روايه اعتنيت بها واحببتها

الأخير 
مريم هفكر
عمر خدي وقتك
قفلت مريم التليفون وسرحت
مريم ايه هي المناسبة اللي عايزني اروحها في الظروف دي ومعايا امي واختي كمان ! 
حاجة غريبة اوي
في شقة عمر 
الجرس رن راح عمر يفتح الباب ...
محمد بكسرة تسمحلي ادخل أتكلم معاك شوية
عمر باستغراب !!!!!
ادخل يامحمد
ساب الباب ودخل قعد دخل وراه محمد وهو بيتحرك بالعافية من تعبه من آثار الضړب
قعد قدام عمر
عمر رفع عينه بصله ها .. سامعك
محمد انا هحكيلك كل حاجة وانت قرر إذا كنت هتسامحني أو لا
عمر ......
تاني يوم 
قاعة حفلات اوبن اير كبيرة وفخمة .. ناس كتير جدا أضواء وديكورات تجنن
على البوابة من برا واقف عمر لابس بدلة سودا وجنبه محمد أخوه 
عمر لف وشه وبص لمحمد بابتسامة
ورجع بص على البوابة من برا ..
مريم داخلة ولابسة فستان أوف وايت طويل وشها منور وعيونها بتلمع .. وجنبها سارة وفريدة
عيون عمر لمعت اكتر اول ما شافها مشيت ببطئ ناحية عمر وقفت قدامه ...
مريم نفذتلك طلبك وجيت 
عمر أوعدك اليوم دا مش هتنسيه 
يتبع
البارت 23 
مريم نفذتلك طلبك وجيت 
عمر أوعدك اليوم دا مش هتنسيه
مريم طيب ايه المناسبة 
عمر هتعرفي كل حاجة في وقتها عايزك تستمتعي بكل لحظة هتمر عليكي النهاردة ..
بصت في عينه وعيونها بتلمع وبتقول مليون حاجة .. لفت وشها وبدأت تمشي وتدخل المكان وتسلم على أهل عمر هي وامها وسارة جت منة جريت عليها وخادتها بالحضن ..
منة في ودن مريم عمر شكله مجهزلك مفاجآت كتير النهاردة 
مريم اتلفتت بصتلها طب ايه هي المفاجآت يعني انا مش فاهمة حاجة
سابتها ومشيت وهي بتضحك
سارة بتسلم على نجلاء خلصت وبتلف عيونها جت في عيون محمد الي واقف باصصلها بحزن من بعيد ... اتوترت ونزلت عينيها بسرعة
خلصوا سلام .. 
عمر بص للمسؤول اللي واقف وهز دماغه
نزلت بوسترات كبيرة عليها صور مريم في كل جزء من أجزاء الحفلة
مريم برقت واټصدمت .. وبصت لعمر اللي باصصلها وعيونه كلها حب وحنان
كل الناس بقت تتفرج على الصور وتسقف
نجلاء أيوة كدا .. دا عمر إبني اللي انا عارفاه 
اتقدم عبدالله ناحية مريم ووقف قدامها
عبدالله انا آسف ياحبيبتي
مريم آسف على ايه يابابا
عبدالله انا غلطت غلطة كبيرة لما فهمتك غلط وشكيت فيكي وكنت بعاملك وحش .. بس ربنا يعلم انا بحبك زي بنتي بالظبط وعمري ما فكرت فيكي بطريقة وحشة 
بس احنا بردو بشړ يابنتي وكان ڠصب عني
مريم بابتسامة ولا يهمك يابابا .. انا كمان لو مكانك كنت فكرت بنفس الطريقة
طبطب عليها ربنا يحميكي يابنتي ويخليكي لينا 
خلصت معاه كلام واتلفتت بعيد على الأرض في نفس الحفلة لقت فراشة كبيرة واقعة وبتتحرك مع العلم انها بتحب الفراشات جدا
مريم بزعل هي الفراشة دي تعبانة ولا ايه 
مشيت ناحيتها وبتمد ايدها عشان تجيبها من الأرض لقيتها بتطير .. ولسة مريم بتتعدل لقت ورد وبلالين بيقعوا عليها من فوق .. وفجأة نزلت صورة كبييييرة فيها شهادة تخرج مريم 
مريم وقفت بصت للشهادة پصدمة ورجعت بصت لعمر وهي مبرقة ... راح عمر مسك ايديها باسها ورفع دماغه بصلها
عمر ألف ألف مبروك ياحبيبتي .. انتي نجحتي واتخرجتي ورفعتي راسنا كلنا 
بدأت تضحك براحة وهي لسة مبرقة انا نجحت بجد يعني كدا خلصت اتخرجت
عمر اه ياحبيبتي بجد
من فرحتها حضنته قدام كل الناس وهي بتقوله شكرا ياعمر .. انت السبب الأول في نجاحي دا 
لولاك ولولا تشجيعك مكنتش عمري هوصل لدا
وكل الناس بتسقف وتهيص وأصحاب عمر بيفرقعوا صواريخ حواليهم .. فجأة فاقت وافتكرت اللي بينهم اتنطرت وسابت عمر بسرعة لقت امها وسارة وام عمر ومنة عمالين يحضنوا فيها ويباركولها
عمر خلاص بقا كفاية أحضان لسة فيه مفاجآت كتير
مسك ايديها واتلفت للناس .. 
نجاح مريم كان السبب الرئيسي للحفلة دي 
لكن السبب الأهم بقا اللي آن الأوان إني أعلنه إن مريم مراتي وحبيبتي وبنتي ... حامل في ثمرة حبنا 
مريم اتخضت وبصتله پصدمة
عمر اه يا حبيبتي .. لازم كل الناس تعرف بقا كفاية كدا
سارة وفريدة انتي ازاي متقوليش لينا الخبر دا لحد دلوقتي !!!
نجلاء بفرحة ياما انت كريم يارب .. اقسم بالله أحلى وأعظم خبر سمعته في حياتي ألف ألف مبروك ياحبايبي
ابتسمت مريم وهي بتحط ايديها على بطنها .. بصلها عمر ومسك ايديها
عمر وقدام كل الناس دي يامريم بعد ما قولتلك الخبرين دول هقولك انا آسف ..
انا غلطت في حقك غلط كبير اوي لو قعدت طول عمري اعتذرلك عليه مش هقدر اوفيكي حقك .. بس انا فعلا مقدرش أعيش من غيرك يامريم 
لا حبيت قبلك ولا هاقدر أحب بعدك مهما حاولت
مريم بصاله وساكتة .......
راح مسك السکينة اللي بيقطعوا بيها التورتة ورجع وقف قدام مريم وادالها السکينة في ايديها
عمر دلوقتي قدامك حاجة من اتنين 
ياتوافقي تسامحيني وترجعيلي وتحلفي بدا قدام كلللل الناس ... ياتعملي فيا واجب وتقتليني بالسکينة دي وانا اضمنلك انك مش هتاخدي فيا يوم حبس لأني معرف محمد أخويا اللي كنت بعمله فيكي وهو هيشهد
مريم بخضة ايه اللي بتقوله دا ياعمر !!!
عمر زي ما