العاصفه الكاتبة شيماء محمد الفصل التاسع عشر
المحتويات
ولا حضرتك عايز تاني
خالد قعد في كرسيه برضه ماقلتيش ليه ! ليه تمشي ! ايه الغلط اللي ارتكبته علشان أطلع أقولها أنتي عملتي كذا فهتمشي .
ملك كشرت أكتر وأكتر وأنت تقولها ليه وتهتم بيها أصلا ليه ! أنا هقولها برا وبس .
خالد بص للورق اللي قدامه وملك اټجننت أكتر أنت بتتجاهلني
ملك بنرفزة عايز سبب حاضر سيادتها كنت ماشية في الطريق وخبطت فيها وبتقولي أنا أعتذر وبعدها سيادتها بتديني درس في التواضع بدل ما هى تعتذر وتفتح الطريق ليا أنا تقولي اعتذري .
خالد بهدوء طيب برضه فين غلطها اللي هطردها علشانه ! أنتي عايزاني أطردها علشان ما وسعتش وأنتي معدية ! ده اللي فهمته صح !
خالد هز دماغه وداس على زرار يستدعي السكرتيرة وسط ابتسامة ملك
السكرتيرة دخلت وخالد بصلها ابعتيلي باشمهندسة نورهان اللي لسة متعينة جديد .
السكرتيرة خرجت تستدعي نورهان وملك قعدت علشان تستمتع لما أبوها يطلب البنت دي علشان يطردها قدامها
السكرتيرة خبطت ومعاها نورهان
خرجت وقفلت الباب ونورهان دخلت واتوترت نوعا ما وخصوصا وهى شايفة ملك قاعدة وحاطة رجل على رجل
خالد بهدوء وقف اتفضلي أنا طلبتك هنا علشان أعتذرلك بشكل شخصي من اللي حصل من بنتي ملك .
ملك هنا اتنفضت ووقفت وبصت لأبوها پعنف وغيظ
خالد كمل وسط ذهول نورهان وملك هى خطوبتها بعد يومين وعلشان كده متوترة بس شوية فاعذريها .
خالد ابتسملها روحي بقى مكتبك ولو في أي حاجة أنتي عارفة مكتبي .
نورهان ابتسمت وانسحبت بهدوء أما ملك فعندها صدمة مش قادرة تستوعب اللي أبوها عمله
خالد قعد على مكتبه وهى بصتله بذهول ونطقت بالعافية أنت بتقلل مني قدام الموظفين !
ملك زعقت مااجيش
خالد وقف وزعق وطي صوتك وإلا قسما بالله يا ملك لأمد ايدي عليكي لأول مرة ! أنتي زودتيها أوي أوي ..
ملك مصډومة زودتها
خالد بنرفزة أيوة زودتيها ! زودتيها لما روحتي تتخانقي وتصغرينا مع كريم المرشدي وروحتي زي الهبلة هتهدي مشروع بملايين وهتخرجينا منه بغباءك ودلوقتي بتعملي ايه ! جايه تطردي مهندسة لها وضعها ولها مكانتها علشان ما وسعتلكيش يبقي ايه ده ! لو هتبصي للناس من فوق زي أمك يبقى روحي اقعدي جنبها وما تعتبيش الشركة دي تاني .. أنا عمري في حياتي ما عاملت موظف واحد هنا بتعالي .. عمري في حياتي كلها .. حتى العامل هنا له احترامه .. ما تجيش أنتي بعد العمر ده تبوظي اسمي وتبوظي شركتي .. مش هتعرفي تتعاملي مع الناس بأدب خليكي في البيت ولما تتنيلي وتتجوزي الدلدول اللي أنتي ممشياه وراكي ابقي روحي امسكي شركته اعملي فيها ما بدالك لكن هنا لا وألف لا..
خالد بزعل ما نفعش معاكي الأسلوب التاني يا ملك وفضلتي تهدي كل حاجة وتضيعيها واحدة ورا واحدة وما سمعتيش مني ولا نصيحة ولا كلمة فكفاية خړاب بقى وسيبيني ألحق الباقي .. للأسف أخدتي من أمك أكتر من اللي أخدتيه مني .. أنا عمري ما كنت متكبر وبكلم الناس من فوق وأنتي عمري ما شوفتك كده فلو أعصابك تعبانة ريحي في البيت لحد ما تهدي من تاني ..
ملك مسحت دموعها أنا ما بتعاملش مع الموظفين بتعالي وحضرتك عارف ده كويس !
خالد باستغراب اشمعنى نورهان بقى ! علشان جديدة يعني !
ملك بجمود علشان شكلها .. بقيت بكره كل اللي شبهها كده بكره لبسهم الطويل الواسع .. بكره حجابهم .. بكره طريقة كلامهم لما يتكلموا زي ...
سكتت وما كملتش فهو كمل زي كريم !
اتنهد وبصلها ملك مش علشان أنتي بتعملي حاجة غلط تكرهي كل اللي بيعملوها صح .. ده مش أسلوب حياة .
ملك بجمود وإصرار سواء أنا غلط أو أنا صح محدش يحاسبني غير ربنا
متابعة القراءة
