عبير سالم

مليان عيال

أمجد داده الله يخليكى بلاش السيرة دى بتضايق لما بسمعها

الخادمه ليه بس يابنى الشړ برة وبعيد

أمجد بقولك ايه ياست الكل عاملالناايه من ايديكى الحلوين دول

الخادمه عاملالك صنية بطاطس باللحمه والرز اللى انت بتحبه

 أمجد ايوة كده هو ده الكلام بصي انا حدخل اغير على ماتحضرى السفرة

الخادمه من عينيه ياحبيبي

يدخل امجد حجرته ويخلع ملابسه ويرميها على الكرسي باهمال ويضع راسه بين كفيه

بينما تحدث الخادمه نفسها منها لله اللى كانت السبب منها لله

فى داخل إحدى المستشفيات

داليا حمد الله على السلامة يا حبيبتي

هبه الله يسلمك ياداليا تعبتك معايا ياحبيبتى

داليا تعبك راحه ياقلبي المهم أن ربنا قومكم بالسلامه انتى والقمر بتاعنا ياخلاثى على الجمال حته من  شادي  

هبه ربنا يخليه يارب بس تصدقى ياداليا انا مكنتش متخيله ان ربنى حيكرمنى وحولد طبيعي

داليا الحمد لله ياحبيبتى ربنا عالم بحالنا كلها يومين اتنين وتبقى زى الفل

هبه ألف حمد وشكر ليك يارب

يدخل شادى حبيبتي عامله ايه دلوقتي

هبه الحمد لله والله يا حبيبي بخير

يتجه  شادي   ناحية سرير الطفل وينظر اليه بسم الله ماشاء الله ربنا يباركلنا فيك ياحبيبي يارب

هبه انا دفعت حساب المستشفى خلاص واول ماتحسي انك تقدرى تمشي حنروح على طول

هبه حاضر يا حبيبي

داليا ايه يا جماعة قررتوا تسموه ايه

ينظر  شادي   الى هبه فهو يعلم مافى نفسها وماتريد ان تسمي به الطفل فيجلس بجانبها ويحتضنها ثم يقبل جبهتها حنسميه كريم ان شاء الله

داليا بجد كريم هيييييه ده احلى اسم فى الدنيا

تبتسم هبه لشادى بسعاده كبيرة

هبه ربنا يخليك لينا يا رب ياحبيبي

شادى ويخليكى لينا ياام كريم

داخل كلية الطب

هدير وهى خارجه من المحاضرة وتتحدث الى حياة انا قلقانه اوى من الماده دى ياحياة خاېفه اطلع بيها

حياة هى فعلا ماده صعبه اوى ربنا يستر بقى

هدير يارب ياحياة دى الامتحانات بعد يومين ربنا يستر

حياة ياستى سيبيها على الله بقولك ايه يادودو اسر جاى دلوقتى عشان حيروح معايا عند الدكتورة وبعد كده حنروح نتغدى عند ماما ماتستني وتروحى على سكتنا

هدير لا ياروحي روحوا انتوا بالف سلامه اولا طريقى مش حيكون طريقكم وثانيا انا عاوزة امشي دلوقتي عشان الحق احضر الغدا قبل مااشرف يرجع من الشغل

حياة طيب ياحبيبتى على راحتك وخللى بالك من نفسك

هدير تسلم على حياة وتغادر الجامعه وتتحرك ناحية الترام لتنتظر قدومه

فجاة تجد من يصطدم فى كتفها وهى تمشي فى بداية الامر لم تنتبه اليه حيث كان مرتدى نظارة شمسيه وبدون لحية

هدير اسفه حضرتك

أمجد وانا مش قابل اسفك

هدير يادى النيلة علية هو انت انت بتراقبنى واللا لاء

أمجد وهو يخلع النظارة ايوة انا عند سيادتك مانع

هدير نعم خير فى حاجه عاوز منى ايه

أمجد وهو انتى بتعاز منك ايه اصلا حكون طمعان فى العزبه اللى ورثاها من باباه الباشا واللا طمعان فى جمالك مثلا

هدير صحيح انا ابويا الله يرحمه مورثتش منه عزبه بس ورثت منه الادب والاخلاق اللى انت وامثالك متعرفوش عنها حاجه وصحيج انا مش جميله فى الشكل بس جميله باخلاقى بس اللى شبهك اعمى البصر والبصيرة

ثم تنظر هدير اليه بقرف وتبدا فى التحرك دون انتظار سماع اى كلمه منه

يمسكها أمجد من يدها انتى ازاى تمشي قبل مااكمل كلامى انا لما اكون بكلمك متتحركيش قبل انا مسمحلك بده انتى فاهمه واللا لاء

هدير وهى تشد يدها من قبضة يده لاء مش فاهمه انت عاوز منى ايه جايلي هنا ليه حاططنى فى دماغك ليه ماتشيلنى من دماغك بقى يااخى

أمجد كان على عيني انا مش حشيلك من دماغى غير لما اخليكى تندمى على اليوم اللى ايدك اتمدت فيها علية

هدير على راحتك اللى انت عاوز تعملله اعمله تمام شوف ايه اللى يريحك واعمله بس اياك تتعرضلي تانى واللا تقف فى طريقى انت فاهم

أمجد تصدقى خفت منك انا بقى حبقى عملك الاسود اللى حيطلعلك كل شويه ادامك

هدير انا اذا كان فى عمل سوده فى حياتى تبقى انت انا بكره اليوم اللى شفتك فيه وخلاك تعرفنى انت أسوأ حاجه حصلتلي فى حياتى انا بكرهك بكرهك انت فاهم انا بكره اللحظه اللى عملت نفسك فيها الشهم اللى بينقذ. بنت غلبانه من ناس كانوا عاوزين ينهشوافى لحمها

تصدق انك زيهم متفرقش عنهم حاجه هما كانوا عاوزين ينهشوا لحمى وانت بردو بتنهش فى فقرى وقلة حيلتى انا صحيح مفيش حاجه فى ايدي اعملهالك ولا اقدر ااذيك ياحضرة الظابط لكن انا مش حقولك غير ربنا ينتقم منك ويوجع قلبك زى ماوجعت قلبي بكل كلمه قولتهالى

وربنا يقهرك زى مابتقهرنى انت مش ممكن تكون بنى ادم طبيعى انت انسان مريض كل همه في الدنيا انه يؤذى اللى حواليه ويجرح فيهم

وادينى بقولك اهو لاخر مرة وشك ده مش عاوزة اشوفه تانى انت فاهم واللا لاء ولازم تعرف انى انا بكرهك بكرهك من كل قلبي

تمشي سريعا

من امامه ولكنه هذه المرة لم يتعرض لها ولم يرد عليها بل تركها تمشي ثم اخذ يحدث نفسه خلاص ارتحت كده يارب تكون ارتحت لما قالتلك انك اكتر شخص بتكرهه فى حياتها

فى فيلا مؤمن

وفاء حبيبة قلبي تعبانه حسه بحاجه

نور مش عارفه ياماما بس حسه انى تقيله اوى

وفاء معلش يا حبيبتي ربنا يقويكى يارب ويتملك على خير

نور خاېفه اوى ياماما قلقانه حد فيهم يحصللوا حاجه

وفاء الشړ برة وبعيد ان شاء الله ييجوا بالف سلامه يا قلبي وميضيعش تعبك فيهم

نور انتى عارفه ياماما انا كنت فاكرة ان اللى بيجيبوا تلاته دول اللى عاملين حقن مجهرى او اطفال أنابيب لكن حمل طبيعى وتلاته

وفاء من الاكل اللى بناكلوه ياحبيبتى كله هرمونات وقرف وسبحان الله بيجي مع ناس عكس ناس يعنى ممكن يسبب عقم لواحده وممكن يعمل زى ماعمل معاكى كده وتجيبى اكتر من واحد وفوق ده كله ارادة ربنا فوق كل شئ

نور ونعم بالله بس اكيد حيبقوا صغيرين اوى ياماما دول تلاته

وفاء ياستى ولايهمك صغيرين صغيرين المهم تقومى انتى وهما بالف سلامه وبعد كده يكبروا ويملوا علينا البيت ياااه يانور ده انا بحلم باليوم ده بفارغ الصبر نفسي اوى ييجى واشيل ولادك قبل مااقابل وجه كريم

 نور بعد الشړ عنك يا ماما ربنا يهليكى لينا ياست الكل وتربيهم وتكبريهم وتجوزيهم كمان

وفاء هههههههه ده انا بقى يحطونى فى المتحف المصرى انا كان كل املى فى الدنيا انى اطمن على مؤمن مع بنت الحلال اللى تريح باله وتسعده وتهنيه والحمد لله ربنا استجاب لدعائى ورزقنا بيكى باحبيبة قلبي وبعد كده طمعت ودعيت ربنا ان ربنا يرزقكم بالذريه الصالحه والحمد لله ربنا استحاب لدعائى وكرمه كان واسع اوى مش عاوزة اكون طماعه اكتر من كده يانور

نور وهى تقبل يديها انا اللى حدعى ربنا انه يخليكى لينا ومننحرمش منك العمر كله يااحن ام فى الدنيا كلها

يدخل عليهم مؤمن ياسلام ياسلام انتوا هنا عمالين تحبوا فى بعض وانا عصافير بطنى بتزقزق

نور ووفاء هههههههه

وفاء على ماتغير يكون الاكل جاهز ياقلبي من جوة

يجلس مؤمن بجوار نور ويقبلها من خدها المزة بتاعتى عامله ايه

نور مزة قول جاموسه ده انا بقيت شبه الفيل انا مش عارفه على مااولد حكون عامله ازاى شكلى حيبقى عجيب اوى

مؤمن حبيبة قلبي معلش كله فداكى انتى والولاد ياقلبي

 نور انا مش خاېفه غير من فارس ده حيتريق علية تريقه لما يشوفنى

مؤمن فارس هههههههه ده مشكله كل مايشوفنى يفضل يقوللى ياهرقليز يارجل المهام الصعبه بجد فارس ده ملوش حل شخصيه فريده من نوعها عمرى ماقابلت ولا عرفت حد فى حياتى فى طباعه دى

نور بس طيب اوى والله

مؤمن عارف والله يانور وربنا يعلم انى بحبه وبعز عيلتكم كلها انتوا اهلى يانور اللى ربنا عوضنى بيهم

نور حبيبي ربنا يخليك لية يارب

ثم تقول ايه ده

مؤمن فى حاجه حبيبتى

نور مش عارفه بس حسيت زى بنقرة كتكوت كده اكيد واحد من ولادك سمعنا واحنا بنتكلم

مؤمن هههههههه انتوا ياجماعه ياللى جوة بالراحه على ماما متتعبوهاش

طرق على الباب

يفتح مؤمن الباب ايوة ياداده

الداده الست وفاء يتقولكم انزلوا عشان الاستاذ فارس تحت مستنيكم

مؤمن حاضر نازلين حالا

نور هههههههه هههههههه جه على السيرة

تنزل نور على الدرج وهى ممسكه بيد مؤمن فيراهم فارس

فارس بالراحه ياخاحه واحده واحده على اقل من مهلك

نور فارس حبيبي وحشتينى

يحتضنها فارس حبيبة قلبي انتى وحشتينى اكتر قلت اجى اشوفك واتغدى عندكم احسن انا اتصلت بيهم فى البيت وقال ايه عاملين النهارده شوربة خضار وفراخ مسلوقه عشان عندهم برد

طب انا ذنب امى ايه هما ناس عيانه وپتخاف على صحتها لكن انا واحد عاوز اكل انا راجل تعبان وشقيان فقلت اجى اشوفكم عاملين اكل ايه انتوا كمان

وفاء حبيبي انت تنور فى اى وقت ولو نفسك فى حاجه اتصل وانا اعملك كل اللى نفسك فيه

فارس بصي ياطنط ياام البطل بتاعنا انا عاوزك تدينى زيوت مهدرجه وكوليستيرول بقى ومعجنات ودهون وعيشي حياتك انا بحب الاكل الدسم مش اكل الجماعه بتوع الشوكه والسکينه واللى بيعدوا حبات الرز وهما بياكلوها

وفاء هههههههه من عينيه بس النهارده بقى معلش

فارس لاء قلبي حموت متقوليهاش ارجوكى اوعى قلبك يطاوعك وتنطقيها فى وشي اوعى تقولى انك عامله شوربة خضار انتى كمان والله حتلاقينى متمدد هنا فى الارض

وفاء ونور ومؤمن هههههههه هههههههه هههههههه

وفاء حرام عليك يابنى انا مش ادك لاياحبيبي اطمن انا بس قصدى اننا عاملين النهارده سمك مقلي ورز صياديه وجمبري

فارس الله سمك وجمبري دى حتبقى ليلة ياعمده

ثم يهمس لمؤمن الحاجه متوصيه بيك اوى ياابو الرجال وهو انت ناقص جمبري كمان ايه ناوى تولع فى البيت واللا ايه بقولك ايه بالراحه كده على اختى اه البت حامل يااخويا وانا خاېف عليها يابطل

مؤمن الله يخرببيت فقرك اتلم يا تحفه

فارس انا ملموم والله المهم انتوا اللى تتلموا وتراعو شعور الناس الغلابه

تبدا الخادمه فى وضع الطعام على السفرة ثم يقومون ويتناولون الطعام

اسر بقولك ايه يامؤمن اوعى تقرب على الجمبري ده خطړ عليك ياحبيبي سيبهولى انا محتاج تغذيه حاسس نفسي هفتان اليومين دول

مؤمن طب هات جمبريايه طيب ده انا اللى طالبه

فارس طالب جمبري ليه أن شاء الله عاوز تعمل ايه تانى اكتر من اللى عملته مؤمن ارجوك قللى مش انا اللى جوزتك البت اختى متخبيش علية ياجوز اختى هو السر فى الجمبري بس انا طول عمرى باكل جمبري ومعملش حاجه

هو انتوا بتشتروا الجمبري ده منين ياجماعه

وفاء ده جاى وصايه ياحبيبي من البحر الاحمر

فارس البحر الاحمر بقى والشعاب المرجانيه والليله تبقى حمرا

يجد مؤمن يمد يده لياخذ جمبري فيضربه على يده

فارس كده كخه ازاى تمد ايدك على طبق الجمبري

نور هههههههه حبيبي اديله ده عينه فيه

فارس لا انا محبش اكل حاجه وحد عينه فيها خد يااخويا كل قال يعنى عنده نقص فى الفسفور امال احنا نعمل ايه ده انا شكلى حشترى البحر الاحمر بمېته

وفاء هههههههه هههههههه دمك عسل يافارس بقولك ايه تعالى اتغدى معانا بكرة وهات ملك ريان وحشنى اوى

فارس بس كده من عينيه بس قوليلي حتعملوا اكل ايه بكرة

وفاء حعملك م ممبار ومحاشي وكوارع وفته بالخل والتوم تاكل صوابعك وراها

فارس يااااه تصدقى جعت هو ده الكلام خلاص انا حجيب البت ملك والواد ريان وجايين بكرة ياااه كوارع ده انا حعمل عمايل ده انا حولع فى البيت وتبقى ليله ولا الف ليله وليله

بس بقولك ايه ياجوز اختى انت حتدي اخوك الغلبان منابك فى الكوارع وكفايه عليك الممبار ماشى

مؤمن خده ياسيدي على الله بس يتمر فيك

فارس اخس على قلة الاصل ده انا افضالى عليك متتعدش

كفايه انى السبب فى الجوازة دى اللى رفعت التعداد السكانى فى مصر

الجميع يضحكون ويتحدثون فى عدة موضوعات تشعر وفاء بسعاده شديده بهذا الجو العائلي فقد كانت من قبل وحيده هى وابنها واخيرا ابتسم لهم القدر وارسل لهم من يملاء عليهم الحياة

فى فيلا مصطفى

الجميع جالسون عى السفرة ياكلون ويضحكون ويتحدثون فى عدة موضوعات ولكن اسر كان يسرح من

وقت لاخر

عفاف  حبيبة قلبي طبقك زى ماهو

حياة مش قادرة ياماما حسه انى مليش نفس للاكل

عفاف  بس مينفعش كده يا قلب ماما انتى لازم تتغذى كويس عشان النونو ياحبيبتى واللا ايه يا اسر

اسر ايه بتقولوا حاجه

حياة مالك ياحبيبي فى حاجه شغلاك حساك من وقت ماجيت اخدتنى من الكليه وانت فى حاجه شغلاك

اسر لا ياحبيبتى متشغليش بالك دى قضيه جديده بس

مصطفى ربنا يقويك ياحبيبي

يسر حياة بعد ماناكل عاوزاكى تطلعي معايا فوق اوريكى شوية حاجات عاوزة اخد رايك فيها

حياة حاضر يا قلبي

اسر عامل ايه يا مالك وعيانينك اخبارهم ايه

مالك تمام والله الحمد لله واهوه ربنا يقوينى عليهم

اسر الا قوللى يامالك الممرضه اللى اتسجنت فى القضيه بتاعتك اخبار اهلها ايه بعد اللى حصلها

مالك والدتها اټوفت واختها جت اخدت بنتها وسافرت وهى فى السچن بس انت ايه اللى فكرك بيها

اسر انا منستهاش اصلا وكنت عاوز اطمن على امها اللى كانت فى المستشفى والبنت الصغيرة اللى كانت عايشه معاها

يسر انت طيب اوى يااسر ربنا يكرمك يا رب

اسر انا صحيح بحب ارجع الحقوق لاصحابها بس الناس اللى حواليهم ملهمش ذنب فى اللى حصلهم واوقات كتير بيبقوا صعبانين علية اوى

 مصطفى والله يااسر انت كل يوم بتعلى فى نظرى اكتر من اليوم اللى قبله

اسر ربنا يخليك يادكتور

بعد مرور يومين فى مكتب اسر

يجلس اسر فى مكتبه يفحص احدى القضايا فيجد فرح تدق الباب وتدخل اليه استاذ اسر الظابط امجد برة عاوز يدخلك

اسر خليه يدخل

يدخل امجد ويسلم عليه

اسر امجد باشا عامل ايه خير ان شاء الله

امجد ايه ياعم المقابل دى هو انا يعنى مبجيش غير لما يكون فى سبب

اسر المكتب مكتبك تنور ياباشا

تدخل فرح بفنجان القهوة وتضعه امامهم وتخرج بينما كان أمجد جالسا يتلفت حوله

اسر وهو يشرب القهوة وبدون ان ينظر اليه عندهم امتحانات ومبتجيش ربنا معاهم

أمجد انت بتكلمنى انا

اسر لاء بكلم الحيطه اللى قدامى اللى حتنطق وتسأل عن ناس معينين

امجد فى ايه يااسر مالك انت بقيت بتتكلم بالالغاز واللا ايه

اسر انا لابتكلم بالالغاز ولا حاجه كل الحكايه انى فاهمك ياصاحبي وفاهم اللى فى دماغك كويس وعارف كمان سبب زيارتك لية النهارده

وانك