عاوزة اشتغل مكان حياة
اسر بس انا اعرف انك مدرسه
انا لا مانا بصراحه کرهت المهنه دى تعبتنى وضيعت صحتى كنت زى الورده المفتحه والله يااستاذ اسر بقيت بطه مكسحه
اسر ههههههه والله دمك زى العسل
انا اه ماكل الناس بتقوللى كده وانا والله ده انا بمۏت فى الضحك والهزار بص خدنى انت بس ومش حتندم
اسر ده انتى تنورينى والله يااستاذه
انا ربنا يخليك يارب
حياة ياحبيبتى الف الف مليون مبروك انا ماشيه بقى خللى بالك من نفسك ومن عريسك القمر ده
حياة بس انتى ملحقتيش ياحبيبتى تقعدى
انا معلش بقى الولد الصغير سايباه مع ابوه زمانهم قتلوا بعض بس انا كان لازم اشوفك وانتى عروسه ياحبيبتى
سلمت عليها ومشيت ياجماعه بصراحه اصلي اتعقدت لما شفت الواد اسر ده واللا فارس واللا مؤمن ويسري وفريد ومازن القمر بلحيته الجميله دي
ايه يااخواتى الرجاله اللى تعقد دى
بصراحه كده خفت على نفسي من الفتنه وقلت اروح اعمل شوية فشار واقعد انا والولاد مع ابوهم احسن بردو
ايوة ياحبايبي ملناش دعوة بالعالم دى ربنا يخليلنا اجوازنا يارب
تصعد هدير لتقديم التهنئه لحياة واسر
حياة انا مبسوطه اوى انك جيتى ياهديركنت خاېفه بجد انك متجيش
هدير مقدرش ياحياة مجيش الف مبروك ياحبيبتي
الف مبروك يااستاذ اسر
اسر الله يبارك فيكى ياحبيبتى عقبالك
تلتفت لتنزل فتصدم باحد الشباب الصاعد لتقديم التهنئه اسف مااخدتش بالي
وتنزل للجلوس على احد الطاولات نعم هى مازالت حزينه على ۏفاة امها حتى انها جاءت بفستان كحلى اللون ولكنها تحب حياة وتعترف بالجميل لاسر لكل مافعله معها وكان لابد من اتيانها لتقديم التهنئه لهم
فجاه تجد من يجلس على نفس الطاوله نعم انه الشاب الذى اصطدمت فيه منذ قليل
جلس دون ان يعيرها اى اهتمام وهى ايضا لم تهتم لامره فكفاها مافيها من احزان
بعد فترة قامت وسلمت على حياة واستئذنت فى الذهاب قبل ان يتأخر الوقت
وقفت امام القاعه تنتظر مجئ تاكسي لتركب فيه ولكن لم يمر اى تاكسي لاحظت خروج سيارة من جانبها
فجاه وجدت سيارة بها شباب
يقفون امامها رايحه فين ياقطه تعالى معانا واحنا نوصلك
هدير تخاف وتجرى سريعا ولكن اثنان منهم ينزلان من السيارة ويحاولان دفعها داخل السيارة بالقوة
كانت تصرخ ولكن من سيسمعها واصوات الموسيقى والغناء تعلو على اى صوت
وضعوها بالقوه فى السيارة وانطلقوا سريعا
ظلت هدير تحاول ان تصرخ حتى تجد من تستنجد به
واستطاعت بالفعل ان تصرخ باعلى صوتها الحقونى الحقونى
كان الاخر يسير بسيارته بالقرب من هذه السيارة فعندما سمع إلى صوت احد يطلب النجده وقف امام تلك السيارة فنزل منها الشاب الذى يقود السيارة ايه يااخينا عاوز حاجه واخرج من جيبه مطوة
فاخرج هذا الشاب مسډسا واطلق النيران فى الهواء فخاف الشباب والقوا بهدير خارج السياره وهربوا سريعا
الشاب طمنينى انتى كويسه
هدير ايوة الحمد لله انا متشكرة اوى لحضرتك
الشاب مش انتى اللى كنتى فى فرح اسر
هدير ايوة وخرجت ادور على تاكسي وفجأة لقيت دول ادامى وركبونى العربيه بالعافيه
الشاب طب اتفضلي معايا اوصلك
هدير ربنا يخليك شكرا انا حستنى تاكسي
الشاب ياللا ياانسه الله يخليكى انا المرة دى ممكن معرفش الحقك
تركب هدير مع هذا الشاب السيارة دون ان تعرف هويته
الشاب وانتى بقى تبع العريس واللا العروسه
هدير حياة العروسه صاحبتى زميلتى فى الكليه
الشاب كلية ايه بقى
هدير كلية الطب
الشاب الطب مرة واحده ده انتى شاطرة بقى على كده
هدير الحمد لله بص حضرتك ممكن توقفنى فى اى مكان هنا وانا حنزل اكمل بتاكسي
الشاب فى ايه مالك مټخافيش مش حخطفك مش حلوة اوى انتى يعنى عشان اخطفك دول بس عشان كانوا مساطيل مش شايفين ادامهم وعاوزين اى واحده وخلاص
شعرت هدير بالاحراج الشديد من كلامه فنزلت الدموع من عينها بدون ان تشعر
الشاب ايه ده انتى عيطتى انا اسف والله مقصدش
هدير واللا تقصد وايه المشكله بس من فضلك نزلنى هنا الله يخليك
قرر الشاب ان يرضخ لطلبها وركن بالسيارة جانبا
هدير والدموع تملاء عينها شكرا
نزلت هدير ولكنها لم تركب تاكسي فلقد خاڤت ان تركب تاكسي وحدها فى هذا الوقت وجدت احد الميكروباصات يمر بجانبها فاستوقفته وركبت به
بكت نعم بكت بشده دون ان تشعر فلقد احست وشعرت بالاهانه من هذا الشخص الذى لاتعرفه
ولكنها مسحت دموعها وظلت تستغفر الله حتى وصلت الى اول الشارع
نزلت هدير وصعدت سريعا الى البيت الذى لم يعد فيه احد غيرها حيث ان اخاها سافر لانهاء عمله واخذ كل مستحقاته والعوده للمكوث مع اخته حيث انه لن
