عبير سالم

هو فى حد يطول يعيش فى فيلا

امجد فقري بقى تقولى ايه لا ياستى انا مبحبش افرض نفسي على حد دى فيلته هو مينفعش انى اعيش معاه فيها بكرة يتجوز ويبقى عنده ولاد وحقه يعيش بحريته وانا الحمد لله راضي ومبسوط وحكون مبسوط اكتر لما تدخلى حياتي وتنوريها

المهم انا عاوز أسعد يقتنع بانك فعلا كويسه عاوزه يبقى راضي عن جوازنا انا بحبه اوى ومليش غيره فى الدنيا كلها

سوزان ان شاء الله حيوافق على جوازنا وهو اللى حيجوزنا بنفسه كمان

امجد يارب ياسوزان انتى متعرفيش موافقة أسعد على حوازنا مهمه ازاى بالنسبه لي

 تبدا سوزان فى عملها بالشركة لم تغير من شكلها او من طريقة لبسها بل حرصت وبشده على ان تكون مميزة بين تلك الفتيات وكانت برغم بساطتها فى اللبس الا انهاكانت تفوقهم جمالا فكما يقول المثل جمالها كان جمالا ربانيا

بدات تلفت نظر اسعد اليها من خلال انضباطها فى الحضور وخروجها بعد كل من يعملون بالشركه كانت تهتم بتقديم فنجان القهوة فى الصباح لاسعدبرغم ان هذا الامر ليس من اختصاصها وما ساعدها على اخذ حريتها اكثر هو ان السكرتيرة الثانيه قد قدمت على اجازة لزواجها فاصبحت هى الوحيده القريبه من اسعد

وبمرور الوقت اكتسبت ثقته واصبحت تعلم الكثير عن العمل وكان يطلعها على اشياء كثيرة فى العمل

كان دائما وهو يتحدث اليها مايسرح فى جمالها الغير مكلف

يدخل اسعد الشركه فى الصباح كالمعتاد وهو متاكد من وجودها على المكتب حيث انه تعود على ذلك ولكنها لم تكن موجوده فقط وجد ورقه مرسوم فيها عدة رسومات جميله جدا اعجبته بشده

فتح الباب بهدوء حيث كانت واقفه اما الشرفه معطية اياه ظهرها وكانت قد تركت الحريه لشعرها الناعم يطير على كتفيها دخل فوجد رائحة العطر تنبعث من كل مكان وقف قليلا وهو بترقبها بعينيه لاينكر انه اعجب بها وبشده فهى برغم بساطتها الاانها متميزة عن الجميع جمالها يفرض نفسه ويتحدث بالنيابه عن نفسه

كانت تتسم بالجسم المثالى وكانها عارضة ازياء بدا يشعر تجاهها بمشاعر جديده عليه

بعد قليل فاق لنفسه صباح الخير

سوزان وهى تلتفت له فكانما كانت منتظرة دخوله بابتسامه جميلة صباح الخير

أسعد انا شفت برة على المكتب رسومات حلوة اوى مين اللى رسمها

سوزان انا اللى رسمتها

أسعد معقوله رسمك حلو كده ده انتى فنانه بقى

سوزان وهى تقترب منه ولا فنانه ولاحاجه عادى يعنى

أسعد لا عادى ايه ده انا لازم اشغلك معايا

سوزان هههههههه مانا بشتغل معاك

اسعد لاء انتى متعرفيش انى بتبنى المواهب الشابه وانتى عندك موهبه جميله انا حساعدك انك تظهريها ويكونلك مكانه

سوزان وهى تتنطط فى مكانها بحركه طفوليه تحرك بها مشاعره بجد بابشمهندس بتتكلم بجد

أسعد اكيد طبعا المهم ياللا دلوقتى شوفى الشغل اللى عندك وحضريلي فنجان القهوة بتاعى

سوزان ثوانى وحتكون قدامك

يجلس اسعد وهو يتحدث لنفسه هو انا مالى حاسس ناحيتها بمشاعر مختلفه كده ليه ماالبنات هنا ماليين المكان اشمعنى هيا اللى لفتت نظرى اوى كده

يمكن عشان مختلفه عنهم مش عارف بس ده حتى كل واحده كانت بتيجى هنا وتبقى مؤدبه وغلبانه مفيش يومين تلاته وتبقى شبه الموجودين دول بيتنافسوا مين حتبقى احلى من التانيه الاهى من يوم ماجت مااختلفتش هى هى

هو انا شكلي حبيت واللا ايه

يدق الباب ويدخل صباح الخير

اسعد وهو يقوم لاحتضانه صباح الفل يا حبيبي

تعالى اقعد عامل ايه وحشنى اوى

أمجد انت اكتر والله بس طمنى سوزان عامله معاك ايه فى الشغل

أسعد ممتازة وانا متوقعلها مستقبل كبير

أمجد الحمد لله

يتناقشون معا فى عدة موضوعات ثم يستئذن منه امجد ان يصطحب سوزان ويمشيان فياذن له بذلك

فكيف له ان يشك فى مشاعر امجد تجاهها كيف له الا يتاكد من حب امجد لها كيف ينكر ذلك البريق وتلك اللمعه التى تظهر فى عينيه عند الحديث عنها اذا لم يحبها فلما الداعى للاتيان اليها كل يوم للقيام بتوصيلها الى البيت حبه لها كان واضحا وضوح الشمس فى واشد وهجها كيف له الا يرى هذا الحب الذى يملاء قلب اخيه

فقط كل ماكان ينقص هو ان يسمعها منه من لسانه ولكن اذا كانت القلوب تنطق والعيون تفضح فلما الداعى لهذه الكلمه

ولهذا قد كان اسعد يتعمد ان ينكر هذا الشعور وهذه الاحاسيس المنبعثه من قلب اخيه لتلك الفتاه

ويقنع نفسه انها قد تكون مجرد شفقه من اخيه على تلك الفتاة

يجلس امجد فى احد المطاعم وامامه تلك الحوريه التى اصبح لايستطيع الاستغناء عنها

أمجد سوزان انا مش قادر خلاص على بعدك اكتر من كده بصي انا قررت افاتح اسعد فى موضوعنا خلاص

سوزان بالسرعه دى بس انا لسه ملحقتش اثبت كفاءتى ليه

ده انا مبقاليش عنده غير تلت شهور بس

أمجد لا ياستى اطمنى هو مبسوط منك اوى وراضي اوى عنك وانا متاكد انه مش حيرفض ارتباطنا بصى انا حسافر فى ماموريه لمدة عشر ايام حكلمك كل

يوم واول ماارجع ان شاء الله حفاتحه على طول

سوزان اللى تشوفه ياامجد

أمجد اسمها حبيبي مش امجد

سوزان هههههههه

أمجد لا بقولك ايه انا مش اد ده كله

تحاول سوزان ان تجد مفرا من هذا الزواج من امجدوبسرعه قبل مرور العشرة ايام لا بد وان تجعل أسعد يتحرك تجاهها والا فلن يكن امامها سوى امجد فعصفور فى اليد خير من عشرة على الشجرة

فى شقة سوزان

تجلس سوزان فى حجرتها وتتحدث الى نفسها لا كده مش حينفع العشر الايام حيجروا وامجد حيكلم اخوه وممكن اوى اسعد يوافق وبعدين بقى

اه صحيح امجد بيحبنى وانا كمان مش كارهاه بس مصلحتى اهم اسعد حيعيشنى العيشه اللى ياما حلمت بيها واتمنتها حيخلينى هانم وانا حلوة وصغيرة والفرق بينى وبينى مش شويه يعنى حيدلعنى ويهتم بية ده غير ان امجد راح واللا جه اسمه موظف بيستنى مرتبه اخر الشهر لكن اسعد عنده شركته واديكى شايفاه بيسافر ويروح وييجى وطبعا حياخدك معاه وحيلففك العالم يااه يابت ياسوزان لو قدرتى توقعيه ده انتى تبقى امك داعيالك فى ليلة القدر وانا اصلا اوقات بحس عينه منى يعنى الموضوع مش حيكون صعب علية

 وترفع سماعة التليفون لتحاول تنفيذ بدء خطتها

كان اسعد يمارس الرياضه فى فيلته فعنده عدد من الاجهزة الرياضيه التى يحب ان يمارس عليها الرياضة

يعلن هاتفه عن اتصال فيتهلل وجهه من الفرح ه عند رؤية اسمها على الشاشه

ولكنه يكنسل عليها ويعاود الاتصال هو

سوزان مساء الخير يا بشمهندس

أسعد مساء النور يا سوزان عامله ايه

سوزان الحمد لله بخير انا آسفه لو كنت اتصلت فى وقت غير مناسب

أسعد لا ابدا انتى تتصلى فى اى وقت وانا مكنتش بعمل حاجه انا كنت بلعب شوية رياضه بس

سوزان انا شايفه حضرتك بتحب الرياضه اوى

أسعد ايوة طبعا كفايه انها بتخرج الطاقه السلبيه من الجسم

تحاول سوزان فتح عدة موضوعات معه وهو كان سعيد بذلك وكان متجاوب معها جدا فى المكالمه حتى ان الوقت مر عليهم دون ان يشعر وكانت حريصه وبشده الا تتطرق الى اسم امجد فى المكالمه

يأتي الصباح وتذهب الى الشركه وهى ترتدى فستانا جميلا بظهر جمالها ووضعت فى وسطها حزاما يبرز جمال خصرها فقد قررت ان تستخدم كل اسلحتها فى هذه الأيام القليله فاما ان تستحوذ عليه وتفوز به واما ان تفوز بامجد ولا تضيعه من يدها

 وتقرر ان تتاخر عن عملها وهى متعمده ذلك حتى ترى مدى اشتياقه لها

تطرق باب مكتبه وفى يدها فنجان القهوة صباح الخير

يرفع اسعد راسه اليها ثم يبتسم على هيئتها وطلتها الجميله

صباح الفل والياسمين على احلى عيون فى الدنيا

اتاخرتى كده ليه اول مرة تتاخرى كده

سوزان اسفه اول واخر مرة

أسعد سوزان وراكى حاجه بالليل

سوزان لاء مورييش حاجه خير

أسعد اصلي زهقان ونفسي اتكلم مع حد فلو معندكيش مانع تقبلي عزومتى عالعشا ونتكلم شوبه وبعدين امجد مسافر يعنى مش حاخدك منه

سوزان حضرتك بتقول ايه بس يابشمهندس انا تحت امرك عاوزنا نتقابل الساعه كام وفين

بعد مرور عدة ساعات فى احد الاماكن الراقيه التى لم تدخلها من قبل مع امجد ولم تراها سوى فى الافلام والمسلسلات كانت تشعر وكانها بطله احد الافلام حرصت على ان تشترى طقم جديد لم يراه عليها من قبل وذهبت الى الكوافير وقامت بتلوين شعرهاوصففت شعرها بعنايه ووضعت بعض مساحيق التجميل التى جعلتها تبدو مثل الاميرة كانت حقا رائعة الجمال

عندما اقبلت عليه تسمر فى مكانه شعر بان قلبه خرج من مكانه لم يكن يتوقع انه بمجرد بعض اللمسات الخفيفه تتحول لهذا الجمال

لم يستطع ان ينكر رغبته فيها لم يعرف شعوره ناحيتها هل حب ام اعجاب ولكن استحوذ عليه شعور رغبته فى امتلاكها وان تكون له وحده هو فقط

أسعد مبسوطه فى الشغل معايا

سوزان مبسوطه اوى ده انا بستنى الصبح ييجى بفارغ الصبر عشان اشوفك قصدى عشان اجى الشركه

أسعد سوزان ممكن اعرف طبيعة العلاقه اللي بينك وبين امجد بالظبط

سوزان امجد صديق عزيز علية اوى وافضاله علية كتيره

أسعد صديق بس ازاى ده حبه ليكى ظاهر جدا لمعة عينه لما بتيجى سيرتك بتقول انه عاشق متيم بيكى نظرته ليكى نظرة عاشق ولهان

سوزان ايوة ده حقيقي فعلا بس ده من ناحيته هو بس لكن انا مشاعرى تجاهه مش اكتر من صداقه وعرفانى بالجميل ليه

أسعد يعنى انتى ياسوزان مش بتحبيه

سوزان لاء طبعا انا مش بحبه ولا عمرى وعدته بحاجه

أسعد طب ممكن اعرف اذا كان فى حد تانى فى حياتك واللا لاء

تقرر سوزان الا تفوت هذه الفرصه التى جاءت اليها

سوزان تضع يدها على يده بجراة وتنظر فى بؤرة عينيه انت بحبك انت

أسعد بجد ياسوزان بتحبينى زى مابحبك

سوزان بجد معقوله تكون انت بتحبنى وحاسس بية وبمشاعرى تجاهك

أسعد ايوة بحبك ياسوزان انا حاولت كتير ادارى حبك جوايا عشان احساسي بالذنب تجاه اخويا وانى متاكد من حبه ليكى بس مادمتى اكدتيلي ان الحب ده من ناحيته هو بس يبقى انا لازم اعترفلك بحبي

سوزان يعنى حنتجوز

أسعد نتجوز

سوزان امال ايه انت مش بتقول انك بتحبنى واللا انت فاكر انك ممكن تصاحبنى واللا تمشي معايا يومين والسلام

اسعد لا ابدا مش اللى فى دماغك خالص وعلى فكرة انا مجاش فى بالي لحظه حاجه زى دى انا مبنكرش ان لية علاقات كتير بس انتى حتكونى حاجه تانيه انتى مميزة عندى اوى انتى مختلفه عن كل اللى حواليه

واسعد يوم فى حياتى هو اليوم اللى حتكونى فيه مراتى وعلى اسمى بس انا مشكلتى حتكون مع امجد تفتكرى امجد حيقدر موقفنا وحيقتنع اننا بنحب بعض انا خاېف اوى انه ياخد موقف ده مهما كان اخويا وانتى متعرفيش انا بحبه ازاى

سوزان اسعد حرام عليك تهد الحب اللى بيننا بسهوله كده امجد صحيح ممكن يزعل شويه لكن بعد كده حينسى وهو لسه صغير وبكرة يقابل اللى يحبها وتحبه

لكن انت لو اتخليت عنى انا حضطر اتجوزه مش عشان بحبه لاء ابدا عشان هى دى الفرصه اللى حتكون ادامى انى اقدر اطمن عليك واعرف اخبارك بس ياترى انت حتقدر تشوفنى مع اخوك

أسعد لاء طبعا استحاله انا مش حقدر استحمل انك تكونى مع غيري انا مش حسيبك ياحبيبتى انا ماصدقت الاقيكى

ماصدق قلبي يعرف معنى الحب انتى متعرفيش انتى عملتى فية ايه انتى بقيتى مسيطرة على كل مشاعرى

وان شاء الله ربنا حيحلها من عنده

كان امجد طوال مدة سفره يحاول الاتصال بسوزان وكانت احيانا ترد واحيانا لاتريد الرد عليه حتى ان هذا الامر كثيرا ماكان يقلقه ولكنه كان مستبعدا تماما فكرة ان يكون هناك من اخذها منه ولكنه قلق عليها وكان ينتطر مرور هذه الايام بفارغ الصبر

فى هذه الايام كانت تحاول جاهده ان تتقرب من اسعد اكثر واكثر وتفرض عليه سلاحھا كانثى وتجعله اسيرا لها

عاد امجد من مهمة عمله بسلام وقد قرر ان يقول لاخيه عن رغبته فى الزواج من سوزان

يدخل امجد المكتب فلا يجد سوزان على مكتبها

يفتح الباب ليجد سوزان جالسه امام اخيه لا ليست جالسه امامه وانما بجانبه على الانتريه الملحق

بالمكتب

كانا قريبان من بعضهما بشده ولكنه لثقة امجد بها وباخيه لم ينتبه لهذا الامر

ولكنهما ارتبكا بشده عند دخوله عليهم

اسعد امجد حمد الله على السلامة يا حبيبي

سوزان حمد الله على السلامة يا امجد

امجد الله يسلمك يا حبيبتى ثم يحتضنها ويحاوطها بذراعيه

كانت سوزان تنظر لاسعد وهى تتحدث اليه بعينيها لتنتظر ماذا سيفعل

أمجد اسعد انا النهارده جاى اقولك على موضوع ومتاكد انك حتوافق عليه

أسعد موضوع موضوع ايه ياامجد

امجد وهو ينظر لسوزان بحب انا بحب سوزان ونويت اتجوزها

اسعد ماشي انت عاوز تتجوزها بس ياترى هى كمان عاوزة تتجوزك

أمجد ايوة طبعا يااسعد انا وسوزان بنحب بعض ومتفقين عالجواز

أسعد ايه رايك فى الكلام ده ياسوزان

تنظر سوزان فى الارض ولاترد عليه

امجد سوزان مالك ياحبيبتى فى حاجه مبترديش ليه

أسعد عشان معندهاش حاجه ترد بيها عليك ياامجد سوزان بتحبنى انا وانا بحبها واحنا اتفقنا على الجواز

أمجد هههههههه هههههههه هههههههه هههههههه

ايه ياحماعه النكت اللى بسمعها دى مين اللى بيحب مين انا وسوزان اللى بنحب بعض يااسعد

 سوزان ساكته ليه ياحبيبتى فى ايه مالك مش عاوزة تردى علية ليه فهمينى ايه اللى بيحصل بالظبط وايه الكلام اللى انا سمعته ده

أسعد من فضلك ياامجد اقعد كده واهدى عشان نعرف نتفاهم

أمجد نتفاهم على ايه انا مش فاهم حاجه اصلا اسعد بص يااسعد انا اللى حفهمك انا وسوزان بنحب بعض وانا اصلا شغلتها عندك عشان انت تتاكد بنفسك من اخلاقها ومتعترضش على جوازنا وده كان اتفاقنا انا وهى

واذا كنت انت بتقول كده عشان تشوفنى حتمسك بيها واللا لاء فانا مستعد احارب الدنيا كلها عشانها فهمت يااسعد

أسعد والله لو كانت هى بتحبك زى مانت بتقول كنت حكون اول واحد يقف جمبك ويتمنالك السعاده لكن هى مبتحبكش افهم بقى انت ليه مش مقتنع ان سوزان بتحبنى واختارتنى انا

أمجد انطقى اتكلمى كان يتكلم بصوت عالي كان مڼهار يكاد عقله ان يجن مما يسمع عقله لايستوعب مايسمعه

سوزان امجد ارجوك اهدى شويه خلينا نتفاهم ببالراحه امجد ارجوك اعذرنى الحب مش بايدنا انا حبيت اسعد حبيته ڠصب عنى واسعد كمان بيحبنى أمجد ارجوك متزعلش منى بكرة ان شاء الله ربنا