عبير سالم

الشقه اللي حتعيشي فيها وبعد كده حاخدك المكان اللى حتشتغلي فيه تمام

 سوزان تمام

بعد قليل فى داخل الشقه

سوزان الشقه دى ايجارها كام

أمجد متقلقيش ان شاء الله محلوله

سوزان محلوله ازاى بس الشقه حلوة وفيها فرش كمان كويس يعنى اكيد ايجارها حيكون غالي وحضرتك عارف ظروفي

أمجد اطمنى المرتب اللى حتخديه حيكفى الايجار والباقي تقدري تعيشي منه كويس

سوزان طب هو الايجار كام

أمجد ممكن تهدي بقى شويه وياللا عشان نروح المكان اللى حتشتغلي فيه

يجد واقفه امامه لاتريد التحرك من مكانها

امجد سوزان ممكن تثقي فية وتطمنى وانا معاكى واتاكدى انى عمرى ماحاذيكى ابدا

سوزان ده شئ انا متاكده منه كويس حضرتك ازى مااطمنش وانا معاك بعد ماوقفت لصاحب المصنع وخليته بتنازل عن القضيه بس انا خابفه مش اكتر

يمد امجد له يدها هاتى ايدك وامشى معايا وانتى مغمضه واوعدك انك مش حتندمى

تعطيها سوزان يدها وهى سعيده بهذا الامر فهى لم تحلم فى يوم من الايام ان يدخل حياتها شخص مثل امجد

بعد قليل فى احد شركات الاستيراد

أمجد ربنا يخليك يا رب منحرمش منك

المدير دى اقل حاجه ممكن اقدمهالك ياباشا

أمجد خلاص تمام حنستئذن دلوقتي وبكرة أن شاء الله تيجي تستلم الشغل

المدير تمام بس ياريت الالتزام فى المواعيد

سوزان اطمن حضرتك حكون موجوده قبل معادى

يخرج أمجد وسوزان ويركبان السيارة

أمجد بصى انا عصافير بطنى بتزقزق ممكن نروح نتغدى فى اى مكان

سوزان لاء متشكرة لحضرتك حضرتك ممكن تروح مكان مايريحك وانا اروح

أمجد ليه هو انتى مش جعانه

سوزان ايه لاء انا مش جعانه

أمجد بقولك ايه انتى حتيجى معايا بالذوق او بالعافيه ايه رايك

سوزان تضحك له ضحكه تجعل قلبه يقفز من مكانه حاضر

ينطلق امجد بالسيارة ثم يتوقف امام احد المطاعم الشهيره ويدخلان

أمجد تحبي تاكلى حاجه معينه

سوزان لا حضرتك اطلب اللى عاوزه انا ممكن اكل اى حاجه

كانت سوزان تاكل الطعام وهى محرجه بشده فبرغم جوعها الشديد الذى لم تخبره به الا انها كانت لا تستطيع بلع الطعام امامه

كان ينظر لها أمجد ويتاملها وهى تاكل الطعام

كان معجب بها بشده كانت عينه على تلك الخصلات التى تتساقط على وجهها وهى ترفعها بين الحين والاخر

بعد الانتهاء من الطعام أخذها وجلسا سويا على البحر

أمجد تعرفى ياسوزان انا طول عمرى لما بكون مضايق او مخڼوق من حاجه بحب اجى قدام البحر وافضفض ليه مبرتحش غير بعد مابطلع كل اللى جوايا معاه بعد كده ببقى ريلاكس وتمام وقدر اكمل عادى

سوزان بس فى حاجات بتبقى تعبانه اوى ومهما فضفضنا او حكينا بردو بنبقى مخنوقين والهم اللى جوانا مبيروحش

أمجد ومين فينا معندوش هموم ومشاكل فى حياته بس لازم نعديها عشان الدنيا تمشي

سوزان هو حضرتك عندك مشاكل زينا

أمجد ايوة طبعا عندى مشاكل هو انا مش بنى ادم

سوزان مش قصدي والله بس انا يعنى قصدي ان حضرتك ظابط و

أمجد وهو الظابط ده مش بنى ادم يعنى واللا ايه

سوزان انا مليش حد فى الدنيا كلها غير اخويا أسعد هو الوحيد اللى بيسال عنى وبيدور علية اتا طول الوقت لوحدى انا عايشه فى وحده صعبه اوى

سوزان وانا كمان عايشه فى وحده والله

أمجد تقبلي نبقى أصدقاء ياسوزان

سوزان حضرتك ده شئ يشرفنى

أمجد وهو الأصدقاء فى بينهم حضرتك دى

سوزان ايوة بس حنادى حضرتك بايه

أمجد امجد قوليلي أمجد

سوزان حاضر

يجلسون ويتكلمون فى مواضيع كثيرة كان يحاول ان يحتويها ويشعرها بالامان الذى تفتقده فى حياتها

مر الوقت عليهم سريعا وقام بتوصيلها

مرت الايام والايام استلمت عملها بالشركه وقويت علاقتهم بعضهما البعض كان امجد يقوم بتوصيلها فى الصباح الى عملها ويذهب اليها ليساعدها فى العوده كان يشترى لها كل ماتحتاج اليه وكل ماينقصها وكم كان ينقصها الكثير والكثير

احتلت قلبه وسيطرت على كل مشاعره اصبح دائم التفكير فيها لم يهتم لاصلها او حسبها او نسبها او حتى لتعليمها

فقد احبها لشخصها وهى دائما ماكانت تشعره بانها تبادله نفس المشاعر

اصطحبها لاماكن لم تحلم فى يوم ان تدخلها اشترى لها ملابس لم تضع على جسمها ملابس بثمنها

لم يفعل هذا الا حبا فيهاوهى برغم انها كانت دائما ماتظهر له انها لاتر يد شيئا وهذا الر ضا وهذه القناعه ماكانت تجعله يصر اكثر على اتيان كل ماتحتاجه من اشياء

لم يكن الحب فقط هو مايشعره تجاهها وانما كان يشعر تجاهها بالمسئوليه كان يشعر وكانها ابنته التى يسعى لاحتوائها واعطائها الحب والحنان بقدرمايستطيع

تمر الشهور نعم فالايام الجميله عادة ماتمر سريعا خاصة وان كان الحب هو سر هذه السعاده التى تحملها الايام

يزداد حب امجد وتعلقه بسو زان فلقد أصبح عاشقا لها لم يعد له صبر عن غيابه عنها وقد قرر ان يفاتحها فى هذا الامر وهو متاكد تمام اليقين من انها تبادله نفس المشاعر

فى أحد الاماكن العامه

امجد بحبك

سوزان بجد ياامجد بتحبنى انا

امجد سوزان معقوله انتى مش حسه بية مش حسه بحبي ليكى

سوزان احيانا كتير بحس بالحب ده

بس برجع اكدب نفسي واقول مش معقوله انا فين وانت فين ايه اللى يخللى ظابط زيك وفى مستواك يحب واحده زيي واكيد فى بنات عائلات بتشوفهم احسن واجمل منى بكتير وكمان مش فقرا زيي

أمجد الفقر عمره ماكان عيب ياسوزان ولا عمره بيقلل من قيمة صاحبه المهم الاخلاق والروح

وانا حبيتك . حبيت ادبك وأخلاقك حبيت كسوفك لما باجى اجيبلك حاجه حبيت الحياة الحلوة اللى بقيت عايشها معاكى سوزان انتى بقيتى كل حياتى انا مش حقدر اخرجك من حياتى ولا حقدر اعيش بعد كده من غير وجودك فيها

سوزان ياترى ممكن تقبلي حبي ليكي

سوزان وهى تبتسم له وتمسك يديه فيشعر بسعاده لم يشعر بها من قبل طمن قلبك ياامجد وقلله انى بحبه وبحبه اوى كمان

كاد امجد ان يطير قلبه من الفرح ه يريد ان يعلم العالم كله بمشاعره وحبه

ويقرر امجد ان يخبر اخيه الذى يعتبره تعويضا له عن غياب ابويه عن الدنيا بهذا الحب

فى شقته وهو يتحدث الى الداده

سعاد طب سالت عنها كويس يابنى

أمجد ايوة ياداده وصاحب المكان اللى وديتها تشتغل عنده بيشكر فيها وفى اخلاقها وانا بصراحه بحبها اوى ياداده انا مبقتش شايف حد فى الدنيا دى كلها غيرها

 سعاد بس انا كان نفسي تتجوز واحده تكون شبهك ياحبيبي

أمجد شبهى ايه بس ياسوسو دى البنت قمر قمر عارفه ياداده تحسيها ملاك ماشي على الارض

داده الجمال مش كل حاجه ياحبيبي الاهم الادب والاخلاق والاصل الطيب وبصراحه بقى انا كان نفسي تتجوز دكتورة مهندسه حاجه كده تفرح وتتشرف بيها ادام الكل

أمجد ايه الذلام ده بس ياداده انا ميهمنيش التعليم ولا الاصل انا كل اللى يهمنى الادب ولاخلاق اللى لقتهم فيها وبصراحه بقى هى امورة اوى وانا بحبها كده زى ماهى

انا قلبي اختارها وحبها ياسوسو وانتى عارفه انا موضوع الفقر والغنى ده مش فى دماغى خالص

سعاد وحتفاتح اسعد امتى فى موضوعك ده

أمجد بصي بقى ياستى انا كنت ناوى افاتحه دلوقتى بس انا بقى قلقان منه وخاېف يقول نفس الكلام اللى انتى قلتيه دلوقتي مانتى عارفاه بيهتم اوى بالشكليات عشان كده انا عاوز اعرفهم على بعض الاول واخليه يشوفها ويشوف ادبها وبعد كده اعرفه انى عاوز اتجوزها ايه رايك فى الفكره دى

سعاد على راحتك ياحبيبي اعمل اللى يريحك

بعد مرور يومين ياخذ أمجد سوزان الى شركة اسعد تدخل معه الشركه وهى منبهرة بما تراه أمامها عالم اخر تشعر انها داخل احد الافلام السنيمائيه اخذت تحدث نفسها

 ايه ده معقوله اللى انا شايفاه ده ومين البنات الحلوين دول يالهوى ده انا مجيش فيهم ذرة انا خاېفه امجد عينه تزوغ على واحده فيهم

أمجد مالك ياسوزان سرحانه فى ايه

سوزان أمجد البنات اللى بيشتغلوا هنا حلوين اوى وانا خاېفه واحده فيهم تخطفك منى

أمجد هههههههه لا اطمنى ياحبيبتى انا باجى هنا على طول ومفيش ولاواحده فى دول لفتت نظرى وبعدبن لو كل واحده فيهم مسحت البويه اللى على وشها حتلاقى مناظر واشكال غريبه انا والله مقصدش اتكلم عليهم بس المكان هنا هو اللي بيحكم بكده دى شركة اعلان ودعايه يعنى لازم يكونوا واجهه كويسه للشركه اكل عيشهم يعنى ومعظمهم كمان بنات غلابه اوى

سوزان غلابه زيي مش كده

أمجد سوزان الفقر عمره ماكان عيب وانتى غنيه بادبك واخلاقك وروحك الحلوة

سوزان ربنا يخليك ليا يارب

أمجد ويخليكى لية ياست البنات

السكرتيرة اتفضل ياكابتن البشمهندس منتظر حضرتك

يدخل امجد وسوزان بينما كان اسعد يتحدث لاحد المهندسين العاملين بالمكان بطريقه حاده

شعرت سوزان بالرهبه منه ولكنها فى نفس الوقت اعجبت بهذه الشخصيه الحاده كانت تنظر لشكله وهيئته الغير معتاده بالنسبه لها

صحيح ان امجد يفوقه من ناحية الشكل وحسن الوجه ولكنها رات اسعد به من الرجوله والهيبه مايلفت نظر اى فتاه كانت تتامله دون ملاحظة اى شئ اخر حولها حتى انها تناست وجود امجد نفسه

يخرج المهندس من الباب ثم يتحدث اسعد اليهم

أسعد حبيبي الشركه منورة

امجد منورة بيك يااسعد

ينظر اسعد لتلك الفتاه التى قد اتت معه ومن ياترى هى

امجد احب اعرفك على سوزان

اسعد اهلا وسهلا

سوزان اهلا بحضرتك

أمجد سوزان انسانه عزيزة علية اوى يااسعد وامرها يهمنى جدا وكنت عاوزك لو ينفع تديها فرصه تشتغل معاك هنا

ينظر لها اسعد ليقيمها بينما كانت سوزان تنظر فى الارض خجلا

أسعد وانا مقدرش ارفض لك طلب ياحبيبي بس ممكن اعرف مؤهلاتك ايه

سوزان معهد فنى تجارى

ثم يدق على الجرس ليطلب السكرتيرة

السكرتيرة ايوة حضرتك

اسعد خدى الانسه اسف اسمك ايه

سوزان بصوت ضعيف سوزان

اسعد خدي الانسه سوزان حتساعدك فى الشغل ومن النهارده حتكون سكرتيرة معاكى

تنظر لها السكرتيرة نظرة ازدراء ايوة يعنى بس

السكرتيرة تقترب منه وتهمس له بصوت منخفض شكلها مش اد كده

اسعد بنبرة قويه اتفضلي نفذى اللى طلبته منك

تنظر سوزان لامجد وكانها تسأله عما تفعل

أمجد ينظر لها ويطمئنها فتخرج مع السكرتيرة للخارج

بينما امجد انا ماكنتش متوقع انك تطلب من السكرتيرة تعلمها الشغل من دلوقتى

اسعد وايه المشكله يعنى

أمجد لا مفيش حاجه عالعموم انا متشكر اوى ليك يااسعد بس كنت عاوز اعرف حتخلص الشغل الساعه كام

أسعد الساعه خمسه بس بتسال ليه

امجد اصلي متعود اروحها من الشغل

أسعد متعود اه قلتلى بقى ماشي ياعم الله يسهله

بس انا ملاحظ انها مبتتكلمش ودايما باصه فى الارض وبعدين دى تقريبا غاسله وشها وجايه

أمجد سوزان مختلفه عن كل البنات يااسعد سوزان بنت طيبه وغلبانه وعلى اد حالها وملهاش فى اللى بيعملوه البنات التانيين

اسعد امممم ماشي بكرة نعرف ايه الحكايه بالظبط

أمجد ينظر فى الارض حرجا فهو اخيه الكبير ويحترمه جدا

يسلم عليه ويخرج ويمر على سوزان وهى تتعلم من تلك السكرتيرة العمل بالمكان

امجد حبيبتى انا حعدى عليكى الساعه خمسه

سوزان طيب حاضر بس حنعمل ايه فى الشغل التانى

أمجد متشغليش بالك انتى انا حتصرف المهم انا عاوزك تبقى دقيقه فى شغاك هنا وبعدين فترتك هنا حتبقى قصيرة مش طويله

ده وضع مؤقت بس لحد مانتجوز ان شاء الله بعد كده مش حيبقى فيه شغل حتبقى لية وبس

تبتسم له سوزان الابتسامه التى تجعله يذوب فيها عشقا

ثم يخرج ليذهب الى عمله هو الاخر

فى منتصف النهار تدخل له سوزان المكتب لتراه يمارس الرياضه على احد الاجهزة الرياضيه المتواجده بالجناح الملحق بمكتبه

كانت تنظر اليه باعجاب شديد وهى تراه بهذه اللياقه البدنيه

أسعد مالك واقفه عندك كده ليه

سوزان ايه لاء مفيش حاجه بس كنت عاوزة حضرتك تشوف الاوراق دى

اسعد بجديه حطيها عندك عالمكتب برة واخرجى

سوزان حاضر تضع الاوراق على المكتب وتخرج لعملها

يمر الوقت حتى ييجئ ميعاد خروجها من الشركه تخرج فتجد امجد يقف لها امام الشركه فتركب معه السياره

ثم يصطحبها لاحد الاماكن ليتناولوا الغداء

سوزان أسعد اخوك ده غيرك خالص ياامجد

امجد غيري ازاى يعنى

سوزان حساه جامد كده ومشاعره جافه كل كلامه بالشخط والنطر وشه مبيضحكش ابدا

أمجد معلش ياحبيبتي هى دى شخصية اسعد بس والله محترم جدا فى شغله وبعدين انا كل اللى يهمنى انه يتاكد من اخلاقك ويطمن من ناحيتك عشان لما افاتحه فى موضوعنا يبقى موافق وميتعبنيش

سوزان طب ولو موافقش على جوازنا حتسيبنى ياامجد

أمجد استحاله طبعا انتىبتقولى

ايه سوزان انتى بقيتى كل حياتى انا مش بس بحبك انا بقيت بتنفس هواكى ياسوزان

سوزان ربنا يخليك ليا يا أمجد يارب

بس هو اخوك ده مرتبط واللا لاء

أمجد لاء هو مبيفكرش فى موضوع الجواز بيقول لسه ملاقاش اللى تستاهل حبه وقلبه

سوزان بس حتى لو مش مرتبط اكيد ليه علاقات ده كفايه البنات اللى عنده

أمجد الله اعلم ياسوزان انا مبسالش فى اللى مليش فيه دى حياته الخاصه ويعمل اللى هو عاوزه

سوزان هو عنده كام سنه شكله اكبر منك

امجد ايوة هو اكبر منى بخمس سنين بس لما تتعاملى معاه تحسيه راجل كبير وناضج تحسيه أكبر من سنه بكتير

سوزان بس انتوا مش شبه بعض فى الشكل ملامحك وملامحه مختلفه تماما

أمجد اسعد مش شقيقى اسعد اخويا من امى

امى الله يرحمها كانت متجوزه والد اسعد بس ماارتاحتش معاه واطلقت منه واسعد وقتها كان عمره سنه وبعد كده قابلت والدى الله يرحمه وحبته جدا برغم ان والدى كان فقير وعلى اد حاله بس هى تمسكت بيه وهو بردو كان نفس ظروفها كان متجوز ومحصللوش نصيب مع اللى اتجوزها وكان مخلف منها ولد وبنت بس مكنش لينا علاقه بيهم لان امهم اخدتهم وسافرت بيهم وبابا كان كل اللى بيربطه بيهم مجرد تليفون مش اكتر بس كان بيحب اسعد جدا وعمره مافرق بيننا فى المعامله واسعد كان بيحبه اوى وبعد فترة بابا وماما اتوفوا ورا بعض ومبقاش لية فى الدنيا كلها غير اسعد اخويا وجدتى وداده سعاد وهو فى الحقيقه ساعدنى ووقف جمبي كتير اوى

 ولما والد اسعد ماټ اسعد ورث منه مبلغ كبير فتح الشركه واشترى فيلا

سوزان ايه ده هو عايش في فيلا

امجد ايوة وهو نفسه اوى انى اروح اعيش معاه

سوزان امال انت عايش فين

أمجد انا بعد ۏفاة بابا وماما الله يرحمهم مقدرتش اقعد فى الشقه نفسيتى تعبت اوى كل ركن كان بيفكرنى بيهم وبعد فترة من وفاتهم بعت الشقه واشتريت شقه تانيه فى منطقه احلى وارقى واكبر كمان من اللى كنا عايشين فيها ودى ان شاء الله اللى حتكون شقتنا

سوزان طب وانت ليه مش موافق تعيش معاه