عبير سالم

ياحبيبي ولا تزعل نفسك مش مراتك ربنا كرمها وفتحت عالرابع هاتلك كل سنه عيل وبكده حتحصلهم ان شاء الله

فهمى يحصل مين ياعايده انتى كمان هما داخلين سباق فارس ده اتهبل ومخه ضړب

 فارس والله انتوا ماعارفين قيمة وجودى فى العيله دى ده لولا بركات ابنى ريان هى اللى حلت على هذه العائله

اسر طبعا ده اكيد حبيب قلب عمو ياناس هو اللى جه وجاب معاه الخير كله

ربنا يحميه ويخليه ويبارك فيه يارب العالمين

تدخل حياة الغرفه هههههههه هههههههه

اسر حبيبتى كفايه خاېف عليكى من كتر الضحك

حياة مش قادرة والله ماقادرة كل ماافتكر منظر اسر وهو بيكلم ريان نقدرش اوقف الضحك اقسم بالله انا خاېفه افتكر وانا فى المحاضرة اضحك الدكتور يطردنى من المحاضره

اسر لاياحبيبتى مينفعش المحاضره ليها احترامها

حياة ححاول امسك نفسي والله وحقول لهدير لو لقتنى بضحك تقرصنى عشان اسكت هههههههه هههههههه

اسر الواد فارس نشر عدوته فى البيت كله الله يخرببيت سنينك يافارس

بس قوليلي ياقلبي اخبار هدير ايه

حياة اخبار هدير ازاى يعنى ده انا اللى المفروض اسالك هى مش بقت بتشتغل عندك

اسر وهى يعنى عشان بتشتغل عندى حعرف اخبارها انتى اللى صاحبتها واكيد تعرفي كل حاجه عنها

حياة بص ياحبيبي انا والله بحبها جدا وربنا يعلم غلاوتها عندى هى بنت حلال اوى وطيبه جدا وخدومه بشكل لو لقت حد محتاج مساعده تقدمهاله من غير مايطلب

يعنى الاسبوع اللى فات واحده زميلتنا ابوها اتوفى فمجتش اليوم ده الكليه ولما اتصلت عليها مردتش فقلقت عليها والله تانى يوم قالتلي انها كانت مع زميلتنا طول اليوم من ساعة مادفنوا باباها وفضلت جمبها اليوم كله وماسابتهاش لحظه وتانى يوم اخدتنا رحنا عزينا البنت ساعة مااتصلت بيك ياحبيبتى واستئذنتك

وقبل مانروح طلبت مننا ان كل واحده تحط اى مبلغ تقدر عليه وتعرف يااسر هى اول واحده دفعت برغم انى متاكده ان ظروفها على ادها ومردتش تديها هى الفلوس خلت المعيده اللى راحت معانا العزا هى اللى تديها الظرف عشان هى اكبر واحده فينا وعشان زميلتنا متتكسفش مننا

ده غير انها من وقت ماعرفت انى حامل وهى خاېفه علية اوى وكل مانحتاج نصور ورق او نشترى حاجه تخلينى انا استريح وهى اللى تعمل كل حاجه بس مع كل ده هى من النوع الكتوم اوى ومش بتحكى حاجه تخص حياتها الخاصه خالص الا اذا سالتها بتجاوبنى لكن متحكيش من نفسها

اسر يعنى متعرفيش اذا كان فى حد فى حياتها واللا لاء

حياة ليه ياقلبي هو انت جايبلها عريس

اسر ياريت والله ياحياة انا لو قدامى حد مناسب ليها مش حستخسره فيها ابدا

حياة طب واخوها اخباره ايه فى الشغل

اسر سعيد بيشكرلى فيه اوى وبيقوللى محترم وفى حاله ومجتهد جدا وملتزم

حياة طب الحمد لله ههههههههه هههههههه

اسر فى ايه يا بنتى مالك

حياة مش قادرة يااسر افتكرت فارس

اسر هههههههه ده مخه ضړب خلاص

حياة بس طيب والله وقلبه ابيض

اسر عارف والله ياحبيبتى انتى عارفه ياحياة طول عمره فقرى ههههههه عارفه واحنا فى المدرسه مكنش بيسيب بنت الا لما يعاكسها ده حتى المدرسات كان بيعاكسهم طول عمره منحرف

ربنا يستر على ريان منه انا لولا انه بيرضع كنت رحت اخدته منهم وجبته ينام هنا معايا

حياة بتحب ريان اوى كده يااسر

اسر ريان ده حته من قلبي انا مهما قلتلك بحبه اد ايه مش حتتخيلى ده مش بس ابن اخويا ده نور عينيه من جوه انا بحس انى بخاف عليه من الهوا الطاير

حياة ايوة عارفه انت حتقوللى فاكر يوم تطعيم الشهرين لغيت المكتب وصممت انك تروح بنفسك تطعمه وفضلت جمبه طول اليوم وكنت بتديه الخافض بنفسك

اسر بحبه اورى ياحياة ونفسي اشوفه احسن راجل فى الدنيا وخاېف عليه من الاتنين المجانين اللى هو نايم وسطهم ياضنايا بابنى

اراهنك ان المچنون ابوه دلوقتى مقعده وعمال يحكيله عن بطولاته مع النساء وانه فلانتينو زمانه

وطبعا ملك تقعد تقولله يافروستى الواد اخلاقه حتبوظ وهو يقوللها لا اطمنى ابنى حيطلع راجل ويفضلوا يغنوا ويردوا على بعض

حياة اسر هو انا لو خلفت بنت حتزعل

اسر حبيبة قلبي ليه بتقولى كده

حياة مش انت قلتلي انك نفسك فى ولد اوى

اسر ايوة نفسي فى ولد مبنكرش بس هل ده معناه انى انا حزعل لو ربنا رزقنا ببنت لا والله ابد ده كله رزق من عند ربنا وسواء كانت بنت او ولد الحمد لله وكفايه انها حتكون اخت تولين وسيلين وحتكون منك ياحبيبة قلبي والبنات رزقهم واسع انتى عارفه يوم ماعرفنا ان جنى حامل في بنتين وقتها جنى بردو جالها نفس الاحساس وكانت خاېفه اوى انى ازعل لكن انا اقسم بالله العظيم الدنيا مكنتش سايعانى من الفرح ه

ويومها المكتب مسك قضية قتل والمتهم كان رجل اعمال كبير ووقتها اخوه قاللى

لو كسبت القضيه حيدينى نص مليون جنيه والحمد لله ربنا يوفقنى وكسبت القضيه وعملت بالمبلغ وديعه باسم البنتين

وانا اهم حاجه عندى انكم تقومولى بالف سلامه ياحبيبتى

حياة ربنا يخليك ليناياحبيبي يا رب

اسر ويخليكى لية ولبناتك ياست الكل

فى شقة كريم وداليا

داليا ربنا يخليك لية ياحبيبي يارب

شادى اى خدمه ياست الكل الشقه بقت تمام فل الفل مش ناقص غير العفش

داليا انا مش قادرة اصدق معقوله فاضل شهرين بس وكريم حيبقى معانا

شادى ايوة باحبيبتى ربك كريم اوى وياللا بقى استعدى ياست البنات اما انا حعملك حتة فرح مااتعملش لحد قبلك

هبه ربنا يهنيكى ياحبيبة قلبي يارب

داليا ويقومك لينا بالسلامه يارب ياهبه

هبه يارب ياحبيبتى

شادى مالك ياهبه فى حاجه مضايقاكى

هبه لا ابدا باشادى ليه بتقول كده

 شادي   مش عارف حسك مسهمه كده وزى مايكون فى حاجه مضايقاكى

هبه لا طبعا مفيش حاجه عن اذنكم بس انا حروح عشان حسه انى تعبانه شويه

شادى طب اجى اوصلك

هبه لا ياحبيبي خليك انت مع داليا عشان تظبطوا كل حاجه وانا حروح البيت لوحدى

 داليا هى هبه مالها ياشادى حساها متضايقه من حاجه

شادى مش عارف والله ياداليا

تخرج هبه وهى تمسح دموعها انتى اتجننتى واللا ايه ياهبه انتى من امتى كنتى كده ده انتى مفيش عندك اغلى من كريم وداليا ربنا بهنيهم يارب ليه مستكترة عليهم الفرح ه ليه زعلانه ان شادى حيعملهم فرح

زعلانه عشان كان نفسك تلبسي فستان فرح خلاص ياستى ملك يش نصيب احمدى ربنا بقى هو ليه الانسان كفور بنعمة ربنا كده مش تحمدى ربنا وتشكرى فضله

افرح يلهم ياهبه افرح ى لاخوكى وداليا حبيبتك وانسي ياهبه وافتكرى انك اتجوزتى الانسان اللى كتنتى بتحلمى بيه العمر كله واديكى اهوه حتبقى ام كمان ايه كل ده مش مكفيكي واللا ايه

تمسح هبه دموعها الحمد والشكر ليك يارب

فى مكتب اسر

يدخل اسر المكتب فيجد هدير تقوم بالعمل بكل همه ونشاط

حتى انها لم تنتبه لدخوله

اسر صباح الخير ياهدير

هدير صباح النور يا استاذ اسر

اسر معلش ياهدير انا عارف ان ضغط الشغل عليكى كتير حقك علية

هدير لا والله يااستاذ اسر انا مش تعبانه ولا حاجه

اسر عالعموم هما اسبوعين وفرح حترجع ان شاء الله

 هدير ربنا يهنيها ويسعدها يارب خلليها تنبسط يااستاذ اسر وتفرح دى بتعيش اجمل ايام حياتها

اسر عقبالك ياهدير لما نفرح بيكى انتى كمان

هدير ربنا يخليك يارب

اسر هدير معلش حتعبك ممكن تعمليلي فنجان قهوه عشان عم عبده مش موجود النهارده

هدير حاضر يا استاذ اسر ثوانى وحيكون عندك تحضر هدير الادوات اللازمه لعمل القهوة ثم تقوم باعدادها

فتجد من ياتى من خلفها اعمليلي انا كمان فنجان قهوة بس يارب تعرفى تعمليها بوش حلو مش شبه وشك

تلتفت هدير وهى متأكده من صاحب هذا الصوت

فبرغم انها لم تراه منذ شهرين ولكن من غيره يتحدث اليها بهذه الطريقه المهينه

هدير استغفر الله العظيم ياربي عالصبح

والله انا كنت مرتاحه من وشك الفترة اللى فاتت

امجد ليه وهو حد قالك انى جاى اتملى فى جمالك واللاحاجه

هدير انت متتكلمش معايا خالص انت فاهم استاذ اسر جوة اتفضل ادخله ثم تعطيه ظهرها ياساتر يارب انا مش عارفه ايه البلاوى اللى بتتحدف علينا دى

أمجد اش اش اش ايه اللبس الجامد ده شكل اسر مظبطك فى المرتب والنعمه بانت عليكى لاء بس طقم جامد الصراحه بس مش لايق عليكى كان عاوز واحده مزة كده مش شبهك

ثم يمسك هاتفها ويقول وايه ده كمان ياسلام عالموبيلات الحديثة الله يرحم التليفون المعفن ابو زراير اللى كنتى ماسكاه وده بردو من المرتب واللا من حبيبك اللى كنتى واخداله لب وسودانى هو اللى جابهولك

بس اكيد انتى واقعه على واحد كحيان شبهك ماهو اصل الكويس حيبصلك على ايه وانتى وشك شبه قفاكى كده

هدير وهى ترد عليه بسخريه ملك ش فيه مين جابهولى شئ ميخصكش و حتى لو كان حبيبي كحيان عاجبنى انت مالك يااخى ثم تاخذ من يده التليفون وايدك متتمدش على حاجه متخصكش انت فاهم

ينظر اليها امجد بغيظ فلقد استطاعت ان تستفزه بردها الهادئ فهو يريد دائما ان يستفزها ويرى دموعها وانكسارها أمامه ولكنه فشل فى هذه المرة فلقد استطاعت هدير ان تظهر عكس مافى داخلها

يضع يده على مقبض الباب وهو يتوعدها بعينيه بينما هى كانت تنظر اليه نظرة تحدى ظاهرة فى عينيها

اسر اهلا بامجد باشا

أمجد ازيك يااسر عامل ايه

أمجد تمام الحمد لله على كل حال

تدق هدير الباب وتضع القهوة امام كل منهما

اسر تسلم ايدك ياهدير

هدير بالف صحه وهنا

كان أمجد متابعها بعينيه لا يحيد بنظره عنها بينما كان اسر منتبه لكل نظرة من نظرات امجد لهدير استدارت وخرجت

كان امجد غير منتبه لوجوده فى مكتب اسر

اسر ايه يا عم هو انت جاي عشان تسرح عندى واللا ايه

أمجد ايه لاء انا معاك بقولك ايه انا كنت جاى النهارده عشان ابلغك بخبر

اسر خير ياامجد

أمجد شريف تعيش انت

اسر ايه انت قلت ايه شريف ماټ

أمجد ماټ امبارح بالليل وانا قلت انك لازم تاخد خبر

اسر انا لله وانا اليه راجعون

لا حول ولا قوه إلا بالله العلي العظيم

سبحان من له الدوام ربنا يغفر له ويسامحه

أمجد ايوة ياماجد انا عاوزك تسامحه الله يخليك كفايه ان ربنا انتقملك منه واهو ماټ وهو فى عز شبابه

اسر فى حاجات بتكون خارجه عن إرادتنا ياامجد ولو انت كنت قدرت تسامح كنت انا سامحت

أمجد اسامح انت بتقول ايه يااسر

اسر بقول اللى انت مش عاوز تواجه نفسك بيه بقول انك يمكن لو كنت سامحت كنت ارتحت احسن مانت طول الوقت بترسم دور وشخصيه مش لايقين عليك

امجد اسر انا حقوم امشي معلش يااسر انا عندي معاد ياللا سلام

اسر مع السلامه ياامجد

خليك كده ياامجد اهرب براحتك لحد مانشوف اخرتها ايه معاك

يخرج امجد من المكتب فلا يجد هدير جالسه على المكتب فيرفض ان يخرج حتى يراها

يجدها خارجه من مكتب احد المحامين بالمكتب ويسمعها وهى تتحدث اليه تمام يااستاذ اسلام الملف حيكون عندك حالا

تبدا فى التحرك لتجد من يقف وهو عاقدا يديه حول صدره

هدير لاحول ولا قوة الا بالله ربنا يشفى.

أمجد حتى القهوة فاشله فيها مش قلتلك اكيد حتكون شبه وشك وعلى الله بس تبقى دكتورة ناجحه مش فاشله قال كلية الطب بقى دى اشكال تدخل كلية الطب انتى اللى شبهك اخرها تاخد دبلوم تمريض واللى رايح واللى جاى يتعطف عليكى بحسنه انتى يابنتى معندكمش مرايا فى بيتكم تشوفى فيها شكلك

هدير انت بتعايب على الخلقه واللا على اللى خالقها وشي عاجبنى خلقة ربنا وعاجبانى وراضيه بيها الحمد لله انت تقدر تخلق صوبع بنى ادم لو تقدر تخلقه تبقى تتكلم وتعايب براحتك

هاه عندك ايه تانى عاوز تقوله اتفضل ياللا قول الاسطوانه المشروخه بتاعة كل مرة فقيرة وجربوعه وبيئه ومتسوله وشبه القرود اقولك ده انا بسرح بمناديل فى الترام خلاص ارتحت خلاص اتفضل قول كل اللى نفسك فيه ياللا مش عاوزاك تخللى فى نفسك حاجه

أمجد وانتى بياثر فيكى كلام ده انتى جبله

سلام ياقطه وعلى فكرة انا لسه مااخدتش بتاري منك وحاخده وقريب اوى كمان عشان

تبقى تعرفى بعد كده ازاى تتطاولى على اسيادك ويتركها ويمشي

اسر بداخل مكتبه يحدث نفسه كل ده برة لسه بتعمل ايه ياامجد ماشي يا امجد اما اشوف اخرتها ايه معاك ياصاحبي

بخرج أمجد من المكتب وهو يسب ويلعن عامله نفسها مؤدبه ومحترمه أوى ماشي ياهدير اما خليتك تجينى راكعه على ايديكى ورجليكى مبقاش انا امجد السيوفى

بينما يخرج اسر من حجرته فقد قرر ان يعرف كل شئ

هدير من فضلك تعالى عاوزك

هدير نعم ياأستاذ اسر فى حاجه

اسر انتى اللى فى ايه يا هدير وايه اللى بيحصل

هدير حضرتك تقصد ايه يا استاذ اسر

اسر هدير انتى بالنسبه لى زى اختى واختى الصغيرة كمان عشان كده انا بتمنى انك تكونى معايا صريحه وتحكيلي كل حاجه عاوز اعرف ايه حكايتك مع امجد بالظبط

هدير والله مافى حاجه ده انسان مغرور متعجرف فاكر نفسه مفيش حد زيه فى الدنيا ورايح جاى عمل يتريق علية وعلى شكلى ولبسي انا مش عارفه هو عاوز منى ايه انا بكرهه بكرهه اوى انا عمرى ماكرهت حد زى ما كرهته والله العظيم اناعمرى فى حياتى مااستعريت من اصلى ولا اتمنيت عيشه احسن من اللى انا عايشاها لانى مؤمن ه ان ربنا بيختار لكل واحد فينا الصح وربنا ادرى بينا من نفسنا وانا راضيه والله الحمد لله بس هو بجد بيضايقنى وبيهينى اوى يااستاذ اسر

 بيحتقرنى ليه مش عارفه انا عملتله ايه انا مش فاهمه ثم تجرى الدموع على خديها

اسر وايه اللي بيخليه يعمل كده انتى تعرفيه منين عشان يضايقك بالشكل ده احكيلي ياهدير احكيلي واعتبرينى اخوكى الكبير

هدير وهو تمسح دموعها حاضر انا ححكيلك كل حاجه

يعود الى شقته ويفتحها ويدخل فيجد الخادمه تنظف المنزل

الخادمه حمدالله على السلامه يا حبيبي

أمجد الله يسلمك ياداده عامله ايه دلوقتى

الخادمه الحمد لله والله كل اللى يجيبه ربنا كويس

أمجد اوعى تكونى مبتاخديش العلاج فى مواعيده

الخادمه باخده والله ياضنايا بس حكم السن بقى هو احنا حناخد زماننا وزمن غيرنا

أمجد زمن ايه بس يامزتى ده انتى قمر طب ده انا بفكر اتقدملك واللا انتى عندك اعتراض

الخادمه هههههههه الله يحظ ياامجد ياحبيبي ياما نفسي اشوفك متهنى وفرح ان واشوف البيت ده وهو