روايه دقه قلب
المحتويات
ده
ملاكفستان
ملاك وهى تهز رأسها بړعب خلاص لومش عجبك مش هلبسه تانى
خالد وهو يحرك مقود السيارة فى الاتجاه الآخرهو فعلا مش هيتلبس تانى لا هو ولا غيره
يقود السيارة وملاك تتابعه بعينيها لاتعلم ماذا ينوى أن يفعل
يوقف بعد وقت ليس بكثير أمام احدى المحلات الشهيرة الخاصه بملابس النساء
خالد اتفضلى
ملاك تهبط وهى تتلفت حولها احنا هنا ليه يااابيه
خالد من غلب أبيه هيكون ليه هنجيب هدوم جديده
ملاك ماانا عندى
خالد ماتنفعش
ملاك ليه بس دى براندوالله
خالد ماتنفعش وطريقه لبسك كلها لازم تتغير
ملاك بس عمر حد ماعلق على لبسى بالطريقه
ملاك برجفه دول ولاد عمى واخواتى
خالد بعصبيه وانا جوزك وكلامى يتسمع مفهوم
ملاك تهز راسها بحركه متتاليه من هيئته المرعبه حاضر
خالد هندخل هتجيبى هدوم جديده
ملاكحاضر وهرمى القديمه
خالد انا قولت كده
جو الشقه تلبسى ال عايزة ان شالله تعملى لنفسك ديفليه وبره الباب تلبسى ال اقول عليه مفهوم
ملاك حاضر
خالد يالا بينا الناس بدأت تتفرج علينا يالا
ترحل من أمامه مسرعه للداخل وهو خلفها
خالد قال ترميهم قال هى ياتقفلها ياتفتحها على البحرىي
بعد دقائق يجلس خالد منتظرها بعد أن اختارت العديد من القطع تمر لحظات تخرج عليه بثوبها الازرق الطويل تكاد تصيبه جلطه وهو يجد نصفه العلوى لايترك شيئا للخيال أو التخمين
خالد وهو يكاد يلطم يتلفت حوله يتأكد من عدم وجود رجل بالمكان يذهب لها يدخلها داخل غرفه القياس مرة أخرى
خالد نهار ابوكى اسود تغطى رجلك تعرى ام احم ماينفعش ماينفعش
ملاك اوك هغيره مع أنه واوا
خالد بهمس هو واوا فعلا
يتركها داخل غرفه القياس ويذهب إلى الفتاه بالمحل يطلب منها أن تضع له هذا الفستان بمفرده واختار بعض القطع طلب وضعها بمفردها كلا على حدا وعاد إليها مرة اخرى
يشير لها بعينه للعوده الى الداخل ليمر بهم الوقت وهم على هذا الحال
لتخرج ملاك ترتمى على الكرسى جواره أبيه انا تعبت
خالدده انا ال تعبت انتى ماتتحركيش من
هنا انا ال هختار
يذهب من جانبها يغيب بعض الوقت يعود إليها
خالد دول
خالد لا على البيت قيسى براحتك بس خدى ده غيرى ال لبساه ده
ملاك والمقاس خالد بابتسامه وقد خرجت منه غمزة صغيره بعينه وهو يقول مظبوط ماتقلقيش
فتحت ملاك فاهها پصدمه عليه أخذت الفستان من يده وذهبت من أمامه مسرعه إلى الغرفه
خالد بصوت واطئ وهو يعبث بشعر ررأسه قيستى نص المحل قدامى ومش عايزانى اعرف المقاس ليضحك بخفه على حاله ايه ال بيحصل معايا ده
تخرج عليه بفستانها الاخضر الفيروزى ذو تصميم هادى وبسيط ولكن جذاب يكاد يصل إلى كاحلها ثلاث ارباع كم
ينظر لها ويطيل النظر إلى تلك الملاك التى أطلقت لشعرها العنان فكانت لوحه أمامه تأملها بقلب ينبض بصخب
ملاك وقد توردت وجنتيها من الخجل حلو كده ياابيه
خالد وهو فى عالم آخر اوى اوى
ليفيق على صوت العامله تمام كده ياافندم نحضر الفاتورة
ليهز خالد رأسه وهو يخرج الفيزا كارت الخاص به
خالد يالا
ملاك وهى تنظر بعيدا عنه بخجل تهز رأسها له بالموافقه
رواية دقة قلب الفصل الخامس والثلاثون بقلم مروة حمدى ومنى عبدالعزيز
الفصل الخامس والثلاثون
ميرو أم سراجمروة حمدى ومنى عبد العزيز
الخاطرة بقلم الرائعه ملاك نورى
قالوا العين تعشق قبل القلب احيانا
فقلت عشق القلوب ډم يسكن شريانا
قالوا اتعشق غيبا لم تري وتظل حيرانا
قلت عشق الأرواح اذا اتصلت تسكن ابدانا
قالوا كيف تعشق بلا بصر وتعشق اوهاما
قلت ما أدراكم بطيف الاحبة وسحرها الفتانا
قالوا اتعشق خيالا يراودك ويسكن الاحلاما
قلت ما اروع اللقي فى عالم ليس فيه سكانا
انا ومن احب وعشق تعلقت به روحانا
حب الارواح باق
وحب العيون سراب كان ما كانا
يجلس سمير فى عمله يقم بالإمضاء على بعض الأوراق وعقله مشغول بوالدته يهاتفها أكثر من مرة وهى تنهى الاتصال دون أن تجيب .
سمير بحيرة وبعدين بقا يا أم سمير مش بعاده ارن وماترديش مش بعاده اصلا تخرجى من البيت لوحدك الوقت ده كله !
ينظر الى الساعة بيده يجدها الثانية ظهرا يزم شفتيه بضيق وهو ينقر بالقلم على مكتبه ليمسك بهاتفه فى محاولة اخيره منه للاطمئنان عليها لم يتلقى رد. اخذ سترته وخرج وهو يبلغ السكرتارية
سمير انا راجع البيت اى حاجه الغيها انهارده ويتركها ويرحل مسرعا إلى منزله.
فى بيت الخديوي تجلس والده سمير وهى تتبادل أطراف الحديث مع كلا من الجدة وآمال تعرفت على الفتيات وهى تمنى نفسها برؤية تلك المنشودة التي خطفت قلب ابنها. يأتيها اتصال منه أكثر من مرة وهى تنهى الاتصال.
والده سمير بهمس وهى تغلق المكالمة ما تصبر يأبني اشوف البنت .
آمال فى حاجه حبيبتي
والده سمير ها اصل ابنى ربنا يباركلى فيه بيرن من بدرى قلقان عليا معلش مضطرة امشى وارجع البيت .
آمال اتفقنا هنتغدى سوا انهارده ما فيش اعزار .
والده سمير وانا مايهونش عليا زعلك حبيبتي بكرة بإذن الله اجى واتغدى معاكي على الأقل اكون بلغته وبالمرة اجهزه غداءه اصله ما يحبش يأكل غير من ايدى
ماجده بابتسامه ربنا يباركلك فيه حبيبتي.
والده سمير يارب عن اذنكوا
ياحبايبى .
آمال هستناكى بكره اوعى تتاخرى أو ما تجيش
والده سمير وانا اقدر اتاخريالا مع السلامة .
بعد رحيلها تتحدث ماجده إلى آمال لطيفه اوى قريبتك ياآمال وقريبه من القلب .
آمال ناهد والده سمير طيبه وفى حالها طول عمرها .
ماجده فكرينى تانى معلش تقربلك ايه
آمال بضحكه بنت بنت عم اخت خاله جدتي
ماجده ها
آمال هههههههههههه هههههههههههه قريبتى ياماما قريبتى
عاد سمير إلى منزله بسرعه البرق ينادى على والدته عيناه تبحث عنها فى كل مكان .
سمير معقوله من الصبح ولسه ماجاتش قرايب مين دول ال طلعونا فجأة كده!
يجلس على المقعد فى البهو ينتظرها بفارغ الصبر وهو من الحين إلى الآخر ينظر إلى ساعه يده وهو يضرب على يده بقلق .
سمير روحتى فين بس روحتى فين
يمر بعض الوقت وهو على جلسته يقف بتحفز وهو يرى والدته تدخل شارده تحدث نفسها
ناهد والده سمير وبعدين بقى انا انهارده شفت رحاب ومروة وحنان والتلاته بسم الله اللهم بارك قمر طيب ماشفتهاش انهارده وعزمت نفسى تانى عندهم بكره وبعدين لوماشفتهاش بكره مش هينفع اعمل بارده واعزم نفسى تالت وبعدين وبعدين بس لاقيتها اعزمهم انا وأصر انها تيجى اتعرف عليهم واقولهم.
والده سمير بدراميه لا يمكن أبدا لازم تيجوا وتنورونى وكمان اتعرف على قمرنا اسماء بجد كان نفسى اشوفها ياحبيبتى .تتابع وهى تبتسم على ذكاءها ايوه هو ده الكلام المظبوط واللله وعرفت تختار ياسمره عيله وجمال ومعروفين بأخلاقهم يعنى البت هتطلع وحشة لمين لا وكلهم الحمد لله ربنا كرمهم بالذرية مروة ورحاب الاتنين حوامل وحنان عندها اولاد .
تمر من جواره غير واعيه له وهو ينظر وهى تتحدث الى نفسها وتتفاعل مع حديثها ببلاهه ينادى عليها لا تجيب .
والده سمير ياه ياما نفسي اشيل اولادك يابنى والعب معاهم واصړخ واقول جننتونى ومراتك تكون ونيس ليا فى وحدتي فى البيت الطويل العريض ده ياه على جمال جو العيله عندهم كلامهم سوا ضحكهم مناقرتهم ربنا يديم عليهم محبتهم لبعض يارب .
سمير من الخلف وصلتى لحد فين
ناهد بخضة سلاما قولا من رب رحيم سمير ايه ال رجعك بدرى كده يابنى مش بعادة لاتكون تعبان .
سمير ال رجعنى التليفون ال ارن ومحدش يرد لا وبنكسل
المكالمه كمان ياناهد
والدته يابنى المقاپر لها حرمتها برضه ازاى ارد وانا بقرا الفاتحه لنناه اجلال ها ينفع يعنى
سمير وهو يكتم حنقه فلقد اړتعب عليها بحق وبعد ما قرينا الفاتحه روحتى فين ياناهد ما هو مش معقول من الظهر للعصر بتقرى الفاتحه ده لو هتقراى البقرة كانت خلصت فى ساعتين .
والدته لا طبعا هو انت نسيت ولا ايه ! مش قولتلك رايحه ازور قرايبى اصل رحمى.
سمير مش مرتحلك ياماما مش عارف ليه فى قبيلة فئران بتتخانق هنا قالها وهو يشير على صدره
والدته بادعاء الحده ولد عيب ماما
سمير ممكن اعرف مين قرايبك دول
والدته وهى تربط على كتفه صدقنى هتعرفهم بس اتاكد الاول دول هيبقوا يهموك اكتر مايهمونى بعدين .
سمير وهو ينظر لها يحاول الوصول إلى معنى كلماتها فى موضوع كنت عايز اتكلم مع حضرتك فيه .
والدته قول يانور عينى خير موضوع ايه
سمير انا هعمل برايك واخطب ايه رايك
والدته لنفسها يبقى البنت نجحت فى تحرياتك ياقلب امك فاضل تحرياتى انا ياحبيبى الف الف مبروووك ده اليوم ال بستناه.
سمير بابتسامه اتواصل مع أهلها نطلب ميعاد للزيارة!
والدته مافيش مشكله بس استنى يومين كمان واقولك رأى النهائى
تتركه وتصعد الدرج ينظر لها بحيرة
سمير ماما هو فى ايه ! حضرتك كنتى مستعجله اكتر منى !
والدته وهى تلتفت له استخارة ياحبيبى الاول ده جواز وكمان اخد رأى المرحوم ابوك برضه انت عايز تتجوز من غير موافقته ! وده ينفع ياابنى
سمير بحاجب مرفوع وده هيحصل ازاى
والدته هيزورنى فى الحلم
سمير يكاد يجن يجاريها حتى يعرف ماذا هنالك .
سمير هيطول علينا
والدته لا ماتقلقش بكره بعد الغداء الرد هيوصلنى
سمير وهو يكتم ضحكته بصعوبه من قله حيلته معها اشمعنا الغداء ماينفعش فطار
والدته مواعيده كده هنعمل ايه كان ممكن اخلص انهارده معاه بس حظك وحش ماشفتهاش بس ماتقلقش العينه بينه وان شاء الله هيوافق
سمير على مين
والدته العروسه يابنى لا انت مش مركز خالص اكيد جعان هغير واجهزلك الاكل حالا .
تكمل الصعود وهى تدندن وتتمايل قليلا فى حركتهايااام العروسه سمعينا زغروته يام العريس بكره نفرح ونهيس
سمير من الاسفل يضرب كف بالآخر هى ماما راحت تقرا الفاتحه لنناه إجلال ولا لسامية جمال!
فى الرواق الخاص بالمشفى المتواجد به غرفه صالح تسير مع صديقاتها خلف زملائهن بقلق. يقفن أمام الباب بعد أن طرق أحدهم عليه يخرج كارم ناظرا لهم بابتسامه صغيره ينتظر أن يتحدث أحدهم بما يريد
أحد الشبان السلام عليكم ورحمه الله وبركاته .
كارم وعليكم السلام ورحمه الله وبركاته
أحد الشبان حضرتك احنا نبقى زمايل صالح فى الكليه وكنا عايزين نطمئن عليه لوينفع !
كارم بابتسامه اهلا وسهلا بيكم يابنى اكيد ينفع لحظه من فضلكم
يدخل إلى الغرفه يحادث زوجته بوجود زملاء صالح بالخارج
سامر بابا انا هروح ارحب بيهم ليتركهم ويرحل
علياء وهى تنظر إلى صالح انت كويس مش هيكون فى تعب عليك
صالح بابتسامه ضعيفة ما تقلقيش عليا ياست الكل بعدين العيال دى يشكروا أنهم جم اصلا ده انا هاريهم ضر يقاطعه حمححمه
متابعة القراءة
