روايه خارج عن المألوف
اعطاه الويتر ولقى تحت كلمة الحساب الكامل روحك وروح مريم
مراد پغضب قام مسك الويتر من ياقته انا مين يالا مين اللى بعتك
الويتر خير ي فندم انا عملت ايه بس
مراد ايه الهزار السخيف قولى مين بعتك
مريم مراد اهدى ف ايه!
مراد بصى ع الشيك وانتى تعرفى ..مسكت مريم الشيك وقرأته وقالت ماله ي مراد مفيش حاجة!
جاب الويتر المياه لمراد اللى بدأ يهدى وقال للويتر انا اسف جدا ع اللى حصل انا بس تعبان شويه ومش مركز
الويتر ولا يهمك ي فندم
مراد اتفضل الحساب شكرا ليك
مراد محبش يخوفها او يضايقها شوفت المبلغ اكبر فاټصدمت اللى هو ازاى
مريم بعدم اقتناع متأكد!
مراد طبعا ي بنتى هخبى عليكى ليه يعنى
مريم طب يلا ع المستشفى عشان ماما واختى وخالتو وحشونى اوى
مراد حاضر
اخدها مراد ع المستشفى وفضلوا هناك لحد ما الزيارة انتهت وكانت الساعة ٩ بليل راح مراد مع مريم ع البيت جاب السلسلة واستنوا اتصال من خديجة لحد ما طلبت منهم يروحوا ليها عند قبر مليكة
خديجة جاهزين
مراد ومريم وهما ماسكين ايد بعض ايوة
مسكت خديجة مادة بيضا ممزوجة بمادة حمرا وعملت دايرة وطلبت من مراد يدخل ف النص وبعدها طلبت من بتاع المقاپر يفتح قبر مليكة
خديجة مراد اكسر السلسلة اربع اجزاء وقتها روح مليكة هتحضر هتحاول تخرجك برة الدايرة اوعى تخرج ي مراد
بالفعل كسر مراد السلسلة اربع اجزاء وفجأة هوا شديد وصړخة مرعبة مليت المكان
خديجة بزعيق بسرعة ي مريم احفرى وادفنى السلسلة جنب الهيكل بسرعة
ف الوقت اللى مريم بتحفر بيه ببطئ شديد مهما حاولت كان مراد حاسس ان فيه حد بيحاول يخرجه من الدايرة لكن كان ثابت بكل قوته وفجأة ظهر شبح مليكة من ورا مريم وف ايدها فأس
خديجة
بصړاخ لا ي مراد متخرجش دى خدعة
لكن للاسف مراد كان خرج برة الدايرة دخلت الشبح عليه وقفت مريم مصډومة وهى ماسكة فاس ومش عارفة تعمل ايه وفجأة بدأ يظهر نسخ كتير من مراد
الاول الحقينى ي مريم
التانى خلصينى بسرعة
التالت هتموتنى انقذينى
وظهر قصادها اكتر من الف نسخة من مراد شبح مليكة ظهر وهى بتضحك تقدرى بقا تعرفى اى واحد فيهم هو مراد الحقيقى!
فضلت مريم تبص ع الالف مراد ...مليكة لو لبستيها لمراد الغلط كل الموجودين هيموتوا
كانت مريم مړعوپة وعقلها عاجز ....خديجة قلبك هيعرفه من وسطهم وعقلك هيعرفك الحقيقة
غمضت مريم عقلها وف ودنها صوت مليكة تيك..تاك
بصت مريم عليهم وشافت ان واحد من الالف بس هو اللى ليه ظل والباقى لا جريت ع اللى ليه ظل ولبسته السلسلة وفجأة اختفى الكل ووقع مراد ع الارض مغمى عليه وبسرعة قلعته مريم السلسلة وجريت ع القپر دفنتها . شبح مليكة بدأ يتفتت كشرار ڼار وسط صراختها وبعدها دخل الشرار ع القپر واختفى
طلبت خديجة من الحارس يقفل القپر وقتها حسيت مريم بحركة غريبة ف جسمها وفجأة خرج دخان اسود من بوقها ووقعت جنب مراد
هفاف نفذت المطلوب وجه وقت انى اتحرر
خديجة انتى حرة دلوقتى هفاف شكرا ليكى واكيد هنتقابل كتير
اختفت هفاف وفى نفس الوقت فاق مراد ومريم وكذلك مرام ونادية وشادية ف المستشفى فاقوا
خديجة حمدالله ع السلامة
مريم الله يسلمك كده خلاص مليكة مش هتظهر تانى!
خديجة لا مليكة ولا هفاف هيظهروا تانى ي مريم
مراد مين هفاف!
مريم هحكيلك بعدين ....بصت لخديجة شكرا جدا ي مدام خديجة ع وقفتك جنبى
خديجة بابتسامة العفو ي ماريا
مريم بحزن ماريا
خديجة مالك زعلانة ليه!
مريم محدش كان بيقولى كده الا منى الله يرحمها ع العموم شكرا ليكى
جات مريم تحضنها فجأة لقيت نفسها بتمسك هوا برقت عيونها پصدمة وكذلك مراد ...مريم خديجة انتى .. انتى منهم
بعدت خديجة شويه ووقفت تحت ضوء القمر اتغير لبسها لفستان ابيض واتحولت لمنى
مريم بدموع منى ....طب.. طب ازاى
منى خديجة البشرية كان شكلى اللى ظهرت بيه ليكى عشان اساعدك تخلصى من اذى مليكة لما حصل بعد ما انا مت وهى لبست جسمى روحى ظهرت عشان تحاربها هفاف صديقة ليا وانا طلبت منها تغير خدمتها معاكى لانها الوحيدة اللى كانت هتقدر تحميكى من اذاها
مريم بدموع عملتى كده عشانى!
منى وعدتك ع الحلوة والمرة ي صاحبتى
مريم هشوفك تانى!
منى ف الجنة ان شاء الله بعدها لمراد انا اسفة ي دكتور ع اللى حصل ف الكهف
مراد پصدمة هو انتى!
منى ايوة انا كان لازم اعمل كده عشان تصدق مريموتوافق تيجى النهاردة مكناش هنقدر نعمل كده من غيرك وعاوزة اطلب منك طلب أخير خلى بالك من مريم دى بتحبك اوى اوى ي دكتور
مراد ف عيونى اكيد
منى اشوفكم ع خير
وبعدها بدأت تتفتت لنجوم واختفت ...مراد هو انا بحلم ي روما
مريم كان نفسى اقولك انه حلم بس ازاى احنا الاثنين بنحلمه مع بعض
فجأة رن فون مراد وكان دكتور خالد الو ي مراد الحمدلله الجماعة كلهم فاقوا وبخير
مراد بفرحة بجد انا جاى حالا
مريم ف ايه!
مراد كلهم فاقوا وبخير الحمدلله يلا بينا
اخدها مراد وطلعوا ع المستشفى وكان الكل بخير وفرحان من قلبه وبعد مدة حدد مراد فرحه ع مريم واتجوزوا وعاشوا حياة طبيعية وكل ما يفتكروا اللى حصل يضحكوا وكانهم كانوا بمغامرة او فيلم
وبكده نقول خلصت الحكاية ومن قلبى شكرا ع كل الكومنتات الجميلة والتفاعل الكبير اللى بجد حفزنى اكملها مش اول مرة اكتب رواية من النوع ده لكن اول مرة اكملها وانا فرحانة وحباها بسببكم وكمان عرفتنى ع ناس قمرات زيكم وان شاء الله الجاى يكون حلو ويعجبكم
خارج_عن_المألوف الاخير
بقلم_نشوه_عادل
