عبير سالم

مبروك يا ست البنات

نور الله يبارك فيك يا رب

فارس بت يانور خللى بالك من جوزك ده طلع ثروة قوميه واحنا مش عارفين

اسر ماتتلم بقى واحترم نفسك جوز اختك مؤدب ملوش فى الكلام ده

يسهر الجميع ويستكملون فرح تهم التى كماټ بخبر حمل نور

فى الصباح

فى احد مستشفيات السجون

ينام على الفراش لا حول له ولاقوة يبدو على وجهه الشحوب الشديد

اسر خير ياشريف قالولى انك طالب تشوفنى ممكن اعرف عاوز ايه

شريف عاوزك تسامحنى يااسر على كل اللى عملته معاك انت وحياة

اسر انا نفسي افهم احنا عملنالك ايه عشان تعمل معانا كده ليه ده انا كنت بعاملك احسن معامله

وكنت بتاخد حقك وزياده ليه ياشريف ليه

تخونى تخون المكتب اللى كان معيشك احسن عيشه

تسرقنى وتحط ايدك فى ايد عدوى

وكمان ټخطف بنتى وخطيبتى وكنت عاوز ټقتل بنتى وجاى ببساطه كده وتقوللى سامحنى طبعا عشان لقيت نفسك خلاص حتموت قلت تضمن انى سامحتك فى الدنيا

عالعموم ياشريف انا حتى لو سامحت فى حقى انا مقدرش اسامح فى حق بنتى اللى كنت ممكن افقدها فى لحظة حقد منك ولا اقدر اسامح فى حق مراتى اللى كنت ممكن ضيعتها منى

ثم يقوم ويقف ربنا هو اللى بيسامح ياشريف اطلب من ربنا هو اللى يسامحك

ثم يتركه ويمشي

يتجه اسر الى مكتبه ليجد هدير جالسه بجوار فرح التى تعلمها العمل بالمكتب وطريقة وضع الملفات وارقامها

تقف هدير احتراما له

اسر اقعدى ياهدير صباح الخير يا بنات

هدير وفرح صباح الخير

اسر ياللا يافرح عاوزك تورينى الشطارة بقى وعاوز اشوف هدير شطورة فى الشغل

فرح ان شاء الله حتبقى تمام طبعا مانت عارفنى معلمة اجيال

اسر ماشي يافالحه بس انتى يانصابه مجيتيش السبوع ليه

فرح معلش والله كنا بنشترى شوية حاجات ووديناها على الشقه فاتاخرنا وانا تعبت اوى وكنت عاوزة انام

اسر ماشي ياست هانم

ثم يدخل مكتبه فرح هاتيلى القهوه بتاعتي

فرح هدير انا حروح اعمل لاستاذ اسر القهوة وانتى خللى بالك

تذهب فرح لتعد القهوة بينما كانت هدير ترتب الملفات فتجد فجاه من يقول لها صباح الخير ياانسه

ترفع هدير رايها لترد فتقول صباح ال...........

أمجد اهلا هو انتى هنا

هدير يادى النيله هو انت عامل كده زى عفريت العلبه ناططلى فى كل حته

أمجد اتكلمى كويس يابت انتى والزمى حدودك

انتى بتعملى ايه هنا

هدير وايه دخل سيادتك

أمجد انا لما اسالك تردى وانتى ساكته

هدير وازاى حرد وانا ساكته ياحضرة الظابط

أمجد قولى لاسر انى عاوزه

هدير اقوله مين حضرتك

أمجد أمجد

تدخل هدير وتستئذن للدخول وتخبراسر بوجود امجد

يدخل أمجد المكتب ويطلب من هدير فنجان قهوة

هدير فرح معلش انا اسفه بس ممكن تعملى فنجان قهوة للضيف اللى جوة

تدخل فرح وتضع القهوة لهم وتخرج

اسر ازيك ياامجد عامل ايه مش قلتلي حتيجى الحفله مجيتش ليه

أمجد معلش حصلت ظروف المهم قللى رحت لشريف

اسر ايوة رحتله

أمجد بقولك ايه هى البنت اللى برة دى مين

اسر هدير

امجد هى اسمها هدير

اسر زميلة المدام فى الكليه وبتشتغل هنا فى المكتب

أمجد اه ماهى باين عليها انها كحيانه

اسر امجد عيب كده احنا من امتى بنتكلم عن بنات الناس بابشكل ده

أمجد لا عندك حق بس لما يكونوا بنات ناس

اسر نالك ياامجد فى ايه انا اول مرة اشوفك بتتكلم بالطريقه دى

أمجد ماتحطش فى بالك المهم قللي هى مش عندها كليه حتشتغل ازاى

اسر عادى لما بيكون عندها محاضرة بتروح تحضرها

تدخل هدير بعد الاستئذان استاذ اسر بعد اذنك ممكن امشي بعد نص ساعه عشان عندى محاضرة

اسر تمام ياهدير وكلمى صاحبتك اكدى عليها تروح عشان حاسس انها حتكسل

فتبتسم هدير ابتسامه جميله حاضر حكلمها

يستئذن أمجد ويخرج من المكتب

فيجدها تضع الملفات فى الادراج مع السلامه ياهدير هانم

فتنظر له هدير ولاترد عليه

يخرج أمجد من المكتب ولكنه يظل جالسا فى عربيته منتظر خروج هدير من مكتبه

بينما كان اسر واقفا فى شرفة مكتبه يتابع المشهد فحاسته اخبرته بان هناك امر ما بين هدير وامجد ولن يهنا له بال حتى يعلمه فهو اسر التهامى الذى لا تخفى عليه خافيه

تخرج هدير من المكتب وتتجه ناحية اليمين فتغيب عن اعين اسر التى تتابعها وخاصة بعد ان اختفى امجد بسيارته هو الاخر تذهب لتستقل الميكروباص فتجد من يقف بجانبها بسيارته هدير

هدير تنظر فتجده ينزل من السيارة ويتحدث اليها اركبي

هدير نعم

أمجد بقولك اركبي ايه انطرشتى

هدير مش حركب انا عاوزة اعرف انت عاوز منى ايه يااخى متسيبنى فى حالى

أمجد حسيبك فى حالك بس بعد ماردلك القلم اللى ضربتيهولى

هدير ده بعينك ولو مامشتش حالا واحترمت نفسك حتلاقى القلم التانى على وشك

أمجد ههههههه طب ياللا انا اهوه قدامك ياللا اضربي

هدير ياعم سيبنى فى حالى بقى حتاخرنى على الكليه

أمجد طب مانا عاوز اوصلك وانتى اللى مش راضيه ومعطلانا

تقرر هدير بالا ترد عليه وتذهب من امامه ولكن امجد يمسكها من يديها ودينى لو

ماركبتى دلوقتى حالا حعملك ڤضيحه فى الشارع

هدير ده انا اللى حعملك ڤضيحه وحخللى الناس ترنك علقھ

أمجد طب ياللا صوتى وانا عاوز اشوف مين ده اللى حيرننى علقھ

هدير ماشي حوريك الحقونى ياناس الراجل ده عاوز يخطفني

بعض الرجال فى ايه حضرتك عاوز منها ايه

أمجد دى مراتى وزعلانين مع بعض ومش راضيه تتصالح وعاوزة تطفش امى من الشقه يرضيكم يارجاله الكلام ده

الرجال عيب يابنتى كده اعتبريها زى امك ربنا يهديكى يارب معلش يابنى انت عارف بنات اليومين دول

ويتركها الناس ويمشون

أمجد ههههههه تصدقى الضړب اللى انضربته وجعنى اوى ياللا اركبي

هدير بقى انا مراتك انت ايه يااخى

أمجد وانتى تطولى اصلا واللا انا اساسا ابص لواحده زيك ده انا بنات العائلات المحترمه يتمنوا منى نظرة مش زيك يابيئه يابتاعت الاتوبيسات اوعى تكونى فاكرة انى مېت فى دباديبك واللا رموشك سحرتنى

لا ياحلوة فوقى ده انتى حسابك معايا لسه مبداش وشكل حسابك حيتقل اوى لاء وكمان بتشتغلى عند صاحبي اوعى يكون حد من اعداؤه زاقك عليه واللا حاجه ودافعلك قرشين مانا عارف اشكالك كويس بس اناحعرف ازاى اخليه يطردك من المكتب ياللا امشي غورى من قدامى انا اصلا مستنضفش واحده زيك تركب عربيتى

 هدير والدموع تجرى فى عينيها فهى برغم محاولة اظهار القوة امامه ولكنه دائما مايستطيع اهانتها بالفاظه التى تجعلها لاتستطيع السيطرة على دموعها

فنظرت له پقهرة حسبي الله ونعم الوكيل فيك

ثم تركته ومشت وذهبت لركوب الميكروباص

بينما هو ظل متسمرا فى مكانه فهو ولاول مرة ينطق احد هذه الكلمه فى وجهه

وظلت هذه الكلمه ترن فى اذنه حسبي الله ونعم الوكيل فيك

تمر الايام بدون اى جديد الحياة مستقرة مع الجميع الكل يعيش ودوامة الحياة تلهى الجميع

بعد مرور شهرين

فى منزل فهمى التهامى

نور بابا حبيبي وحشتني اوى

فهمى انتى اكتر يانور عينيه

مؤمن ليكم عندنا خبر مش حتصدقوه

عايده خير بابنى ان شاء الله

وفاء نور حامل فى تلت توائم

عايده توام قصدك تواءم

مؤمن لاء ياماما تلاته مش اتنين

فهمى ههههههه معقوله لا مش ممكن

وفاء والله احنا ماكنا مصدقين والدكتور فضل يورينا ويحلفلنا انهم تلاته

شفتوا كرم ربنا بينا عارف ان انا وابنى ملناش حد فى الدنيا حب يكافئنا

عايده الف مبروك ياولاد بس انتى كده محتاجه رعايه خاصة يانور

وفاء مټخافيش عليها ياحبيبتي دى فى عينيه من جوه

 عايده انا عمرى مااقلق عليها وهى معاكم ابدا دى انتى امها ياحبيبتى

فى شقة سعيد

علا مالك ياحياة مبتاكليش ليه ياحبيبتى

حياة مانا باكل اهوه والله

سعيد لا ياحياة انا واخد بالى منك انتى ماكلتيش طبقك زى ماهو

اسر فعلا معاكم حق انا بردو ملاحظ انها اليومين دول مش بتاكل كويس

حياة اصل الامتحانات قربت وانا خاېفه اوى حسه انى مش حنجح

علا ليه بس كده ياحياة مش قلنا ناخد بالنا من مذاكرتنا

اسر والله ياجماعه انا مش لاخمها بحاجه وسايبها تذاكر بس مش عارف مالها

وانا حاسس ان فى حاجه شغلاها

حياة والله مافى حاجه حيكون فى ايه يعنى

علا مالك ياحبيبتي ماتتكلمى مفيش حد غريب

حياة خاېفه اوى على ماما

علا مالها ياحبيبتي بعد الشړ

حياة كانت تعبانه من يومين وانا قلقانه عليها اوى

اسر يا حبيبتى والله ماما زى الفل وتعال ياستى نقوم نروحلها ولو عاوزة تباتى عندها الليلادى باتى

حياة بجد يااسر حتسيبنى ابات عندها

اسر بس بشرط تاكلى الاكل ده كله

حياة حاضر حاضر وتبدا فى الاكل بشراهه

فيضحك الجميع عليها

فى حجرة نوم عفاف 

تاخذ عفاف  حياة فى حضنها وتنام

حياة الله ياماما حضنك وحشنى اوى

عفاف  حبيبة قلب ماما انتى كمان وحشتينى اوى وبيبقى نفسي تباتى معايا بس انا عارفه اسر مش عاوز يبعدك عنه فبقول اهم حاجه سعادتك ياحبيبتى

مبسوطه يا نور عينيه

حياة مبسوطه اوى اوى ياماما اسر ده احلى حاجه فى حياتى كلها

عفاف  ربنا يسعدك يا حبيبتى يارب

فجاة تشعر حياة بالدوار

عفاف  مالك ياحبيبتى فى حاجه

حياة مش عارفه يا ماما دخت بس شويه عفاف  تلاقيه من إرهاق الامتحانات يا حبيبتى

ربنا ينجحك يارب

ولكن حياة تقوم سريعا لتتقيا فى الحمام

عفاف  مالك ياحياة

حياة مش عارفه ياماما حسه انى عاوزة ارجع الظاهر اخدت برد

عفاف  حبيبتى يمكن تكونى حامل

حياة حامل لا مش معقول

معقوله اكون حامل تصدقى ممكن يكون صح ياماما انا الامتحانات نسيتنى ياماما الموضوع ده

ماما انا عاوزه اعمل تحليل عشان اتاكد

تطلب عفاف  من الخادمه تذهب لاحضار اختبار حمل من الصيدليه سريعا

ثم تعطيه لحياة

حياة بعد مده من دخولها الحمام ماما انا حامل ياماما

عفاف  ياحبيبتى الف مبروك ياحبيبتي الف مبروك

فرح ه شديده لم يسعها قلب الجميع ما كل هذا الهناء الذى تعيشه هذه الاسر التى أصبحت اسر ة واحده لم يجمع بينهم روابط ډم وانما جمع بينهم الالفه والحب والنسب والصداقه

فارس وهو جالس واضعا قدم فوق الاخرى وامامه ريان هذا المسكين الذى كتب له الحظ ان يكون والده فارس

كان يتحدث إليه وكأنه يفهمه بينما ينظر الجميع اليهم فى تعجب وحاله من الاندهاش التى يتحدث بها فارس الى ذلك الرضيع

فارس انا اعتقد ياريان يابن فارس والأخت ملك انك حيكونلك شأن كبير ايوة ده بالتاكيد اللى حيحصل عارف ليه ياابنى العزيز عشان انت محظوظ والحظ خدمك اكتر لما طلعت ابنى من يوم ماجيت ياحبيبي وانت وشك وش السعد انت المفروض كان يبقى اسمك سعد

يمكن تبقى زى سعد زغلول فى يوم من الايام

ياااه سبحان الله ياريان انت جيت ياحبيبي والسكك المتقفله كلها اتفتحت سبحانك يارب عمك حبيبك اللى بيخلينى اقدمله طلب ممضي من اتنين موظفين قبل مااشيلك ويخليني اتعقم قبل ماافكر اديك قبلة الحياة حيبقى اب ياحبيبى للمرة الثانيه لاء والقنبله بقى ان عمتك حبيبتك زوجة رجل المهام الصعبه الصعبه لا رجل ايه ده ولا تقوللى الرجل الاخضر ولاتقوللى سوبر مان ده عمل يابنى انجاز ماتعملش من يوم حرب اكتوبر اخترق كل الحواجز والموانع المائيه والبر مائيه ده معبرش قناة السويس لا ده انا شكك انه يكون حفر القناه بنفسه اكيد جوز عمتك ده هربان من عصر الفراعنه تلاته يخرببيته عملها ازاى دى الله اكبر فى عينى واللهم صللي عالنبي ربنا يكملك على خير يانور يااختى يارب بس تلاته طب ازاى

انا لازم انزله اعتذار رسمى فى الصحف والمجلات على سوء ظنى فيه

ياااه ياه هو شغل المقاولات بيعمل كده تلاته عمتك حامل في تلاته يعنى من اول شهر وكمان تلاته فهم ليسوا واحد ولا اثنان بل ثلاثه ده لو كسبهم فى فوازير رمضان واللا فى كيس شيبسي واللا فى كيمو كونو مكنوش يبقوا تلاته يكونش كان عنده عرض لو مراته حملت فى واحد ياخد عليهم اتنين هديه

جوز عمتك ده يابنى المفروض يستعان به فى حل مشكلة فلسطين

المفروض يدخل موسوعة جينز

ده المفروض يتعملله مقام جمب المرسي ابو العباس

كل ده حصل ببركة وجودك يارونى فى حياة هذه الاسر ة

لاء وخد عندك بقى التقيله القنبله قنبلة الموسم امك امك ياحبيبي اللى قعدت سنين وسنين على ماعرفت تجيبك ياقلب ابوك تصور امك حامل يعنى لما تفتح تفتح مرة واحده يبقى لسه عندك تلت شهور ياقلب ابوك وامك حامل تانى

بس ياخسارة حامل فى واحد بس

اهئ اهئ اهئ

انا شكلى وحش اوى ادام العيله دى بقى فارس اللى طول عمرى فارس

فارس ايه بقى ده انا طلعت فارس بنى خيبان كل مرة معرفش اجيب غير واحد

وعمك الراجل المحترم اللى بيضرب بيه المثل فى الاخلاق والقيم والمثل العليا اول طلعه ليه يجيب اتنين

وعمتك اول طلعه ليها تلاته وانا بطل هذه العائله واحد بس الحمد لله ان ربنا نصرنى ورفع راسي وامك اهيه ربنا نفخ فى صورتها وحتجيب التانى ان شاء الله

كان الجميع ينظرون اليه والى مايتحدث به الى هذا الوليد وهم مندهشون منه والعجيب ان ريان كانت عيونه مسلطه على ابيه وكانه يفهم مايقول له

تولين بابي

اسر نعم ياروح بابي

تولين هو رونى فاهم عمو بيقولله ايه

اسر لا طبعا ياحبيبتى ريان صغير مش حيفهم اللى ابوه بيقولهوله

فارس لا انا ابنى ذكى لابوه واكيد فاهمنى صح انطق ياريان قلهم انك فاهم ابوك ياحبيبي

سيلين لا يافارس ريان صغير مش حيعرف يرد عليك مش كده يابابي

اسر لا حول ولا قوة الا بالله فارس اټجنن مخه ضړب ياحبيبة بابي

عايده وهو يعنى ده جديد عليكم ماطول عمره لاسع يابنى انت ياهمى الكبيرصللى عالنبي كده احسن جوز اختك بعد الشړ يحصلله حاجه

 من كتر كلامك ده يادى النيله علية وعلى خلفتى السوده

فارس يحصلله حاجه ده ايه بعد الشړ عنه انتى بتقولى ايه ياامى طب انا عاوز بس حد يقربله وانا امحيه من وش الدنيا ده فخر العائله ده انا حعمل برواز للعائله وححط صورته فى النص وحكتب عليها الفرعون

ملك ماما انا خاېفه على فارس اوى ده المفروض يتحجز عند مالك فى المستشفى قبل ماحالته تسوء اكتر من كده

ده ياعينى من يوم ماعرف موضوع نور وحمل حياة واللى زاد وغطى من ساعة ماعرف انى حامل وهو ياحبيبي بقى رايح جاى يكلم نفسه

اسر بصوا بقى يتجن يتهبل انا كل اللى يهمني الولد وبس هات ريان ياتحفه انت الولد مذهول من اللى بيسمعه

انا مش قلتلكم ملك مش دعوة بالولد انا شكلى كده حاخده معايا المكتب بصراحه انا مش مطمن عليه وهو قدام فارس كده

الجميع يضحك بشده

بينما فارس ماشي ماشي ليك حق تعمل اكتر من كده بعد مابقى شكلى زباله فى وسط العيله دى

عايده خلاص