نيران وصالي

موجود غير في دماغك انت وبس. البنت جزمتها اتكسرت وساعدتها وبس لكن هفهم واحده زيك ازاي. انا غلطت لما اتجوزت واحده ما تناسبنيش اصلا مش عايزه اشوف وشك انهارده.
بقلم زهرة الربيع. قال كده ومشي على الاوضه پغضب شديد وقفل الباب بقوه وصال فضلت واقفه مكانها بدموع وبقت تبكي بقوه وهي مش مصدقه الكلام اللي قاله لها. كانت واقفه ست كبيره وجمبها بنت في العشرينات وكانو مبسوطين جدا باللي بيحصل عكس ست تانيه في الخمسينات اتنهدت بحزن وقربت منها و قالت تعالي معايا يا حبيبتي باتي معايا النهارده. وصال اترمت في حضنها وبقت تبكي بشده وقالت شايفه عمايل ابنك يا مرات عمي سمعتي قال لي ايه. امه اتنهدت وقالت معلش امسحيها فيا يا حبيبتي والله هو ما واخد باله اصلا بيقول ايه كمان انتي غلطتي يا وصال يا حبيبتي ده من الصبح بيوصي فيكي يلا تعالي معايا وربنا ان شاء الله يحلها.
وصال راحت معاها وهي پتبكي. والبنت بصت للست اللي جمبها وقالت تفتكري هيطلقو يا ماما. امها قالت.. حقه لو اطلقو يا رودينا هاجوزك ليه على طول. مش كان اتجوزك انتي بنت عمه بدل ما رايح يجيب التافهه دي.
رودينا ضحكت وقالت ما هيه كمان بنت عمه يا ماما. امها قالت بضيق ايوه بنت عمه بس متربيه في الارياف متفهمش في حياة المدينه مش زيك. رودينا قالت بضيق اهي دي عجبتو اكتر مني. انا اصلا حظي زفت لولا ان ابوها وامها ماټو وجات تقعد هنا عند عمها مكانش حبها واتجوزها.. بس ملحوقه.
اما طارق كان في الاوضه بياخد شاور وبيحاول يهدي الڠضب اللي جواه. غمض عينيه پألم لما افتكر الكلام اللي قالهولها ونظره الصدمه اللي في عيونها. اتنهد پغضب من نفسه وقال كان ايه لازمه الكلام ده بس. بس قال بغيظ هيه كمان تستاهل. وخرج من الحمام وبقى يحاول ينام وهو بيقنع نفسه انها تستاهل كل كلمه قالها.
في نص الليل وصال كانت نايمه مع حماتها وحست بايد بتمشي على خدها. فتحت عيونها بخضه واتفاجئت بيه قدامها. لسه هتصرخ من الخضه بس حط ايده على بقها وقال بسرعه وهمس اشششش اسكتي احسن ماما تصحى يلا قومي معايا هنروح اوضتنا. وصال بصتله بدهشه واول ما نزل ايده من على بقها قالت بصوت واطي نروح اوضتنا ليه انت مش قولتلي مش عايز تشوفني.
طارق قال. حقك عليا ما انت عارفه اني بقول اي كلام لم اكون متعصب يلا بقى والله مش عارفه انام من غيرك. وصال كانت متضايقه من الكلام اللي قاله وقالت لا بس انت هنتني وانا مش هاجي معاك. طارق بصلها بغيظ وقال هو مين يزعل من مين. وصال قالت بسرعه. انا طبعا مهما كان