عبير سالم

تانى وهى دلوقتى تعبانه اوى شكلها بتولد

اسر بتولد حياة بتولد انا جاى حالا

أمجد استنى يااسر انا جاى معاك

يطلب اسر عربة الإسعاف ويذهب سريعا لبيت هدير

يدخل اسر وامجد منزل هدير وهذه كانت اول مرة يدخل فيها أمجد بيت هدير وتقوم الاسعاف بحملها

 حياة الحقنى يااسر انا حاسه انى حموت

اسر بعد الشړ عنك ياحبيبتى ان شاء الله حتقومى بالف سلامه

يركب اسر عربة الاسعاف مع حياة ويطلب من امجد ان يركب سيارته ويصطحب معه هدير

أمجد وهو يفتح الباب لهدير اتفضلي اركبي

تركب هدير بجانب أمجد بدون التحدث باى كلمه

يجد امجد اتصالا من اسر ايوة يااسر خير

اسر ادينى هدير ياامجد

يمد أمجد يديه بالتليفون لهدير اسر عاوزك

تأخذ هدير الهاتف منه فتجده ينظر فى عينيها

هدير ايوة يااستاذ اسر

اسر هدير الله يخليكى اتصلي على مامة حياة وعلى البيت عندنا بلغيهم وقوليلهم كلهم يحصلونا على المستشفى عشان انا مفيش اعصاب اكلم حد

هدير حاضر

تعطى التليفون لامجد اتفضل

ثم تقوم باخراج تليفونها من حقيبتها وتقوم بالاتصال على عفاف  وعايده لاخبارهم بالأمر

ثم تضع هاتفها فى الحقيبه مرة اخرى

أمجد عامله ايه يا هدير

هدير الحمد لله

أمجد هدير انا

هدير أستاذ أمجد الله يخليك مش عاوزة اتكلم فى حاجه

أمجد هدير الله يخليكى نفسي تدينى فرصه بس اتكلم معاكى

هدير انا بحبك والله العظيم بحبك

هدير وانا مبحبكش ومش طايقاك ومبكرهش حد اد مابكرهك ثم تنزل الدموع على خدها

فيقف أمجد بالسيارة جانبا هدير ربنا يخليكى متوجعيش قلبي اكتر من كده هدير ادى نفسك فرصه تسمعينى وتسامحينى ونفتح مع بعض صفحه جديده نبدا بيها حياتنا وننسى اللى فات

هدير انسى ايه ياحضرة الظابط انسى تجريحك لية واھانتك لية فى الرايحه والجايه وكل ده ليه عشان ټنتقم لنفسك من واحده باعتك طب انا مالى ايه علاقتى انا بالموضوع هى كانت من بقية عيلتى

من فضلك اطلع بالعربيه الجماعه حيوصلوا المستشفى قبلينا

ينظر لها امجد بحزن ثم يتحرك بالسيارة

تقف سيارة الإسعاف أمام المستشفى

ويتم حملها سريعا الى الداخل وهى تصرخ من الألم ثم يتم إدخالها على غرفة العمليات مباشرة

بينما تقف هدير ويقف أمجد امامها كانت عيونه لاتنزل من عليها كان يؤنب نفسه وبشده عما حدث منه

فجاة يجد دكتورا مقبلا نحوها ويمد يده اليها هدير ازيك عامله ايه

هدير الحمد لله والله ياعلاء

علاء خير فى حاجه

هدير حياة صاحبتى فى حالة ولاده جوة

علاء بجد طب الف مبروك عقبال لما نفرح بيكي ان شاء الله

هدير ربنا يخليك يا علاء شكرا

علاء طب مش عاوزين حاجه او محتاجين اى مساعده

هدير لا والله شكرا

علاء طب بصي انا جوة فى المكتب عندى لو فى اى حاجه كلمينى على طول وانا كمان شويه حاجى اطمن عليها

هدير شكرا ياعلاء

كانت عيون أمجد تخرج شرارا وهو يراها تتحدث الى هذا الشخص وهو لايعرف من هو وفيم كانوا يتحدثون

التفتت هدير بعينها فوجدته ينظر اليها فلم تهتم للأمر ونظرت بوجهها للناحيه الأخرى فتجد عفاف  وزوجها ويسر ومالك يجرون عليهم

هدير اهلا يا طنط ازى حضرتك

عفاف  الحمد لله ياحبيبتى طمنينى بنتي عامله ايه

هدير فى العمليات ياطنط

كان اسر فى حالة توتر شديده

بمجرد ان راى عفاف  جرى عليها واحتضنها ادعيلها ياامى حياة بتولد جوة

عفاف  اطمن ياحبيبي ان شاء الله حتقوم بالف سلامه

مصطفى متقلقوش ياجماعه ان شاء الله خير

حد كلم سعيد يقولله

اسر ياربي نسيت والنبي كلمه حضرتك يادكتور احسن ده ممكن يقاطعنى فيها

بعد قليل تصل عائلة فهمى التهامى ياتى فهمى وعايده وملك وفارس ولكنهم تركوا الصغيرات وريان فى البيت مع الداده حتى يطمئنوا على حياة

عايده طمنى يابنى ايه الاخبار

اسر فى العمليات ياماما ربنا يستر

فارس متقلقش ان شاء الله تقوم بالف سلامه

اسر يارب يارب

بعد قليل يجدون سعيد يدخل وهو يجرى عليهم اختى عامله ايه

فارس ماشاء الله دى العيله كلها هنا دى حتجيب واحدياجماعه مش فريق

عايده والنبي يافارس ابوس ايدك تنقطنا بسكاتك عشان اسر على اخره والا انا مش مسئوله عن اللى حيعمله فيك

فارس حاضر ياقلبي

الكل منتظر وقلقان ولاتوجد اى اخبار

عفاف  مصطفي الله يخليك ادخلهم طمنى على بنتى انا حسه انى حتشل

مصطفى بعد الشړ عنك يا قلبي

يدخل ويتم تعقيمه وارتداء روب العمليات فيرحب به الدكتور والممرضات

مصطفى ايه الأخبار

الدكتور بنحاول معاها طبيعى من بدرى بس الظاهر مش حينفع لازم نفتح قيصريه

حياة بصوت ضعيف بابا انا تعبانه اوى انا حسه انى حموت

فيجد مصطفى دمعه تهرب من عينيه حبيبتى الف بعد الشړ عنك ان شاء الله حتقومى بالف سلامه

انا حخرج اطمنهم دكتور الله يخليك ياللا بلاش نضيع وقت بنتى تعبانه

الدكتور حاضر يادكتور

يخرج مصطفى اليهم ان شاء الله حتقوم بالسلامه

اسر حياة تعبانه حياة فيها حاجه الله يخليك طمنى

مصطفى متقلقش يابنى ان شاء الله خير كل الموضوع ان كان فى فرصه انها تولد طبيعى بس للاسف حياة تعبانه ومش قادرة وده اللى اخرهم لكن هما دلوقتى حيولدوها قيصرى

عفاف  مش مهم اى حاجه المهم بنتى تقوملى بالسلامه عاوزة اشوف بنتى يامصطفى قدام عينيه

خليهم يعملوا اى حاجه المهم بنتى بنتى تخرجلى بالسلامه

ثم ټنهار عفاف  من البكاء

عايده اهدى ياحبيبتى ان شاء الله حتقوم بالف سلامه

عفاف  يارب يارب اقف معاها يارب

دى كل دنيتى وحياة حبيبك النبي احميها واقف جمبها يارب

دخل مصطفى مرة ثانيه العمليات

بينماكان سعيد واقفا على جمب وهو يرفع يديه للسماء داعيا الله لها ان تقوم بالسلامه

ثم يجدون مازن و شيرين مقبلين عليهم وعلى ذراع مازن عاصم

فياخذه فارس منه تعالى ياضنايا اهلا بالشيوخ الاخ مازن والاخت شيرين

حمد الله على السلامه ياغاليين ربنا يتقبل أن شاء الله

حج مبرور وذنب مغفور أن شاء الله

مازن حج ايه يابنى احنا كنا فى عمرة

فارس اه معلش والله الواحد اتلغبط اعذرونى باجماعه اصلنا فتحنا مستشفى الشاطبي فى العيله دى كل يوم والتانى واحده بتولد خلونى اتلغبطت والله

شيرين بطل رغي بقى شويه وطمنى على حياة أخبارها ايه

ملك لسه فى العمليات

شيرين ان شاء الله حتقوم بالف سلامه

عايده حبيبتى انتوا لسه راجعين من السفر تعبتم نفسكم ليه بس

شيرين يالهوي ياماما ازاى يعنى منجيش نطمن على حياة ده انا والله دعتلها كتير قدام الكعبه ان ربنا يقومها هى وملك بالف سلامه

عايده يارب يقوموا بالسلامه يارب

ثم يجدون شهد مقبله عليهم هى الأخرى حياة عامله ايه

 فارس بصوا بقى ياجماعه انا حروح اقف انظم المرور وامنع دخول اى حد المستشفى اه ماحنا احتلينا المستشفى كلها لحسابنا

ملك فارس اهدى ياحبيبى الله يرضى عليك انا تعبانه ومش حمل تهزئ كل شويه

فارس ليه بس هو انا لسه عملت حاجه ده لسه لما اختى وفريقها القومى ييجوا وعلا القمر وولادها ييجوا

ملك فارس حتتلم واللا المك

فارس بهزر ياقلبي من جوة

كان الكل قلقا وخائڤا فجاة يجدون اسر يحلس على الكرسى ويبكى كالاطفال

عايده صلى عالنبي كده يابنى ان شاء الله حتقوم بالف سلامه

تسر يارب يارب تقوم بالف سلامه انا والله لاعاوز اطفال ولاغيره انا مش عاوز غيرها حياة لو حصلها حاجه انا حموت حتبقى دى نهايتى كفايه علية اللى راح انا مش حقدر استحمل اخسرها هى كمان

سعيد متقلش كده اختى حتقوم بالف سلامه ان شاء الله

اسر يارب يارب

تدخل علا وهى تجرى عليهم

فارس اهلا بالتليفزيون شفتى ياملوكتى قلتش حاجه انا دلوقتى

اخيرا وبعد طول انتظار يخرج اليهم مصطفي مرة ثانيه

فيجرى عليه الجميع

مصطفى وهوينظر اليهم ثم يتجه ناحية ذلك المحمر العينين من ا لبكاء ويحتضنه الف حمدلله على سلامة مراتك وابنك يابنى

 اسر ودموع الفرح تملاء وجهه بجد حياة كويسه وقامت بالسلامه

مصطفى طب وابنك مش عاوز تسأل عنه هو كمان

اسر ابنى هو انا بقى عندى ابن

مصطفى قمر ياحبيبي ربنا يباكلك فيه يارب ويجعله من الصالحين

اخذ الكل يهنئ بعضهم البعض على سلامة حياة وطفلها بينما اخذت علا وشهد يطلقون الزغاريد فى المستشفى

أمجد وهو يقترب من هدير والفرح ه تملاء وجهها حمدالله على سلامة صاحبتك

هدير بابتسامه جميله والضحكه تملاء وجهها الله يسلمك

يسعد امجد بهذه الابتسامه التى لم يعدها من قبل

فى داخل الجناح الذى اخذه اسر ليكفى كل هذه العائله

فارس اللهم صللي على كامل النور هى مصر كلها بضواحيها مع مراعاة فروق التوقيت كلها هنا

منورين والله ياجماعه انا بقول بقى بالمرة نجيب الحمص والسودانى وندق الهون ونعمل السبوع بالمرة ونعزم بقى طقم المستشفى يعنى هى جت عليهم

مازن طنط هو فارس ده ميعرفش يسكت خالص لازم يحط بصمته فى كل مكان كده

عايده معلش ياجماعه والله انا كنت عاوزة اجى بسرعه قبل مايشوفنى بس حعمل ايه حس بية وشبط زى العيال الصغيرة

وفاء لاياجماعه من فضلكم محدش يزعل فارس حبيبي ده هو احلى حاجه فى العيله دى

عايده والنبي مافى حد مارعه علينا غير دلعك فيه ده طبعا ماهو من يوم مانورر بنا كرمها وهو لازق عندكم

ملك لا واحلى حاجه انه بياخد معاه ريان ويفضل مقعده جمب ايلين ويقعد يقولله دى خطيبتك ياواد اوعى حد ياخدها منك ده انا كنت احرمك من الميراث

فارس ايوة طبعا مش دول أبطالنا اللى رافعين راس العيله

يضحك الجميع على فارس

عفاف  حبيبة امك عامله ايه يا قلبي من جوه

حياة الحمد لله ياماما

ماما ابنى حلو

عفاف  بسم الله ماشاء الله تبارك الله

زى القمر ياحبيبتى ربنا يحميه يارب ثم تقربه منها وتقبله

اسر يجلس بجوار حياة ويقبل يديها تعبانه ياحبيبتى

حياة حبيبي مادمت انت جمبي اى تعب فى الدنيا يهون

اسر حبيبتى ربنا يخليكي ليا يارب

حياة شفته جميل ازاى

اسر قمر ياحبيبتى ربنا يحميه ويجعله سند لاخواته يارب

حياة هما فين ياحبيبي انا مش شايفاهم

اسر فى البيت ياحبيبتى

حياة انا عاوزاهم يااسر

اسر حجيبهملك ان شاء الله

فارس مش وقته دلوقتى الحب والحنان ده قولولنا حتسموا الواد ايه

عايده أنا نفسي افهم انت ايه حكايتك مع الأسماء كل ما حد يولد تقول حتسموا ايه حتسموا ايه انت مالك شاغل نفسك ليه

فارس هدي اعصابك ياحاجه كده هو انا ورايا غيركم يعنى لو مشغلتش نفسي بيكم حشغل نفسي بمين يعنى

عشان تعرفى بس ياامى العزيزة انى طول عمرى حمال الاسيه

عايده حمال مين ياقلبي ده احنا اللى طول عمرنا متحملينك ومتحملين قرفك

فارس مقبوله منك ياغاليه ياللا قولنا بقى حتسموه ايه

اسر سليم ان شاء الله

فارس سليم وده من إيه

فهمى أصيل والله يااسر

فارس هو انا طرطور فى القعده دى واللا ايه ماتفهمونى ياجماعه ايه حكاية سليم دى

اسر والدموع تترقرق فى عينيه الله يرحمه كان صاحبي

فهمى كان زميل اخوك فى اولى ثانوي وهو واخوك راجعين من الدرس طلع عليهم عيل صايع وجايب معاه اتنين كمان وكان عاوز يؤذى اخوك عشان كان غيران منه انه اشطر منه واحسن منه

سليم الله يرحمه وقفلهم واتصدر لهم عشان يدافع عن اخوك

لكن اللى منهم لله ضړبوه ضړب جامد اوى ومن شدة الضړب قعد يومين فى العنايه وماټ وقبل مايموت وصى اخوك يجيبله حقه من اللى عملوا فيه كده

بعد مامات الله يرحمه البوليس معملش حاجه الولد كان اهله ناس واصله اوى وعرفوا يخرجوه من القضيه بسهوله وبعد كده هربوه من مصر خالص

اسر نفسيته تعبت اوى وقعد فترة اعصابه تعبانه وحاسس بالذنب وانه السبب فى مۏت صاحبه

كان فهمى يتحدث والدموع تملاء وجه اسر ثم تحدث

وقتها انا صممت انى اكون محامى عشان انصر الحق واقف فى وش الظلم

وعاهدت نفسي ان يوم ماربنا يكرمنى بولد حسميه سليم

على اسم الشخص اللي انقذ حياته وفدانى بروحه

عفاف  ربنا يجعله سليم دايما يارب ويحفظه ويحميه من كل شړ

شهد مالك ياملك شكلك تعبان

ملك مش عارفه ياشهد بس حسه بۏجع جامد

شهد طب قومى ياحبيبتى ادخلى الحمام كده واغسلي وشك

تقف ملك لتدخل الحمام فتشعر ببداية علامات الولاده

ملك يالهوي الحقينى ياشهد انا حولد

شهد ايه ده ياملك ده انتى متغرقه ياحبيبتى

الحقنا يافارس

فارس فى ايه ايه اللى حصل

شهد ملك بتولد ياجماعه

يتوتر الجميع بينما كان فارس يجرى كالمچنون ايه تولد هو ده وقته يادى النيله

مازن هو انت حتقعد تندبلنا ياللا اتحرك بسرعه

يجرون سريعا على الدكتور ويتم الكشف على ملك ودخولها غرفة العمليات

فارس هو ده وقته ملك دى حتشلنى دايما مختارة الوقت غير المناسب هو ده وقته

فهمى وهو بمزاجها يابنى

فارس احنا ناخد الدور كله بقى يادوب على ادنا

بعد مده قليله

يخرج الدكتور ليبشرهم بالمولوده الجديده

فى داخل الجناح

يقف فارس بين السريرين ماشاء الله عليكم ايه الهنا اللى احنا فيه ده

كله

يااللا ياجماعه احنا فتحنا المزاد مين ناوى يدخل معانا وينام على السرير التالت مش ناويه يايسر انتى كمان

يسر لا مش ناويه خالص دلوقتى ده مصطفى مطلع عينى

فارس وانتى يااخت شيرين مش ناويه

شيرين ناويه على ايه ياتحفه هو انا لحقت اخد نفسي

فارس طب مين ناوى ياجماعه مينفعش كده انا مش عاوز العيله دى تبطل ولاده عاوز افتح مدرسه لعيلتنا كلها

هاه ياشهد مش ناويه

شهد لا ناويه ايه الحمد لله ربنا يخليلي حياة واسر

فارس لا ياجماعه مينفعش كده بس مفيش غيرك يادودو ايه رايك تعمليها انتى وتجيبيلنا نونو صغير كده نفرح بيه

عايده الصبر من عندك يارب انت متخلف يابنى واللا عقلك ضړب

فارس ليه بس ياعايده ده انتى الخير والبركه

عايده ماخلاص بقى ياحبيبي كان زمان وجبر

فارس ليه بس ياعايده هو الراجل ده مش قايم بوظايفه كويس واللا ايه

ايه ياابو اسر ايه النظام هاه قوللى لو فى حاجه نساعدك

قول يافهمي متتكسفش منى ده انا احبلك الخير والله

فهمى اقسم بالله العظيم لو مااختفيت من قدامى حالا لخليهم يرموك برة المستشفى متخلف

 فارس لا انا زيي زيكم انا مراتى ولدت ولازم اكون جمبها مقدرش اسيبها

فهمى وهو يمسكه من ياقة القميص يبقى تقعد تتلقح هنا جمبها واياك اسمعلك نفس انت فاهم يابنى ادم انت

فارس حاضر ياسيدي بس بالراحه على نفسك شويه

شيرين حتسموها ايه يافارس

فارس يالهوى ده انا نسيت

ملك فارس والنبي تهدى شويه انا تعبانه يافارس مش قادره مش مستحمله صوت جمبي

فارس ماتنامى ماحياة نايمه جمبك اهيه ومش سامعين لها صوت

ملك تعبانه يابنى مش قادرة

فارس حبيبتى حقك علية طب غمضي عينك وقوليلى حنسميها ايه احنا متفقناش على اسماء

ملك سميها زى مانت عاوز انا مش فايقه انا تعبانه

فارس ياللا اتحفونا ياجماعه بالاسماء وانا اللى حختار

ملك قوم من جمبي مش مستحمله الصوت

فارس حاضر حقوم جتك ضړبة

يجلس بجانبهم على الكراسي بينما يتحدث للجميع ليختاروا اسما لابنته

عايده ايه رايكم فى ورد

فارس