احببت جشا بقلم حازم باشا الحلقه الرابعه
المحتويات
يا جمال
يلا طلقني دلوقتي حالا
انا هاطلع من البيت ده اما مطلقه او ارمله
ايه رايك !!!
رد جمال بړعب
انتي طالق يا سماح
طالق
طالق
سجدت سماح على الارض وقالت
الف حمد والف شكر ليك يا رب
وبعد كده وقفت وقال لجمال
بص يا جمال
انا هاخد الفلوس اللي
انت حاطتها في الدولاب
ومش عاوزه منك اي حاجه
وانا هاطلع اجدع منك
ومحدش هيشوف الفيديو
بس انا بعته لكام واحده صاحبتي
وقلت لهم
لو جرالي اي حاجه
انشروا الفيديوا
رد جمال
انا خلاص مش عاوز اشوف وشك تاني
هاقول للناس اني طلقتك
وانك سافرتي وسبتي البلد
بس برضوا حطي في دماغك
لو الفيديو ده حد شافه
فانا هادور عليكي
وهاجيبك واقټلك بايدي
هو انت جنس ملتك ايه يا زفت البرك
برضوا بتهددني
هو انت ما بتحرمش !!!
وراحت جايبه الحزام وضړباه تاني لحد ما صوته كان هيصحي الجيران
سماح سابته وقامت تلم شنطه هدومها اللي اكتشفت انها عباره شويه هلاهيل قديمه مالهاش لزمه
وخدت الفلوس بتاعت جمال ولبست وخرجت وهي مش عارفه هتروح فين وهتعمل ايه في حياتها اللي جايه
بعد ٤٠ سنه من الذل والعڈاب والعبوديه !!!
ء
نرجع بقا لمعتز ...
كان معتز وراندا ومجدي خلصوا قعدتهم على الكافيه وراندا قامت تروح بيتها
بس مجدي اصر انه لازم يتغدا على حساب معتز كنوع من التعويض عشان كرامته اللي اتبعترت في البنك
معتز اتدبس في الغدوه وبمجرد ما خلصوا الاكل معتز جاتله رساله من سماح
الحقيني يا فريده ياختي
انا عملت مصېبه
بصي بقا
انا حطيت المنوم في الاكل لجمال زي ما اتفقنا
بس بدل ما اهدده اني اضربه زي ما بيضربني
ولما عيط رحت مصوراه فيديو
وطلبت الطلاق وقلت انه مش هيرضى يطلق
بس ابن الجزمه طلقني
رحت خدت كل الفلوس اللي كان شايلها في الدولاب
ودلوقتي انا في الطريق ومش عارفه اعمل ايه
قرا معتز الرسايل وقعد يقول في سره ...
الله ېخرب بيتك يا سماح
انا كان مالي بس بالحوار ده
احسن حاجه اعملها بلوك واخلص منها
انا مش ناقص بلاوي
وقبل ما يدوس على زرار الحظر !!!
ضميره وجعه وافتكر ان الست دي شافت المر في حياتها
وما صدقت لقيت حد يعطف عليها وافتكر انه هو اللي شار عليها تهدد جوزها
وبعد تفكير طويل جت في دماغ معتز فكره عبقريه !!!
فسأل مجدي
بقولك ايه يا ابو الامجاد
هو انت ينفع اجي اقعد معاك كام يوم
عشان في واحده قريبتي جايه من البلد
وعاوز اسيبها تقعد براحتها في اوضتي
رد مجدي
متابعة القراءة
