ماساه حوريه فريده احمد
لا مش هقبلها ومش هقبل تاني ومش هكمل معاك
خدت نفس وقالت طلقني
محمد احنا اتفقنا مفيش طلاق
حورية بعصبية وانا مش هعيش معاك تاني طلقني عشان بقيت بستحقر نفسي اني لسه موجودة معاك بنفس المكان
مسك ايدها وقال حورية انا هتغير بجد صدقيني انا مقدرش اعيش من غيرك اصلا اديني فرصة اخيرة
حورية سحبت ايدها منه بجمود وقالت انت عمرك ماهتتغير
محمد انتي بتقولي ايه
حورية هعمل كده بجد لو مطلقتنيش بهدوء
مسك دراعها وقال پغضب شديد لو عملتي كده هتبقي جنيتي علي نفسك وانتي عارفاني
بصت ل دراعها اللي ماسكه پغضب وقالت بيأس ماهو علشان عارفاك بقولك عمرك ماهتتغير
ساب دارعها ومسح علي وشه وهي كملت وقالت وحتي لو حصل واتغيرت انا خلاص مش هقدر اعيش معاك تاني انت واخد اخوك هعيش معاك ازاي انا حتي مش لاقية مبرر انت عملت فيه كده لمجرد بتغير منه بس انت احقر بني ادم في الدنيا يامحمد
محمد مفيش طلاق ياحورية وابقي فكري اعملي كده هيبقي اخر يوم في عمرك
وراح يدخل لكن وقف مكانه لما قالت انا مش بس هخلعك كمان هبعت ل أمجد الفيديو
لف وبصلها وقبل مايتكلم قالت لو مش عاوز ا فضحك قدام اخوك طلقني علشان اقسم بالله لو ماطلقتني لانفذ اللي بقولك عليه
عند عاصم
خرج من اوضته كانو متجمعين والده ووالدته و هنا وكريم اللي كان قاعد مع عمه بيتكلمو في الشغل
عاصم صباح الخير
كلهم صباح النور
قرب باس راس هنا وهو بيقولها عاملة ايه
هنا بصتله وقالت كويسة بس زعلانة منك
عقد حواجبه باستغراب وقال زعلانه منى انا
عاصم وانا نيلت ايه بقا ياست هنا
هنا بزعل عشان مش بتفتكر ان ليك اخت تسأل عليها انا اصلا مش بشوفك يا عاصم
ابوها زكريا قال بسخرية وهتشوفيه ازاي هو البيه فاضي دا حتي معندوش وقت يبات في البيت كتر خيره والله ان جي يبات امبارح معانا
كريم ضحك وقال معذور مش فاضي ربنا يعينه
بص لعمه وقال انت متعرفش ابنك ياعمي بالنسبة للستات ايه كلهم بيحبو ماشاء الله والحقيقة هو مش بيقصر معاهم
انت هتقولي
عاصم بصلهم بضيق وقال لكريم قصر وعدي يومك ياكريم مش ناقصك
وبص لابوه وقاله في ايه يا حاج دانا حتي صاحي بدري نازل المعرض
زكريا طب
والله كويس انك افتكرت ان وراك شغل
بهيرة والدته خلاص ياحاج ملوش لازمة الكلام ده علي الصبح
وبصت ل عاصم هاجبلك تفطر ياحبيبي
وراحت تقوم
لكن عاصم قال خليكي ياما هفطر بره
بصت بهيرة ل زكريا بضيق وقالت
عاجبك كده اهو خرج من غير ما يفطر
خرج عاصم وبمجرد خرج اتفاجأ بحورية واللي اول ماشافته اتجاهلته وكملت طريقها لانها كانت مستعجلة وغير كده هي دايما
بتحاول تتلاشاه لكن هو وقف قدامها وقال علي فين
حورية نعمم!! وانت مالك ابعد كده
وراحت تمشي لكن وقفت مكانها لما قال عرفت انك عاوزة تتطلقي من المحروس
كمل وهو بيبصلها بحب وبيقول امتا بقا علشان ترجعيلي
حورية استغربت هو عرف منين لكن قالت بس انا مش هتطلق
عاصم بسخرية امال عاجبك حياتك معاه
حورية بصتله مش فاهمه تقصد ايه
فتح تليفونه علي صورة معينه ورفعه قدام عينيها وقال ايه رايك
كانت بتبص للصورة پصدمة وبتقول بزهول بيري
يتبع
البارت ال
بقلم فريدة احمد
