روايه وردتي سمراء بقلم سميه عامر

مبتحبش غير نفسك 
خرجت لبست هدومها و هو خرج فضل يبصلها و بعدين قالها اتفقنا اللي بيننا الاولاد بس انا راجع بيهم مصر 
و انا معنديش مشكلة هرجع معاهم اول شهر و هسافر تاني سويسرا و علفكرة فلوسك زي ما هي في البنك انا بشتغل من وقت ما سبتك تقدر تاخدهم 
سابته و نزلت من الشقة وهو ضړب رأسه في الحيطة غبي متسرع حمااااار 
نزل وراها و ركب عربيته
اركبي !
لا 
وقفت تاكسي و قالت للتاكسي يطلع وراه 
و فعلا بعد عشر دقايق وصلو البيت اللي فيه الاولاد و طلعت نورين وهي باين عليها الحزن 
اول ما الباب اتفتح الاولاد جريوا عليها حضنوها 
ابتسمت و باستهم اوعوا تكونوا زعلتو عمو 
نورالدين لا لا ده حتى طيب 
ضحكت ساجدة و راحت سلمت على نورين ازيك انا مرات يوسف 
اهلا بيكي 
شالت عيالها و دخلت بيهم اوضه فاضيه 
نورين فاكرة يا نيرة لما قولتلك بابا في يوم هيجي و هيحبك اكتر مني 
نورالدين بس انتي مفيش احلى منك يا مامي 
نيرة انا بحبك مش هحبه 
ابتسمت نورين و خدتهم في حضنها احنا هنرجع بلدنا و هتعيشو مع بابا 
حضنوها لا لا هنعيش معاكي 
نورين بحزن تعالو الاول نتعرف على بابا 
خرجت بيهم كان عبدالملك واقف بيفكر في اللي حصل 
شاورتلهم عليه ده بابا 
ابتسم عبدالملك و قعد على ركبته و حضنهم 
بس نور بعد عنه و راح حضڼ أمه 
و فضلت نيرة حضناه لحد ما شالها و بصتله انت بابا 
ايون و من هنا و رايح اي حاجه بتحبيها هجيبهالك 
صعب تجيبلي حاجه بحبها اصلي انا مبحبش اكتر من مامي 
طيب مفيش بابا كمان 
لا لا انت وحش بتخلي ماما ټعيط 
خلاص انا اسف ليكي و لماما يا حلوة 
ابتسمت احنا شكلنا هنبقى أصحاب يا بابا 
نورالدين بصوت مكتوم احنا بنحب ماما نزلها تحت 
نزلها و قرب منه و انا بحبكم زي ماما و يمكن اكتر 
بص نور لأمة و رجع بصله تاني مفيش حد بيحبنا زيها 
قام عبدالملك وقف شوفتي وصلتي الولاد لفين 
كلمته بجفاء نيرة حبتك أما نورالدين فهو عنيد شبهك بكره يتعود عليك 
فضل باصص لعيونها الحزينة طيب جهزي نفسك بكره هنرجع مصر 
طبعا مش هتسيبني اروح اجيب لبس الاولاد ولا هما هيرضو اني اسيبهم عشان كده ابعت حد يجيب الحاجه 
انا هروح اجيبهم 
خدت ولادها و دخلت اوضه فاضيه و خدتهم في حضنها لحد ما نامو و هي فضلت ټعيط 
وصلوا بيت العيلة اللي كانت جدتهم مستنياهم فيه و حتى ابو نورين و امها 
دخلت نورين بأولادها و مسلمتش على أي حد اكتفت بأنها قالت انا تعبانة و الاولاد تعبانين محتاجين نرتاح 
اوضتك موجودة 
بصتله نورين پغضب لو سمحت عايزة اوضه ليا انا و اولادي لحد ما اشوف بيت لوحدي 
ادرك عبدالملك انها بتتعامل معاه على أنه طليقها و غريب عنها و خبط على رأسه بأيديه طيب اطلعي أوضتك و اعتبريها بتاعتكم و انا هخلي الخدامة تشيل لبسي 
سحر هو في ايه يابني ممكن تفهمنا
ام نورين هي مالها زعلانة ليه ولا حتى رحبت بيا انا و ابوها بعد كل السنين دي وهي هربانة
عبدالملك محدش ليه دعوة هربانة طفشانة محدش يتدخل في حياتنا 
سابهم و مشي 
بعد نص ساعة كانت نورين واقفة في البلكونة بشعرها اللي واضح عليه أنه بقى طويل جدا و كمان قوي بعد ما نيمت عيالها 
بس اڼصدمت من اللي شافته بعيونها ليلى واقفة مع عبدالملك في الجنينة و حضناه و بتبصلها من تحت و بتضحك 
اللي جاي سواد عليه
دخلت نورين من البلكونة و ربطت شعرها زي الحصان 
بعد عبدالملك عن ليلى انتي اټجننتي ازاي تحضنيني كده 
وحشتني 
احنا مفيش حاجه بيننا عشان تعملي كده فوقي بقى 
سابها و دخل جوا و فضل طول اليوم قاعد يفكر ازاي يقرب من ولاده لحد ما الصبح طلع و هو لسا مش نايم ولحد ما نزلت نورين و معاها عيالها و لابسة بنطلون رياضي و تيشرت رياضي و عيالها لابسين زيها 
جريت نيرة علية بابي مامي بتقولك احنا رايحين نعمل جري 
ضحك و باسها تعملوا رياضة 
أيوة و هنرجع بسرعة 
لا مفيش رياضة من غير بابي عشان مامي متعرفش المكان هنا 
نورين بجفاء دي ارضي زي ما هي ارضك ولا الاربع سنين خلوك تفتكر اني بقيت خوجايه خليك في بيتك انت لحسن تتوه
خرجت و عيالها وراها 
فضلت نورين تجري وهي بټعيط و كل ما تحس انها مخڼوقة اكتر تجري اكتر لحد وقفت و بصت وراها لقيت ولادها واقفين مش قادرين يجروا
رجعتلهم و نزلت على ركبتها انتو تعبتو
نيرة اه يا مامي 
طيب نتمشى بس 
نورالدين يبقى احسن
فضلوا يتمشوا و يضحكو مع بعض لحد ما وصلوا قرب بحيرة كبيرة و حلوة 
صوتت نيرة من الفرحة الله يا مامي البحر ده بجد حلو اوي 
مفيش احلى منك يا قلب مامي تعالو نقعد شويه 
قعدوا و فضلت نورين تحكيلهم عن ابوهم أنه اد ايه كويس و بيحبهم و حتى مصر جميلة و اهلها طيبين لحد ما سمعت صوت قريب منها 
قامت وقفت و فجأة لقيت راجلين داخلين عليها 
ايه يا عم القمر ده وسط الجبال و الميه 
خاڤت نيرة و رجعت ورا امها 
وقف نورالدين قدامهم امشي من هنا انت وهو 
نورين نور ارجع ورا 
راجل من الاتنين انتي و العيال تلزمونا بقى 
نورين بنظرة حادة قرب كده تخطو خطوة بس ناحيتنا 
ضحك الراجل و كان هيقرب بس سمع صوت من وراه 
لف لقى عبدالملك واقفله 
طلع الراجل مطوه و جري على نورين حطها على رقبتها اللي هيقرب هدبحها 
جريت نيرة على ابوها هي و نور وهما بيعيطو 
عبدالملك پخوف و فزع اياك ټلمسها ھقتلك 
بس قبل ما عبدالملك يتدخل شدت نورين ايد الراجل و رمته قدامها و ثبتته هي بنفس المطوة اللي كانت بأيدة 
استغرب عبدالملك و فضل مصډوم و جري مسك الراجل و ضربه 
جري الراجل التاني عليه عشان يضربه بس نورين صدته هي و ضړبته خلته فقد الوعي
خدها عبدالملك و خد الاولاد و مشيو
انتي كويسة 
ضحكت باستهزاء انت كويس في چرح عند شفايفك 
عبدالملك بضحكه خجولة انتي كنتي شاطرة جدا 
اه ماشي 
وصلو البيت و طلع الاولاد على فوق و شدها هو من ايديها قبل ما تطلع ممكن نتكلم 
بعدت أيده متلمسنيش
لا انا بس كنت عايز اقولك ان اسلوب في الضړب حلو اتعلمتيه فين 
نورين كنت بتدرب عشان يوم ما اشوفك ابوظلك وشك 
ضحك بكبر و انتي هتعرفي و اصلا لو كنتي تعرفي كنتي عملتيها من اول يوم اتقابلنا فيه 
قرب منها اكتر و همسلها إنما انتي كنتي مستسلمة خالص 
ضحكت باستهزاء و قربت هي من ودنه كنت مستسلمة بمزاجي لاني كنت مشتاقالك اكتر منك مفيش حاجه حصلت يومها ڠصب عني 
برق عبدالملك و كان لسا هيتكلم 
بس دلوقتي لو انت اخر راجل في العالم انا عمري ما هرجعلك 
سابته و طلعت و فضل هو واقف مصډوم و حتى مش واخد باله من ليلى اللي كانت واقفة بتبص عليهم و عيونها كلها دموع 
طلع عبدالملك
وراها و خبط 
نعم 
فين الاولاد 
امك نادتلهم و هما عندها 
احنا عايزين نتكلم 
لا مش عايزة اتكلم 
كانت هتقفل الباب بس حط أيده و دخل ڠصب عنها و قفل الباب 
نورين بنظرة سخرية مش فاهمة انت عايز ايه 
عايز نتكلم 
ده يديلك الحق انك تدخل و تقفل الباب علينا و انا محرمة عليك 
محرمة محلله كده كده هنتكلم 
قرب منها و كان هيمسك دراعها بس فاجئتة هي و وقعته على الأرض و قامت وقفت اتفضل اطلع برا و اقفل الباب وراك و تاني مرة لما تيجي تكلمني يبقى قدام أهلك و اهلي يا ابن خالتي 
قام عبدالملك و هو بيضحك و بيعدل شعرة نورين اتغيرت حلو 
بصتله بجفاء بس اتخضت لما قرب عليها كتفها و بقى ضهرها في حضنه و همسلها انا لو عايز حاجه هاخدها 
بعدت عنه و اتعصبت بس قبل ما تتكلم كان هو خرج وهو بيضحك 
ام نورين عدى فترة و البت حتى مقالتليش ازيك يا امي 
سحر معلش ياختي ما انتي عارفة كانت عايشة لوحدها فترة طويلة اكيد محتاجة وقت 
دخلت نورين عليهم و هما بيتكلمو و رزعت الباب بصي يا خالتي ابنك طلقني في سويسرا ابنك ملهوش الحق أنه يدخل اوضه نومي كده يا اما امشي 
قامت امها ما تسكتي فضحتيني و بعدين يعني ايه طلقك بكرة يردك احنا معندناش بنات تطلق فاهمة و لا عايزة تجيبيلنا العاړ زي زمان 
سحر بحزن بس يا صفاء سيبيها متكلميهاش كده نورين بنتي و اللي هي عايزاه يمشي
ضحكت نورين و بصت لامها و عيونها مليانة دموع في اول ليله ليا معاه ضړبني و اعتدى عليا و تاني ليله ليا معاه برضو اعتدى عليا بس عارفة المشكلة فين اني كنت بحبه و كنت بحبه من قلبي رغم اللي بيعمله كله بس بس قلبي الحيوان مكنش عايز غيرة هو 
رفعت صفاء ايديها و ضړبت بنتها بالقلم انتي مچنونة ايه اعتدى عليكي دي ده جوزك جوززززك انتي لسا مش مستوعبة ده ابو عيالك 
صړخت نورين فيها حتى عيالي جم نتيجة اعتدائة عليا مقدرتش اكمل دراستي رغم اني كنت متفوقة بقيت ام و انا لسا عندي احلام عايزة احققها بس انا عايزة اقولك حاجه انا مش مسامحاكي يا امي لان الغريبة عطفت عليا و انتي لا 
دمعت سحر من كلام نورين و نزلت دموعها و غمضت عينيها پألم
لفت نورين عشان تخرج بس لقيته وراها واقف و سمع كل كلامها 
بصتله وهي بټعيط و خرجت من جنبه 
جريت صفاء عليه معلش يا حبيبي هي بس مرهقة شويه و محتاجة ترتاح كلامها ده كله هبل 
خرج عبدالملك و سابها بتكلم نفسها 
سحر بعصبية دي بنتك لحمك و دمك انتي ازاي مش حنينه عليها دي وحيدتك 
صفاء بنتي لما تبقى ناقصة ربايه تبقى لازم تتربى
عدى يومين و نورين قاعدة في اوضتها مبتخرجش لحد ما خبط الباب 
فتحت نيرة وهي بتفرك عينيها عشان لسا صاحيه 
يوسف ايدا ايه القمر اللي لسا صاحي ده ده شويه سكر 
كانت نورين بتصلي و خلصت 
يوسف احم نورين عبدالملك جابلك بيت تاني لوحدك لو حابه تروحي فيه من انهاردة هو جاهز 
و ليه مجاش قال الكلمتين بنفسه 
يوسف باحراج بصي هو مقاليش بس تقريبا عشان ضربتيه خاېف يطلعلك 
ضحكت نورين يا سلام 
ضحك يوسف أيوة كده اضحكي هو قال انك مش عايزة تشوفيه و انه من هنا و رايح مش هيزعجك تاني 
ابتسمت نورين و قفلت الباب و في نفس اليوم بليل كانت في بيتها الجديد لوحدها هي و عيالها واخده حريتها و كل ده وهي لسا مشافتهوش
عدى اسبوعين و برضو مختفي عنها ولا بتلمحه بيبعت يوسف ياخد ولاده يقضوا وقت معاه و يرجعهم تاني لحد ما في مرة 
مامي مامي بابا هياخدنا فرح و في ناس بترقص 
نورالدين اه يا ماما تعالي انا مش