روايه حازم باشا احببت .. الحلقه الثالثة
المحتويات
راس مجدي
واللي كمل المشهد الكوميدي النضاره الشمس السودا والجرفاته الخضرا اللي مرسوم عليها ميكي ماوس
للاسف مجدي كان فاهم ان منظره ده مثير للاعجاب لكن في الحقيقه ...
منظره ده كان مثير للشفقه !!!
ولأن نضاره مجدي كان غامقه جدا والاضائه جوا البنك كانت الى حد ما ضعيفه
فمخدش باله من الحيطه الازاز اللي في الممر وراح داخل فيها وواخد لوح الازاز بالحضن !!!
وبكل عناد لبس النضاره السوده تاني وطلع على السلم وهو تقريبا بيحسس على الدربزين عشان مش شايف !!!
ومن عماه وسوء حظه دخل مكتب العقربه مدام وفاء بدل ما يدخل مكتب معتز وراندا !!!
بصتله وفاء من فوق لتحت وقالت له
افندم
عاوز ايه يا ابني !!!
رد مجدي بكل سماجه
ابنك !!!
ابنك ازاي يعني ولا مؤاخذه !!!
اومال الست اللي
انا سايبها في البيت دي
تبقى مين !!!
ردت وفاء بانفعال
انت هتحكيلي قصة حياتك
لخص يا حضرت
انا مش فاضيه
ورايا شغل
كشړ مجدي وقالها بكل عنطزه
امسكي العقل
وابلعي ريقك كده يا قرنفله
انا جاي اقابل معتز بيه ... المدير بتاعك !!!
يا معتزززززز
انت يا معتز بيه
تعالى يا سيادة المدير
وخد الشيء ده من مكتبي
معتز سمع صړيخ وفاء فقام نط من مكتبه جري وراح لوفاء وقالها وهو بينهج
خير يا مدام وفاء
في ايه !!!
وقبل ما ترد عليه وفاء كان ضړب بطرف عينه جوا مكتبها ولقى مجدي قاعد وحاطط رجل على رجل
وفاء كملت زعيقها
مين ده يا معتز
وايه اللي جايبه هنا
وازاي تفهمه انك المدير بتاعي
اتلجلج معتز وهو بيرد
ده واحد صاحبي
معلش هو متخلف عقليا
انا اسف يا مديرة
هاخده واطلعه من البنك حالا
بعدها الټفت لمجدي وقال بزعيق
انت ايه اللي جابك هنا
ما تجبلناش الكلام
مع الست المديره
مجدي تقريبا كانت ودانه اتقفلت وما سمعش ولا كلمه من كلام معتز ولا حتى زعيق وفاء !!!
وفضل متنح لرجلين وفاء لحد ما معتز شده من ايده وسحبه من مكتبها وهو ماسك في حلق الباب مش عاوز يمشي !!!
خرج مجدي وقال بكل حماس
ايه الرجلين دي يا عم
البت دي لو دخلت كاس العالم
او فضه اقل حاجه
رد معتز وهو هيطق من الغيظ
الله يحرقك بجاز
ينفع تتكتم يا مجدي
حد ما نطلع من ام البنك
واخيرا خرج معتز من البنك وهو بيجر مجدي وقعدوا في كافيه
واتصل معتز براندا اللي حصلتهم عالكافيه في اقل من دقيقه
وقعدوا التلاته يتناقشوا في موضوع راندا وهيثم ودار بينهم الحوار ده ...
معتز
احب اعرفكم ببعض
الاستاذه راندا زميلتي
وهي صاحبه المشكله
الاستاذ مجدي
اللي كلمتك عليه يا راندا
واللي بعتبره اشطر مخبر سري في مصر !!!
وهو
متابعة القراءة
