عبير سالم

على اساس الحديقه اللي عندنا فى البيت واللا ايه

لا شوفولى اسم تانى

مازن ايه رايك فى اسم جويريه

فارس هو حلو بس كبير اوى ده عاوز سطر كامل يتكتب فيه والبنت على ماتعرف تكتبه تكون خدت الابتدائيه

 يسر هههههههه طب بص سميها تالين

عايده لا مينفعش احنا عندنا تولين يبقى تولين وتالين حنتلغبط كده مش من قلة الاسماء

شيرين رهف حلو اوى

فارس لا والنبي احسن مشاعرها تطلع مرهفه وتمشي تحب على نفسهاكفايه ابوها

فهمى ياجماعه كبروا دماغكم منه سيبوه يسمى بنته زى مايسميها مش ناقصين ۏجع دماغ

فارس بقى كده ياوالدى العزيز دي بنتى بنت فارس

وفاء انا سمعت اسم جورى فى مسلسل تركى وعاجبنى اوى

فارس جورى

استنوا كده جورى فارس

الدكتورة جورى فارس لا مش لايقه

طب المهندسه جورى فارس لا مش حلوة بردو

طب الراقصه جورى فارس ايوة حلو اوى انا موافق

فهمى الراقصه حسبي الله ونعم الوكيل فيك ياشيخ

وفاء لا ياحبيبي انت تهدى كده وتربيها كويس دى حتبقى خطيبة زين انت ناسي مش عاوزين حد يضحك علينا

فارس صح يافوءة انتى معاكى حق انا لازم اربيها كويس

اربيها يادى النيله ده انا عاوز اللى يربينى اساسا

فارس ياحبيبي يااخويا ايه رايك فى المشوار ده

اسر رأيي انك تبعد خالص عن الولاد دول انت فاهم دول مسئوليتى انا وانا اللى حربيهم

فارس تمام بابرنس خلاص ياجماعه انا حسمى بنتى زى ما جدة خطيب بنتى امرت جورى

اميرة الاميرات اجمل النساء سيدة الشاشه العربيه

جوورييييييييبي فارس

عايده فوضت الأمر ليك يارب

لله الامر من قبل ومن بعد عليه العوض ومنه العوض

انا مش عارفه انا عملت ايه فى دنيتى عشان ربنا يبتلينى بالبلوة دى

فارس بقى كده ياعايده ده انا ابنك فلذة كبدك

عايده ماهى دى المصېبه انك ابنى ربنا يهديك يا رب يابنى

كانت هدير تتحدث الى يسر

بينما كان أمجد جالسا خارج الغرفه يتحدث الى اسر

اسر ايه ياامجد مفيش اى امل

أمجد اسر انا خلاص مش عاوز اتكلم فى الموضوع ده تانى

اسر عالعموم كل شئ نصيب ومحدش يعرف بكرة في ايه

أمجد اسر انا عاوز اشوف أسعد

اسر بجد ياامجدعاوز تشوفه معقوله دى

أمجد اوعى تكون عاوز تشمت فيه او تحسسه ان اللى حصل ده بسبب اللى عمله معاك زمان

أمجد ايه الكلام اللى بتقوله ده يااسر هو ليه كلكم شايفنى وحش اوى كده ليه محدش فيكم مقدر اللى حصللي ليه

اسر حقك ياامجد مقصدش والله اصلي اخر حاجه كنت اتوقعها انك تطلب منى طلب زى ده

عالعموم حاضر انا حكلمه وحقولله انك عاوز تشوفه واكيد هو حينبسط اوى ده كل امله فى الدنيا انه يشوفك

بينما فى الداخل الكل يتحدث والكل سعيد بهذه العائله التى تكبر افرادها يوما عن يوم

هدير انا حستئذن بقى ياجماعه

عفاف  حبيبتى استنى حد يوصلك

هدير لا مفيش داعى انا حركب اى حاجه

مصطفى تعالى بابنتى اوصلك انا اصلا كنت ماشي

عفاف  انا حروح ارتاح شويه ولو فى اى حاجه كلمينى

عفاف  تمام ياحبيبي مع الف سلامه

تفتح هدير الباب لتقع عيناها عليه وهو يتحدث لاسر

اسر رايحين فين

مصطفى هدير عاوزة تروح حوصلها وحروح ارتاح شويه

اسر طب حضرتك طريقك غير طريقها اتفضل حضرتك وامجد يروحها

هدير حضرة الظابط طريقه مش طريقى كل واحد فينا ليه طريق غير التانى ياللا يادكتور عشان اتاخرت

تمشي هدير ومصطفى بينما يجلس أمجد دون التعقيب باى كلمه

اسر انت متكلمتش ليه

أمجد خلاص مليش نفس اتكلم ولا لية نفس اعمل اى حاجه اسر الله يخليك انا عاوز اقابل اسعد

فى اليوم التالى

غير مصدق ماتراه عينه أيعقل هذا هل مايراه حقا هل هو الذى امامه ذلك الذى تمنى وحلم برؤيته زمنا

نعم فمنذالامس ومنذ لحظة اتصال اسر به وابلاغه برغبة اسر في مفابلته وقلبه لا يحتمل الفرح ه وعفله لا يصدق

أيعقل ان امجد يوافق على رؤيته

يارب قف بجانبي اجعله رحيما بي كفانى مامربي وماعشته

يحاول ان يتحرك ناحيته سريعا ولكن ټخونه قدماه ويخونه ذلك العكاز الذى يستند عليه فيقع أرضا

فيجد من يساعده فى الوقوف بالفعل هو ابنه حبيبه الذى يعتبره صديقا له قوم معايا يابابا على مهلك

بينما يقف الاخر والدموع تجرى على وجهه فكيف له ان يصدق ان يراه بهذا الشكل وعلى هذه الهيئه عاجزا يمشي بصعوبه شديده وهو مستند على عكاز يتحرك ناحيته حتى يقف امامه ولا يشعر بنفسه الا وهو يحتضنه والدموع تملاء

وجهه اخويا حبيبي الف سلامه عليك

أسعد اخوك انت لسه معتبرنى اخوك ياامجد

أمجد الف بعد الشړ عنك يااسعد

أسعد الله يسلمك ياامجد الله يسلمك يا حبيبي ثم يقوم باحتضانه والبكاء بشده سامحنى سامحنى يااخويا حقك علية

أمجد خلاص يااسعد مش عاوز اتكلم فى اى حاجه انتهت وماټت ثم ينظر لذلك الواقف بجانبه فيتعجب من انه نسخه مصغرة منه كما اخبره اسر

أمجد انت أمجد

أمجد وهو يمد يده له اهلا ياعمى ازى حضرتك

أمجد عمى الله الكلمه دى كان نفسي اسمعها من زمان اوى تعالى ياحبيبى

ياخذه أمجد فى حضنه ويسلم عليه بكل حب

يساعد أمجد اخيه في الجلوس عامل ايه طمنى عليك

أسعد الحمد لله والله انا كنت فين وبقيت فين

أمجد الف سلامه عليك وربنا يكمل شفاك على خير ان شاء الله

أسعد شفت ياامجد ربنا

جابلك حقك منى ازاى

أمجد متقلش كده ياخويا احنا اخوات مهما حصل وخلاص عفا الله عما سلف بلاش نجيب سيرة اللى فات خلينا نفتح صفحه جديده وكفايا بعاد لحد كده

أسعد وحشتنى اوى يااخويا شفت امجد ابنى شبهك ازاى

أمجد اسر لما قاللى انه شبهى افتكرت انه بيبالغ متوقعتش خالص انه فعلا يكون شبهى اوى كده ربنا يحميه

أسعد مش عاوز تشوف اخواته

امجد ايوة طبعا عاوز اشوفهم

أسعد طب تعالى احنا قاعدين فى اوتيل انا ومراتى والولاد

أمجد ومراتك كويسه يااسعد

أسعد كويسه اوى ياامجد بجد ربنا عوضنى بيها وكفايه تعبها معايا طول فترة تعبي

يسند أمجد اخيه ويركب معه السيارة ويتجهان الى الاوتيل لرؤية أولاده

بعد قليل

يجلس أمجد ويتحدث الى أمجد الصغير بينما اتصل أسعد على زوجته وأولاده لينزلوا

يسلم أمجد عليهم والجميع فرح بهذا اللقاء

يمد يده للسلام على زوجة اخيه اهلا وسهلا يامدام

سيرين ازاى حضرتك ياكابتن كان نفسنا نتعرف عليك من زمان

يجلس امجد وياخذ على قدمه الطفله الصغيرة بسم الله ماشاء الله ايه الجمال ده كله

رقيه انت عمو

أمجد ايوة ياحبيبتى أنا عمو

 رقيه يعنى انت

أمجد ايوة ياروقه

يتحدث الى زوجة اخيه واولاده فى عدة موضوعات مختلفه ويتناول معهم الطعام ويقضي معهم اليوم كله

ثم يسلم عليهم أمجد ليمشي

أسعد حشوفك تانى يا أمجد

أمجد اكيد طبعا يااسعد

اسعد هو انت مينفعش ترجع تستقر فى مصر تانى

أسعد حاليا مينفعش ياامجد انا كل حياتى بقت هناك وبصراحه انا مستريح اوى هناك

أمجد يعنى مش حنتلم مع بعض تانى يااسعد

أسعد فى الوقت الحالي صعب بس ربنا يسهل ان شاء الله انا المهم عندى دلوقتى انك سامحتنى ياخويا

أمجد حتسافروا امتى ان شاء الله

أسعد بعد يومين إن شاء الله حتكلمنى ياامجد

أمجد اكيد يااسعد

يسلم عليه ويمشي بينما يقوم اسر بالإتصال على اسر لامر ما

أسعد اسر انا عاوز منك خدمه

يجلس اسعد أمام هدير ولايعرف من أين يبدأ الكلام ولكن كل مايعلمه جيدا أنه لابد أن يفعل كل مافى وسعه حتى يلم شمل هدير وامجد ويكون سببا فى اسعادهم وادخال السرور على قلوبهم لعل هذا الامر يجعله يصلح شيئا مما افسده فى الماضى

هدير أستاذ اسر قاللي أن حضرتك عاوزنى فى موضوع ممكن اعرف ايه الموضوع اللى حضرتك عاوزنى فيه

 أسعد اولا انا سعيد جدا انك قبلتى انك تقعدى معايا وتسمعينى

وثانيا احب اقولك ان الكلام اللى سمعته عن أدبك وأخلاقك العاليه هو اللى شجعنى انى اطلب من اسر مقابلتك

هدير اظن انتى عارفه اني ابقى اخو أمجد من الأم أخوه اللى كان السبب فى كل اللى حصله اخوه اللى هد كل أحلامه واللى كان ليه اليد فى انه يخليه يفقد الثقه في كل الناس اللى حواليه

تفتكرى ياهدير لما تجيلك الطعنه من اخوكى اللى من لحمك ودمك انتى حتقدرى تعيشي او تتعاملى مع اى حد فى الدنيا بعد كده حتقدرى تثقي في حد

هدير استاذ اسعد انا مقدرة كل اللى أمجد مر بيه فى حياته وعارفه المحنه اللى اتعرضلها هو حكالى بالتفصيل عن كل شئ بس هل يديه الحق فى انه يهين واحده ملهاش اى علاقه بالموضوع واحده كل ذنبها انها فقيرة زيها زى اللى كان بيحبها

ليه يحكم علية انى شبهها ليه يفتكر ان كل بنت فقيرة معندهاش اخلاق وممكن تبيع نفسها للى يدفع اكتر ليه ليه

حضرتك متعرفش هو عمل فية ايه متعرفش كمية الاهانات اللى اهانهالى ده خلانى احس انى اقذر انسانه فى الدنيا كلها

واوحش بنت فى الدنيا خلانى امسك المرايه واقعد ابص لنفسي واقول معقوله انا دميمه اوى كده

أسعد عارف ياهدير والله من قبل مانزل مصر واجى وانا متابع كل اخبار أمجد من اسر عارف كل اللى مر بيه فى السنين اللى فاتت عارف كل اللى عمله معاكى وكل الالام اللى سببها لك زى ماتقولى كده كنت بطمن على ضحيتى

ثم يمد بده ليمسح دمعه هاربه من عينيه

انا عمرى مافرح ت من اليوم اللى اتسببت فيه لامجد انه يعيش حياته وهو تعيس ومش بعد ماسيبت البنت دى لا والله من قبلها كمان مش عارف ياهدير مش عارف ايه اللى حصلي زى مااكون كنت مسحور كنت اعمى ماشي وراها من غير ماافكر واول مافقت من اللى انا فيه وشفتها على حقيقتها طلقتها ورميتها

بس ياخسارة كان بعد فوات الاوان بعد ماخسرت اخويا الوحيد اللى طلعت بيه من الدنيا

وبعد ماياست من ان أمجد ممكن يسامحنى سافرت واكتر حاجه اتمنيتها انى اعرف ان أمجد حب وارتبط كان نفسي اوى افرح له كان نفسي اشيل الحمل اللى على صدرى كان نفسي انام وانا مرتاح من غير تانيب الضمير

ولما اتجوزت كنت حزين من جوايا مفرح تش ابدا دايما فرح تى كانت ناقصه احساسي بالذنب فضل محاصرنى أنا لحد دلوقتى مش مصدق ان أمجد سامحنى

هدير انتوا مهما حصل بينكم اخوات لكن انا وامجد

أسعد سكتى ليه ياهدير كملى انتى وامجد ايه

هدير ممكن اسالك سؤال وتجاوبينى بصراحه

هدير اتفضل اسأل

أسعد انتي بتحبي أمجد

هدير ..........................

أسعد طب ممكن تقوليلي ازاى سمحتى لقلبك يحبه وهو دايما كان بيهينك

تنزل من عيون هدير دمعه ثم تنحدر على خديهادون التحدث باى كلمه

أسعد هدير ممكن تعتبرينى زى احوكى وتفضفضى معايا باللى جواكى وباللى حسه بيه وصدقينى ياهدير لو انا حسيت ان كل الابواب متقفله انا اضمنلك ان أمجد مش حيقرب منك تانى ولا حد حيفتح معاكى سيرة الموضوع ده تانى وانتى تقدرى تكملي حياتك بالشكل اللي يريحك ومع الإنسان اللي مقتنعه بيه

اتكلمى ياهدير طلعى كل اللى جواكى مش حقاطعك مش حفتح بؤى بكلمه غير لما تسكتي وتخلصى كل الكلام اللى عاوزة تقوليه

تأخذ هدير نفسا عميقا وتمسح الدموع من على وجهها انا من يوم ماجيت على وش الدنيا وانا عارفه اننا ناس فقرا على اد حالنا وراضيه والله راضيه بكل اللى ربنا ادهولنا ولولا اخويا اشرف كان زمانى دلوقتى معايا معهد او اى كليه ومكنتش حقدر اكون فى كلية الطب زى مانا دلوقتى

طول الوقت حاطه كلام امى الله يرحمها واخويا فى دماغى ان مينفعش انى ابص لفوق او احلم بحاجه عمرها ماحتحصل ابدا عشان كده عمرى ماحاولت احب ابدا ولااسمح لقلبي انه يميل ناحية اى ولد

بس من جوايا كنت زى اى بنت فى الدنيا نفسي احب واتحب نفسي احس باحساس انى مش اقل من أى بنت فى سنى

وعلى اد ماكنت بحاول أبعد عن الحب عشان منجرحش وقلبي يوجعنى على اد ماكنت كل مااشوف اتنين من زمايلنا فى الكليه بينهم مشاعر حب كنت بحس بالغيرة من جوايا اقسم بالله ماحسد ولا عمرى اتمنيت زوال نعمه من اى حد في الدنيا لكن كنت بتمنى من جوايا انى أعيش نفس الاحساس اللى هى حساه مع حبيبها

كانت تتحدث والدموع تجرى على خدها وتمسحها

بعد ماامى اټوفت حسيت بفراغ كبير اوى فى حياتى كنت مفتقده حضنها اوى صحيح اخويا مش مقصر معايا بس الام حاجه تانيه خالص كنت حسه نقص كبير اوى فى حياتى وفى الوقت ده اتقابلت مع أمجد تعرف

حضرتك انا اول ماركبت معاه بعد ماانقذنى من الشباب اللى كانوا خاطفنى فى عربيتهم فرح ت اوى أحساسي ان حد عرض نفسه للخطړ عشان ينقذنى فرح نى اوى بقيت اقول لنفسي معقوله انا طلعت زى اى واحده فى الدنيا مش اقل من اى واحده بس لما اهاننى زعلت اوى حسيت باهانه فظيعه ضيع الفرح ه اللى كنت حسه بيها

وبعد كده لما بقى يقابلنى كل شويه ويطلعلى فى كل مكان اكون موجوده فيه ويتعمد يهيننى انا معرفش برغم انى بقيت كارهاه ومش طايقه اشوفه بس مش عارفه ولا فاهمه ازاى قلبي مالله

كنت على اد مابكره اشوفه بس كان بيوحشنى كنت بحس انى عينى بتدور عليه كنت لما بشوفه ادامى بحس بقلبي بيدق جامد كان بيبقى عندى امل كل مرة انه يتعامل معايا كويس يعتذرلى عن الطريقه اللى كان بيكلمنى بيها

بس للاسف اول ماكان يشوفنى كان يسمعنى نفس الكلام ويهيننى نفس الاهانات

حبيته ايوة حبيته ازاى معرفش هبله عبيطه مش عارفه ازاى سمحت لقلبي انه يحب اللى بيهينه بالشكل ده

بقى مبيغيبش عن بالى لحظه صورته دايما قدام عيونى مبيروحش من بالى ابدا

كل كلمه بيقولهالي بترن فى ودانى حافظاها اكتر مانا حافظه المناهج اللى بدرسها

 وكنت كل ماقعد مع نفسي اقول طب هو ليه بيدور علية ليه بينطلى فى كل مكان ليه عاوز منى ايه انا مين عشان يهتم انه يسيب شغله ويلف ورايا انا اقل من اى بنت سواء فى الوضع الاجتماعى او حتى فى الشكل يبقى يشغل باله بية ليه بس طبعا فكرة انه يكون بيحبنى كانت مستبعده تماما من عقلي ماهو مش ممكن يكون بيحبنى وهو بيعمل فية ده كله

لحد ماجه اليوم اللى اعترفلى فيه بكل حاجه وعرفت الحقيقه كلها

ياااه للدرجه دى ببحبها للدرجه دى بيعاقبنى فيها طب انا ذنبي ايه يدفعنى تمن غلطة واحده تانيه ليه

فى لحظه هد كل